Málkus 6
6
Bandɔ bá Nasalɛ́d bámásúguágɔdɛ́m uguá Yésuse
(Mat 13.54-58; Lúk 4.16, 22, 24)
1Yésuse uwoólígie hɔɔ́m ahagányɛ, uwɛɛ́d agá tísɔna uyɔɔ́ úmagumɛ́n, umabá ɔlɔŋ na bebinene bég. 2Buɔ́sɛ buá giíndía giá bayúdɛn, uwɛɛ́d uguá gigúl uwagɔns guhuínyihuinye. Giod giá bandɔ igímɔ́bídɔ́lígɔ́nɔ́n yɔ́, igíáyíka giod. Gíɔ́ya áneé: «Muand umúnó múóguólonin yɔ́ hanyɛ? Ányá uweéŋeneé yɔ́ nugedie unúnó, biseyi ibiɛ́ wálanɔ́ ibíné bíóguólonin yɔ́ hanyɛ? 3Búdibá uhaŋ wa ehégibiansɛ yɔ́ egéné a? Uhaŋ wa Malía, ndiméen Sák na Yosé, Yúud na Símune a? Beliméen abagándɔ bádibánán naánasɔ aga a?» Budugedie buɔ́b ubugánye ubúénye bɔ́ guágɔdɛ́m áneé Yésuse unyɛ Muɔ́n wa Uhaluá. 4Uwɔyidɛn bɔ́ gɔg áneé: «Ŋŋaŋa yeégúme uguá melug. Idiégúme egég gá nihiá, ta uguég guá niguíli, ta uguég guá gidɔŋ.» 5Yésuse uwen gual biseyi. Ta anagányɛ uwɔdɔ́bígɔn nsánsáŋúlía siá banúmanuma imbɔ́g, uwoóndúgonye siɛ́. 6aUwayíka kanda guágɔdɛ́m wa bandɔ bá tísɔna weg.
Yésuse umádɔ́m bebinene báad na báandɛ
(Mat 9.35; 10.1, 5-14; Lúk 9.1-6)
6bEgélém agányɛ, Yésuse uwɛɛ́d uguá bidɔŋ ibímabá uguá maáyɛ má Nasalɛ́d, uwɛɛ́d uhuínyihuinye. 7Uwɔdɔ́ŋɛ́ɛn bá báad na báandɛ uwagɔns gudúman bɔ́ báandɛ báandɛ. Uweéŋin bɔ́ bugaga buá hiligenin bilɔg biá bileénde, 8uwɔyidɛn bɔ́ gɔg áneé: «Nudigɔ́l buand buá yugɛn gá uŋand, pɛ́ŋ nudímbe: Nudigɔ́l gilɛ́d, ta gibadá, ta ŋŋúme nudiág uguánɔ guá gibadá. 9Nubíág básílíbas, gɔgaá nudigɔ́l bisɔn bíandɛ.» 10Uwedúmbenye na guɔyɔn bɔ́ áneé: «Núméneg agá hɔɔ́m hómodi, nugíga uguá giansɛ igiɛ́ básánúgíndígɛn guɔ́ gueneg haná núnya nuá guólígie hɔ́. 11Hɔɔ́m hómodi, bandɔ béméen gunúgíndígɛn, ugúnya ana béen gunúbídɔ́lígɛn, nuólígie hɔ́ nuyiŋkidin dugɔ́nd duánɔ, gá gueleé oduúdu huá hɔɔ́m ahagányɛ húdinúládímɛ́n: Búánábá gidógínye gɔ́b gá busió.» 12Bebinene abɛ́d gɔg gá guɛ́d guɔyɔn bandɔ Ginɔ́g giá Nsɔ́m, bɔ́yɔn bɔ́ áneé bénúgie bilɔŋ biɔ́b biá nusɔ́da. 13Bémehéményé giod giá bilɔg biá bileénde, béhuénen giod giá banúmanuma megúd bóndúgonye bɔ́.
Nigué niá Sáŋa eyumínyibandɔ
(Mat 14.1-12; Lúk 9.7-9)
14Ofuŋ uhugɔ́n Helód uhúɔ́b gɔg nigúmi niá Yésuse, gá giagiá nímabá níméménésegidinye hɔɔ́m gidigid. Bandɔ bómodi bɔ́ya áneé: «Sáŋa eyumínyibandɔ úwoósiónd uguá bunyɛ nnyɔlɛ! Buand buáguɔ́ únya na buŋaŋa buá guala biseyi.» 15Bómodi bɔ́ya áneé: «Búnyɛ Elí.» Bómodi bɔ́nduguɔya súsɔ́n áneé: «Búnyɛ ebunebúné unyaá mpónyé na bebunebúné bá nsuá.» 16Helód umɔɔ́mɔ́b buɔ́ haná bɔ́mɔya, uwɔyɛd áneé: «Búnyɛ Sáŋa eyumínyibandɔ uyɔɔ́ mmódóŋínyé bugaga áneé básɔ́mb ɔduá úwoósíónd uguá nusɔ́da!» 17Búnyɛ Helód mbánan úmoódóŋínyé bugaga buá gimbin Sáŋa, abágɔ́d yɔ́ na duoli duá duayɛ, ɔbɔ́nɔnɔh yɔ́ uguá giansɛ giá mbíne, gá busió buá Helodiád ugányɛ gisɔ́nd giég Fílibe uyɔɔ́ úmɔhɔg, uwɔdɔ́ga yɔ́. 18Gá giagiá Sáŋa umabá usumenin yɔ́ áneé: «Adiánigimanan ná gɔ́l ugányɛ gisɔ́nd giáhɔ.» 19Gúu Helodiád úmélíŋín Sáŋa beseé na beseé, uwɛɛ́d gá guamba dudádɛ duá gueleé bɔ́n yɔ́. Gɔgaá umasúguánan giásɛ. 20Helód umabá udíne Sáŋa gá giagiá, umalinsán áneé unyɛ mɔndɔ wa gindényé, úmuanyɛ nɔ́ súsɔ́n gisámb. Uháŋáhaŋan yɔ́, ginɛŋ igiɛ́ úmabá ubídɔ́lígɔnɔn yɔ́, dugálɔ duég dubuŋulenye yɔ́ giod, ta anagányɛ wɔya gubídɔ́lígɔ́nɔ́n yɔ́. 21Ta anagányɛ gɔg ginɔ́g giá ginɛŋ igíégin Helodiád, buɔ́sɛ buá gibín igiɛ́ Helód úmalá gisumie giég giá nubíényi, uwɔdɔ́ŋɔn biyaŋáŋá biá bandɔ bá ihiligine hiég, bagɔ́n bá dubám na bigaga bímodi biá Galilé. 22Ŋŋɔndɛ ya Helodiád iyebíŋín agá giénsél, iyebíne, gibín giég igíál Helód beseé na bɔdɔ́ŋína bég gidigid. Ofuŋ Helód uwɔyidɛn ŋŋɔndɛ ya ugándɔ igányɛ gɔg áneé: «Ŋŋóhún buand gidigid ubuɔ́ ɔ́yɔnɔ́ ŋŋuhuá buɔ́.» 23Uwabíliɛn yɔ́ áneé: «Mmábíliɛn, ŋŋáhuá buand gidigid ubuɔ́ ógóŋóhúne, ta búbá áneé disaliŋan gidɔŋ giámɛ igiɛ́ ŋŋímbenú.» 24Muúŋayɔ ŋŋɔndɛ uwahám, uwɔnɔyídɛ́n noódíe gɔg áneé: «Giagɛ nnya wa guóhún?» Noódíe uwɔyidɛn yɔ́ áneé: «Ɔduá huá Sáŋa eyumínyibandɔ.» 25Muúŋayɔ ugándɔ uwond na ɔdɛ́d agá ofuŋ Helód gá guɔyidɛn yɔ́ áneé: «Yɔɔ́guɔya áneé ampuá ɔduá huá Sáŋa eyumínyibandɔ dabdab uguá gibalibaliá giá osóyi.» 26Ofuŋ Helód uwɔɔ́b meyú na ŋŋɔŋina igányɛ imbɔ́g síeg isiásulugɔg, gúu úmasándabá wa guen gual buɔ́ gá giagiá, umabá umámánábília agá eŋís ya bɔdɔ́ŋína bég. 27Uwedúmbie gudɔ́m egíg weg omodi na bugaga buá gueleé woól na ɔduá huá Sáŋa eyumínyi. Egíg uwɛɛ́d, uwanasɔ́mb ɔduá huá Sáŋa uguá giansɛ giá mbíne. 28Egélém agányɛ uwoól na huɔ́ uguá osóyi uweéŋin ŋŋɔndɛ ya ugándɔ, ímuányɛ iyeneéŋín noódíe. 29Bebinene bá Sáŋa bɔ́mɔɔ́mɔ́nɔɔ́b anagányɛ, ɔbɔ́nɔgɔ́l gibuŋubɔŋ giég obónonyoó.
Yésuse woóguoye giíŋ
(Mat 14.13-21; Lúk 9.10-17; Sáŋ 6.1-15)
30 Medenyi má Yésuse mómoómósiond gá busɔ́m, amábígúsɛ́ɛd egég gá buáyɛ, ɔmɔ́yɔn yɔ́ buand gidigid ubuɔ́ mámáalá naá ubuɔ́ mémehuínyihuínyé. 31Haná giíŋ gímabá gíólon gíóndon, Yésuse na bebinene bég bámasándabia ginɛŋ giá nyánan, buand buáguɔ́ úmɔ́yídɛ́n bɔ́ áneé: «Ndɔ́gɔn agá uhambɛ gá gueleé nuhogid hɔ́ bugídígíd.» 32Abáyumɛn uguá ŋŋumba gá guɛ́d agá uhambɛ. 33Gɔgaá giod giá bandɔ igíán bɔ́ guídan, igíálɛns hɔɔ́m ɔhɔɔ́ bámidán. Abáháman na idɛ́d uguá bɔtísɔna gidigid abámabá uguá maáyɛ, ebébue gueneg na dugɔ́nd gá Yésuse na bebinene bég agá hɔɔ́m ahagányɛ. 34Yésuse umaámáyɔg uguá ŋŋumba uwaán giíŋ, uwaán giɛ́ bulɔ́b, gá giagiá gímabá mpónyé na baán bá bidúmbúa bá kanda egíg. Uwɛɛ́d gɔg gá huínyihuinye giɛ́ giod giá muand. 35Buɔ́sɛ búmaágányɛ nsílía, bebinene bá Yésuse abákilɛn yɔ́ ɔbɔ́yidɛn yɔ́ áneé: «Buɔ́sɛ búmáman, dinyɛ súsɔ́n agá uhambɛ. 36Gúgié biɛ́ bíɛ́d bíámba gunyá guá guɔ́nd uguá mufágfág naá uguá bidɔŋ biá mɔdɔg.» 37Yésuse uwondinye bɔ́ áneé: «Ánaá banuá mbánan núéŋin bɔ́ gunyá!» Bámuanyɛ gég áneé: «Haáyi! Digáágual naánanyá, gá gueleé diɔ́nd bilɛ́d biá guoyo bandɔ ɔbɔ? Búádiámban mbámba siá ŋŋúme edín átánɔ áhandɛ.» 38Uwoóhún bɔ́ áneé: «Nugódi bilɛ́d bínig? Ídánánɔ nuanabíyɛ́g.» Bámaámánaán, ɔbɔ́yidɛn yɔ́ áneé: «Digódi bilɛ́d bítánɔ na muɔb múandɛ.» 39Uwɔyidɛn bɔ́ áneé bédugumenye bandɔ uguá megíde uguá bimbi. 40Ebédugumenyé bɔ́ gɔg uguá bimbi, bimbi bímodi bandɔ edín átánɔ, bímodi edín áhandɛ na báad. 41Uwɔgɔ́l gɔg bilɛ́d bítánɔ na muɔb múandɛ. Uwabíbúlímɛn, uweéŋin Uhaluá mbíyigie. Uwabáya gilɛ́d, uweéŋin bebinene bég gá guaban bandɔ. Uweéŋin bɔ́ súsɔ́n muɔb múandɛ umugányɛ gá guaban bandɔ gidigid. 42Bandɔ gidigid abányánan, abábíhálan. 43Bebinene abábáda bibéyi biá bilɛ́d naá biá muɔb ibímésíen, obóhónye mudɛd múad na múandɛ. 44Bandɔ abámanyánán bámabá hɔ́ duɔns duá banúmɔndɔ dútánɔ.
Yésuse waáguanda uguá mimbi
(Mat 14.22-23; Sáŋ 6.15-21)
45Hɔ́nɔhɔ́, Yésuse uweyuminye bebinene bég uguá ŋŋumba áneé bébue guyɔg na agɔ́n unó wa máŋ, ɔmbɔ́g huá tísɔna wa Bɛtsayída, uguá ginɛŋ igiɛ́ úmuanyɛ úmésíen gá guédébenye giíŋ. 46Umaámádándúgan na giíŋ uwamágáad agá ɔŋuɛnyɛ gá bísógólonye. 47Mbíne imaámágua, ŋŋumba imabá iganyɛ agá ɔdɛ́m huá máŋ. Yésuse na buéŋényi weg agá ŋŋɛnd. 48Uwaán haná bebinene bég bámábiánán meyú gá busa ŋŋumba, gá giagiá gihínyi gímabá gíólonin bɔ́ uguá busió, búmaágányɛ gɔg na nulia mbíne, uwebinidin bɔ́ wɛɛ́d wándá uguá mimbi, uwal hana ugaásán bɔ́. 49Bámaámáan yɔ́ wanda uguá mimbi, ebégedie áneé búnyɛ nnyɔlɛ abásɛɛ́d gá héhenye. 50Gá giagiá bámuanyɛ gidigid bámánán yɔ́, bugádɔ ubúénímie bɔ́ meéne. Uwedúmbie guɔyidɛn bɔ́ hɔ́nɔhɔ́ áneé: «Bíágánánɔ bunúmɔndɔ, nudibiá bugádɔ búnyɛ yaŋuá.» 51Egélém agányɛ uwayumɛn uguá ŋŋumba, uwedugumin ɔgɔ́b gá buáyɛ, gihínyi igíédélímin. Bebinene ebéséhén na buɔ́. 52Bémeséhén gá giagiá bɔ́mɔsɔ́gɔguɔ́b giséyi giá bilɛ́d, bámabá bibínd.
Yésuse umóndúgie banúmanuma agá Genesalɛ́d
(Mat 14.34-36)
53Bámaánayɔg máŋ, ebénesum uguá ŋŋɛnd ya gibéyi giá guísi giá Genesalɛ́d, abásɔg ŋŋumba yɔb. 54Bámaánayɔg uguá ŋŋumba, bandɔ ebédúmbie gulɛns Yésuse. 55Ebégéndémidie gidɔŋ gidigid gá gɔ́lɔnɛn yɔ́ banúmanuma bídɛ́mbídɛ́m uguá biláŋa bólonin yɔ́ na bɔ́ hɔɔ́m gidigid agaá bámabá bɔ́bɔn áneé unyɛ hɔ́. 56Yésuse umiídán uguá bidɔŋ, uguá bɔtísɔna naá uguá dubág, bandɔ bólon na banúmanuma bɔ́b, bágisa bɔ́ agá niádánɛ́n niá gidɔŋ, bóbísógólonye yɔ́ áneé waádáab áneé bɔ́bígɔ́dɔn ta odú huég huá gisɔn, bandɔ gidigid ɔbɔ́mɔ́bígɔ́dɔ́n huɔ́ ɔbɔ́ndúgɔn.
നിലവിൽ തിരഞ്ഞെടുത്തിരിക്കുന്നു:
Málkus 6: EKM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Málkus 6
6
Bandɔ bá Nasalɛ́d bámásúguágɔdɛ́m uguá Yésuse
(Mat 13.54-58; Lúk 4.16, 22, 24)
1Yésuse uwoólígie hɔɔ́m ahagányɛ, uwɛɛ́d agá tísɔna uyɔɔ́ úmagumɛ́n, umabá ɔlɔŋ na bebinene bég. 2Buɔ́sɛ buá giíndía giá bayúdɛn, uwɛɛ́d uguá gigúl uwagɔns guhuínyihuinye. Giod giá bandɔ igímɔ́bídɔ́lígɔ́nɔ́n yɔ́, igíáyíka giod. Gíɔ́ya áneé: «Muand umúnó múóguólonin yɔ́ hanyɛ? Ányá uweéŋeneé yɔ́ nugedie unúnó, biseyi ibiɛ́ wálanɔ́ ibíné bíóguólonin yɔ́ hanyɛ? 3Búdibá uhaŋ wa ehégibiansɛ yɔ́ egéné a? Uhaŋ wa Malía, ndiméen Sák na Yosé, Yúud na Símune a? Beliméen abagándɔ bádibánán naánasɔ aga a?» Budugedie buɔ́b ubugánye ubúénye bɔ́ guágɔdɛ́m áneé Yésuse unyɛ Muɔ́n wa Uhaluá. 4Uwɔyidɛn bɔ́ gɔg áneé: «Ŋŋaŋa yeégúme uguá melug. Idiégúme egég gá nihiá, ta uguég guá niguíli, ta uguég guá gidɔŋ.» 5Yésuse uwen gual biseyi. Ta anagányɛ uwɔdɔ́bígɔn nsánsáŋúlía siá banúmanuma imbɔ́g, uwoóndúgonye siɛ́. 6aUwayíka kanda guágɔdɛ́m wa bandɔ bá tísɔna weg.
Yésuse umádɔ́m bebinene báad na báandɛ
(Mat 9.35; 10.1, 5-14; Lúk 9.1-6)
6bEgélém agányɛ, Yésuse uwɛɛ́d uguá bidɔŋ ibímabá uguá maáyɛ má Nasalɛ́d, uwɛɛ́d uhuínyihuinye. 7Uwɔdɔ́ŋɛ́ɛn bá báad na báandɛ uwagɔns gudúman bɔ́ báandɛ báandɛ. Uweéŋin bɔ́ bugaga buá hiligenin bilɔg biá bileénde, 8uwɔyidɛn bɔ́ gɔg áneé: «Nudigɔ́l buand buá yugɛn gá uŋand, pɛ́ŋ nudímbe: Nudigɔ́l gilɛ́d, ta gibadá, ta ŋŋúme nudiág uguánɔ guá gibadá. 9Nubíág básílíbas, gɔgaá nudigɔ́l bisɔn bíandɛ.» 10Uwedúmbenye na guɔyɔn bɔ́ áneé: «Núméneg agá hɔɔ́m hómodi, nugíga uguá giansɛ igiɛ́ básánúgíndígɛn guɔ́ gueneg haná núnya nuá guólígie hɔ́. 11Hɔɔ́m hómodi, bandɔ béméen gunúgíndígɛn, ugúnya ana béen gunúbídɔ́lígɛn, nuólígie hɔ́ nuyiŋkidin dugɔ́nd duánɔ, gá gueleé oduúdu huá hɔɔ́m ahagányɛ húdinúládímɛ́n: Búánábá gidógínye gɔ́b gá busió.» 12Bebinene abɛ́d gɔg gá guɛ́d guɔyɔn bandɔ Ginɔ́g giá Nsɔ́m, bɔ́yɔn bɔ́ áneé bénúgie bilɔŋ biɔ́b biá nusɔ́da. 13Bémehéményé giod giá bilɔg biá bileénde, béhuénen giod giá banúmanuma megúd bóndúgonye bɔ́.
Nigué niá Sáŋa eyumínyibandɔ
(Mat 14.1-12; Lúk 9.7-9)
14Ofuŋ uhugɔ́n Helód uhúɔ́b gɔg nigúmi niá Yésuse, gá giagiá nímabá níméménésegidinye hɔɔ́m gidigid. Bandɔ bómodi bɔ́ya áneé: «Sáŋa eyumínyibandɔ úwoósiónd uguá bunyɛ nnyɔlɛ! Buand buáguɔ́ únya na buŋaŋa buá guala biseyi.» 15Bómodi bɔ́ya áneé: «Búnyɛ Elí.» Bómodi bɔ́nduguɔya súsɔ́n áneé: «Búnyɛ ebunebúné unyaá mpónyé na bebunebúné bá nsuá.» 16Helód umɔɔ́mɔ́b buɔ́ haná bɔ́mɔya, uwɔyɛd áneé: «Búnyɛ Sáŋa eyumínyibandɔ uyɔɔ́ mmódóŋínyé bugaga áneé básɔ́mb ɔduá úwoósíónd uguá nusɔ́da!» 17Búnyɛ Helód mbánan úmoódóŋínyé bugaga buá gimbin Sáŋa, abágɔ́d yɔ́ na duoli duá duayɛ, ɔbɔ́nɔnɔh yɔ́ uguá giansɛ giá mbíne, gá busió buá Helodiád ugányɛ gisɔ́nd giég Fílibe uyɔɔ́ úmɔhɔg, uwɔdɔ́ga yɔ́. 18Gá giagiá Sáŋa umabá usumenin yɔ́ áneé: «Adiánigimanan ná gɔ́l ugányɛ gisɔ́nd giáhɔ.» 19Gúu Helodiád úmélíŋín Sáŋa beseé na beseé, uwɛɛ́d gá guamba dudádɛ duá gueleé bɔ́n yɔ́. Gɔgaá umasúguánan giásɛ. 20Helód umabá udíne Sáŋa gá giagiá, umalinsán áneé unyɛ mɔndɔ wa gindényé, úmuanyɛ nɔ́ súsɔ́n gisámb. Uháŋáhaŋan yɔ́, ginɛŋ igiɛ́ úmabá ubídɔ́lígɔnɔn yɔ́, dugálɔ duég dubuŋulenye yɔ́ giod, ta anagányɛ wɔya gubídɔ́lígɔ́nɔ́n yɔ́. 21Ta anagányɛ gɔg ginɔ́g giá ginɛŋ igíégin Helodiád, buɔ́sɛ buá gibín igiɛ́ Helód úmalá gisumie giég giá nubíényi, uwɔdɔ́ŋɔn biyaŋáŋá biá bandɔ bá ihiligine hiég, bagɔ́n bá dubám na bigaga bímodi biá Galilé. 22Ŋŋɔndɛ ya Helodiád iyebíŋín agá giénsél, iyebíne, gibín giég igíál Helód beseé na bɔdɔ́ŋína bég gidigid. Ofuŋ Helód uwɔyidɛn ŋŋɔndɛ ya ugándɔ igányɛ gɔg áneé: «Ŋŋóhún buand gidigid ubuɔ́ ɔ́yɔnɔ́ ŋŋuhuá buɔ́.» 23Uwabíliɛn yɔ́ áneé: «Mmábíliɛn, ŋŋáhuá buand gidigid ubuɔ́ ógóŋóhúne, ta búbá áneé disaliŋan gidɔŋ giámɛ igiɛ́ ŋŋímbenú.» 24Muúŋayɔ ŋŋɔndɛ uwahám, uwɔnɔyídɛ́n noódíe gɔg áneé: «Giagɛ nnya wa guóhún?» Noódíe uwɔyidɛn yɔ́ áneé: «Ɔduá huá Sáŋa eyumínyibandɔ.» 25Muúŋayɔ ugándɔ uwond na ɔdɛ́d agá ofuŋ Helód gá guɔyidɛn yɔ́ áneé: «Yɔɔ́guɔya áneé ampuá ɔduá huá Sáŋa eyumínyibandɔ dabdab uguá gibalibaliá giá osóyi.» 26Ofuŋ Helód uwɔɔ́b meyú na ŋŋɔŋina igányɛ imbɔ́g síeg isiásulugɔg, gúu úmasándabá wa guen gual buɔ́ gá giagiá, umabá umámánábília agá eŋís ya bɔdɔ́ŋína bég. 27Uwedúmbie gudɔ́m egíg weg omodi na bugaga buá gueleé woól na ɔduá huá Sáŋa eyumínyi. Egíg uwɛɛ́d, uwanasɔ́mb ɔduá huá Sáŋa uguá giansɛ giá mbíne. 28Egélém agányɛ uwoól na huɔ́ uguá osóyi uweéŋin ŋŋɔndɛ ya ugándɔ, ímuányɛ iyeneéŋín noódíe. 29Bebinene bá Sáŋa bɔ́mɔɔ́mɔ́nɔɔ́b anagányɛ, ɔbɔ́nɔgɔ́l gibuŋubɔŋ giég obónonyoó.
Yésuse woóguoye giíŋ
(Mat 14.13-21; Lúk 9.10-17; Sáŋ 6.1-15)
30 Medenyi má Yésuse mómoómósiond gá busɔ́m, amábígúsɛ́ɛd egég gá buáyɛ, ɔmɔ́yɔn yɔ́ buand gidigid ubuɔ́ mámáalá naá ubuɔ́ mémehuínyihuínyé. 31Haná giíŋ gímabá gíólon gíóndon, Yésuse na bebinene bég bámasándabia ginɛŋ giá nyánan, buand buáguɔ́ úmɔ́yídɛ́n bɔ́ áneé: «Ndɔ́gɔn agá uhambɛ gá gueleé nuhogid hɔ́ bugídígíd.» 32Abáyumɛn uguá ŋŋumba gá guɛ́d agá uhambɛ. 33Gɔgaá giod giá bandɔ igíán bɔ́ guídan, igíálɛns hɔɔ́m ɔhɔɔ́ bámidán. Abáháman na idɛ́d uguá bɔtísɔna gidigid abámabá uguá maáyɛ, ebébue gueneg na dugɔ́nd gá Yésuse na bebinene bég agá hɔɔ́m ahagányɛ. 34Yésuse umaámáyɔg uguá ŋŋumba uwaán giíŋ, uwaán giɛ́ bulɔ́b, gá giagiá gímabá mpónyé na baán bá bidúmbúa bá kanda egíg. Uwɛɛ́d gɔg gá huínyihuinye giɛ́ giod giá muand. 35Buɔ́sɛ búmaágányɛ nsílía, bebinene bá Yésuse abákilɛn yɔ́ ɔbɔ́yidɛn yɔ́ áneé: «Buɔ́sɛ búmáman, dinyɛ súsɔ́n agá uhambɛ. 36Gúgié biɛ́ bíɛ́d bíámba gunyá guá guɔ́nd uguá mufágfág naá uguá bidɔŋ biá mɔdɔg.» 37Yésuse uwondinye bɔ́ áneé: «Ánaá banuá mbánan núéŋin bɔ́ gunyá!» Bámuanyɛ gég áneé: «Haáyi! Digáágual naánanyá, gá gueleé diɔ́nd bilɛ́d biá guoyo bandɔ ɔbɔ? Búádiámban mbámba siá ŋŋúme edín átánɔ áhandɛ.» 38Uwoóhún bɔ́ áneé: «Nugódi bilɛ́d bínig? Ídánánɔ nuanabíyɛ́g.» Bámaámánaán, ɔbɔ́yidɛn yɔ́ áneé: «Digódi bilɛ́d bítánɔ na muɔb múandɛ.» 39Uwɔyidɛn bɔ́ áneé bédugumenye bandɔ uguá megíde uguá bimbi. 40Ebédugumenyé bɔ́ gɔg uguá bimbi, bimbi bímodi bandɔ edín átánɔ, bímodi edín áhandɛ na báad. 41Uwɔgɔ́l gɔg bilɛ́d bítánɔ na muɔb múandɛ. Uwabíbúlímɛn, uweéŋin Uhaluá mbíyigie. Uwabáya gilɛ́d, uweéŋin bebinene bég gá guaban bandɔ. Uweéŋin bɔ́ súsɔ́n muɔb múandɛ umugányɛ gá guaban bandɔ gidigid. 42Bandɔ gidigid abányánan, abábíhálan. 43Bebinene abábáda bibéyi biá bilɛ́d naá biá muɔb ibímésíen, obóhónye mudɛd múad na múandɛ. 44Bandɔ abámanyánán bámabá hɔ́ duɔns duá banúmɔndɔ dútánɔ.
Yésuse waáguanda uguá mimbi
(Mat 14.22-23; Sáŋ 6.15-21)
45Hɔ́nɔhɔ́, Yésuse uweyuminye bebinene bég uguá ŋŋumba áneé bébue guyɔg na agɔ́n unó wa máŋ, ɔmbɔ́g huá tísɔna wa Bɛtsayída, uguá ginɛŋ igiɛ́ úmuanyɛ úmésíen gá guédébenye giíŋ. 46Umaámádándúgan na giíŋ uwamágáad agá ɔŋuɛnyɛ gá bísógólonye. 47Mbíne imaámágua, ŋŋumba imabá iganyɛ agá ɔdɛ́m huá máŋ. Yésuse na buéŋényi weg agá ŋŋɛnd. 48Uwaán haná bebinene bég bámábiánán meyú gá busa ŋŋumba, gá giagiá gihínyi gímabá gíólonin bɔ́ uguá busió, búmaágányɛ gɔg na nulia mbíne, uwebinidin bɔ́ wɛɛ́d wándá uguá mimbi, uwal hana ugaásán bɔ́. 49Bámaámáan yɔ́ wanda uguá mimbi, ebégedie áneé búnyɛ nnyɔlɛ abásɛɛ́d gá héhenye. 50Gá giagiá bámuanyɛ gidigid bámánán yɔ́, bugádɔ ubúénímie bɔ́ meéne. Uwedúmbie guɔyidɛn bɔ́ hɔ́nɔhɔ́ áneé: «Bíágánánɔ bunúmɔndɔ, nudibiá bugádɔ búnyɛ yaŋuá.» 51Egélém agányɛ uwayumɛn uguá ŋŋumba, uwedugumin ɔgɔ́b gá buáyɛ, gihínyi igíédélímin. Bebinene ebéséhén na buɔ́. 52Bémeséhén gá giagiá bɔ́mɔsɔ́gɔguɔ́b giséyi giá bilɛ́d, bámabá bibínd.
Yésuse umóndúgie banúmanuma agá Genesalɛ́d
(Mat 14.34-36)
53Bámaánayɔg máŋ, ebénesum uguá ŋŋɛnd ya gibéyi giá guísi giá Genesalɛ́d, abásɔg ŋŋumba yɔb. 54Bámaánayɔg uguá ŋŋumba, bandɔ ebédúmbie gulɛns Yésuse. 55Ebégéndémidie gidɔŋ gidigid gá gɔ́lɔnɛn yɔ́ banúmanuma bídɛ́mbídɛ́m uguá biláŋa bólonin yɔ́ na bɔ́ hɔɔ́m gidigid agaá bámabá bɔ́bɔn áneé unyɛ hɔ́. 56Yésuse umiídán uguá bidɔŋ, uguá bɔtísɔna naá uguá dubág, bandɔ bólon na banúmanuma bɔ́b, bágisa bɔ́ agá niádánɛ́n niá gidɔŋ, bóbísógólonye yɔ́ áneé waádáab áneé bɔ́bígɔ́dɔn ta odú huég huá gisɔn, bandɔ gidigid ɔbɔ́mɔ́bígɔ́dɔ́n huɔ́ ɔbɔ́ndúgɔn.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക