Málkus 7
7
Nuhɔ́nɔhɔ́n nuá bá nsuá
(Mat 15.1-9)
1Buɔ́sɛ búmodi, bafalisiɛ́ŋ na nsánsáŋúlía siá belinsibigodi, guonoólín Yelusalɛ́m abábígúsɛ́n Yésuse. 2Abáan áneé bebinene bá Yésuse bómodi bádiábísuga imbɔ́g bábádanyánan hana gigodi giɔ́b giɔ́yɔnɔ́. 3Nɔ́ búnya, bafalisiɛ́ŋ na bayúdɛn obólbóndeé bégimbe melélíe ɔmɔɔ́ ndíndíl siɔ́b símehuínyihuínyé bɔ́, bádiányánan kandabá áneé bámábísɔ́g imbɔ́g beseé na beseé. 4Ta guosiond gá nionyi bégégubíbélémendenye mimbi, bábádanyánan, bégimbe súsɔ́n giod giá bigodi biá ndíndíl ibiɛ́ bémehuínyihuínyé bɔ́, binɔ́g biá bilɔŋ ibínya hana gusuga guá bibólé na indól na isóyi siá biɔ́ya na dubambál duɔ́b.
5Bafalisiɛ́ŋ na belinsibigodi obóhún gɔg Yésuse áneé: «Gá giagɛ bebinene báhɔ bédíégímbé bigodi ibiɛ́ ndíndíl siásɔ símédídúmbínyé, bányanan ta gubísɔg imbɔ́g beseé na beseé?» 6Yésuse uwondinye bɔ́ áneé: «Esayí umabianán uguá ŋŋɔ́d, uguá ginɛŋ igiɛ́ úmónúdógínyé banuá bandɔ bá mamb ɔbɔ. Umɔɔ́ŋ áneé: “Buán ubuɔ, búɔ́ŋɔya uguá biódód biá niíd, gɔgaá idɛ́m siɔ́b sínyɛ hádɛ naánamɛ. 7Guŋúmenye guɔ́b uguɔ́ béŋúmenyeé gúnyɛ gudɔɔ́, gá giagiá isɔ́ma ihiɛ́ béhuínyihuinyeé, búnyɛ pɛ́ŋ isɔ́ma hiá bandɔ.” 8Nugɔ́l gigodi giá Uhaluá nuag agá buáyɛ gá gimbe ubuɔ́ bandɔ bénuhuínyihuínyeé.» 9Yésuse uwɔnduguɔyɛd áneé: «Nunyɛ unuombón gigodi giá Uhaluá beseé na beseé gá bígimbinin melélíe mánɔ mbánan! 10Gá gueleé Mɔ́sɛsa umɔyɛ́d áneé: “Hínényé síe wahɔ na noódíe wahɔ,” andá: “Mɔndɔ usiganɔ́ síe weg ta noódíe wég, ugányɛ mɔndɔ waánigiman na nigué.” 11Gɔgaá banuá nuɔ́guɔya áneé: “Mɔndɔ umɔ́yidɛn síe ta noódíe áneé: Ŋŋíge iyɛɛ́ ŋŋódionu gá huá búnyɛ kɔlɔbána, anagányɛ gúnya áneé mmágíŋígɛ́n gá busió buá nusámb nuá Uhaluá.” 12Anagányɛ gúnya áneé nuégínyiginye yɔ́ áneé udiendúguéŋin síe ta noódíe buand, 13gúu búnya áneé nuóguólonye guɔyɛd guá nugálɔ nuá Uhaluá, gá busió buá melélíe mánɔ ɔmɔɔ́ núdúmbenyinyeé. Gúu nuándugualanɔ́ giod giá muand gímodi mpónyé naá umugányɛ.»
Muand umúáganaá mɔndɔ biíle
(Mat 15.10-20)
14Yésuse uwɔndɔdɔ́ŋɛ́ɛn giíŋ uwɔyidɛn giɛ́ áneé: «Ánaá númbídɔ́lígɛn banuá gidigid nuond nuɔ́b buɔ́ beseé áneé: 15Buand ubúólonineé uguá nígadá búbíŋín uguá nuɔ́l nuá mɔndɔ búdibá buá guág yɔ́ biíle, búnyɛ buand ubúhámaninaá agá ɔdɛ́m huá mɔndɔ búbúáganaá yɔ́ biíle. 16[Ánaá nuɔ́b buɔ́ mmába nugódi idú siá guɔ́b!»] #7.16 Mubu múmodi múnyɛ hɔ́ umúdíábiánán ɔlɔŋ uhuɔ.
17Yésuse na bebinene bég obólígie agá giíŋ, ebénebíŋín uguá giansɛ, bebinene bég obóhún yɔ́ ŋŋóhúnín gá nsab igányɛ. 18Uwondinye bɔ́ áneé: «Éyi! Nudibá súsɔ́n na bugaga buá guɔ́b a? Nudiɔ́guɔ́bɔn áneé buand ubúólonineé uguá nígadá gá bíŋín uguá nuɔ́l nuá mɔndɔ búdiáguágan yɔ́ biíle a? 19Búdiáguágan mɔndɔ biíle gá giagiá, búdiébíŋen egég gá ɔdɛ́m, búáguídan uguég guá nimuɛndɛ, buónd gɔg búhám uguég guá nuɔ́l.» Uguá nugálɔ unugányɛ, Yésuse umambá guɔyɛd áneé mɔndɔ ugódi bugaga buá nyánan bugunyá gidigid. 20Uwɔnduguɔyɛd áneé: «Búnyɛ buand ubúhámanaá uguadá guá mɔndɔ búbúáganaá yɔ́ biíle. 21Gá giagiá, búnyɛ uguadá guá ɔdɛ́m huá mɔndɔ, bilɔg biá dubídúmdényi ibiɛ bíólonineé: Bidáŋa, guében, guɔ́nɔnɛn, 22guala bidáŋa na ɔdɛ́m guálɛ́ɛg, bulúnd, buhánd, inɔŋɔnɔŋa, gilɔg giá nusɔ́da, guala yaág, dufén, gubídíyenye na duduɔ́duá. 23Muand muá bilɔg umugányɛ gidigid múáhámánɛn uguá ɔdɛ́m huá mɔndɔ muóndie yɔ́ biíle.»
Uŋenyi wa Ugándɔ umádáab Yésuse
(Mat 15.21-28)
24Yésuse uwadigɛn gá guɛ́d uguá gidɔŋ giá Tíl. Uwebíŋín uguá giansɛ. Umɔsúguɔya áneé mɔndɔ ulɛns áneé unyɛ hɔ́. Gɔgaá umasábá wa gíga uguá ninamba. 25Hɔ́nɔhɔ́, ugándɔ omodi uyɔɔ́ ŋŋɔndɛ yég ímabiánán gilɔg giá gileénde, uwɔɔ́b nigúmi niá Yésuse, uwalɛns áneé unyɛ hɔ́, uwedúmbie guólín yɔ́ uwaguɛn yɔ́ agá dugɔ́nd. 26Ugándɔ ugányɛ umasábá wa bayúdɛn, umebíbíén Fenisí uguá gidɔŋ giá Silí. Uwobísógólidie Yésuse áneé uhémie gilɔg giá gileénde igímabá uguá nuɔ́l nuá ŋŋɔndɛ yeg. 27Yésuse uwondinye yɔ́ áneé: «Aágunihɛn biáyɔ bínyánan bíbíhálan, gá giagiá búdibá beseé áneé bɔ́gɔ́l gunyá guá biáyɔ gá nɔhɛn baán bá mbuá.» 28Ugándɔ uwondinye yɔ́ áneé: «Búnyɛ nɔ́ meliŋ Ɔgúná, gɔgaá baán bá mbuá bányanan nsa isíbálagadanaá uguísi guá nubáŋ.» 29Yésuse uwondinye yɔ́ gɔg áneé: «Gáhɔ gá biondínyi ibigányɛ anagányɛ gúg, gilɔg giá gileénde gímámánáhám uguá nuɔ́l nuá ŋŋɔndɛ yahɔ.» 30Ugándɔ uwegúg, uwegégie ŋŋɔndɛ yeg balimina agá gidɛ́, gilɔg giá gileénde gísamanahám uguég guá nuɔ́l.
Gióndúgie giá edúdú, úmuanyɛ súsɔ́n gimúke
31Yésuse uwonduguólígie uguá gidɔŋ giá Tíl agányɛ, uwandɛn Sidɔ́ŋ, uwadúmbɛ́n uguá gibéyi giá guísi giá Dekapól gá guɛ́d ɔmbɔ́g huá máŋ má Galilé. 32Obólín yɔ́ na mɔndɔ edúdú úmuanyɛ súsɔ́n gimúke. Obóbísógólidie yɔ́ áneé udɔ́bígɛn yɔ́ imbɔ́g. 33Yésuse uwenebílíndíg neéneg, uwɔnɔdigɛn yɔ́ munaána uguá idú uwehémie bidá biég uwesígíd yɔ́ uguá gilɛ́mb. 34Egélém agányɛ uwabíbúlímɛn, Uwehélúmid na bugaga, uwɔyidɛn mɔndɔ áneé: «Efata.» Anagányɛ gúnya áneé: bíbún! 35Hɔ́nɔhɔ́, idú siá mɔndɔ isíébíbun, gilɛ́mb giég igíálágúmɛd uwɛɛ́d gá gálgal beseé na beseé. 36Yésuse uwosiond na mɔndɔ, uwegíndídin bɔ́ áneé bɔ́diɔyídɛ́n ta mɔndɔ buand ubuɔ́ úmal ubugányɛ. Ta anagányɛ gɔg umabá ugínden bɔ́, bámuanyɛ bábuluna gilé. 37Gúu bandɔ bámáyíká bɔ́ súsɔ́n giod, bɔ́ya áneé: «Buand gidigid ubuɔ́ wálanɔ́, búnyɛ hómohómue beseé! Waáguala áneé bedúdú bɔ́bɔn, bimúke bígálgal!»
നിലവിൽ തിരഞ്ഞെടുത്തിരിക്കുന്നു:
Málkus 7: EKM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Málkus 7
7
Nuhɔ́nɔhɔ́n nuá bá nsuá
(Mat 15.1-9)
1Buɔ́sɛ búmodi, bafalisiɛ́ŋ na nsánsáŋúlía siá belinsibigodi, guonoólín Yelusalɛ́m abábígúsɛ́n Yésuse. 2Abáan áneé bebinene bá Yésuse bómodi bádiábísuga imbɔ́g bábádanyánan hana gigodi giɔ́b giɔ́yɔnɔ́. 3Nɔ́ búnya, bafalisiɛ́ŋ na bayúdɛn obólbóndeé bégimbe melélíe ɔmɔɔ́ ndíndíl siɔ́b símehuínyihuínyé bɔ́, bádiányánan kandabá áneé bámábísɔ́g imbɔ́g beseé na beseé. 4Ta guosiond gá nionyi bégégubíbélémendenye mimbi, bábádanyánan, bégimbe súsɔ́n giod giá bigodi biá ndíndíl ibiɛ́ bémehuínyihuínyé bɔ́, binɔ́g biá bilɔŋ ibínya hana gusuga guá bibólé na indól na isóyi siá biɔ́ya na dubambál duɔ́b.
5Bafalisiɛ́ŋ na belinsibigodi obóhún gɔg Yésuse áneé: «Gá giagɛ bebinene báhɔ bédíégímbé bigodi ibiɛ́ ndíndíl siásɔ símédídúmbínyé, bányanan ta gubísɔg imbɔ́g beseé na beseé?» 6Yésuse uwondinye bɔ́ áneé: «Esayí umabianán uguá ŋŋɔ́d, uguá ginɛŋ igiɛ́ úmónúdógínyé banuá bandɔ bá mamb ɔbɔ. Umɔɔ́ŋ áneé: “Buán ubuɔ, búɔ́ŋɔya uguá biódód biá niíd, gɔgaá idɛ́m siɔ́b sínyɛ hádɛ naánamɛ. 7Guŋúmenye guɔ́b uguɔ́ béŋúmenyeé gúnyɛ gudɔɔ́, gá giagiá isɔ́ma ihiɛ́ béhuínyihuinyeé, búnyɛ pɛ́ŋ isɔ́ma hiá bandɔ.” 8Nugɔ́l gigodi giá Uhaluá nuag agá buáyɛ gá gimbe ubuɔ́ bandɔ bénuhuínyihuínyeé.» 9Yésuse uwɔnduguɔyɛd áneé: «Nunyɛ unuombón gigodi giá Uhaluá beseé na beseé gá bígimbinin melélíe mánɔ mbánan! 10Gá gueleé Mɔ́sɛsa umɔyɛ́d áneé: “Hínényé síe wahɔ na noódíe wahɔ,” andá: “Mɔndɔ usiganɔ́ síe weg ta noódíe wég, ugányɛ mɔndɔ waánigiman na nigué.” 11Gɔgaá banuá nuɔ́guɔya áneé: “Mɔndɔ umɔ́yidɛn síe ta noódíe áneé: Ŋŋíge iyɛɛ́ ŋŋódionu gá huá búnyɛ kɔlɔbána, anagányɛ gúnya áneé mmágíŋígɛ́n gá busió buá nusámb nuá Uhaluá.” 12Anagányɛ gúnya áneé nuégínyiginye yɔ́ áneé udiendúguéŋin síe ta noódíe buand, 13gúu búnya áneé nuóguólonye guɔyɛd guá nugálɔ nuá Uhaluá, gá busió buá melélíe mánɔ ɔmɔɔ́ núdúmbenyinyeé. Gúu nuándugualanɔ́ giod giá muand gímodi mpónyé naá umugányɛ.»
Muand umúáganaá mɔndɔ biíle
(Mat 15.10-20)
14Yésuse uwɔndɔdɔ́ŋɛ́ɛn giíŋ uwɔyidɛn giɛ́ áneé: «Ánaá númbídɔ́lígɛn banuá gidigid nuond nuɔ́b buɔ́ beseé áneé: 15Buand ubúólonineé uguá nígadá búbíŋín uguá nuɔ́l nuá mɔndɔ búdibá buá guág yɔ́ biíle, búnyɛ buand ubúhámaninaá agá ɔdɛ́m huá mɔndɔ búbúáganaá yɔ́ biíle. 16[Ánaá nuɔ́b buɔ́ mmába nugódi idú siá guɔ́b!»] #7.16 Mubu múmodi múnyɛ hɔ́ umúdíábiánán ɔlɔŋ uhuɔ.
17Yésuse na bebinene bég obólígie agá giíŋ, ebénebíŋín uguá giansɛ, bebinene bég obóhún yɔ́ ŋŋóhúnín gá nsab igányɛ. 18Uwondinye bɔ́ áneé: «Éyi! Nudibá súsɔ́n na bugaga buá guɔ́b a? Nudiɔ́guɔ́bɔn áneé buand ubúólonineé uguá nígadá gá bíŋín uguá nuɔ́l nuá mɔndɔ búdiáguágan yɔ́ biíle a? 19Búdiáguágan mɔndɔ biíle gá giagiá, búdiébíŋen egég gá ɔdɛ́m, búáguídan uguég guá nimuɛndɛ, buónd gɔg búhám uguég guá nuɔ́l.» Uguá nugálɔ unugányɛ, Yésuse umambá guɔyɛd áneé mɔndɔ ugódi bugaga buá nyánan bugunyá gidigid. 20Uwɔnduguɔyɛd áneé: «Búnyɛ buand ubúhámanaá uguadá guá mɔndɔ búbúáganaá yɔ́ biíle. 21Gá giagiá, búnyɛ uguadá guá ɔdɛ́m huá mɔndɔ, bilɔg biá dubídúmdényi ibiɛ bíólonineé: Bidáŋa, guében, guɔ́nɔnɛn, 22guala bidáŋa na ɔdɛ́m guálɛ́ɛg, bulúnd, buhánd, inɔŋɔnɔŋa, gilɔg giá nusɔ́da, guala yaág, dufén, gubídíyenye na duduɔ́duá. 23Muand muá bilɔg umugányɛ gidigid múáhámánɛn uguá ɔdɛ́m huá mɔndɔ muóndie yɔ́ biíle.»
Uŋenyi wa Ugándɔ umádáab Yésuse
(Mat 15.21-28)
24Yésuse uwadigɛn gá guɛ́d uguá gidɔŋ giá Tíl. Uwebíŋín uguá giansɛ. Umɔsúguɔya áneé mɔndɔ ulɛns áneé unyɛ hɔ́. Gɔgaá umasábá wa gíga uguá ninamba. 25Hɔ́nɔhɔ́, ugándɔ omodi uyɔɔ́ ŋŋɔndɛ yég ímabiánán gilɔg giá gileénde, uwɔɔ́b nigúmi niá Yésuse, uwalɛns áneé unyɛ hɔ́, uwedúmbie guólín yɔ́ uwaguɛn yɔ́ agá dugɔ́nd. 26Ugándɔ ugányɛ umasábá wa bayúdɛn, umebíbíén Fenisí uguá gidɔŋ giá Silí. Uwobísógólidie Yésuse áneé uhémie gilɔg giá gileénde igímabá uguá nuɔ́l nuá ŋŋɔndɛ yeg. 27Yésuse uwondinye yɔ́ áneé: «Aágunihɛn biáyɔ bínyánan bíbíhálan, gá giagiá búdibá beseé áneé bɔ́gɔ́l gunyá guá biáyɔ gá nɔhɛn baán bá mbuá.» 28Ugándɔ uwondinye yɔ́ áneé: «Búnyɛ nɔ́ meliŋ Ɔgúná, gɔgaá baán bá mbuá bányanan nsa isíbálagadanaá uguísi guá nubáŋ.» 29Yésuse uwondinye yɔ́ gɔg áneé: «Gáhɔ gá biondínyi ibigányɛ anagányɛ gúg, gilɔg giá gileénde gímámánáhám uguá nuɔ́l nuá ŋŋɔndɛ yahɔ.» 30Ugándɔ uwegúg, uwegégie ŋŋɔndɛ yeg balimina agá gidɛ́, gilɔg giá gileénde gísamanahám uguég guá nuɔ́l.
Gióndúgie giá edúdú, úmuanyɛ súsɔ́n gimúke
31Yésuse uwonduguólígie uguá gidɔŋ giá Tíl agányɛ, uwandɛn Sidɔ́ŋ, uwadúmbɛ́n uguá gibéyi giá guísi giá Dekapól gá guɛ́d ɔmbɔ́g huá máŋ má Galilé. 32Obólín yɔ́ na mɔndɔ edúdú úmuanyɛ súsɔ́n gimúke. Obóbísógólidie yɔ́ áneé udɔ́bígɛn yɔ́ imbɔ́g. 33Yésuse uwenebílíndíg neéneg, uwɔnɔdigɛn yɔ́ munaána uguá idú uwehémie bidá biég uwesígíd yɔ́ uguá gilɛ́mb. 34Egélém agányɛ uwabíbúlímɛn, Uwehélúmid na bugaga, uwɔyidɛn mɔndɔ áneé: «Efata.» Anagányɛ gúnya áneé: bíbún! 35Hɔ́nɔhɔ́, idú siá mɔndɔ isíébíbun, gilɛ́mb giég igíálágúmɛd uwɛɛ́d gá gálgal beseé na beseé. 36Yésuse uwosiond na mɔndɔ, uwegíndídin bɔ́ áneé bɔ́diɔyídɛ́n ta mɔndɔ buand ubuɔ́ úmal ubugányɛ. Ta anagányɛ gɔg umabá ugínden bɔ́, bámuanyɛ bábuluna gilé. 37Gúu bandɔ bámáyíká bɔ́ súsɔ́n giod, bɔ́ya áneé: «Buand gidigid ubuɔ́ wálanɔ́, búnyɛ hómohómue beseé! Waáguala áneé bedúdú bɔ́bɔn, bimúke bígálgal!»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക