१ कोरि 8
8
मुरहुत् सामाङाक्को बाबोतरे कुलिजोङ
1नितोक् दो मुरहुत् सामाङाक्को रेयाङ बोन बाडाया। जे सानामकोगे बाक्डाय दो मेनाक्ताबोना। एनते नोनकान आ़किलते दो बाक्डायते होड़े फुक्ला़वेत्कोवा, मेनखान दुला़ड़ दो बेनाव राक्काप्आ। 2जाहाँय होड़े हुदिस खान, जाहानाक्ए बाडायाकादा मेनते, एनडेखान नित हा़बिच् बाय बाडाय आकादा चेत्लेका बाक्डाय जा़रुड़कान। 3मेनखान ओकोय होड़ इसोरे दुला़ड़े उनिगे इसोर दोए बाडाय एदे काना।
4आदो मुरहुत् सामाङाक्को जोजोम रेयाङ दो बोन बाडायगेया, जे धा़रतिरे मुरहुत् दो बा़नुक् कोवा आर मित्गोटेन छाडा चेले इसोर हों बा़नुक् कोवा मेनते। 5आदो इसोर ञुमोगोक् कानको मेनाक्कोरे हों, सेरमारे चेत्, धा़रतिरे चेत्, “चेत्लेका आयमा देबको आर आयमा प्रोभुको मेनाक्को।” 6एनरेहों आबो ला़गित् दो मित् गोटेन इसोर मेनाया, बाबागे ओने उनि खोनगे सानामाक् दो, आर आबो दो उनि ला़गित्गे आर मित्गोटेन प्रोभु जिसु मा़सि मेनाया, ओने उनि होतेतेगे सानामाक् दो, आर आबो हों उनि होतेते बोन जिवेदोक् कान। 7एनरेहों नोवा बाक्डाय सानामकोरे दो बा़नुक् आनाङ मेनखान आदोम आदोमको दो नित हा़बिच् मुरहुत्तेको हेवावाकानते, बोङगा सामाङाक् मेनकातेगे ओनाको जोमेदा आर ओनकोवाक् साँवबाक्डायाक् दो निजोरगेते भोंडोक् कानताकोवा। 8मेनखान जोमाक्ते इसोर ठेन दो ओहो बोन तेङगो टारहाव लेना, बाबोन जोम खान लोकसान हों बाबोन लोकसानोक्आ आर बोन जोम रेहों जाहान लाब दो बानुक्आ।
9मेनखान सोनतोरोक्पे जेमोन आपेयाक् नोवा सा़धिन होक दो निजोरको ला़गित् तोक्होत्आक् दो आलो होयोक्मा। 10एनते जाहाँय होड़ आम ओकोय बाक्डाय मेनाक्ताम मुरहुत् कोवाक् कोयजोङ ओड़ाक्रे जोजोम दुड़ुप्आकाने ञेललेम खान आरे निजोरगे खान,उनियाक् साँवबाक्डायाक् चेत् दिल बाय ञामा मुरहुत् सामाङाक्को जोम ला़गित्? 11आर ओनकाते आमाक् बाक्डाय कारोनते उनि निजोरिच्ए नोसटोक्आ,उनि बोयहागे, ओने उनि ला़गित् मा़सिये गोच्लेन। 12आर ओनकाते बोयहाको रेयाक्पे का़येत्ते ओनकोवाक् साँवबाक्डायाक्पे हा़नेत्ते मा़सि रेयाक्गेपे का़या। 13ओना इया़तेगे जोमाक्ते इञरेन बोयहाय ता़किजोक् खान, जेल दो तिस हों ओहोञ जोमलेया जायजुग हा़बित्, जेमोन इञरेन बोयहा आलोञ ता़किच् ओचोये।
നിലവിൽ തിരഞ്ഞെടുത്തിരിക്കുന്നു:
१ कोरि 8: NTSPt25
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament Books in Santhali Language © The Word for the World International and Santhali Translation Project, Nepal, 2025