Málkus 2
2
Giyibinina na gióndúgie giá giŋándúnyá
(Mat 9.1-8; Lúk 5.17-26)
1Egélém gá baán bá mɔɔ́sɛ, Yésuse uwosiond agá tísɔna wa Kafalnawúm, bandɔ abálɛns áneé unyɛ uguá giansɛ. 2Obósihónín yɔ́ uguá giansɛ abábág na nígadá ta niágɛ́n nugɔ́nd. Uwɔyɔn bɔ́ Nugálɔ nuá Uhaluá. 3Bandɔ béníhi obólín yɔ́ na giŋándúnyá. 4Haná bámasúguán giásɛ giá guɛ́d gueneg na mɔndɔ agaá úmabá, gá giagiá bandɔ bámabá gudeg, abámágádɛn uguá buénséns ebégúsín giési uguá ɔdɔ́nd, agadá agaá Yésuse úmabá, ebésusinye mɔndɔ wɔb na giláŋa giég. 5Yésuse umaámáan guágɔdɛ́m guɔ́b egég anagányɛ, uwɔyidɛn giŋándúnyá áneé: «Manámɛ, amábia giyibinina gáhɔ gá bilɔga.» 6Gidám giá belinsibigodi gímabá dugumine agányɛ bégedenye uguɔ́b guá idɛ́m áneé: 7«Gá giagɛ mɔndɔ uyɔ úgálgalaá ana? Weéfénfenin Uhaluá, ányá unyaá wa yibinɛn sɔ́gá bilɔga biég, búmábúdibá Uhaluá mbánan?» 8Haná Yésuse úmedúmbíe gulɛns dugedie duɔ́b uduɔ́ bámabiánán uguá idɛ́m, úmuanyɛ gɔ́b áneé: «Gá giagɛ igiɛ́ núbiananaá budugedie ubugányɛ uguánɔ guá idɛ́m? 9Giagɛ igínya láglágɔ gá guɔyidɛn giŋándúnyá igiɛ áneé: “Bámáyibínɛ́n bilɔga biáhɔ” ugúnya ana “Adígɛ́n gɔ́l giláŋa giáhɔ idá?” 10Ahá gɔg, búnyɛ gá gueleé nulɛns áneé eguísi agá Muɔ́n wa mɔndɔ ugódi buŋaŋa buá yibinanɛn bilɔga. Uwɔyidɛn gɔg giŋándúnyá igigányɛ áneé: 11Yɔ́guɔyɔn, adígɛ́n gɔ́l giláŋa giáhɔ, idá agáhɔ gá nihiá.» 12Mɔndɔ uwadigɛn, hɔ́nɔhɔ́ uwɔgɔ́l giláŋa giég, uwahám agá eŋís ya bandɔ, ebéséhén na buɔ́, bégúmenye Uhaluá, bɛ́d bɔ́ya áneé: «Bágásɔ! Dimanyɛ didián gisíme hana igiɛ.»
Ɔdɔ́ŋína huá Léfi
(Mat 9.9; Lúk 5.27-28)
13Yésuse uwandahám gá guɛ́d agá ŋŋɛnd ya máŋ. Giíŋ giá bandɔ gíɛ́d gíbinen yɔ́. Uwɛɛ́d gá huínyihuinye bɔ́. 14Umaágádúmbán, uwaán Léfi uhaŋ wa Alfé, dugumine egég gá niís niá buóli, uduénen lampɔ́. Uwɔyidɛn yɔ́ áneé: «Mbinídín.» Léfi uwadigɛn uwebinidin yɔ́. 15Bémeémédugumin gá nyánan uguá giansɛ giá Léfi, giod giá beduísilampɔ́ na bɔlɔga bámabá hɔ́ ɔlɔŋ na Yésuse na bebinene bég, gá giagiá ebémebínén yɔ́ bámabá giod. 16Belinsibigodi bá bafalisiɛ́ŋ bámaámáan áneé waányánan na bɔlɔga na beduísilampɔ́ obóhún bebinene bég áneé: «Giagɛ igiɛ? Waányánan na bɔlɔga na beduíslampɔ́ a?» 17Umɔɔ́mɔ́b anagányɛ, úmuanyɛ gɔ́b áneé: «Búdibá bandɔ bá huényihuényi bɔ́ bámbanɔ́ olondi, bandɔ abánúmanɔ́ bɔ́ bámbanɔ́ olondi, mmósúguól gá dɔ́ŋɔ́n ebégedenyeé áneé bányɛ gindényé, gɔgaá mmoól gá bɔlɔga.»
Nségíe gá busió buá ŋŋenyi
(Mat 9.14-17; Lúk 5.33-39)
18Bebinene bá Sáŋa naá bá bafalisiɛ́ŋ bémebíényé gunyá. Bandɔ oboól gá guóhún Yésuse áneé: «Gá giagɛ bebinene bá Sáŋa naá bá bafalisiɛ́ŋ bébíényenyeé gunyá, báhɔ ta gubíénye?» 19Uwondinye bɔ́ áneé: «Kásɛ, mɔndɔ úmɔ́dɔ́ŋɔn bandɔ gég gá gibín giá nuɔ́ndɔ́n, bébíénye gunyá úmuanyɛ umanyɛ hɔ́ a? Bibán! Uguá ginɛŋ igiɛ́ úmanyaá nɔɔ́nɔb bádibá bébíénye. 20Gɔgaá, mɔɔ́sɛ móguólon ɔmɔɔ́ bánásúgáda efunyigifúnyíg, bánábádagɔns guɛ́d gá bíénye gunyá uguá buɔ́sɛ buáguɔ́. 21Mɔndɔ udiégíde giési giá gilun giá gisɔn na gibéyi giá ndífɔn igigɔ́sɛ, gá giagiá bámásɔg gilun giá gisɔn, gibéyi giá ndífɔn igigɔ́sɛ igigányɛ gíbígɔ́gɛ́ɛd giándalahɔn giési giá gilun giá gisɔn gudɔ́mb hana gísábá. 22Andá, bádiáguágan giŋɔ́nsa giá magɛ́b uguá gilun giá isɔmb hiá giɔmpɔ, gá gueleé giŋɔ́nsa giá magɛ́b gígéfugé, giád gilun giá isɔmb, gísalɛg na magɛ́b na isɔmb múbílɔg. Báguágan giŋɔ́nsa giá magɛ́b uguá isɔmb hiá giɔmpɔ igigɔ́sɛ.»
Yésuse na buónyi buá giíndía giá bayúdɛn
(Mat 12.1-8; Lúk 6.1-5)
23Buɔ́sɛ buá giíndía giá bayúdɛn búmodi, Yésuse na bebinene bég abándɛn uguá mesíge má belée, bebinene bég abɛ́d gá gása dubab duá belée. 24Bafalisiɛ́ŋ ɔbɔ́yidɛn yɔ́ áneé: «Ndé bandɔ báhɔ! Báguala buand ubúnya giédie buɔ́sɛ buá giíndía giá bayúdɛn.» 25Uwɔyidɛn bɔ́ áneé: «Numanyɛ nudianɔ́n buand ubuɔ́ Dáfide úmal uguá ginɛŋ igiɛ́ úmabá uguá meyú, nsan iyanúmɛ́d yɔ́ ɔlɔŋ na bandɔ bég a? 26Haná úmebíŋín uguá giansɛ giá Uhaluá uguá ginɛŋ giá edúmbinusámb nuá Uhaluá wa ɔgɔ́n Abiatál, uwanyá bilɛ́d biá nusámb ibiɛ́ pɛ́ŋ bedúmbinusámb nuá Uhaluá bányánanaá, uweéŋin súsɔ́n bandɔ abámabá ɔlɔŋ neéneg a?» 27Egélém gá nugálɔ unugányɛ uwɔnduguɔyidɛn bɔ́ áneé: «Uhaluá umal giíndía gá busió buá mɔndɔ, umasúgual mɔndɔ gá busió buá giíndía. 28Gúu búnya áneé yaŋuá Muɔ́n wa mɔndɔ nnyɛ súsɔ́n ɔgúná wa giíndía.»
നിലവിൽ തിരഞ്ഞെടുത്തിരിക്കുന്നു:
Málkus 2: EKM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Málkus 2
2
Giyibinina na gióndúgie giá giŋándúnyá
(Mat 9.1-8; Lúk 5.17-26)
1Egélém gá baán bá mɔɔ́sɛ, Yésuse uwosiond agá tísɔna wa Kafalnawúm, bandɔ abálɛns áneé unyɛ uguá giansɛ. 2Obósihónín yɔ́ uguá giansɛ abábág na nígadá ta niágɛ́n nugɔ́nd. Uwɔyɔn bɔ́ Nugálɔ nuá Uhaluá. 3Bandɔ béníhi obólín yɔ́ na giŋándúnyá. 4Haná bámasúguán giásɛ giá guɛ́d gueneg na mɔndɔ agaá úmabá, gá giagiá bandɔ bámabá gudeg, abámágádɛn uguá buénséns ebégúsín giési uguá ɔdɔ́nd, agadá agaá Yésuse úmabá, ebésusinye mɔndɔ wɔb na giláŋa giég. 5Yésuse umaámáan guágɔdɛ́m guɔ́b egég anagányɛ, uwɔyidɛn giŋándúnyá áneé: «Manámɛ, amábia giyibinina gáhɔ gá bilɔga.» 6Gidám giá belinsibigodi gímabá dugumine agányɛ bégedenye uguɔ́b guá idɛ́m áneé: 7«Gá giagɛ mɔndɔ uyɔ úgálgalaá ana? Weéfénfenin Uhaluá, ányá unyaá wa yibinɛn sɔ́gá bilɔga biég, búmábúdibá Uhaluá mbánan?» 8Haná Yésuse úmedúmbíe gulɛns dugedie duɔ́b uduɔ́ bámabiánán uguá idɛ́m, úmuanyɛ gɔ́b áneé: «Gá giagɛ igiɛ́ núbiananaá budugedie ubugányɛ uguánɔ guá idɛ́m? 9Giagɛ igínya láglágɔ gá guɔyidɛn giŋándúnyá igiɛ áneé: “Bámáyibínɛ́n bilɔga biáhɔ” ugúnya ana “Adígɛ́n gɔ́l giláŋa giáhɔ idá?” 10Ahá gɔg, búnyɛ gá gueleé nulɛns áneé eguísi agá Muɔ́n wa mɔndɔ ugódi buŋaŋa buá yibinanɛn bilɔga. Uwɔyidɛn gɔg giŋándúnyá igigányɛ áneé: 11Yɔ́guɔyɔn, adígɛ́n gɔ́l giláŋa giáhɔ, idá agáhɔ gá nihiá.» 12Mɔndɔ uwadigɛn, hɔ́nɔhɔ́ uwɔgɔ́l giláŋa giég, uwahám agá eŋís ya bandɔ, ebéséhén na buɔ́, bégúmenye Uhaluá, bɛ́d bɔ́ya áneé: «Bágásɔ! Dimanyɛ didián gisíme hana igiɛ.»
Ɔdɔ́ŋína huá Léfi
(Mat 9.9; Lúk 5.27-28)
13Yésuse uwandahám gá guɛ́d agá ŋŋɛnd ya máŋ. Giíŋ giá bandɔ gíɛ́d gíbinen yɔ́. Uwɛɛ́d gá huínyihuinye bɔ́. 14Umaágádúmbán, uwaán Léfi uhaŋ wa Alfé, dugumine egég gá niís niá buóli, uduénen lampɔ́. Uwɔyidɛn yɔ́ áneé: «Mbinídín.» Léfi uwadigɛn uwebinidin yɔ́. 15Bémeémédugumin gá nyánan uguá giansɛ giá Léfi, giod giá beduísilampɔ́ na bɔlɔga bámabá hɔ́ ɔlɔŋ na Yésuse na bebinene bég, gá giagiá ebémebínén yɔ́ bámabá giod. 16Belinsibigodi bá bafalisiɛ́ŋ bámaámáan áneé waányánan na bɔlɔga na beduísilampɔ́ obóhún bebinene bég áneé: «Giagɛ igiɛ? Waányánan na bɔlɔga na beduíslampɔ́ a?» 17Umɔɔ́mɔ́b anagányɛ, úmuanyɛ gɔ́b áneé: «Búdibá bandɔ bá huényihuényi bɔ́ bámbanɔ́ olondi, bandɔ abánúmanɔ́ bɔ́ bámbanɔ́ olondi, mmósúguól gá dɔ́ŋɔ́n ebégedenyeé áneé bányɛ gindényé, gɔgaá mmoól gá bɔlɔga.»
Nségíe gá busió buá ŋŋenyi
(Mat 9.14-17; Lúk 5.33-39)
18Bebinene bá Sáŋa naá bá bafalisiɛ́ŋ bémebíényé gunyá. Bandɔ oboól gá guóhún Yésuse áneé: «Gá giagɛ bebinene bá Sáŋa naá bá bafalisiɛ́ŋ bébíényenyeé gunyá, báhɔ ta gubíénye?» 19Uwondinye bɔ́ áneé: «Kásɛ, mɔndɔ úmɔ́dɔ́ŋɔn bandɔ gég gá gibín giá nuɔ́ndɔ́n, bébíénye gunyá úmuanyɛ umanyɛ hɔ́ a? Bibán! Uguá ginɛŋ igiɛ́ úmanyaá nɔɔ́nɔb bádibá bébíénye. 20Gɔgaá, mɔɔ́sɛ móguólon ɔmɔɔ́ bánásúgáda efunyigifúnyíg, bánábádagɔns guɛ́d gá bíénye gunyá uguá buɔ́sɛ buáguɔ́. 21Mɔndɔ udiégíde giési giá gilun giá gisɔn na gibéyi giá ndífɔn igigɔ́sɛ, gá giagiá bámásɔg gilun giá gisɔn, gibéyi giá ndífɔn igigɔ́sɛ igigányɛ gíbígɔ́gɛ́ɛd giándalahɔn giési giá gilun giá gisɔn gudɔ́mb hana gísábá. 22Andá, bádiáguágan giŋɔ́nsa giá magɛ́b uguá gilun giá isɔmb hiá giɔmpɔ, gá gueleé giŋɔ́nsa giá magɛ́b gígéfugé, giád gilun giá isɔmb, gísalɛg na magɛ́b na isɔmb múbílɔg. Báguágan giŋɔ́nsa giá magɛ́b uguá isɔmb hiá giɔmpɔ igigɔ́sɛ.»
Yésuse na buónyi buá giíndía giá bayúdɛn
(Mat 12.1-8; Lúk 6.1-5)
23Buɔ́sɛ buá giíndía giá bayúdɛn búmodi, Yésuse na bebinene bég abándɛn uguá mesíge má belée, bebinene bég abɛ́d gá gása dubab duá belée. 24Bafalisiɛ́ŋ ɔbɔ́yidɛn yɔ́ áneé: «Ndé bandɔ báhɔ! Báguala buand ubúnya giédie buɔ́sɛ buá giíndía giá bayúdɛn.» 25Uwɔyidɛn bɔ́ áneé: «Numanyɛ nudianɔ́n buand ubuɔ́ Dáfide úmal uguá ginɛŋ igiɛ́ úmabá uguá meyú, nsan iyanúmɛ́d yɔ́ ɔlɔŋ na bandɔ bég a? 26Haná úmebíŋín uguá giansɛ giá Uhaluá uguá ginɛŋ giá edúmbinusámb nuá Uhaluá wa ɔgɔ́n Abiatál, uwanyá bilɛ́d biá nusámb ibiɛ́ pɛ́ŋ bedúmbinusámb nuá Uhaluá bányánanaá, uweéŋin súsɔ́n bandɔ abámabá ɔlɔŋ neéneg a?» 27Egélém gá nugálɔ unugányɛ uwɔnduguɔyidɛn bɔ́ áneé: «Uhaluá umal giíndía gá busió buá mɔndɔ, umasúgual mɔndɔ gá busió buá giíndía. 28Gúu búnya áneé yaŋuá Muɔ́n wa mɔndɔ nnyɛ súsɔ́n ɔgúná wa giíndía.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക