जोहा 13
13
जिसु आच्रेन चेलाकोवाक् जाङगाय आ़बुककेत्
1आदो सेन पारोम पोरोब आ़उरिरे जिसु दो धा़रति खोन आपात ठेन चालाक् ओकते सेटेरेनताये बाडायकेत्ते, नोवा धा़रतिरेको ताहेंकानताय आच्रेनकोय दुला़ड़ आ़गुकेत्को लेका मुचा़त् हा़बिच् ए दुला़ड़केत्कोवा।
2आर केदोक् जोखेच् सायतान दो सिमोन होपोन जिहुदा़ इसकारियोताक् मोनरे उनि सोपरोते ला़गित् ए एर आदेर माड़ाङ आकावादे ताहेंकाना, 3जिसु दो आपात आच् तिरे सानामाक्कोय एम आकावादे, आर इसोर खोने हेच् आकान आर इसोर ठेने चालाक्काने बाडायकेत्ते 4केदोक् खोन बेरेत्काते ओयोनाक्ए दोहोकेदा आर मित्टेन गामछा हातावकातेये पाठेयेना। 5ओनाकाते भाजानरे दाक्ए दुलकेदा, आर चेलाकोवाक् जाङगा आ़क्बुक आर ओनेये पाठे आकान ताहेंकान गामछाते जोजोत्ए एहोप् एना।
6आदो सिमोन पातरास ठेने सेटेरेन खान, उनि दोए मेताय काना, “हेंदा प्रोभु, आम दो इञाक् जाङगाम आ़बुक ला़गित्?”
7जिसुइ रोड़ रुवा़ड़ादेया, “चेत् इञ चेकायेत् आम नितोक् दो बाम बाडाय एदा, मेनखान तायोमतेम बुजहा़वा।”
8पातरासे मेताय काना, “इञाक् जाङगा दो तिस हों ओहोगेम आ़बुक ञावाना।” जिसुइ रोड़ रुवा़ड़ादेया, “बा़ञ आ़बुकलेम खान इञ तुलुच् बाखरा दो बा़नुक्तामा।”
9सिमोन पातरासे मेतादेया, “ए प्रोभु इञाक् जाङगा एसकार दो आलो, मेनखान ति हों आर बोहोक् हों आ़बुकका़तिञमे,”
10जिसुइ मेताय काना, “उम आकानिच् दो जाङगा आ़बुकोक् छाडा जाहान जा़रुड़ दो बा़नुक्ताया, बिचकोमे साफा उता़रगेया, आर आपे दोपे साफागेया, मेनेक् जोतो दो बाङ।” 11एनते आच् सोसोपरोतिच्ए बाडायाकादे ताहेंकाना, ओनातेये मेनकेदा बाङमा, “जोतो दो बापे साफावा।” 12आदो जिसु जाङगाय आ़बुककेत्ताको खान आर ओयोनाक् हातावकातेये दुड़ुप् रुवा़ड़ेन खाने मेतात्कोवा, “बुजहा़वेदापे चेत् इञ चेकावात्पे? 13आपे दो गुरु आर प्रोभु मेनकातेपे होहोवा़ञ काना आर बोगेगेपे मेनेदा, एनते उनि कानगेयाञ। 14ओनाते इञ प्रोभु आर गुरु हुया़ँते, आपेयाक् जाङगाञ आ़बुककेत्तापे खान आपे हों मित् एटाक्कोवाक् जाङगा आ़बुक जा़रुड़कानतापेया, 15एनते मित्टेन ना़मुनाञ एमआकावात्पेया, जेमोन इञिञ चेकाआकावात्पे लेका आपे होंपे ओनकाए। 16सा़रि सा़रिगेञ मेतापेकाना, गोलाम दो आच्रेन किसा़ँड़ खोन बाय माराङा आर कोलिच् हों काथा कोकोलिच् खोन दो बाय माराङा। 17नोवाकोपे बाडाय खान, भा़गानगेयापे ओनाकोपे ओनकालेखान।”
18“आपे जोतोको रेयाङ दो बा़ञ रोड़ेदा, इञिञ बाडाया ओकोयकोञ बाछाव आकात्को, मेनखान जेमोन सोसतोर रेयाक् काथाको पुरा़उक्, एनकाथाय इञाक् पिठा़ जोजोमिच् दो इञ उपा़रते इडिये तुलकेत्ताया। 19नित खोन इञ ला़इयापेकाना आ़उरि होयोक्रेगे, जेमोन ओना होयलेनरेपे पा़तिया़उक् इञ कानगेयाञ मेनते। 20सा़रि सा़रिगेञ मेतापेकाना, जाहाँयगेञ कोले, उनि आक्ताङिच् दो इञगेये आताङिञा, आर इञ आक्ताङिच् दो कोल आकादिञिच्गेये आताङेया।”
आयाक् सोपरोत ओचोक् रेयाङे ला़इ लाहायेत्
(माथ 26:20-25; मा़र 14:17-21; लु 22:21-23)
21नोवाको मेनकाते जिसु दो जिउरेये खादबादाव एना, आर गोहा एमकातेये मेनकेदा, “सा़रि सा़रिगेञ मेतापेकाना आपे मोदरेन मित् होड़ इञे सोपरोतिञा।”
22चेलाको दो दिगधा़येनतेको बेपेङगेत्आना, ओकोय रेयाङे रोड़ेदा मेनते। 23उनिरेन चेलाको मोदरेन मित् होड़ दो जिसुवाक् कोड़ामरे टेंडारकातेय दुड़ुप् आकान ताहेंकाना, ओने उनि जिसुइ दुला़ड़ेकान ताहेंकान। 24सिमोन पातरास दो उनि सेच् इसा़रावादेतेये मेतादेया, “ला़इयालेमे ओकोय कानाय ओने उनि रेयाङे रोड़ेत्काना।”
25पातरास दो जिसुवाक् कोड़ामरे टेंडारेनतेये कुलिकेदेया, “हेंदा प्रोभु ओकोय कानाय?” 26खान जिसुइ रोड़ रुवा़ड़केदा, “उनि कानगेयाय, ओकोय ला़गित् पिठा़ केचाक् इञ तोपोय आर इञ एमाय।” आदो पिठा़ केचाक् तोपोकाते ओनाय ओवारकेदा आर ओना दो सिमोन इसकारियोत होपोन जिहुदा़इ एमादेया। 27आर पिठा़ केचाक् ञाम तायोम खानगे सायतान दो उनिरेये बोलोयेना।
खान जिसु दो उनिये मेतादेया, “चेत्एम चेकाय ला़गिदोक्कान, उसा़रायमे।” 28मेनखान मेज ठेनको दुड़ुप् आकानको दो ओकोय हों बाको बुजहा़उलेदा चेत्मेनते ओना दोए मेतादेया। 29एनते आदोमको दोको बुजहा़उकेदा, जिहुदा़ ठेन था़इला़क् ताहेंकान इया़ते पासेच् जिसु दोए मेताय काना, पोरोब ला़गित् ओकाको जा़रुड़ मेनाक्ताबोन किरिञमे, से रेङगेच् ओरेच्को जेमोन जाहानाक्ए एमाको, 30खान पिठा़ केचाक्ए हातावकेत् खान, साटमेनतेये ओडोक चालावेना, आर ञिंदा़ ओकते ताहेंकाना।
नावाँ हुकुम
31आदोए ओडोक चालावेन खान जिसुइ मेनकेदा, “नितोक् दो मानवा होपोने ठोनोक ओचोयेना, आर उनिरे इसोरे ठोनोक ओचोयेना। 32आर इसोर मानवा होपोनरेये ठोनोक ओचोयेन खान, इसोर हों आच्रे उनिये ठोनोकेया, आर उसा़रागेये ठोनोकगोदेया। 33ए बाछाको, आर थोड़ा घा़ड़िच् आपे तुलुच् मिना़ञा, ञाम बाड़ाञापे, आर जिहुदिकोञ मेतात्को लेका बाङमा, ओकातेञ चालाक्काना, आपे दो ओहोपे सेन दाड़ेलेना, ओनकागे नितोक् दो आपे होंञ मेतापेकाना।”
34“मित्टेन नावाँ हुकुम इञ एमापेकाना, दुपुला़ड़पे, इञिञ दुला़ड़ाकात्पे लेका आपे हों दुपुला़ड़पे। 35नोवातेगे जोतो होड़को बाडाया इञरेन चेलाकोकानापे मेनते, खान आपे आपेरे दुपुला़ड़ ताहेन।”
पातरासाक् ञुरुक्ए ला़इ लाहायेत्
(माथ 26:31-35; मा़र 14:27-31; लु 22:31-34)
36सिमोन पातरास दो उनिये मेताय काना, “हेंदा प्रोभु,ओकातेम चालाक्काना?” जिसुइ रोड़ रुवा़ड़केदा, “ओकातेञ चालाक्काना, नितोक् दो ओहोम पाँजा दाड़ेलिञा, तायोमते दोम पाँजाञा।”
37पातरासे मेताय काना, “हेंदा प्रोभु, चेत् इया़ते नितोक् दो बा़ञ पाँजा दाड़ेयामा? इञाक् जिवि हों आम ला़गित् इञ आलाया।”
38जिसुइ रोड़ रुवा़ड़ादेया, “चेत् आमाक् जिवि इञ ला़गित्एम आलाया? सा़रि सा़रिगेञ मेतामकाना, पे धाव आ़उरिम बाङेञ हा़बिच् सिम सा़ंडि बाङगेये रागा।”
നിലവിൽ തിരഞ്ഞെടുത്തിരിക്കുന്നു:
जोहा 13: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025
जोहा 13
13
जिसु आच्रेन चेलाकोवाक् जाङगाय आ़बुककेत्
1आदो सेन पारोम पोरोब आ़उरिरे जिसु दो धा़रति खोन आपात ठेन चालाक् ओकते सेटेरेनताये बाडायकेत्ते, नोवा धा़रतिरेको ताहेंकानताय आच्रेनकोय दुला़ड़ आ़गुकेत्को लेका मुचा़त् हा़बिच् ए दुला़ड़केत्कोवा।
2आर केदोक् जोखेच् सायतान दो सिमोन होपोन जिहुदा़ इसकारियोताक् मोनरे उनि सोपरोते ला़गित् ए एर आदेर माड़ाङ आकावादे ताहेंकाना, 3जिसु दो आपात आच् तिरे सानामाक्कोय एम आकावादे, आर इसोर खोने हेच् आकान आर इसोर ठेने चालाक्काने बाडायकेत्ते 4केदोक् खोन बेरेत्काते ओयोनाक्ए दोहोकेदा आर मित्टेन गामछा हातावकातेये पाठेयेना। 5ओनाकाते भाजानरे दाक्ए दुलकेदा, आर चेलाकोवाक् जाङगा आ़क्बुक आर ओनेये पाठे आकान ताहेंकान गामछाते जोजोत्ए एहोप् एना।
6आदो सिमोन पातरास ठेने सेटेरेन खान, उनि दोए मेताय काना, “हेंदा प्रोभु, आम दो इञाक् जाङगाम आ़बुक ला़गित्?”
7जिसुइ रोड़ रुवा़ड़ादेया, “चेत् इञ चेकायेत् आम नितोक् दो बाम बाडाय एदा, मेनखान तायोमतेम बुजहा़वा।”
8पातरासे मेताय काना, “इञाक् जाङगा दो तिस हों ओहोगेम आ़बुक ञावाना।” जिसुइ रोड़ रुवा़ड़ादेया, “बा़ञ आ़बुकलेम खान इञ तुलुच् बाखरा दो बा़नुक्तामा।”
9सिमोन पातरासे मेतादेया, “ए प्रोभु इञाक् जाङगा एसकार दो आलो, मेनखान ति हों आर बोहोक् हों आ़बुकका़तिञमे,”
10जिसुइ मेताय काना, “उम आकानिच् दो जाङगा आ़बुकोक् छाडा जाहान जा़रुड़ दो बा़नुक्ताया, बिचकोमे साफा उता़रगेया, आर आपे दोपे साफागेया, मेनेक् जोतो दो बाङ।” 11एनते आच् सोसोपरोतिच्ए बाडायाकादे ताहेंकाना, ओनातेये मेनकेदा बाङमा, “जोतो दो बापे साफावा।” 12आदो जिसु जाङगाय आ़बुककेत्ताको खान आर ओयोनाक् हातावकातेये दुड़ुप् रुवा़ड़ेन खाने मेतात्कोवा, “बुजहा़वेदापे चेत् इञ चेकावात्पे? 13आपे दो गुरु आर प्रोभु मेनकातेपे होहोवा़ञ काना आर बोगेगेपे मेनेदा, एनते उनि कानगेयाञ। 14ओनाते इञ प्रोभु आर गुरु हुया़ँते, आपेयाक् जाङगाञ आ़बुककेत्तापे खान आपे हों मित् एटाक्कोवाक् जाङगा आ़बुक जा़रुड़कानतापेया, 15एनते मित्टेन ना़मुनाञ एमआकावात्पेया, जेमोन इञिञ चेकाआकावात्पे लेका आपे होंपे ओनकाए। 16सा़रि सा़रिगेञ मेतापेकाना, गोलाम दो आच्रेन किसा़ँड़ खोन बाय माराङा आर कोलिच् हों काथा कोकोलिच् खोन दो बाय माराङा। 17नोवाकोपे बाडाय खान, भा़गानगेयापे ओनाकोपे ओनकालेखान।”
18“आपे जोतोको रेयाङ दो बा़ञ रोड़ेदा, इञिञ बाडाया ओकोयकोञ बाछाव आकात्को, मेनखान जेमोन सोसतोर रेयाक् काथाको पुरा़उक्, एनकाथाय इञाक् पिठा़ जोजोमिच् दो इञ उपा़रते इडिये तुलकेत्ताया। 19नित खोन इञ ला़इयापेकाना आ़उरि होयोक्रेगे, जेमोन ओना होयलेनरेपे पा़तिया़उक् इञ कानगेयाञ मेनते। 20सा़रि सा़रिगेञ मेतापेकाना, जाहाँयगेञ कोले, उनि आक्ताङिच् दो इञगेये आताङिञा, आर इञ आक्ताङिच् दो कोल आकादिञिच्गेये आताङेया।”
आयाक् सोपरोत ओचोक् रेयाङे ला़इ लाहायेत्
(माथ 26:20-25; मा़र 14:17-21; लु 22:21-23)
21नोवाको मेनकाते जिसु दो जिउरेये खादबादाव एना, आर गोहा एमकातेये मेनकेदा, “सा़रि सा़रिगेञ मेतापेकाना आपे मोदरेन मित् होड़ इञे सोपरोतिञा।”
22चेलाको दो दिगधा़येनतेको बेपेङगेत्आना, ओकोय रेयाङे रोड़ेदा मेनते। 23उनिरेन चेलाको मोदरेन मित् होड़ दो जिसुवाक् कोड़ामरे टेंडारकातेय दुड़ुप् आकान ताहेंकाना, ओने उनि जिसुइ दुला़ड़ेकान ताहेंकान। 24सिमोन पातरास दो उनि सेच् इसा़रावादेतेये मेतादेया, “ला़इयालेमे ओकोय कानाय ओने उनि रेयाङे रोड़ेत्काना।”
25पातरास दो जिसुवाक् कोड़ामरे टेंडारेनतेये कुलिकेदेया, “हेंदा प्रोभु ओकोय कानाय?” 26खान जिसुइ रोड़ रुवा़ड़केदा, “उनि कानगेयाय, ओकोय ला़गित् पिठा़ केचाक् इञ तोपोय आर इञ एमाय।” आदो पिठा़ केचाक् तोपोकाते ओनाय ओवारकेदा आर ओना दो सिमोन इसकारियोत होपोन जिहुदा़इ एमादेया। 27आर पिठा़ केचाक् ञाम तायोम खानगे सायतान दो उनिरेये बोलोयेना।
खान जिसु दो उनिये मेतादेया, “चेत्एम चेकाय ला़गिदोक्कान, उसा़रायमे।” 28मेनखान मेज ठेनको दुड़ुप् आकानको दो ओकोय हों बाको बुजहा़उलेदा चेत्मेनते ओना दोए मेतादेया। 29एनते आदोमको दोको बुजहा़उकेदा, जिहुदा़ ठेन था़इला़क् ताहेंकान इया़ते पासेच् जिसु दोए मेताय काना, पोरोब ला़गित् ओकाको जा़रुड़ मेनाक्ताबोन किरिञमे, से रेङगेच् ओरेच्को जेमोन जाहानाक्ए एमाको, 30खान पिठा़ केचाक्ए हातावकेत् खान, साटमेनतेये ओडोक चालावेना, आर ञिंदा़ ओकते ताहेंकाना।
नावाँ हुकुम
31आदोए ओडोक चालावेन खान जिसुइ मेनकेदा, “नितोक् दो मानवा होपोने ठोनोक ओचोयेना, आर उनिरे इसोरे ठोनोक ओचोयेना। 32आर इसोर मानवा होपोनरेये ठोनोक ओचोयेन खान, इसोर हों आच्रे उनिये ठोनोकेया, आर उसा़रागेये ठोनोकगोदेया। 33ए बाछाको, आर थोड़ा घा़ड़िच् आपे तुलुच् मिना़ञा, ञाम बाड़ाञापे, आर जिहुदिकोञ मेतात्को लेका बाङमा, ओकातेञ चालाक्काना, आपे दो ओहोपे सेन दाड़ेलेना, ओनकागे नितोक् दो आपे होंञ मेतापेकाना।”
34“मित्टेन नावाँ हुकुम इञ एमापेकाना, दुपुला़ड़पे, इञिञ दुला़ड़ाकात्पे लेका आपे हों दुपुला़ड़पे। 35नोवातेगे जोतो होड़को बाडाया इञरेन चेलाकोकानापे मेनते, खान आपे आपेरे दुपुला़ड़ ताहेन।”
पातरासाक् ञुरुक्ए ला़इ लाहायेत्
(माथ 26:31-35; मा़र 14:27-31; लु 22:31-34)
36सिमोन पातरास दो उनिये मेताय काना, “हेंदा प्रोभु,ओकातेम चालाक्काना?” जिसुइ रोड़ रुवा़ड़केदा, “ओकातेञ चालाक्काना, नितोक् दो ओहोम पाँजा दाड़ेलिञा, तायोमते दोम पाँजाञा।”
37पातरासे मेताय काना, “हेंदा प्रोभु, चेत् इया़ते नितोक् दो बा़ञ पाँजा दाड़ेयामा? इञाक् जिवि हों आम ला़गित् इञ आलाया।”
38जिसुइ रोड़ रुवा़ड़ादेया, “चेत् आमाक् जिवि इञ ला़गित्एम आलाया? सा़रि सा़रिगेञ मेतामकाना, पे धाव आ़उरिम बाङेञ हा़बिच् सिम सा़ंडि बाङगेये रागा।”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025