matiyu 27
27
Yahuza vɔne
1A gadii zɨɨnkɔ, yupẽni nya waane a jaa Ɗa a shɔ pɛ̃ni dɔlayi i manya a pɔ̃ Yesɔ dekn nei nyoutɔ. 2I mau rɛ, a pɔ̃u dekn yɛne Bilatu ɗɔbii.
3Naa Yahuda, shɔgbete mɛli Yesɔ yɛ, zɛtɛ shɔ pɔ̃ Yesɔ tɛ dekn nɛ shɔ nyoutɔ, a kɔsi sisɨn rɛ a tuu saa azurfa bmati tu kopi (30) a sori shɔ yupẽni nya waane jaa Ɗa a yupẽni dɔlayi a naa. 4<< N pɛli ruvini tɛ, >> Yahuza sharɛ, <<aruugbete n mɛli shɔ gbeteu ruvini ɓa ne ɔ nyɔu vɔrɔ yɛ. >>
kɛ ivi au ɗɔbii viya? Nya i risiyɛ. <<shɔn ɓɛjo ayukɔne. >>
5Juda lɔki sau rɛ a jaa Ɗa a ya ɗɔu rɛ. Kɛɗɔn yɛrɛ a kati kɔrɔ a laa a vɔrɛ.
6Shɔ yupẽni jaa Ɗa i tu saau i shanɛ, <<nɛ pɛ saa kpaa, ɓa saa pɔ̃niɓa >> 7Akntiuni i marɛ nei woo kɛ ɗɔgbete iyɛ gbã shɔ zatiyi aɗɔn a sau ni. 8Aruum kɔ shɔ ɓaa ɗɔu nɛ ɗɔ kpaa ane nem. 9Kɛɗɔn ruugbete Ɗa jashone Irimiya shasi tɛ̃ɛtɛ̃ɛ ɔ̃ nizɛː <<i tuu saa azurufa bmati tu kopi rɛ, saa gbete shɔ Isreila ma nei shoruu, 10I shovi shone a sau ni a woo tipi vɔrɔ gbãne awuni, nagbete Uɓeyelapa asii nya yɛ. >>
Bilatu hɨli Yesɔ ruu
11Yesɔ ɔ̃ Bilatu dekn, Bilatu hɨli Yesɔ ruu rɛ, <<mɔka kpati yahudawa? >>
Yesɔ kasinɛ<< Nn, jo nɔgbete a shang kɔ, >> Yesɔ risi nya rɛ.
12Aɗagbete shɔ yupẽniba laa zãa a shɔ pẽnibayi i hɨliu ruu ji risi nya ɓa. 13Kɛɗɔn Bilatu hɨunɛ, <<a ji nta ruu gbete i kɛ shanɛ a yuum ɓaya? >> 14Ama Yesɔ ji risi nya ɓa, aruum kɔ Bilatu bii zaa waane.
15Ko saa shɔpiya dii pasika kaane Bilatu yaa shɔ jaa hm naa gbete mooyi i tasiu naa au bii yɛ. 16Aɗauni shɔ jaa hm wɔɔ si a ɗɔn shɔ ɓau nii nɛ Baraba. 17Naa mooyi tɔlitɛ ɗɔgbete, Bilatu hɨyi nɛ, <<ɔ kasi n yasiɔ pi naa piyaː Baranaba ya ko Yesɔ shɔgbete shɔ ɓaune kirisi ya? >> 18I zɛtɛttɔ nɛ Bilatu ji ãi Yesɔ ɓa sisɨn gbete ɓa.
19Aɗau ni Bilatu usi ɗɔ ɔ̃ne a laa ɔ̃ne ruu vɔsine, ɓɛso shoshiu nya nɛː <<shompɛ shɔ tɔ̃vɨng ɔkɔ pɛliu viwɔɔ nɛ, n ɓoo raɓa zɨmba a norine waane au yuu. >>
20Ama shɔ yupɛ̃ni laa zãa a shɔ pẽnibayi pɔ̃ moo nɛ shɔu yaa baranaba naa shɔu nyo Yesɔ vɔrɔ.
21Bilatu hɨ rɛ nɛ<<Atette shopiya ɔ kasirɛ n yau naarɛ u yɛrɛ piya? >>
22<< N pɛli Yesɔ kɛ iviya shɔgbete shɔ ɓaune kirisi mi viya? >> Bilatu hɨrɛ.
i piti kasi nyanɛ, << shɔu ɓau naa ne a laa. >>
23<< Aruu iviya? Nti yukɔne shopiya? >>Bilatu hɨrɛ.
ama i shati nyanɛ, << shɔ ɓau naa ne a laa. >>
24Naa Bilatus zɛtɛ nɛ ruu yɛ- yɛ ɗekn ɓa, ama nɛi kɛ yɛ ɗekn nɛ namikɔ baa yɛ yutɔ, a ɔmii a sɔkki naa awuni mooyi ɗekn. <<Ashaa nɛ, ɔkɛ yɔ̃ jam vɔrɔne nɛ nn naa ɓa ɓuzɨn ni ɓa, >> Bilatus shaarɛ. <<ɓejo ɔkɔ kasi pɛline jo. >>
25<<Kopiya kasiu nyanɛ, u pɛlitɛ neu ɔ̃tɔ au naa au jaayi ni piti. >>
26Kɛɗɔn Bilatu yasi Baranaba naa rɛ. A ãi Yesɔ neyi waau nɛ, a ai naa rɛ neyi ɓau naa nɛ laa.
Sojayi latti Yesɔ
27Kɛɗɔn Bilatu sojayi i tu Yesɔ rɛ yɛnɛ kpati wɛrɛ, aɗɔuni gãsi sojayi kntiu atette. 28I zɔ̃u fãrã rɛ bii ai vãriu fãrã wɔ wẽri abii naa kpati ɓɛɛ, 29Kɛɗɔn i tɔ̃ri wayuu kɔkkɔ naa kpatiyi ɓɛɛ a hasiu ayuu. I pɔ̃u rɛ sãa labaa a nakn i ɓaki yugboti au dekn a lattiu rɛ. <<Nn gee a nya kpati Yahudawaǃ >> i shaa rɛ 30I tasiu susãri bii, itu u labaa a wau a wuni ayuu. 31Akntiu naayi lattiu tɛ, i zɔ̃ɔ fãrã wẽriu i tosi u fãrã sɔ̃n rɛ a bii. kɛɗɔn i yɛ awuni nei ɓau naa a laa.
Shɔ ɓaa Yesɔ naa a laa
32Aɗagbete i shɛ ɓili awuni yɛ, i kpaa shɔ Sirin wɔ, u nii ne Semon, i pɔ̃u rɛ neu tɛsi Yesɔ gbete shɔ yɛ ɓauna aɗɔn. 33I akɛ aa ɗɔwɔɔ shɔ ɓa ɗɔune Goligota ( ukɔ ɔ̃rɛ ɗɔ yuu zɔ̃pu) 34Kɛ dɔukɔ i ã Yesɔ mii anabi shɔ rããtɔ a vuwɔɔ ni gãggã neu ɓootɔ, naa Yesɔ ntatɛ bẽẽ ɓoone anoni. 35Shɔ bau naa a laa a kpaa vɔrɔ rɛ kɛɗɔn i ɓali laa rɛ nei zɛ shɔ gbete yɛ shayɛ pɛ i vɔsiu fãrã rɛ. 36I ɔ̃ aɗɔuni i bili kpẽẽ nei zɛ vigbeteu yɛ kpau yɛ kn. 37Au ɗɔ yulapa i beevi a yuu neː SHOMPƐ YESƆ, KPATI YAHUDAWA. 38Shɔ ɓa ɓɔɔyi ziti naa a laa a Yesɔ ni a nyazɔɔ, gbete au nakn gbete a nagãa. 39Shɔ gbeteyi ai tɛli a nyabau i zeu rɛ i zati yuu kparara i ɗɔ Yesɔ latine. 40I shane, <<a nɛn sãki jaa Ɗa anɛn maa a lee taati! Raa yuu ne viya akɛ ɔ̃ne Ɗa jaa yɛ! None a yulaa ni viya. >>
41Sɔ̃njo nankɔ yupẽni nya nwane a jaa Ɗa a shɔ laa beene nya asineyi a yupẽyi i ɗɔgbete i latiu rɛ. 42I geli Yesɔ nɛ,<< raa shɔwɔyi tɛ, ama ji raau yuu dɔɔɓaǃ ɓa ukɔ ɔ̃rɛ kpati Isrela ɓayaǃ u none a laau ni, u yɛ ã tɔ̃vɨng tɔ au bii ni.>> 43Ãyuu a Ɗalapa bii. Ɗalapa u raau pɛ doddorim nakɛ kasiu ne tɔ yɛ, aruugbete shaane, <<n pɛ Ɗalapa jaa. >> 44Sɔ̃njo nankɔ ɓɔɔ gbete shɔ ɓaa Yesɔ naa a laa a yini yɛ i dãu sɔ̃njo nankɔ.
Yesɔ vɔne
45A tette niti dɔ knri zuu piti a koo kpang, gbete tuu ɗaa kɔsine taati. 46Naa dɔɔ ɗaa kɔsitɛ maanɛ Yesɔ ɓa nya a lapa gãggãni nɛ, <<ɛloyi-ɛloyi, lama sabaktani? >> Ukɔ ɔ̃re, <<n Ɗalapa, n Ɗalapa, a yampe aruuviya? >>
47Shɔgbeteyi shili a aɗɔuni i tãu nam, i shanɛ, << ɓaa pɛ Iliya nya. >>
48Gbete a ɓuzɨni yurɛ tɛ̃ɛti a tuu sooso. A hãa a mii gbari a maa a labaa a n ti Yesɔ a nya neu bootɔ. 49Kɛɗɔn shɔ gãsiyi shanɛ, <<ɔ shipɛ. U zɛkn ko Iliya yɛ au raau tɔ.>>
50Sɔ̃n ɗɔn Yesɔ ɓaa nya sɔ̃n a gãggãni, a ãu suru rɛ.
51Kɛɗɔn fãrã gbete a yɛti jaau ntasi ɗɔ ziti yune lapa ane dii. Tipi zitirɛ a tari sãki rɛ. 52Yusaa ɓɛli rɛ shɔ tɔ̃vɨng gbete ai vɔtɛtɔ i yurɛ a suru ni. 53I shɛrɛ a yusaa ni, a knti gbete Yesɔ yutɛ a yusaa, i yɛrɛ a shɛ kɛ a koomoo wɔsɔ-wɔsɔ a shɔzɛ waa-nei ɗekn.
54Adagbete yupẽni soja a sojayi ni gbete i ga Yesɔ, naa i zɛ nɔgbete tipi zɨnti tɛ a vigbete i noo zɛni, i nta seti a shane, <<nizɛ Yesɔ pɛ Ɗalapa jaa. >>
55Sɔrɔyi yisi ɗɔuni waane, I zɛ vigbete kɛ yɛne ai noo a ɗɔ kwɛlɛ- kwɛlɛ. suwi gn Yesɔ a Galili aruu i kasiu naa pɔ̃sine. 56A tette suwi si Mariyamu suu Magadala, Mariyamu Yakubu ɓini a Yusufu, wɔsɔ̃n zabadi ɓeso.
Shɔ gbãa Yesɔ vɔrɔ
57A ɗaɗɗarɛ, shɔ vinaa wɔ gbete a Arimatiya arɛ, u nii nɛ Yusufu, u sɔ̃njo Yesɔ jaɗɔɔ kɔ. 58Yɛ Bilatu ɗɔbii a gakkiu rɛ neu ãng Yesɔ vɔrɔ, a Bilatus ã shɔ naa rɛ ne shɔ ã Yusufu Yesu vɔrɔ ne 59Yusufu tu Yesɔ vɔrɔ rɛ, a pɔ̃ Yesɔ vɔrɔu a fãrã lilin gbete wassa-wassa, 60A gbãu rɛ au yusaa soo au tɔ̃ri a kɔpɔ yɛ. A mɛɛ nya yusau a tari pɛ̃niba ayɛrɛ. 61Mariyamu suu Magadala wɔsɔ̃n Mariyamu wɔ i ɔ̃ adekn yusau kɔ.
Shɔ yusaa gane
62A leewɔ, ukɔ ɔ̃rɛ lee gbete shɔ susu yɛ, yupɛ̃ni nyanwane jaa Ɗa a shɔ Farasiyawayi i tɔli nya Bilatu ɗɔbii. 63<< shɔ mala, >> i shanɛ, <<u kpaa sisin tɛ aɗagbete shɔ nya yelinem usi a suru ni shanɛ, <aknti lee taati nɛn yuu a suru ni, > 64Aruu nankɔ ãsiyã nɛ shɔ ga yusau tɔ yɛnɛ lee taati. Mɓa ɗɔkɔ ɓa u jadɔyi i yɛ ɓɔu vɔrɔ rɛ a geli shɔ nɛ yutɛ yusaa ni. >>
65<<Tuu shɔ yusaa gane nɛ, >> Bilatu geliyi rɛ, <<Ɔ yɛne, ɔ ga yusau nɔgbete ɔ zɛnoo dɔɔtɔ yɛ, aruu u jaɗɔyi bɔɔrɛ setɛ dɔɔ taati tɛttɛ. >> 66I yɛrɛ a ga yusau rɛ nɔgbete shɔ yɛ zɛnoo yusau tone ɓa yɛ.
നിലവിൽ തിരഞ്ഞെടുത്തിരിക്കുന്നു:
matiyu 27: Laa
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria
matiyu 27
27
Yahuza vɔne
1A gadii zɨɨnkɔ, yupẽni nya waane a jaa Ɗa a shɔ pɛ̃ni dɔlayi i manya a pɔ̃ Yesɔ dekn nei nyoutɔ. 2I mau rɛ, a pɔ̃u dekn yɛne Bilatu ɗɔbii.
3Naa Yahuda, shɔgbete mɛli Yesɔ yɛ, zɛtɛ shɔ pɔ̃ Yesɔ tɛ dekn nɛ shɔ nyoutɔ, a kɔsi sisɨn rɛ a tuu saa azurfa bmati tu kopi (30) a sori shɔ yupẽni nya waane jaa Ɗa a yupẽni dɔlayi a naa. 4<< N pɛli ruvini tɛ, >> Yahuza sharɛ, <<aruugbete n mɛli shɔ gbeteu ruvini ɓa ne ɔ nyɔu vɔrɔ yɛ. >>
kɛ ivi au ɗɔbii viya? Nya i risiyɛ. <<shɔn ɓɛjo ayukɔne. >>
5Juda lɔki sau rɛ a jaa Ɗa a ya ɗɔu rɛ. Kɛɗɔn yɛrɛ a kati kɔrɔ a laa a vɔrɛ.
6Shɔ yupẽni jaa Ɗa i tu saau i shanɛ, <<nɛ pɛ saa kpaa, ɓa saa pɔ̃niɓa >> 7Akntiuni i marɛ nei woo kɛ ɗɔgbete iyɛ gbã shɔ zatiyi aɗɔn a sau ni. 8Aruum kɔ shɔ ɓaa ɗɔu nɛ ɗɔ kpaa ane nem. 9Kɛɗɔn ruugbete Ɗa jashone Irimiya shasi tɛ̃ɛtɛ̃ɛ ɔ̃ nizɛː <<i tuu saa azurufa bmati tu kopi rɛ, saa gbete shɔ Isreila ma nei shoruu, 10I shovi shone a sau ni a woo tipi vɔrɔ gbãne awuni, nagbete Uɓeyelapa asii nya yɛ. >>
Bilatu hɨli Yesɔ ruu
11Yesɔ ɔ̃ Bilatu dekn, Bilatu hɨli Yesɔ ruu rɛ, <<mɔka kpati yahudawa? >>
Yesɔ kasinɛ<< Nn, jo nɔgbete a shang kɔ, >> Yesɔ risi nya rɛ.
12Aɗagbete shɔ yupẽniba laa zãa a shɔ pẽnibayi i hɨliu ruu ji risi nya ɓa. 13Kɛɗɔn Bilatu hɨunɛ, <<a ji nta ruu gbete i kɛ shanɛ a yuum ɓaya? >> 14Ama Yesɔ ji risi nya ɓa, aruum kɔ Bilatu bii zaa waane.
15Ko saa shɔpiya dii pasika kaane Bilatu yaa shɔ jaa hm naa gbete mooyi i tasiu naa au bii yɛ. 16Aɗauni shɔ jaa hm wɔɔ si a ɗɔn shɔ ɓau nii nɛ Baraba. 17Naa mooyi tɔlitɛ ɗɔgbete, Bilatu hɨyi nɛ, <<ɔ kasi n yasiɔ pi naa piyaː Baranaba ya ko Yesɔ shɔgbete shɔ ɓaune kirisi ya? >> 18I zɛtɛttɔ nɛ Bilatu ji ãi Yesɔ ɓa sisɨn gbete ɓa.
19Aɗau ni Bilatu usi ɗɔ ɔ̃ne a laa ɔ̃ne ruu vɔsine, ɓɛso shoshiu nya nɛː <<shompɛ shɔ tɔ̃vɨng ɔkɔ pɛliu viwɔɔ nɛ, n ɓoo raɓa zɨmba a norine waane au yuu. >>
20Ama shɔ yupɛ̃ni laa zãa a shɔ pẽnibayi pɔ̃ moo nɛ shɔu yaa baranaba naa shɔu nyo Yesɔ vɔrɔ.
21Bilatu hɨ rɛ nɛ<<Atette shopiya ɔ kasirɛ n yau naarɛ u yɛrɛ piya? >>
22<< N pɛli Yesɔ kɛ iviya shɔgbete shɔ ɓaune kirisi mi viya? >> Bilatu hɨrɛ.
i piti kasi nyanɛ, << shɔu ɓau naa ne a laa. >>
23<< Aruu iviya? Nti yukɔne shopiya? >>Bilatu hɨrɛ.
ama i shati nyanɛ, << shɔ ɓau naa ne a laa. >>
24Naa Bilatus zɛtɛ nɛ ruu yɛ- yɛ ɗekn ɓa, ama nɛi kɛ yɛ ɗekn nɛ namikɔ baa yɛ yutɔ, a ɔmii a sɔkki naa awuni mooyi ɗekn. <<Ashaa nɛ, ɔkɛ yɔ̃ jam vɔrɔne nɛ nn naa ɓa ɓuzɨn ni ɓa, >> Bilatus shaarɛ. <<ɓejo ɔkɔ kasi pɛline jo. >>
25<<Kopiya kasiu nyanɛ, u pɛlitɛ neu ɔ̃tɔ au naa au jaayi ni piti. >>
26Kɛɗɔn Bilatu yasi Baranaba naa rɛ. A ãi Yesɔ neyi waau nɛ, a ai naa rɛ neyi ɓau naa nɛ laa.
Sojayi latti Yesɔ
27Kɛɗɔn Bilatu sojayi i tu Yesɔ rɛ yɛnɛ kpati wɛrɛ, aɗɔuni gãsi sojayi kntiu atette. 28I zɔ̃u fãrã rɛ bii ai vãriu fãrã wɔ wẽri abii naa kpati ɓɛɛ, 29Kɛɗɔn i tɔ̃ri wayuu kɔkkɔ naa kpatiyi ɓɛɛ a hasiu ayuu. I pɔ̃u rɛ sãa labaa a nakn i ɓaki yugboti au dekn a lattiu rɛ. <<Nn gee a nya kpati Yahudawaǃ >> i shaa rɛ 30I tasiu susãri bii, itu u labaa a wau a wuni ayuu. 31Akntiu naayi lattiu tɛ, i zɔ̃ɔ fãrã wẽriu i tosi u fãrã sɔ̃n rɛ a bii. kɛɗɔn i yɛ awuni nei ɓau naa a laa.
Shɔ ɓaa Yesɔ naa a laa
32Aɗagbete i shɛ ɓili awuni yɛ, i kpaa shɔ Sirin wɔ, u nii ne Semon, i pɔ̃u rɛ neu tɛsi Yesɔ gbete shɔ yɛ ɓauna aɗɔn. 33I akɛ aa ɗɔwɔɔ shɔ ɓa ɗɔune Goligota ( ukɔ ɔ̃rɛ ɗɔ yuu zɔ̃pu) 34Kɛ dɔukɔ i ã Yesɔ mii anabi shɔ rããtɔ a vuwɔɔ ni gãggã neu ɓootɔ, naa Yesɔ ntatɛ bẽẽ ɓoone anoni. 35Shɔ bau naa a laa a kpaa vɔrɔ rɛ kɛɗɔn i ɓali laa rɛ nei zɛ shɔ gbete yɛ shayɛ pɛ i vɔsiu fãrã rɛ. 36I ɔ̃ aɗɔuni i bili kpẽẽ nei zɛ vigbeteu yɛ kpau yɛ kn. 37Au ɗɔ yulapa i beevi a yuu neː SHOMPƐ YESƆ, KPATI YAHUDAWA. 38Shɔ ɓa ɓɔɔyi ziti naa a laa a Yesɔ ni a nyazɔɔ, gbete au nakn gbete a nagãa. 39Shɔ gbeteyi ai tɛli a nyabau i zeu rɛ i zati yuu kparara i ɗɔ Yesɔ latine. 40I shane, <<a nɛn sãki jaa Ɗa anɛn maa a lee taati! Raa yuu ne viya akɛ ɔ̃ne Ɗa jaa yɛ! None a yulaa ni viya. >>
41Sɔ̃njo nankɔ yupẽni nya nwane a jaa Ɗa a shɔ laa beene nya asineyi a yupẽyi i ɗɔgbete i latiu rɛ. 42I geli Yesɔ nɛ,<< raa shɔwɔyi tɛ, ama ji raau yuu dɔɔɓaǃ ɓa ukɔ ɔ̃rɛ kpati Isrela ɓayaǃ u none a laau ni, u yɛ ã tɔ̃vɨng tɔ au bii ni.>> 43Ãyuu a Ɗalapa bii. Ɗalapa u raau pɛ doddorim nakɛ kasiu ne tɔ yɛ, aruugbete shaane, <<n pɛ Ɗalapa jaa. >> 44Sɔ̃njo nankɔ ɓɔɔ gbete shɔ ɓaa Yesɔ naa a laa a yini yɛ i dãu sɔ̃njo nankɔ.
Yesɔ vɔne
45A tette niti dɔ knri zuu piti a koo kpang, gbete tuu ɗaa kɔsine taati. 46Naa dɔɔ ɗaa kɔsitɛ maanɛ Yesɔ ɓa nya a lapa gãggãni nɛ, <<ɛloyi-ɛloyi, lama sabaktani? >> Ukɔ ɔ̃re, <<n Ɗalapa, n Ɗalapa, a yampe aruuviya? >>
47Shɔgbeteyi shili a aɗɔuni i tãu nam, i shanɛ, << ɓaa pɛ Iliya nya. >>
48Gbete a ɓuzɨni yurɛ tɛ̃ɛti a tuu sooso. A hãa a mii gbari a maa a labaa a n ti Yesɔ a nya neu bootɔ. 49Kɛɗɔn shɔ gãsiyi shanɛ, <<ɔ shipɛ. U zɛkn ko Iliya yɛ au raau tɔ.>>
50Sɔ̃n ɗɔn Yesɔ ɓaa nya sɔ̃n a gãggãni, a ãu suru rɛ.
51Kɛɗɔn fãrã gbete a yɛti jaau ntasi ɗɔ ziti yune lapa ane dii. Tipi zitirɛ a tari sãki rɛ. 52Yusaa ɓɛli rɛ shɔ tɔ̃vɨng gbete ai vɔtɛtɔ i yurɛ a suru ni. 53I shɛrɛ a yusaa ni, a knti gbete Yesɔ yutɛ a yusaa, i yɛrɛ a shɛ kɛ a koomoo wɔsɔ-wɔsɔ a shɔzɛ waa-nei ɗekn.
54Adagbete yupẽni soja a sojayi ni gbete i ga Yesɔ, naa i zɛ nɔgbete tipi zɨnti tɛ a vigbete i noo zɛni, i nta seti a shane, <<nizɛ Yesɔ pɛ Ɗalapa jaa. >>
55Sɔrɔyi yisi ɗɔuni waane, I zɛ vigbete kɛ yɛne ai noo a ɗɔ kwɛlɛ- kwɛlɛ. suwi gn Yesɔ a Galili aruu i kasiu naa pɔ̃sine. 56A tette suwi si Mariyamu suu Magadala, Mariyamu Yakubu ɓini a Yusufu, wɔsɔ̃n zabadi ɓeso.
Shɔ gbãa Yesɔ vɔrɔ
57A ɗaɗɗarɛ, shɔ vinaa wɔ gbete a Arimatiya arɛ, u nii nɛ Yusufu, u sɔ̃njo Yesɔ jaɗɔɔ kɔ. 58Yɛ Bilatu ɗɔbii a gakkiu rɛ neu ãng Yesɔ vɔrɔ, a Bilatus ã shɔ naa rɛ ne shɔ ã Yusufu Yesu vɔrɔ ne 59Yusufu tu Yesɔ vɔrɔ rɛ, a pɔ̃ Yesɔ vɔrɔu a fãrã lilin gbete wassa-wassa, 60A gbãu rɛ au yusaa soo au tɔ̃ri a kɔpɔ yɛ. A mɛɛ nya yusau a tari pɛ̃niba ayɛrɛ. 61Mariyamu suu Magadala wɔsɔ̃n Mariyamu wɔ i ɔ̃ adekn yusau kɔ.
Shɔ yusaa gane
62A leewɔ, ukɔ ɔ̃rɛ lee gbete shɔ susu yɛ, yupɛ̃ni nyanwane jaa Ɗa a shɔ Farasiyawayi i tɔli nya Bilatu ɗɔbii. 63<< shɔ mala, >> i shanɛ, <<u kpaa sisin tɛ aɗagbete shɔ nya yelinem usi a suru ni shanɛ, <aknti lee taati nɛn yuu a suru ni, > 64Aruu nankɔ ãsiyã nɛ shɔ ga yusau tɔ yɛnɛ lee taati. Mɓa ɗɔkɔ ɓa u jadɔyi i yɛ ɓɔu vɔrɔ rɛ a geli shɔ nɛ yutɛ yusaa ni. >>
65<<Tuu shɔ yusaa gane nɛ, >> Bilatu geliyi rɛ, <<Ɔ yɛne, ɔ ga yusau nɔgbete ɔ zɛnoo dɔɔtɔ yɛ, aruu u jaɗɔyi bɔɔrɛ setɛ dɔɔ taati tɛttɛ. >> 66I yɛrɛ a ga yusau rɛ nɔgbete shɔ yɛ zɛnoo yusau tone ɓa yɛ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria