Matiós 1
1
Nugɔg nuá Yésuse
(Lúk 3.23-38)
1Yubu hiá nugɔg nuá Yésuse Klístus muɔ́n wa Dafíde, muɔ́n wa Áblahám híhiényé:
2Áblahám uwebíén Isák, Isák uwebíén Yɔ́kɔba, Yɔ́kɔba uwebíén Yúdas na beliméen.
3Yúdas uwebíén Falɛ́s na Salá, noódíe wɔb ɔhɛ́n áneé Tamál. Falɛ́s uwebíén Eslɔ́m, Eslɔ́m uwebíén Alám,
4Alám uwebíén Aminadáb, Aminadáb uwebíén Nasɔ́n, Nasɔ́n uwebíén Salomɔ́ŋ,
5Salomɔ́ŋ uwebíén Bós, noódíe Bós umabá ɔhɛ́n áneé Laháb, Bós uwebíén Yobɛ́d, noódíe Yobɛ́d umabá ɔhɛ́n áneé Lút. Yobɛ́d uwebíén Yesé,
6Yesé uwebíén ofuŋ Dáfide. Dáfide uwebíén Salomɔ́ŋ na ugányɛ Ulí,
7Salomɔ́ŋ uwebíén Loboám, Loboám uwebíén Abia, Abia uwebíén Asá,
8Asá uwebíén Yosafát, Yosafát uwebíén Yolám, Yolám uwebíén Osiás,
9Osiás uwebíén Yoatám, Yoatám uwebíén Akás, Akás uwebíén Esekiás
10Esekiás uwebíén Manasé, Manasé uwebíén Amɔ́n, Amɔ́n uwebíén Yosiás,
11Yosiás uwebíén Yekoniás na beliméen, búmabá gɔg ginɛŋ giá gigimbine gá guɛ́d gá usal Babilɔ́n.
12Egélém gá gigimbine gá guɛ́d gá usal Babilɔ́n, Yekoniás uwebíén Salasiɛ́l, Salasiɛ́l uwebíén Solobabɛ́l,
13Solobabɛ́l uwebíén Abiyúd, Abiyúd uwebíén Eliakím, Eliakím uwebíén Asɔ́l,
14Asɔ́l uwebíén Sadɔ́k, Sadɔ́k uwebíén Akím, Akím uwebíén Eliúd,
15Eliúd uwebíén Eleasál, Eleasál uwebíén Matán, Matán uwebíén Yɔ́kɔba,
16Yɔ́kɔba uwebíén Yɔ́sɛba ɔnɛ́m Malía, Malía úmeébíén Yésuse uyɔɔ́ bɔ́dɔ́ŋɔnaá áneé Bémeyíde.
17Dunam gidigid dúnyɛ dúad na dúníhi gubulin agá Áblahám gueneg agá Dáfide, dúad na dúníhi gubulin agá Dáfide gueneg agá gigimbine gá guɛ́d gá usal Babilɔ́n, dúad na dúníhi gubulin agá gigimbine gá guɛ́d gá usal Babilɔ́n gueneg agá Bémeyíde.
Gubíbíén guá Yésuse
18Ndénu ana gubíbíén guá Yésuse Kilístus gúmabá: Malía, noódíe Yésuse, umabá gisɔg giá Yɔ́sɛba. Haná úmabá umanyɛ udibídígɛ́n yɔ́, Gileénde giá Budányɛ igíal áneé Malía ugɔ́l nihum. 19Gisɔg giég Yɔ́sɛba, hana úmabá súsɔ́n mɔndɔ wa gindényé, umasúguamba gubal ugányɛ agá eŋís ya bandɔ, uwabídágɛ́d pɛ́ŋ áneé wen yɔ́ uguá ninamba. 20Umeégégedényé anagányɛ, gilúna giá Ɔgúná igíébíeníginye yɔ́ uguá ilɛ́m, igíɔ́yidɛn yɔ́ áneé: «Yɔ́sɛba, uhaŋ wa Dáfide, edidín gugɔ́l ugányɛ wahɔ Malía agáhɔ gá nihía, nihum iniɛ́ úgódionu, nínyɛ guág guá Gileénde giá Budányɛ. 21Gúu ugébíénenu muɔ́n ɔnúmɔndɔ uyɔɔ́ ágaluganɔ́ áneé Yésuse, gá giagiá, úgaháŋánɔ́ buán buég gɔ́b gá bifal.» 22Ubugányɛ gidigid búmabíalá gá gueleé nugálɔ nuá Ɔgúná unuɔ́ úmɔyɛ́d uguá niíd niá ebunebúné núbíhónye. 23Unúmabá áneé: «Ŋŋɔndɛ ya ugándɔ mpúge na mmeŋe, yɔnɔ́gɔ́l nihum, ibíén muɔ́n ɔnúmɔndɔ uyɔɔ́ bánálugánɔ́ áneé Emanuɛ́l, anagányɛ gúnya áneé: “Uhaluá unyɛ naánasɔ.”» 24Yɔ́sɛba umaámáhunyɛg, uwal hana gilúna giá Ɔgúná gímɔyídɛ́n yɔ́, uwɔgɔ́l ugányɛ. 25Gɔgaá, umasábídígɛn yɔ́ gueneg hana úmebíén muɔ́n, uwalɔg yɔ́ áneé Yésuse.
നിലവിൽ തിരഞ്ഞെടുത്തിരിക്കുന്നു:
Matiós 1: EKM
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
