१ कोरि 16
16
इसोररेन होड़को ला़गित् दान
1आदो सोनोतको ला़गित् चांदा उठा़उ रेयाङ गालातिया़ रेयाक् मान्डेररेनको चेत् लेकाञ हुकुमात्को, आपे हों ओनकायपे 2हापता रेयाक् पा़हिल हिलोक् आपे मोदरेन मिमित् होड़ जाहानाक्गे जो मेनाक्तापे आपनार ठेन सोंच दोहोयपे, जेमोन इञिञ सेनलेनरे चांदा उक्ठा़उ दो आलो होयोक्। 3आर इञ सेटेरलेनरे जाहाँयकोगे लेकमानपे बुजहा़उको, ओनको दो चिठिकोवानते आपेयाक् दान जेरुसालेमते इदि ला़गित् इञ कोलकोवा। 4आर इञिञ सेनोक् हों लेकगे खान, एनडेखान इञ सोङगेतेको सेनोक्आ।
पावलाक् निजा़र नेहोंर जोङ
5आर माकेदोनिया़ तालातेञ सेन पारोम लेन खान आपे ठेनिञ चालाक्आ, एनते माकेदोनिया़ तालातेञ सेन पारोम चालाक्आ। 6मेनखान आपे ठेन दो पासेच् इञ ताहेंञोंगोक्आ, से राबाङ दिन होंञ खेमावा, जेमोन जाहाँ सेच्गेञ चालाक् आपेपे कोयोक् गोत्का़ञ। 7चेदाक्जे सेन पारोमोक् तुलुच्, ञेल तोराकापे दो बा़ञ मेनजोङकाना, एनते थोड़ा दिन आपे ठेन ताहेंञोंगोक् इञ आसोक्काना, प्रोभुइ आड़ाक्आ़ञ खान।
8मेनखान एफेसुसरे दो पेनतेकोस हा़बिच् इञ ताहें हाताड़ोक्आ। 9एनते ओका का़मिरे ढेर जो ञामोक् ओनकान का़मि ला़गित्गे मित्टेच् माराङ भागे रेयाक् दुवा़र दो इञ ला़गित् झिच्आकाना, मेनखान नोवारे ढेर होड़को बिरुदा़ञ काना।
10आर तिमोथिये सेटेर लेनरे ञेलपे, जेमोन आपे ठेन बिन बोतोर तेये ताहेन, एनते इञ लेका उनि हों प्रोभुवाक् का़मिगेये का़मियेदा। 11ओनाते ओकोय हों आलोपे निहा़ँतेमा। मेनखान सुलुकते कोल गोत्कायपे, जेमोन इञ ठेने हेच् दाड़ेयाक् एनते बोयहाको साँवते हिजुक् इञ ञेल होरे काना।
12आर बोयहा आपोलोस रेयाङ दो बोयहाको साँवते आपे ठेन चालाक् आ़डिञ नेहोंरादे ताहेंकाना, मेनखान नित हा़बिच् चालाक् रेयाक् मोने दो बा़नुक् उता़रताया, आपसोर लेन खान उनि दोए चालाक्आ।
13जागवार आकाय ताहेनपे, बिसवा़सरे राकझाक तेङगोवाकान ताहेनपे, झुँक आकान ताहेनपे, काजाकोक्पे। 14आपेयाक् सानामाक् दो दुला़ड़ते बाड़े होयोक्मा
15आरिञ नेहोंरापे काना, ए बोयहा आर मिसराको इस्टिफा़नुस घारोंजरेनपे बाडायेत्कोवा, जे ओनको दो आखाया रेयाक् पा़हिल जो कानाको आर सोनोतको साप्दाप्आक्कोरेको धुरा़वाकान आपे हों ओनकानको ठेन गोबोलोक्पे, हें, 16ओनाते इञ नेहोंरापे काना जे नोनकान होड़को ठेन गोबोलोक्पे मेनखान मिमित् होड़को ओकोय दो नोवा का़मिरे मेहनोति आरको साँव का़मिया़को कान, ओनको गोबोल रे ताहेन पे।
17इस्टिफा़नुस आर फोरतुनातुस आर आखायाकुसताकोको हेच् आकानतेञ रा़सका़क् काना, एनते आपेयाक् खा़लि ठा़ँइ ओनकोगेको एसेत् आकादा। 18चेदाक् जे ओनको दो इञाक् आर आपेयाक् जिउको खा़तिरकेत्ताबोना, ओनकानको मानोतकोपे।
मुचा़त् जोहार
19आ़सिया़ रेयाक् मान्डेर रेनकोको जोहारापे काना। आ़कविला़ आर प्रिसकिला़ दो प्रोभुरे आ़डि आ़डिकिन जोहारापे काना, आ़किनाक् ओड़ाक्रे मेनाक् मान्डेर रेनको सालाक्। 20जोतो बोयहाकोको जोहारापे काना, मा़सियाक् सोनोत दुला़ड़रे जोपोहारपे।
21जोहारतेत् दो इञ पावलाक् निज तिते।
22जाहाँय होड़ प्रोभु बाय दुला़ड़े खान, सारापिच्ए होयोक्मा। ए आलेरेन प्रोभु देला हिजुक्मे। 23प्रोभु जिसुवाक् दाया आपे साँवते ताहेनमा। 24इञाक् दुला़ड़ आपे सानामको तुलुच् मा़सि जिसुरे ताहेनमा। आमेन।
നിലവിൽ തിരഞ്ഞെടുത്തിരിക്കുന്നു:
१ कोरि 16: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025