Matayo Chikaee
Chikaee
Ya kitabu chigondowe ni Matayo ni kiwe cha vitabu vihai he Iaghano ikua, viyoiya mburi ya mizokhoire yakwe Yesu. Kira kitabu kiwe heka vitabu chisewe “Injili” Kiome chitoe sakuba “Mburi Kulho.” Ya vitabu vyeegondiwe ni Matayo ne Mariko ne Luka ne Yohana, vyeegondiwe Yesu areakhwa aaga. Vahe Vesomie vakumure teveilie ite Mburi Kulho sakigi igondiwe ni Matayo igondiwe ami, mira chiramuruika ite yeegondiwe he miko ya mikado sita kuli to Yesu areakhoika. Kihali ni ite muang'a ho igondiwe teuilika kikulho, mira vakumure vetoti ite hangi yeegondiwe he idi la Palestina naho chimurika ite igondiwe he muang'a usewa Yerusalemu.
Ya kitabu cheegondiwe Matayo, ya muhe to esinasewe ni Yesu kukhwa mhina kuu eekuboi nyamalo ya kudara kodi. Naho lhe ihali ekusewe Lawi. Matayo nee muwe wa vazasughawe vakwe Yesu ikado na vanu nau eevagondiie Vayahudi. Ya chiakhoika kikulho kwaite helo magondo yetakho mikado sita eyagondie kuli he Iaghano la Azeto. Ekudumu kuvaaija vahe ite Yesu niu Kiristo, mzakombo vahe elhoijwe ni Kiumbi. Ka Yesu niu erotiiwe nivaroto va Kiumbi. Wato oto heya kitabu Matayo eegondie mburi kumure jilanga udilao wa Kiumbi. Vayahudi vemuarire Kiristo eseekhwae Ngurumo wa idi kini. Mira Matayo etayoiya kikulho ite kacho eyo ni udilao wa Saa wa Kiumbi.
Mburi Kulho sa kigi igondiwe ni Matayo ni kitabu kikulho chiye kukhwa niu kulholhoshi kwa Iaghano Ikuale kwa mburi ya magondo kuu makumure kuli he Iaghano la Azeto. Niu chisaheja kikulho ya Maaghano manu. Vasomi veekutoti ite Matayo eekutagali kuliaha hucho vigondiwe hu vitabu vyakwe Musa, kwaite niu vitabu vikoi vyabosi vya Iaghano la azeto.
Yeata za
Matayo etalholhoshi Mburi Kulho kwa kuyoiya mburi ja Yesu Kiristo kuakhoika na kulholhoshi kwa nyamalo kuu. Heluhige lwa 1-4
Areafiriti kayo Matayo etayoiya nyamalo yakwe Yesu na mahinyo kuu makumure yakwe Yesu. Heluhige lwa 5-25.
Hodi hamkhito wa Mburi Kulho Matayo etayoia nyamalo giru iakhoika he kigame na kuka kuli he kigame chakwe Yesu, ilanga mkhito wa nyamalo yakwe Yesu. Luhige lwa 26-28.
നിലവിൽ തിരഞ്ഞെടുത്തിരിക്കുന്നു:
Matayo Chikaee: NTMBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbugu @The Word for The World International and Mbugu Language translation, 2025. All rights reserved.