२ कोरि ओपरोम
ओपरोम
२ कोरिन्थिको दो मा़सियाक् जानाम तायोम 55-56 बोछोर तालारे पावल आपोसतोल होतेते ओलाकाना (२ कोरि 1:1) पावल दो कोरिन्थि मान्डेररेनको ठेन बारया चिठिये ओल आकात्, ओना चिठि मोदरे नोवा चिठि दो दोसार चिठि काना। आ़किलान होड़कोवाक् पा़तिया़उ लेकाते, पावल दो नोवा खोन लाहारे कोरिन्थिको ठेन आ़डि केटेच् तेयाक् चिठिये ओल आकादा। ओना दो 2:3-4 रेये ओल आकादा, मेनखान ओना चिठि रेयाक् नोकोल दो आबो ठेन दो बा़नुक्आ। २ कोरिन्थिको दो हुइ दाड़ेयाक्आ पावल दो माकेदोनिया़रे ताहेंकान ओकतेरेये ओलकेदा (२ कोरि 2:13), 2 कोरिन्थिको दो मित्टेन खास लेकान चिठिकाना, एनते ओना दो आ़डि आपनार भाबना रेयाक् काना।
पावल दो तितुस ठेन खोन भागे सोमबातरे रा़सका़क् रेयाक् काथाय ला़इआकादा। नोवा चिठिरे आबो दो नावा निया़म रेयाक् ना़मुना खोन एम रेयाक् आ़डि ढेर चेचेत्आक् बोन ञामा, आसोकायते तिनरे पावल दो जेरुसालेमरे बिसवा़सिको ला़गित्ते मित्टेन का़मि रेयाक् बुद बातलावे एमाको काना (२ कोरि 8 आर 9 हा़टिञ)। ओनाते बुजहा़उक् काना जे बाहरे खोन आदोम एड़े आपोसतोलको दो कोरिन्थिरे आदोम होड़कोवाक् पावल रेयाक् बा़इरिको रेयाक् लाब ञामकाते आपनारको लाहाक् लागित्को कुरुमुटुयेत् कान ताहेंकाना। ओनको दो पावलाक् आ़इदा़रि रेयाक्रे साँकाको आ़गुयेत् कान ताहेंकाना। ओना इया़ते पावल आपोसतोल दो 2 कोरिन्थिको रेयाक् मुचा़त हा़बिच् जिसु मा़सिरेन आपोसतोल लेकाते आ़डि काजाक तेये सा़बुतोक् काना।
मेनाक्आक्को रेयाक् गुटतेत्
पावल दो मान्डेररेनको जोहाराते नोवा चिठिये एहोप्केदा (२ कोरि 1:1-7),
ओना तायोम पावल दो आच्आक् दाड़ान पोनथा बोदोलोक्, उनियाक् ञाम आकान खोबोर आर लाहा तेयाक् चिठिको रेयाक्, ओनकोवाक् रोड़ रुवा़ड़ रेयाक् काथाय ला़इयाकादा (२ कोरि 1:8—7:16)
ओनाको तायोम पावल दो जेरुसालेमरेन बिसवा़सिको दान एम जारवाय ला़गित् बुद बातलावे एमकेदा (२ कोरि 8:1—9:15)
मुचा़तरे पावल दो आच्आक् आपोसतोल का़मि रेयाक्ए रुखिया़वेत् काना, आर आच्आक् तायोम दारामे हिजुक्आ काथाकोतेये चेहावेत्कोवा (२ कोरि 10:1—13:10)।
നിലവിൽ തിരഞ്ഞെടുത്തിരിക്കുന്നു:
२ कोरि ओपरोम: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025