Málkus 3
3
Gióndúgie uguá buɔ́sɛ buá giíndía giá bayúdɛn
1Yésuse uwendebíŋín uguá gigúl, mɔndɔ umabá guɔ́ ɔmbɔ́g kádádá. 2Bandɔ abádámb eŋís gá guán mmába ugoóguóndúgie mɔndɔ ugányɛ buɔ́sɛ buá giíndía giá bayúdɛn, bébédefudie yɔ́. 3Uwɔyidɛn mɔndɔ umaábá ɔmbɔ́g kádádá áneé: «Adígɛ́n ógún agá ɔdɛ́m na ɔdɛ́m.» 4Uwoóhún bɔ́ áneé: «Giíndía giá bayúdɛn gínyɛ hínen, búnyɛ áneé diala beseé lí diala gilɔg? Dinyɛ diosódie mɔndɔ lí dinyɛ diɔguɔ́n yɔ́?» Bandɔ abáhádan. 5Yésuse uwabíyigan bɔ́ uguá mosió, na ilúnd gɔ́b gá idɛ́m gulal, uwɔyidɛn mɔndɔ ugányɛ áneé: «Gánɔ́n ɔmbɔ́g!» Uwagánɔn ɔmbɔ́g uhúɔ́ndɔ́ɔg. 6Bafalisiɛ́ŋ abáhám, ebédúmbie gubídidid na gimbi giá Helód gá guán haná bánya bɔ́guɔ́n yɔ́.
Giod giá bandɔ gíébinen Yésuse
(Mat 12.15-16; Lúk 6.17-19)
7Yésuse uwadɔ́mb na bebinene bég, uwɛɛ́d uguá ŋŋɛnd ya máŋ. Giíŋ giá bandɔ gúónoólónín Galilé gíbinen yɔ́. Bandɔ bómoólónín uguá gidɔŋ giá Galilé naá giá Yudé, 8bónoólónín Yelusalɛ́m uguá gidɔŋ giá Idumé, na nagɔ́n unó wa máŋ má Yuldɛ́ŋ, uguá gidɔŋ giá Tíl naá giá Sidɔ́ŋ. Giandá giá giíŋ giá bandɔ igiólín yɔ́ haná gímɔɔ́b muand gidigid umuɔ́ Yésuse úmalá. 9Uwɔyidɛn bebinene bég áneé bágíŋíginɛn yɔ́ ŋŋumba gá yumɛn guɔ́, gá gueleé bandɔ bádiáŋásɛd yɔ́. 10Haná úmabá woóndúgonye giod giá bandɔ, gidigid abámabiánán manúma bámba áneé bɔ́bígɔ́dɔn yɔ́. 11Bilɔg biá bileénde ibímabá bíánan yɔ́, bíbígúsíganan, bílɔŋimɔnɛn yɔ́, bíɔ́yɔn yɔ́ áneé: «Anyɛ Muɔ́n wa Uhaluá.» 12Uwɔyidɛn biɛ́ na ihiligine áneé bídiɔyɛ́d bumɔndɔ ubuɔ́ únya.
Gieyide giá medenyi máad na máandɛ
(Mat 10.1-4; Lúk 6.12-16)
13Egélém, agányɛ uwanamágád uguá ɔŋuɛnyɛ, uwɔdɔ́ŋɔn bandɔ ɔbɔɔ́ ɔdɛ́m huég húmɔyá, abákilɛn yɔ́, 14uwedélíminye báad na báandɛ áneé bábá neéneg gá dúman bɔ́ áneé bɛ́d bésésényé Ginɔ́g giá Nsɔ́m, 15na biá buŋaŋa buá hémenye bilɔg biá bileénde. 16Uwedélíminye bɔ́ gɔg báad na báandɛ. Ihɛ́n siɔ́b áneé: Símune uyɔɔ́ úmalɔg ɔhɛ́n huá ginugɛ́n áneé Piéle (anagányɛ gúnya áneé Nidányɛ) 17Sák uhaŋ wa Sebedé na ndiméen wég Sáŋa, uwalɔg bɔ́ ɔhɛ́n huá ginugɛ́n áneé buánɛlguɛ́s: Anagányɛ gúnya áneé baán bá mbalamand, 18Andlé, Fílibe, Baltelemí, Matiós, Túmasia, Sák uhaŋ wa Alfé, Tadé, Símune mɔndɔ wa gidɔŋ, 19Yúdas Iskaliɔ́t umoógió yɔ́.
Duɔnd duá Yésuse dúáguamba yɔ́
20Yésuse uwoól agá nihiá, bandɔ obóndosihónín yɔ́ hɔ́, maná giásɛ wa gueleé mɔndɔ ugaányá buand ta gubá. 21Duɔnd duég dúmɔɔ́mɔ́b anagányɛ udúɛ́d áneé dúɔ́nɔgɔ́l yɔ́ gá giagiá bámasɛ́d gá guɔya áneé: «Umábál ɔduá.» 22Belinsibigodi obómonólónín Yelusalɛ́m, bɔ́ya áneé: «Ugódi bulɛmb buá Bɛlsebúl uguég guá nuɔ́l.» Súsɔ́n: «Ugódi ofuŋ huá balɛmb uhuɔ́ úhémenye malɛmb na huɔ́.» 23Uwɔdɔ́ŋɛ́ɛn bɔ́, uwedúmín bɔ́ nsab iyɛ áneé «Naánanyá Sátan únya wa gúŋa Sátan? 24Niguili nímomi nímábia masalasala, inigányɛ Niguili ihiligine hiég hídibá híágígɛ́ɛd. 25Giansɛ giá bandɔ gímábá súsɔ́n na masalasala igigányɛ giansɛ gídibá gíɔ́sɔ́dɔn. 26Mmába gɔg Abɛlɛ́bɛl waánúánan na úmuanyɛ muɛ́d wond ubídándúna udibá wa gíga, tábɔ́ áneé Abɛlɛ́bɛl ugaman. 27Mɔndɔ udibá wa guidónoól, ubíŋín uguá giansɛ giá gigaga usaga yɔ́. Uhémenye bunɛ́m buég kandabá áneé usebue umágɔ́d yɔ́ tíŋ, agányɛ usaga yɔ́ gɔg. 28Uguá meliŋ, yɔɔ́núɔyɔn buɔ́ áneé, bánáyibinɛn baán bá bandɔ gá bilɔga gidigid, ta bíánábá bínig ibiɛ́ bánálanɔ́ na fénínfenin Uhaluá. 29Gɔgaá, mɔndɔ ufénínfenineé wond ulɔga Gileénde giá Budányɛ, udianábia giyibinina ta buɔ́sɛ: Wanábá uguá gilɔga gá binɛŋ bim.» 30Umagálɛ́ɛd anagányɛ haná bɔ́yɔnɔ́ áneé: «Unyɛ na gilɔg giá gileénde.»
Ndága ya nuɔnd nuá Yésuse
(Mat 12.46-50; Lúk 8.19-21)
31Beliméen bá Yésuse na noódíe wég ebésieg, ebédélímin agá nígadá, obóhún áneé bɔ́dɔ́ŋɛ́ɛn yɔ́. 32Giod giá bandɔ gímabá gímámánágágál yɔ́. Ɔbɔ́yidɛn yɔ́ áneé: «Ndé nugódíe na beliméen báhɔ, bányɛ agá nígadá báguamba.» 33Uwondinye bɔ́ áneé: «Ányá unyaá iyaá? Báhanyɛ abánya beliméen bámɛ?»
34Uwabíyigan bɔ́ uguá mosió haná bámabá bámágágál yɔ́, úmuanyɛ gɔ́b áneé: «Ndénu noódíe wamɛ uyɔ, beliméen bámɛ ɔbɔ. 35Mɔndɔ uwalanɔ́ guɔyɛd guá Baba únyaá ndiméen wamɛ, únyaá iyaá.»
നിലവിൽ തിരഞ്ഞെടുത്തിരിക്കുന്നു:
Málkus 3: EKM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Málkus 3
3
Gióndúgie uguá buɔ́sɛ buá giíndía giá bayúdɛn
1Yésuse uwendebíŋín uguá gigúl, mɔndɔ umabá guɔ́ ɔmbɔ́g kádádá. 2Bandɔ abádámb eŋís gá guán mmába ugoóguóndúgie mɔndɔ ugányɛ buɔ́sɛ buá giíndía giá bayúdɛn, bébédefudie yɔ́. 3Uwɔyidɛn mɔndɔ umaábá ɔmbɔ́g kádádá áneé: «Adígɛ́n ógún agá ɔdɛ́m na ɔdɛ́m.» 4Uwoóhún bɔ́ áneé: «Giíndía giá bayúdɛn gínyɛ hínen, búnyɛ áneé diala beseé lí diala gilɔg? Dinyɛ diosódie mɔndɔ lí dinyɛ diɔguɔ́n yɔ́?» Bandɔ abáhádan. 5Yésuse uwabíyigan bɔ́ uguá mosió, na ilúnd gɔ́b gá idɛ́m gulal, uwɔyidɛn mɔndɔ ugányɛ áneé: «Gánɔ́n ɔmbɔ́g!» Uwagánɔn ɔmbɔ́g uhúɔ́ndɔ́ɔg. 6Bafalisiɛ́ŋ abáhám, ebédúmbie gubídidid na gimbi giá Helód gá guán haná bánya bɔ́guɔ́n yɔ́.
Giod giá bandɔ gíébinen Yésuse
(Mat 12.15-16; Lúk 6.17-19)
7Yésuse uwadɔ́mb na bebinene bég, uwɛɛ́d uguá ŋŋɛnd ya máŋ. Giíŋ giá bandɔ gúónoólónín Galilé gíbinen yɔ́. Bandɔ bómoólónín uguá gidɔŋ giá Galilé naá giá Yudé, 8bónoólónín Yelusalɛ́m uguá gidɔŋ giá Idumé, na nagɔ́n unó wa máŋ má Yuldɛ́ŋ, uguá gidɔŋ giá Tíl naá giá Sidɔ́ŋ. Giandá giá giíŋ giá bandɔ igiólín yɔ́ haná gímɔɔ́b muand gidigid umuɔ́ Yésuse úmalá. 9Uwɔyidɛn bebinene bég áneé bágíŋíginɛn yɔ́ ŋŋumba gá yumɛn guɔ́, gá gueleé bandɔ bádiáŋásɛd yɔ́. 10Haná úmabá woóndúgonye giod giá bandɔ, gidigid abámabiánán manúma bámba áneé bɔ́bígɔ́dɔn yɔ́. 11Bilɔg biá bileénde ibímabá bíánan yɔ́, bíbígúsíganan, bílɔŋimɔnɛn yɔ́, bíɔ́yɔn yɔ́ áneé: «Anyɛ Muɔ́n wa Uhaluá.» 12Uwɔyidɛn biɛ́ na ihiligine áneé bídiɔyɛ́d bumɔndɔ ubuɔ́ únya.
Gieyide giá medenyi máad na máandɛ
(Mat 10.1-4; Lúk 6.12-16)
13Egélém, agányɛ uwanamágád uguá ɔŋuɛnyɛ, uwɔdɔ́ŋɔn bandɔ ɔbɔɔ́ ɔdɛ́m huég húmɔyá, abákilɛn yɔ́, 14uwedélíminye báad na báandɛ áneé bábá neéneg gá dúman bɔ́ áneé bɛ́d bésésényé Ginɔ́g giá Nsɔ́m, 15na biá buŋaŋa buá hémenye bilɔg biá bileénde. 16Uwedélíminye bɔ́ gɔg báad na báandɛ. Ihɛ́n siɔ́b áneé: Símune uyɔɔ́ úmalɔg ɔhɛ́n huá ginugɛ́n áneé Piéle (anagányɛ gúnya áneé Nidányɛ) 17Sák uhaŋ wa Sebedé na ndiméen wég Sáŋa, uwalɔg bɔ́ ɔhɛ́n huá ginugɛ́n áneé buánɛlguɛ́s: Anagányɛ gúnya áneé baán bá mbalamand, 18Andlé, Fílibe, Baltelemí, Matiós, Túmasia, Sák uhaŋ wa Alfé, Tadé, Símune mɔndɔ wa gidɔŋ, 19Yúdas Iskaliɔ́t umoógió yɔ́.
Duɔnd duá Yésuse dúáguamba yɔ́
20Yésuse uwoól agá nihiá, bandɔ obóndosihónín yɔ́ hɔ́, maná giásɛ wa gueleé mɔndɔ ugaányá buand ta gubá. 21Duɔnd duég dúmɔɔ́mɔ́b anagányɛ udúɛ́d áneé dúɔ́nɔgɔ́l yɔ́ gá giagiá bámasɛ́d gá guɔya áneé: «Umábál ɔduá.» 22Belinsibigodi obómonólónín Yelusalɛ́m, bɔ́ya áneé: «Ugódi bulɛmb buá Bɛlsebúl uguég guá nuɔ́l.» Súsɔ́n: «Ugódi ofuŋ huá balɛmb uhuɔ́ úhémenye malɛmb na huɔ́.» 23Uwɔdɔ́ŋɛ́ɛn bɔ́, uwedúmín bɔ́ nsab iyɛ áneé «Naánanyá Sátan únya wa gúŋa Sátan? 24Niguili nímomi nímábia masalasala, inigányɛ Niguili ihiligine hiég hídibá híágígɛ́ɛd. 25Giansɛ giá bandɔ gímábá súsɔ́n na masalasala igigányɛ giansɛ gídibá gíɔ́sɔ́dɔn. 26Mmába gɔg Abɛlɛ́bɛl waánúánan na úmuanyɛ muɛ́d wond ubídándúna udibá wa gíga, tábɔ́ áneé Abɛlɛ́bɛl ugaman. 27Mɔndɔ udibá wa guidónoól, ubíŋín uguá giansɛ giá gigaga usaga yɔ́. Uhémenye bunɛ́m buég kandabá áneé usebue umágɔ́d yɔ́ tíŋ, agányɛ usaga yɔ́ gɔg. 28Uguá meliŋ, yɔɔ́núɔyɔn buɔ́ áneé, bánáyibinɛn baán bá bandɔ gá bilɔga gidigid, ta bíánábá bínig ibiɛ́ bánálanɔ́ na fénínfenin Uhaluá. 29Gɔgaá, mɔndɔ ufénínfenineé wond ulɔga Gileénde giá Budányɛ, udianábia giyibinina ta buɔ́sɛ: Wanábá uguá gilɔga gá binɛŋ bim.» 30Umagálɛ́ɛd anagányɛ haná bɔ́yɔnɔ́ áneé: «Unyɛ na gilɔg giá gileénde.»
Ndága ya nuɔnd nuá Yésuse
(Mat 12.46-50; Lúk 8.19-21)
31Beliméen bá Yésuse na noódíe wég ebésieg, ebédélímin agá nígadá, obóhún áneé bɔ́dɔ́ŋɛ́ɛn yɔ́. 32Giod giá bandɔ gímabá gímámánágágál yɔ́. Ɔbɔ́yidɛn yɔ́ áneé: «Ndé nugódíe na beliméen báhɔ, bányɛ agá nígadá báguamba.» 33Uwondinye bɔ́ áneé: «Ányá unyaá iyaá? Báhanyɛ abánya beliméen bámɛ?»
34Uwabíyigan bɔ́ uguá mosió haná bámabá bámágágál yɔ́, úmuanyɛ gɔ́b áneé: «Ndénu noódíe wamɛ uyɔ, beliméen bámɛ ɔbɔ. 35Mɔndɔ uwalanɔ́ guɔyɛd guá Baba únyaá ndiméen wamɛ, únyaá iyaá.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക