Maliku 9
9
1Yesu akayendelela kuwalongela, “Uchakaka ninguwalongela, wavile wamonga paghati mwa mwenga baha wavile wateuhwegha ngʼogha pambila gha kuulola unduna wa Sapanga ukihika kwa ukulu.”
Yesu angughalambuka wuso
Matayu 17:1-13; Luka 9:28-36
2Kuyetu gha machuwa isita, Yesu awatolile petelo na Yakobu na Yohanana kuwayegha ku litumbi litali weka ghao. Na kula uwuso gha Yesu ukaghalambuka mbulete pee kuulongolu ghao,
3nguu zyake sikaghalambuka mbulete pee na kung'ala ng'ala, ng'ogha ku mlima wogha mchenga wa kuwesa wakughola vila. 4Kangi wala wayitikila waitatu wakawalola Eliya na Musa wakilongelana na Yesu. 5Petelo akamlongela Yesu, “Mvula ni maha twenga tutami baha. Hinu mbaha tuchenge vibimilo viitatu kimonga kyako na kimonga kya Musa na kimonga kya Eliya.” 6Petelo na wayake watilili hata kamanya ng'ogha lya kulonga. 7Hinu likahumila lihindu likawagubika, na lilowi likayoghanilwa kuhuma paghati pa lila lihindu, “Hayu ni Mwana ghangu nimpalile, mumyoghanile,”
8Lipindi lilalila wayitikila wala pawalolile, wamwonilile ngʼogha mundu ghangi, ila Yesu weka ghaki. 9Hinu, pa wavile wanguhuluka mndumba, Yesu akawakanisa wakatoho kumlongela mundu yeyose mighalu wailolile, mbaka Mwana wa Mundu atehinduka.
10Hinu, wakakola lilaghililo lila, ila wakilongelana weni kwa weni “Kuhinduka ni ghuli?”
11Wakamkonya Yesu, “Ghuli wavula wa ulaghililo wangulonga, ingupalwa Eliya atumbuli kuhika?” 12Mweni akawayanga, “Hina, Eliya atetumbula kuhika kuyavika maha yogha. Hata nagha, kwa kyani iyandikwa ku mayandiko Makulu yiwa Mwana wa Mundu atekolwa na mahakilo yatangala na kupughanyilwa?
13Ila ninguwalongela, Eliya kahika kala, na weni wakamgholela handa mayandiko yangulonga, kwa mweni.”
Yesu angumlamisa mwana avile na mahoka
Matayu 17:14-21; Luka 9:37-43
14Pa wahuyili kwa wayitikila ghangi, waliwonile lipinga likulunga lya wandu liwatindila. Wamonga wavula wa ulaghililo wavile wangulongelana na weni. 15Bwitu wandu pa wamlolile Yesu, wogha walikangasile nesu, wakamtuwilila wamjambusi. 16Yesu akawakonya, “Mngulongelana kyani na weni?” 17Baha mundu mmonga mu lila lipinga lya wandu akamyanga, “Mvula, nimyegha mwana ghangu kwa wenga, akiva na lihoka amgholile akotoho kulonga. 18Paamuhikila angumvamila, na kumguwisa pahi na kumghola ahumwi na mifulufulu mumlomu, akihyagha malino na kuwela kukangamala higha yogha. Niwaluwili wayitikila ghako wamhumisi hayu lihoka ila wawesa ngʼogha.”
19Yesu akawalongela, “Mwenga kiwelekwa kivile ng'ogha na ukwinila. Nitelikala na mwenga mbaka ligha? Niwapapa mbaka ligha? Mumyeghi kwa nenga.” 20Wakamyegha kwa Yesu.
Lipindi lilalila yula lihoka paamwonili Yesu, akamtaya mwana kihinduhindu, na mwana akaguwa pahi, akaghalahuka na kuhumisa lifulufulu mumlomu. 21Yesu akamkonya tati wa yula mwana, “Akolilwi na mighalu hagha kuhuma ligha?”
Mweni akamyanga, “Kuhuma uwana ghaki.” 22“Na lipindi kwa lipindi lihoka hali lingumguwisa mulyoto na mmasi, ili limyalamise nesu. Hinu, ikiva unguwesa, utuwoneli luhungu na kututanga.”
23Yesu akamlongela, “Kwa niki ungulonga, ‘Yiwa unguwesa?’ Yogha yanguwesekana kwa yula avile na ukwinilo.”
24Pala yula tati akalila kwa lilowi, “Ningukwinila. Ila ukwinila wa nenga ukwila ng'ogha, undangi.”
25Yesu pa alilolile lipinga lya wandu linguyongeseka kwa kuloposela kuulongolo ghaki, akalikalipila lila lihoka, “ Lihoka umgholayi hayu mwana akotoho kulonga na majogo ningukulongela umhuki mwana hayu na ukotoho kumyingila kangi.”
26Baha lila lihoka likatova lilowi, likamguwisa yula mwana pahi, hinu likamhuka. Mwana awonekanili handa Kahova, hata ghangi walongile, “Kahova”
27Ila Yesu akamkola liwoku yula mwana mlumi, akamyinula, na mweni akagholoka.
28Hinu, Yesu paayingilile ukaya, wayitikila ghaki wakamkonya kwa kuhigha, “Kwa kyani twenga tuwesili ngʼogha kumhumisa hayu lihoka?”
29Na Yesu akawalongela, “Lihoka lya nagha liwesa ngʼogha kuhumiswa ila kwa kuyupa.”
Yesu angulonga kangi mghalu gha kihu kyaki
Matayu 17:22-23; Luka 9:43b-45
30Yesu na wayitikila ghake wahukile pala, wakayendelela na mwanja kupitila mlima gha Galilaya. Yesu apalile ng'ogha wandu wamanyi ka kugha, 31Kwaikiva avile anguwavula wayitikila ghaki. Awalongilile, “Mwana wa Mundu ateyeghwa kwa wandu wavile watemkoma, ila lichuwa lya itatu badili gha kukomwa atehinduka.”
32Ila wavulwa ghaki wamanyili ng'ogha mghalu hula. Ila wakatila kumkonya.
Ghani avile mkulu
Matayu 18:1-5; Luka 9:46-48
33Pawahikili Kapelnaumu na kuyingila mghati mlighuta, Yesu akawakonya wavulwa ghaki,“Mvile mngulongelana kyani munjila?”
34Ila weni wanyamalili, kwaikiva kunjila wavile wakisindana yiwa ni ghani avile mkulu paghati gha weni. 35Yesu akatama pahi, akawakema wala wayitikila ghaki ikumi na ivili, akawalongela, “Mundu pa apalili kuvile wa mtumbula angupalwa avile wa mwihu na mnjaghila wa wogha.” 36Hinu akamtola mwana mnung'una, akamgholosa paghati ghao, akamkusikila, akawalongela, 37“Yula ampokelili mwana handa hayu kwa lihina lya nenga, angunipokela nenga na yula ambokela nenga, ambokeli nenga weka, ila angumpokela yula aniyeghili.”
Avile ngʼogha mhakata wa twenga ni wa lipinga lya twenga
Luka 9:49-50
38Yohanaakamlongela, “Mvula, tumlolili mundu mmonga akihumisa lihoka kwa lihina lyako na twenga tuyesili kumkanila kwa ikiva mweni ng'ogha mmonga paghati mwa twenga.”
39Ila Yesu akalonga, “Mkotoho kumkanila, kwa ikiva kwahela mundu angughola makangaso kwa lihina lya nenga, na baha pala akawesa kulonga mahakata gha nenga.”
40Kwa ikiva yula atungingama ngʼogha twenga, avile upandi wa twenga. 41Mundu yoyose atewapegha kikombi kya masi gha kunywegha, kwa ikiva mwenga ni wandu wa Kilisito, ateleka ng'ogha kupokela hupo ghaki.
Kuyeswa kughola uhakata
Matayu 18:6-9; Luka 17:1-2
42“Yoyose atemghola mmonga wa hagha wanung'una wanikwinila, ni mbaha mundu hayu kuwopelwa ku ntandala mwa mweni liganga likulunga gha kuhyagila na kudangwa mbahali.” 43Ikiva liwoku lyako likikughola ugholi uhakata, ulidumuli. Mbaha kuyingila ku ukomu na liwoku limonga ng'ogha. Ni mbaha kwa wenga kuyingila ku ukomu ukiva na liwoku limonga badili gha kuvile na miwoku mivili na kuyenda ku lyoto lijimika ngʼogha. 44Mula kuvile na hunyi wawesa ng'ogha kuhova, na lyoto lijimika ngʼogha. 45Ikiva lighulu lyako likughola ugholi uhakata, ulidumuli. Ni mbaha kwa wenga kuyingila ku ukomu wa nagha ukiva na lighulu limonga, badili gha kuvile na maghulu maivili na kudangwa ku lyoto lya ku lyoto lijimika ngʼogha. 46Mula kuvile na hunyi wawesa ng'ogha kuhova, na lyoto lijimika ngʼogha. 47Ikiva lisu lyako pa likughola ugholi uhakata ulitupule. Ni mbaha wenga kuyingila ku unduna gha Sapanga ukiva na lisu limonga, badili gha kuvile na malisu maivili na kudangwa ku lyoto lijimika ngʼogha. 48Mula kuvile na hunyi wawesa ng'ogha kuhova, na lyoto lijimika ngʼogha. 49“Kwa ikiva kila mmonga atevikwa munyu kwa lyoto.
50Munyu ni maha, ila pa iyalamika, unogha ghaki, itevikwa kyani ili iwese kuvile munyu kangi?
Mvile na munyu mghati mwa mwenga na mlikali pamonga kwa uyitikila.”
നിലവിൽ തിരഞ്ഞെടുത്തിരിക്കുന്നു:
Maliku 9: NTMbBL2025
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.
Maliku 9
9
1Yesu akayendelela kuwalongela, “Uchakaka ninguwalongela, wavile wamonga paghati mwa mwenga baha wavile wateuhwegha ngʼogha pambila gha kuulola unduna wa Sapanga ukihika kwa ukulu.”
Yesu angughalambuka wuso
Matayu 17:1-13; Luka 9:28-36
2Kuyetu gha machuwa isita, Yesu awatolile petelo na Yakobu na Yohanana kuwayegha ku litumbi litali weka ghao. Na kula uwuso gha Yesu ukaghalambuka mbulete pee kuulongolu ghao,
3nguu zyake sikaghalambuka mbulete pee na kung'ala ng'ala, ng'ogha ku mlima wogha mchenga wa kuwesa wakughola vila. 4Kangi wala wayitikila waitatu wakawalola Eliya na Musa wakilongelana na Yesu. 5Petelo akamlongela Yesu, “Mvula ni maha twenga tutami baha. Hinu mbaha tuchenge vibimilo viitatu kimonga kyako na kimonga kya Musa na kimonga kya Eliya.” 6Petelo na wayake watilili hata kamanya ng'ogha lya kulonga. 7Hinu likahumila lihindu likawagubika, na lilowi likayoghanilwa kuhuma paghati pa lila lihindu, “Hayu ni Mwana ghangu nimpalile, mumyoghanile,”
8Lipindi lilalila wayitikila wala pawalolile, wamwonilile ngʼogha mundu ghangi, ila Yesu weka ghaki. 9Hinu, pa wavile wanguhuluka mndumba, Yesu akawakanisa wakatoho kumlongela mundu yeyose mighalu wailolile, mbaka Mwana wa Mundu atehinduka.
10Hinu, wakakola lilaghililo lila, ila wakilongelana weni kwa weni “Kuhinduka ni ghuli?”
11Wakamkonya Yesu, “Ghuli wavula wa ulaghililo wangulonga, ingupalwa Eliya atumbuli kuhika?” 12Mweni akawayanga, “Hina, Eliya atetumbula kuhika kuyavika maha yogha. Hata nagha, kwa kyani iyandikwa ku mayandiko Makulu yiwa Mwana wa Mundu atekolwa na mahakilo yatangala na kupughanyilwa?
13Ila ninguwalongela, Eliya kahika kala, na weni wakamgholela handa mayandiko yangulonga, kwa mweni.”
Yesu angumlamisa mwana avile na mahoka
Matayu 17:14-21; Luka 9:37-43
14Pa wahuyili kwa wayitikila ghangi, waliwonile lipinga likulunga lya wandu liwatindila. Wamonga wavula wa ulaghililo wavile wangulongelana na weni. 15Bwitu wandu pa wamlolile Yesu, wogha walikangasile nesu, wakamtuwilila wamjambusi. 16Yesu akawakonya, “Mngulongelana kyani na weni?” 17Baha mundu mmonga mu lila lipinga lya wandu akamyanga, “Mvula, nimyegha mwana ghangu kwa wenga, akiva na lihoka amgholile akotoho kulonga. 18Paamuhikila angumvamila, na kumguwisa pahi na kumghola ahumwi na mifulufulu mumlomu, akihyagha malino na kuwela kukangamala higha yogha. Niwaluwili wayitikila ghako wamhumisi hayu lihoka ila wawesa ngʼogha.”
19Yesu akawalongela, “Mwenga kiwelekwa kivile ng'ogha na ukwinila. Nitelikala na mwenga mbaka ligha? Niwapapa mbaka ligha? Mumyeghi kwa nenga.” 20Wakamyegha kwa Yesu.
Lipindi lilalila yula lihoka paamwonili Yesu, akamtaya mwana kihinduhindu, na mwana akaguwa pahi, akaghalahuka na kuhumisa lifulufulu mumlomu. 21Yesu akamkonya tati wa yula mwana, “Akolilwi na mighalu hagha kuhuma ligha?”
Mweni akamyanga, “Kuhuma uwana ghaki.” 22“Na lipindi kwa lipindi lihoka hali lingumguwisa mulyoto na mmasi, ili limyalamise nesu. Hinu, ikiva unguwesa, utuwoneli luhungu na kututanga.”
23Yesu akamlongela, “Kwa niki ungulonga, ‘Yiwa unguwesa?’ Yogha yanguwesekana kwa yula avile na ukwinilo.”
24Pala yula tati akalila kwa lilowi, “Ningukwinila. Ila ukwinila wa nenga ukwila ng'ogha, undangi.”
25Yesu pa alilolile lipinga lya wandu linguyongeseka kwa kuloposela kuulongolo ghaki, akalikalipila lila lihoka, “ Lihoka umgholayi hayu mwana akotoho kulonga na majogo ningukulongela umhuki mwana hayu na ukotoho kumyingila kangi.”
26Baha lila lihoka likatova lilowi, likamguwisa yula mwana pahi, hinu likamhuka. Mwana awonekanili handa Kahova, hata ghangi walongile, “Kahova”
27Ila Yesu akamkola liwoku yula mwana mlumi, akamyinula, na mweni akagholoka.
28Hinu, Yesu paayingilile ukaya, wayitikila ghaki wakamkonya kwa kuhigha, “Kwa kyani twenga tuwesili ngʼogha kumhumisa hayu lihoka?”
29Na Yesu akawalongela, “Lihoka lya nagha liwesa ngʼogha kuhumiswa ila kwa kuyupa.”
Yesu angulonga kangi mghalu gha kihu kyaki
Matayu 17:22-23; Luka 9:43b-45
30Yesu na wayitikila ghake wahukile pala, wakayendelela na mwanja kupitila mlima gha Galilaya. Yesu apalile ng'ogha wandu wamanyi ka kugha, 31Kwaikiva avile anguwavula wayitikila ghaki. Awalongilile, “Mwana wa Mundu ateyeghwa kwa wandu wavile watemkoma, ila lichuwa lya itatu badili gha kukomwa atehinduka.”
32Ila wavulwa ghaki wamanyili ng'ogha mghalu hula. Ila wakatila kumkonya.
Ghani avile mkulu
Matayu 18:1-5; Luka 9:46-48
33Pawahikili Kapelnaumu na kuyingila mghati mlighuta, Yesu akawakonya wavulwa ghaki,“Mvile mngulongelana kyani munjila?”
34Ila weni wanyamalili, kwaikiva kunjila wavile wakisindana yiwa ni ghani avile mkulu paghati gha weni. 35Yesu akatama pahi, akawakema wala wayitikila ghaki ikumi na ivili, akawalongela, “Mundu pa apalili kuvile wa mtumbula angupalwa avile wa mwihu na mnjaghila wa wogha.” 36Hinu akamtola mwana mnung'una, akamgholosa paghati ghao, akamkusikila, akawalongela, 37“Yula ampokelili mwana handa hayu kwa lihina lya nenga, angunipokela nenga na yula ambokela nenga, ambokeli nenga weka, ila angumpokela yula aniyeghili.”
Avile ngʼogha mhakata wa twenga ni wa lipinga lya twenga
Luka 9:49-50
38Yohanaakamlongela, “Mvula, tumlolili mundu mmonga akihumisa lihoka kwa lihina lyako na twenga tuyesili kumkanila kwa ikiva mweni ng'ogha mmonga paghati mwa twenga.”
39Ila Yesu akalonga, “Mkotoho kumkanila, kwa ikiva kwahela mundu angughola makangaso kwa lihina lya nenga, na baha pala akawesa kulonga mahakata gha nenga.”
40Kwa ikiva yula atungingama ngʼogha twenga, avile upandi wa twenga. 41Mundu yoyose atewapegha kikombi kya masi gha kunywegha, kwa ikiva mwenga ni wandu wa Kilisito, ateleka ng'ogha kupokela hupo ghaki.
Kuyeswa kughola uhakata
Matayu 18:6-9; Luka 17:1-2
42“Yoyose atemghola mmonga wa hagha wanung'una wanikwinila, ni mbaha mundu hayu kuwopelwa ku ntandala mwa mweni liganga likulunga gha kuhyagila na kudangwa mbahali.” 43Ikiva liwoku lyako likikughola ugholi uhakata, ulidumuli. Mbaha kuyingila ku ukomu na liwoku limonga ng'ogha. Ni mbaha kwa wenga kuyingila ku ukomu ukiva na liwoku limonga badili gha kuvile na miwoku mivili na kuyenda ku lyoto lijimika ngʼogha. 44Mula kuvile na hunyi wawesa ng'ogha kuhova, na lyoto lijimika ngʼogha. 45Ikiva lighulu lyako likughola ugholi uhakata, ulidumuli. Ni mbaha kwa wenga kuyingila ku ukomu wa nagha ukiva na lighulu limonga, badili gha kuvile na maghulu maivili na kudangwa ku lyoto lya ku lyoto lijimika ngʼogha. 46Mula kuvile na hunyi wawesa ng'ogha kuhova, na lyoto lijimika ngʼogha. 47Ikiva lisu lyako pa likughola ugholi uhakata ulitupule. Ni mbaha wenga kuyingila ku unduna gha Sapanga ukiva na lisu limonga, badili gha kuvile na malisu maivili na kudangwa ku lyoto lijimika ngʼogha. 48Mula kuvile na hunyi wawesa ng'ogha kuhova, na lyoto lijimika ngʼogha. 49“Kwa ikiva kila mmonga atevikwa munyu kwa lyoto.
50Munyu ni maha, ila pa iyalamika, unogha ghaki, itevikwa kyani ili iwese kuvile munyu kangi?
Mvile na munyu mghati mwa mwenga na mlikali pamonga kwa uyitikila.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The New Testament in Mbunga @The Word for The World International and Mbunga Language translation, 2025. All rights reserved.