जोहा 14
14
जिसु दो बाबा ठेन चालाक् होर
1“आपेयाक् मोन दो आलो खादबादावक्तापेमा, इसोररे पा़तिया़उक्पे, आर इञरे हों पा़तिया़उक्पे 2आ़पुञ ओड़ाक्रे आ़डि उता़र ताहेन ठा़ँइ मेनाक्आ, जुदि आलो ताहेन खान इञ ला़इकेपेया होनाङ, एनते ठा़ँइ तेयारापे ला़गित् इञ चालाक्काना। 3आर सेनकाते आपे ला़गित् ठा़ँइ इञ तेयारले खान इञ रुवा़ड़ हिजुक्आ, आर इञ ठेनिञ आताङ इदिपेया, जेमोन इञ ओकारेञ ताहेन, आपे हों ओंडेपे ताहेन। 4आर ओकातेञ चालाक्काना, ओना होर मापे बाडायगे।”
5थोमाय मेताय काना, “ए प्रोभु बाले बाडाया ओकातेम चालाक्काना, चेकाते होर दोले बाडाया?” 6जिसुइ मेताय काना, “होरतेत् आर सा़रियाक्तेत् आर जियोनतेत् दोञ इञ कानगेया, इञ होतेते बाङ खान ओकोय हों बाबा ठेन दो बाको सेटेरोक्आ। 7इञपे बाडायलिञ खान आ़पुञ होंपे बाडायकेया, नित खोन दो उनिपे बाडायेया आरपे ञेल आकादेया,”
8फिलिपे मेताय काना, “ए प्रोभु, बाबा बाड़े उदुक्आलेमे इना़गे आले ला़गित् ढेरा,”
9जिसु दो उनिये मेताय काना, “नुन दिन आपे तुलुच् मिना़ञा आर बाम बाडायआकादिञा फिलिप? ओकोय इञे ञेल आकादिञिच् दो बाबाये ञेल आकादेया, चेकातेम मेनेदा, बाबा उदुक्आलेमे? 10चेत् बाम पा़तिया़उक् काना इञ दो बाबारे, आर बाबा दो इञरे मेनाया मेनते? ओकाको काथाञ ला़इयापेकान, इञ निजेते दो बा़ञ रोड़ेदा, इञरेय ताहेनकान आ़पुञगे आयाक् का़मिकोय का़मियेदा, 11पा़तिया़वा़ञपे, बाङमा, इञ दो बाबारे मिना़ञा आर बाबा दो इञरे, आर बाङ खान का़मितेत्को इया़ते इञरे पा़तिया़उक्पे। 12सा़रि सा़रिगेञ मेतापेकाना, इञरे पा़तिया़उक्इच् दो, ओकाको का़मि इञिञ का़मि एदा, उनि होंए का़मिया, आर ओनाको खोन हों माराङाक्कोय का़मिया, एनते बाबा ठेनिञ चालाक्कान। 13इञ ञुतुमते जाहानाक्पे कोय ओनाञ ओनकाया, जेमोन बाबा दो होपोनरेये ठोनोकोक्। 14इञ ञुतुमते जाहानाक्पे कोयले खान, ओनाञ ओनकावापेया।”
सोनोत जिउ कोले रेयाक् गोक्आक्
15“जुदि इञपे दुला़ड़िञ खान, इञाक् हुकुमकोपे दोहोया। 16आर इञ दो बाबाञ कोयेया, आर उनि दो मित्टेन एटाक् सोक्होत्इच् ए एमापेया, जायजुग आपे तुलुच् ताहेना मेनते, 17उनि सा़रियाक्रेन जिउगे, ओने उनि धा़रतिरेनको ओहोको आताङ दाड़ेले, एनते ञेल हों बाको ञेलेकाना, आर बाडाय हों बाको बाडायेदेया। आपे दोपे बाडायेदेया, एनते आपे साँवतेये ताहेनकाना, आर आपेरेये ताहेना, 18बा़ञ टुवा़र ओटोकापेया, आपे ठेनिञ हिजुक्आ, 19आर थोड़ा घा़ड़ि खानगे धा़रतिरेनको दो आर बाको ञेलेञा, मेनखान आपे दोपे ञेलेञगेया, जिवेत् इञ ताहेनकानते, आपे हों जिवेत्पे ताहेना। 20एनहिलोक्गेपे बाडाया, बाङमा, इञ दो आ़पुञरे मिना़ञा, आर आपे दो इञरे, आर इञ दो आपे तुलुच् मिना़ञा। 21ओकोय ठेन इञाक् हुकुमको ताहेनकाना, आर ओनाकोय दोहोयेदा, उनिगे इञ दुक्ला़ड़िच् दो आर इञ दुक्ला़ड़िच् दो आ़पुञ ठेने दुला़ड़ ओचोक्आ, आर इञ होंञ दुला़ड़ेया आर इञतेत्गे उनि इञ सोदोराया।” 22जिहुदा़ (इसकारियोत दो बाङ) उनिये मेताय काना, “हेंदा प्रोभु, चेत् होयआकानते आले ठेनेम सोदोरोक् ला़गित् आर धा़रतिरेनको ठेन दो बाङ?” 23जिसुइ रोड़ रुवा़ड़ादेया, “जाहाँयगे इञे दुला़ड़िञ खान, इञाक् काथाय दोहोया, आर आ़पुञ दो उनिये दुला़ड़ेया, आर उनि ठेनलिञ हिजुक्आ आर उनि ठेनलिञ जायगाजोङा। 24इञ बाङ दुला़ड़िच् दो इञाक् काथा बाय दोहोया, आरपे आँजोमेत्कान काथा दो इञाक् दो बाङ काना, बिचकोम कोलआकादिञिच् आ़पुञ रेयाक्गे।”
25आपे साँवतेञ ताहेंकानरे नोवाको काथाञ गालमारावआकावात्पेया, 26मेनखान सोक्होत्इच् उनि सोनोत जिउ ओने उनि आ़पुञ दो इञ ञुतुमतेये कोले, उनिगे सानामाक्कोय चेत्आपेया आर ओकाकोञ ला़इयाकावात्पे सानामाक्कोय दिसा़ ओचोपेया। 27सुलुक इञ दोहो ओटोवापेकाना इञाक् सुलुकगेञ एमापेकाना, धा़रतिये एमोक्कान लेका दो बा़ञ एमापेकाना। आपेयाक् मोन दो आलो खादबादावक्तापेमा आर आलो डुरुकिया़क्तापेमा। 28आँजोमकेदापे इञिञ मेतात्पेया बाङमा इञिञ चालाक्आ आर आपे ठेनिञ रुवा़ड़ हिजुक्आ। इञपे दुला़ड़लिञ खान, बाबा ठेनिञ चालाक्कान इया़तेपे रा़सका़कोक्आ होनाङ, एनते बाबा दो इञ खोने माराङगेया। 29आर नितोक् दो ओना आ़उरि होयोक्रेगेञ ला़इयाकावात्पेया, जेमोन होयलेनरेपे पा़तिया़उक्। 30आपे तुलुच् आर ढेर दो बा़ञ गालमारावा, एनते नोवा धा़रतिरेन राजे हिजुक्काना, आर उनि दो इञ बाय आ़धिन दाड़ेञा। 31मेनखान चेत् लेका बाबाय हुकुमाकावादिञ ओनकागेञ का़मियेदा, जेमोन धा़रतिरेनकोको बाडाय, बाङमा बाबाञ दुला़ड़ेदेया। मा बेरेत्पे देला नोंडे खोन दोबोन चालाक्आ।
നിലവിൽ തിരഞ്ഞെടുത്തിരിക്കുന്നു:
जोहा 14: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
जोहा 14
14
जिसु दो बाबा ठेन चालाक् होर
1“आपेयाक् मोन दो आलो खादबादावक्तापेमा, इसोररे पा़तिया़उक्पे, आर इञरे हों पा़तिया़उक्पे 2आ़पुञ ओड़ाक्रे आ़डि उता़र ताहेन ठा़ँइ मेनाक्आ, जुदि आलो ताहेन खान इञ ला़इकेपेया होनाङ, एनते ठा़ँइ तेयारापे ला़गित् इञ चालाक्काना। 3आर सेनकाते आपे ला़गित् ठा़ँइ इञ तेयारले खान इञ रुवा़ड़ हिजुक्आ, आर इञ ठेनिञ आताङ इदिपेया, जेमोन इञ ओकारेञ ताहेन, आपे हों ओंडेपे ताहेन। 4आर ओकातेञ चालाक्काना, ओना होर मापे बाडायगे।”
5थोमाय मेताय काना, “ए प्रोभु बाले बाडाया ओकातेम चालाक्काना, चेकाते होर दोले बाडाया?” 6जिसुइ मेताय काना, “होरतेत् आर सा़रियाक्तेत् आर जियोनतेत् दोञ इञ कानगेया, इञ होतेते बाङ खान ओकोय हों बाबा ठेन दो बाको सेटेरोक्आ। 7इञपे बाडायलिञ खान आ़पुञ होंपे बाडायकेया, नित खोन दो उनिपे बाडायेया आरपे ञेल आकादेया,”
8फिलिपे मेताय काना, “ए प्रोभु, बाबा बाड़े उदुक्आलेमे इना़गे आले ला़गित् ढेरा,”
9जिसु दो उनिये मेताय काना, “नुन दिन आपे तुलुच् मिना़ञा आर बाम बाडायआकादिञा फिलिप? ओकोय इञे ञेल आकादिञिच् दो बाबाये ञेल आकादेया, चेकातेम मेनेदा, बाबा उदुक्आलेमे? 10चेत् बाम पा़तिया़उक् काना इञ दो बाबारे, आर बाबा दो इञरे मेनाया मेनते? ओकाको काथाञ ला़इयापेकान, इञ निजेते दो बा़ञ रोड़ेदा, इञरेय ताहेनकान आ़पुञगे आयाक् का़मिकोय का़मियेदा, 11पा़तिया़वा़ञपे, बाङमा, इञ दो बाबारे मिना़ञा आर बाबा दो इञरे, आर बाङ खान का़मितेत्को इया़ते इञरे पा़तिया़उक्पे। 12सा़रि सा़रिगेञ मेतापेकाना, इञरे पा़तिया़उक्इच् दो, ओकाको का़मि इञिञ का़मि एदा, उनि होंए का़मिया, आर ओनाको खोन हों माराङाक्कोय का़मिया, एनते बाबा ठेनिञ चालाक्कान। 13इञ ञुतुमते जाहानाक्पे कोय ओनाञ ओनकाया, जेमोन बाबा दो होपोनरेये ठोनोकोक्। 14इञ ञुतुमते जाहानाक्पे कोयले खान, ओनाञ ओनकावापेया।”
सोनोत जिउ कोले रेयाक् गोक्आक्
15“जुदि इञपे दुला़ड़िञ खान, इञाक् हुकुमकोपे दोहोया। 16आर इञ दो बाबाञ कोयेया, आर उनि दो मित्टेन एटाक् सोक्होत्इच् ए एमापेया, जायजुग आपे तुलुच् ताहेना मेनते, 17उनि सा़रियाक्रेन जिउगे, ओने उनि धा़रतिरेनको ओहोको आताङ दाड़ेले, एनते ञेल हों बाको ञेलेकाना, आर बाडाय हों बाको बाडायेदेया। आपे दोपे बाडायेदेया, एनते आपे साँवतेये ताहेनकाना, आर आपेरेये ताहेना, 18बा़ञ टुवा़र ओटोकापेया, आपे ठेनिञ हिजुक्आ, 19आर थोड़ा घा़ड़ि खानगे धा़रतिरेनको दो आर बाको ञेलेञा, मेनखान आपे दोपे ञेलेञगेया, जिवेत् इञ ताहेनकानते, आपे हों जिवेत्पे ताहेना। 20एनहिलोक्गेपे बाडाया, बाङमा, इञ दो आ़पुञरे मिना़ञा, आर आपे दो इञरे, आर इञ दो आपे तुलुच् मिना़ञा। 21ओकोय ठेन इञाक् हुकुमको ताहेनकाना, आर ओनाकोय दोहोयेदा, उनिगे इञ दुक्ला़ड़िच् दो आर इञ दुक्ला़ड़िच् दो आ़पुञ ठेने दुला़ड़ ओचोक्आ, आर इञ होंञ दुला़ड़ेया आर इञतेत्गे उनि इञ सोदोराया।” 22जिहुदा़ (इसकारियोत दो बाङ) उनिये मेताय काना, “हेंदा प्रोभु, चेत् होयआकानते आले ठेनेम सोदोरोक् ला़गित् आर धा़रतिरेनको ठेन दो बाङ?” 23जिसुइ रोड़ रुवा़ड़ादेया, “जाहाँयगे इञे दुला़ड़िञ खान, इञाक् काथाय दोहोया, आर आ़पुञ दो उनिये दुला़ड़ेया, आर उनि ठेनलिञ हिजुक्आ आर उनि ठेनलिञ जायगाजोङा। 24इञ बाङ दुला़ड़िच् दो इञाक् काथा बाय दोहोया, आरपे आँजोमेत्कान काथा दो इञाक् दो बाङ काना, बिचकोम कोलआकादिञिच् आ़पुञ रेयाक्गे।”
25आपे साँवतेञ ताहेंकानरे नोवाको काथाञ गालमारावआकावात्पेया, 26मेनखान सोक्होत्इच् उनि सोनोत जिउ ओने उनि आ़पुञ दो इञ ञुतुमतेये कोले, उनिगे सानामाक्कोय चेत्आपेया आर ओकाकोञ ला़इयाकावात्पे सानामाक्कोय दिसा़ ओचोपेया। 27सुलुक इञ दोहो ओटोवापेकाना इञाक् सुलुकगेञ एमापेकाना, धा़रतिये एमोक्कान लेका दो बा़ञ एमापेकाना। आपेयाक् मोन दो आलो खादबादावक्तापेमा आर आलो डुरुकिया़क्तापेमा। 28आँजोमकेदापे इञिञ मेतात्पेया बाङमा इञिञ चालाक्आ आर आपे ठेनिञ रुवा़ड़ हिजुक्आ। इञपे दुला़ड़लिञ खान, बाबा ठेनिञ चालाक्कान इया़तेपे रा़सका़कोक्आ होनाङ, एनते बाबा दो इञ खोने माराङगेया। 29आर नितोक् दो ओना आ़उरि होयोक्रेगेञ ला़इयाकावात्पेया, जेमोन होयलेनरेपे पा़तिया़उक्। 30आपे तुलुच् आर ढेर दो बा़ञ गालमारावा, एनते नोवा धा़रतिरेन राजे हिजुक्काना, आर उनि दो इञ बाय आ़धिन दाड़ेञा। 31मेनखान चेत् लेका बाबाय हुकुमाकावादिञ ओनकागेञ का़मियेदा, जेमोन धा़रतिरेनकोको बाडाय, बाङमा बाबाञ दुला़ड़ेदेया। मा बेरेत्पे देला नोंडे खोन दोबोन चालाक्आ।
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025