matiyu 26
26
Shɔ pɛ̃niɓa nyanwane ja Ɗa i ma ruu nei nyo Yesɔ vɔrɔ
1Naa Yesɔ isi nyanwane tɛ aruu yuu vigbete pɛli yɛ ni piti kpai, ageli u jaɗɔyi nɛ, 2<< Naa ɔ zɛ ɓang kɔ, dii biki pasika ya tɛ lee ziti shɔyɛ ã Yesɔ shɔzɛja ne shɔ ɓau naa alaa. >>
3Kɛɗɔn shɔ yupɛ̃ni nyawanɛ jaa Ɗa a shɔ pɛ̃niyi i tɔli nyarɛ a kpati pɛ̃niɓa ɗekn gbete u nii nɛ kayifa, 4Aɗɔukɔ i ma nya nɛ sã Yesɔ kaali a nyou vɔrɔ rɛ. 5<<Ama yɛ ɔ̃ ɓa lee biki pasika ɓa, vigbete shɔ yupɛ̃niyi i shayɛ a kpati ɗekn nɛ, aruugbete shɔyɛ yusi nya rɛ.>>
Shɔ pẽri Yesɔ noo a Betani
6Aɗagbete Yesɔ u a Betani yɛ a shɔwɔ wɛrɛ shɔ ɓaune Sɛmon shɔ vibii, 7Suu wɔ a Yesɔ ɗɔbii a noo wɔ gbete u saa ayuu ni, tɛriu ayuu aɗagbete usi ɗɔ vishaane.
8Naa Yesɔ jaɗɔyi i zɛ vigbete suu pɛli yɛ tɛ, i sisɨn lɛsi rɛ. i shanɛ << vinpɛ vi lɛsine ai? >> 9<<Shɔ si mɛli noom tɔ shɔ si kpaa saa awuni waa-ne a ã saau shɔgbete i viɓa naa niɓa.>>
10Yesɔ zɛ vigbete ai sisɨn yɛ tɛttɔ, a geli ne, <<ɔ yɔri suum pi ruviya? Pɛli pɛ vitɔ̃vɨng ang ɗɔ bii ni. 11Ɔ bɛɛ ji lee -lee a shɔ raani aɗɔzɔ, ama n yɛ ɔ̃ɓa ɔkɔni lee -lee ɓa. 12Noo gbete suu tɛ̃rim abii mi ntorim nɔgbete shɔ yɛ gbãng yɛ. 13Vi n kɛ gelɔɔ nem nizɛ, ɗɔgbete shɔkɛ nwari shɔ Dalapa nya ruubii nɛ akoo piti kpai, vigbete suum pɛliyɛ shɔyɛ nwayatɔ au yuu ni, u ruu bii shɔyɛ suki ɓa. >>
Yahuza kasi nya nɛn mɛli Yesɔ
14Kɛɗɔn atette Yesɔ jaɗɔ kopi tu ziti shɔgbete shɔ ɓaune Yahuza Isikarayoti yɛ shɔ yuu pɛ̃niba nya nwane a jaa Ɗa i ɗɔ bii 15A hɨrɛ ne, <<ɔ yɛ ãng iviya nang kɛ mɛlɔɔ Yesɔ ne viya? >> Kɛɗɔn i gaa saa gbete shɔ pɛli a azurfa mbati atu kop i ãu rɛ. 16Yune leeu kɔ Yahuza Isikarayoti kã nyaba gbete yɛ ãi Yesɔ yɛ.
Yesɔ shaa vishaane pasika au jaɗɔyi ni
17A dii gbete shɔ gaa biki pasika yɛ lee gbete shɔ shaa borodi gbete yisi ɓa ɗɔn ɓa yɛ, Yesɔ jaɗoyi i au ɗɔ bii i hɨu nɛ, << kasi neu tɔ̃raa ɗɔ vishaa pasika pi ɗɔpiya? >>
18Yesɔ risi nyanɛ, ɔ yɛ ɓuzɨn koomoo shɔ wɔ ɗɔbii ɔ geliunɛ, <<shɔ mala shaneː nlee atɛ maani. Nɛn yɛ shaa biki pasika jo a wɛrɛ kɔ au jadɔyi ni.>> 19Yesɔ jaɗɔyi pɛli jo nɔgbete yesɔ geliyɛ kɔ i tɔ̃ri ɗɔ vi pasika shaa neu rɛ.
20Naa ɗarɛ pɛlitɛ, Yesɔ au jadɔ kop atu ziti i ɔ̃ ɗɔ vishaane shaanɛ. 21Aɗɔgbete i a ɗɔ vishaane shaanɛ yɛ, Yesɔ shanɛ, <<n gelɔɔ tɛ nizɛ, shɔwɔ au tettem yɛ mɛlintɔ. >>
22I sisɨn lɛsi rɛ i yuu gbete -gbete i hɨ Yesɔ nɛ, <<Uɓeyelapa n kɔya?>>
23Yeso risi nyanɛ, << shɔ gbete u shaa vishaane awuni waa gbete yɛ ukɔ yɛ mɛlin rɛ. 24Jaa shɔzɛ yɛjo nɔgbete shɔ beeu ruubii yɛ. Shɔ gbeteu mɛli Yesɔ, jashɔzɛm yɛ kpaa yuu kɔne tɔǃ yɛ ɔ̃ruu a sisɨn naa shɔ si ji yeeu kɔɔ ɓa.>>
25Kɛɗɔn Juda, shɔgbete mɛli Yesɔ yɛ, shaane, <<nizɛ ɓa n kɔɓa ya shɔ mala?>>
Yesɔ kasi nyanɛ, <<nn, mɔkɔ maa a shaa tɛ jo a nya. >>
26I ɗɔ vishaane shaanɛ, Yesɔ tuu borodi lapa, a dɔ̃ri Ɗalapa a dali rɛ, a ã u jaɗɔyi rɛ, geliyinɛ, <<ɔ tɛne ɔ shaarɛ; shompɛ nbii.>>
27Kɛɗɔn Yesɔ tuu jawaa mii lapa, a dɔ̃ri Ɗalapa a ãirɛ, geliyinɛ, << ɔ tɛne ɔ ɓoorɛ, ɔ piti kpai. 28Shompɛ n kpaa gbete yɛ sɔ̃ri nya ruu gbete u ma a ɔkɔ ni, gbete shɔ yɛ tɛ̃ɛ a shɔzɛ bang i yuu aruu shɔ sɔkii ruuvini. 29N gelɔɔ tɛ, n yɛ boo mii inabin tɔɓa se lee gbete u kpɛsi zɔtɛ a ɔkɔni u yɛu boo kɛu sɔɔ a mayɛ ɗɔɔ kpati roone lapa.>>
30Naayi nto soo Ɗa bɛline tɛ, i yɛkɛ kɔpɔ zeetung.
Yesɔ shanɛ Bituru yɛ masin nya tɔ,
31Kɛɗɔn Yesɔ geliyi nɛ, << Ɔ piti kpai zɨnɓan kɔ ɔyɛ Kɔddɔɔ ang yuu, laabeene sha tɛttɔ nɛː
<<< Ɗalapa yɛ nyo jagavivaayi tɔ,
mɛrɛɛyi yɛ sãtikɛ tɔ.>
32Ama shɔkɛ yuu sin lapa nɛ saa ni, n yɛn tɔ Galili n yaɔ a knti. >>
33Bituru risi nya nɛ, << kɔ i kɛ kɔɗdɔɔ nɛ ayuu piti kpai, n yɛ kɔ bɛɛ jo ɓa.>>
34<< n gelɔɔ tɛ nizɛ, >> Yesɔ risi nyarɛ, <<zɨnɓankɔ, ayɛ maasin nya ɓa taati kpaasikɔ̃ yɛ ɓa nya kn. >>
35Ama Bituru shanɛ, <<ko shɔyɛ nyotɔ amɔkɔni, n nyɛn tɔɓa nɛn ji zɛa nii ɓa. >> Yesɔ jadɔyi sha ji ɗɔkɔ piti kpai.
Yesɔ gakki Ɗa a Gesemani
36Yesɔ au jaɗoyi i yɛ ɗɔgbete shɔ ɓane Gesemani, Yesɔ geliyine, <<ɔ ɔ̃ne ɗɔnkɔ n yɛ pɛ lapawa n gakki Ɗa pɛ. >> 37Tu Bituru a Zabadi ɓɛjaayi babba ziti, aɗɔuni u sisɨn gaa lɛsine a yukɔne ni. 38kɛɗɔn ageliyine, <<N suru ɗɔ yɔri ɓoone waa-ne naa n si vɔtɔ. ɔ ɔ̃ ɗɔnkɔ u kn noo rɛ. >>
39Gisi bii ɗekn, a wẽsi atipi a gakki Ɗa ne, <<maye, naa yɛ pɛlitɔ, rang kati a raa gbete n kɛ ɓoonem.ɓa kasine ɓa, ama vigbete a kasi yɛ. >>
40Kɛɗɔn asɔrɛ akpaa u jadoyi aɗɔ noro-roone. <<ɔ yɛ zɛnoo ɔ̃ne ɓa a n kɔ ni ɗagbete ɓaya? >> Yesɔ hɨ Bituru. 41<<ɔ ɔ̃ shɔ ruu zɛnɛ a Ɗa gakkinɛ aruu japẽepẽ yɛ ɗakkɔ rɛ. Suru tu tɛ ama bii ji laaki ɓa. >>
42Yesɔ yurɛ ayɛ ɗɔ Ɗa gakki sɔ̃nrɛ, <<maye, yukɔne gbete kane ang ɗekn ji ɔ̃ ɓa nɔgbete n yɛn raa naa aɗɔn ɓa, u ɔ̃ pɛ nɔgbete a kasiyɛ.>>
43Naa sɔtɛ, arɛ a kpayi sɔ̃n a nororo, aruu gbete si noro kpeti noo tɛ bang. 44Ayuu sɔ̃nrɛ ayɛ ɗɔ Ɗa gakkine rɛ, agakkirɛ ayuu vigbete gakki siyɛ.
45A so u jaɗoyi ɗɔbii ageliyinɛ, <<ɔ noro rone a susune niya? Ɔ zɛpɛ, ɗaa atɛ maani, shɔyɛ mɛli Yesɔ, jashɔzɛ a shɔ ruuvini i naa. 46Ɔ yune, u yɛrɛǃ shɔgbete yɛ mɛlin yɛ atɛ.>>
Yupɛ̃ni nyanwaneyi jaa Ɗa i sã Yesɔ
47Aɗagbete si Yesɔ ɗɔ nwanya yɛ, Yahuza, shɔzɛ gbete atette kop atu ziti mi, arɛ. Yahuza a moo ni waa-ne wɔsɔ̃n sojayi i sãli zaali a laabaa a naa, shɔ yupɛ̃ni nya nwane a shɔ pɛ̃niyi gbete a koou ikɔyi shɔyirɛ a Yesɔ ɗɔ bii. 48Shɔgbete yɛ mɛliu ma tɛttɔ a shɔwiyi ni nɔgbete yɛ tasii Yesɔː <<shɔgbete n kɛ kɔ̃tiu naa nɛ bii sijo ukɔ; ɔ sãutɔ. >> 49Yahuza yɛ Yesɔ ɗɔ bii, ashanɛ, <<biyãtɔne u ɔ̃ a mɔkɔni, shɔ malaǃ >> a kɔtiu naa rɛ abii.
50Yesɔ risi nyanɛ, << masa, pɛli vigbete n taa yɛ. >>
kɛɗɔn shɔwiyi i kpaa bii i sã Yesɔ rɛ. 51Anankɔ shɔgbete isi a Yesɔ ni shɔzɛ gbete zɔ zaali, ako shɔ yupɛ̃niba nya nwane jaa wɛrɛ yushoo awuni. 52<<Sɔri zaali nɛ au ɗɔ ɔ̃ne, >> Yesɔ geliu rɛ, << arumkɔ shɔgbete kɛ tu zaali nɛ zaali kɔ yɛ nyou jo. 53Ɔ ji zɛ ɓa n kakaa aɗɔn n ɓaa maye nya u pɔ̃ naa, doddorim kɔ yɛ dɔ̃sɨn Ɗa jashone lapa gbete tɛɛ knn kopi atu ziti tɛ ɓaya? 54Ama aruum kɔ shɔyɛ zɛkɛ pikovi nɛ Ɗalapa nya ruubii ɔ̃ nizɛ gbete laabeene shatɛttɔ ne yɛ ɔ̃ nankɔ viya? >>
55Aɗawukɔ Yesɔ geli moo gbete au ɗɔ bii nɛ, << ɔ shɛ a zaali a laabaa ni a naa neyi sãntɔ naa shɔ sã ɓɔɔ ya? Alee -lee n ɔ̃ a jaa Ɗa n ɗɔgbete n maati shɔ vi ɔ ji sãn ɓa. 56Ama vin piti kpai ɔ̃ nankɔ u sɔ̃nri nya vigbete Ɗa jaa shone i bee yɛ aruu Ɗa nya bii ne ɔ̃ nizɛ.>>Kɛɗɔn Yesɔ jadoyi i yurɛ i yaurɛ.
Yesɔ a kpati dekn
57Shɔgbete i sã Yesɔ yɛ i n tiu a kayifa ɗekn, shɔ nya nwanɛ pɛ̃niba, aɗɔgbete shɔ mala nya ãsine a shɔ pɛ̃niba dolaayi i tɔli yɛ. 58Ama Bituru geu aknti aɗɔ kpɛlɛ, ane shɔ nya nwane pɛ̃niba u ɗɔ wɛrɛ. Tɔrɛ a ɔ̃ a shɔgbete ga wɛrɛu yɛ nen zɛ vigbete yɛ kpaa Yesɔ yɛ.
59Shɔ nya waane pɛ̃niɓayi a kpati shovi shoneyi i kã nyaba nya yelinɛ piti neyi sã Yesɔ awuni i ji kpaa ɓa. 60Ama i ji kpaa nyaba ɓa ko gbete, ama si shɔwɔyi i yeli nya tɛttɔ au yuu tɔttɔ.
au knti ni shɔzɛ ziti i shɛrɛ.
61I shanɛ, << jaam shanɛ, <n yɛn zɛnotɔ n sãã jaa Ɗalapa rɛ n maa a lee taati. > >>
62Kɛɗɔn shɔ nya waane pɛ̃niba yulaparɛ ahɨ Yesɔ nɛ, << a yɛ kasi nya ɓaya? A nya risi ne ɓaya aruu gbete shɔ kɛ shanɛ ni ɓaya? >> 63Ama Yesɔ ɔ̃ a nyani.
shɔ nya waane pɛ̃niɓa gelinɛ, <<n ɓasaa tɛ a Ɗalapa niiː geliu pɛ mɔkɔ ɔ̃rɛ kirisi ya, Ɗa jaa.>>
64<<Nn, nɔgbete ashayɛ, >> Yesɔ risi nyarɛ. <<Ama n gelɔɔ tɛ pitiː a dekn ɔ zɛ yesɔ, jashɔzɛ ɔ̃tɛ a shɔgbete vi tɛu kakaa ɓa nakn, kane akunyasi lapa . >>
65Kɛɗɔn shɔ nya waane pɛ̃niɓa tãu fãrã bii ashanɛ, <<lɛsi Ɗalapa nii tɛǃ ɔ kã kɛpi sɛda shɔpiya? Ɔ kn noo pɛ, doddorim ɔ tã tɛ jo awɔ shoo lɛsi Ɗa nii tɛ 66Ɔ zɛpɛ koviya aruum ni viya? >>
<<Yɛtɛttɔ nɔgbete shɔ nyou vɔrɔ yɛ, >>i kasi nyarɛ.
67I tasiu susãri anokn i wau rɛ, shɔwɔyi wau naa akashiyã 68I geliu nɛ, <<akɛ ɔ̃ne kirisi Ɗa jashone. geliu nɛ pi waa piya? >>
Bituru masi Yesɔ nya
69Aɗagbete si Bituru u a ɗɔ ɔ̃ne atette wɛrɛu, jasuu vishone wɛrɛu wɔ au ɗɔbii. << a ji a Yesɔ shɔ Galili ni a nya zɔ, jasuu sharɛ.>>
70Ama ai dekn piti Bituru masii nya aɗɔn. << n ji zɛ vigbete a nwanya au yuuni ɓa, >>Bituru sharɛ.
71Kɛɗɔn sã nyaba ayɛ nyaba wɛrɛ, aɗɔukɔ jasuu vishone wɛrɛ wɔ zɛu sɔ̃n jo ageli shɔgbete i shili aɗɔuni nɛ, << jam usi jo ɗɔzɔ a Yesɔ Nazara ni. >>
72Ama Bituru masi nya sɔ̃n tɔtti, a tɛrɛː << n ji zɛ jam jo ɓa. >>
73Akntiu ni tɛ̃ɛ̃ti, shɔgbete i shili aɗɔuni yɛ i yɛu ɗɔbii i geli Bituru ne, <<nizɛkɔ a ji ɓɛzɔ kɔ, a nya nwane tasi tɛttɔ. >>
74Kɛɗɔn Bituru yɛ ɗekn u ɗɔgbete wiriu yuu a teene ni shanɛ, <<n ji zɛ jam nii ɓa. >>
akntiuni tɛ̃ɛ̃ti kpaasikɔ̃ ɓaa nyarɛ. 75<< Kɛɗɔn Bituru kpaa sisɨn aruugbete Yesɔ geliu yɛː kpaasikɔ̃ ɓɛɛ nya ɓane iyɛ masin nya ɓa taati. >> Kɛdɔn Bituru yurɛ ashɛ ɓili a sãki nyavɔ.
നിലവിൽ തിരഞ്ഞെടുത്തിരിക്കുന്നു:
matiyu 26: Laa
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria
matiyu 26
26
Shɔ pɛ̃niɓa nyanwane ja Ɗa i ma ruu nei nyo Yesɔ vɔrɔ
1Naa Yesɔ isi nyanwane tɛ aruu yuu vigbete pɛli yɛ ni piti kpai, ageli u jaɗɔyi nɛ, 2<< Naa ɔ zɛ ɓang kɔ, dii biki pasika ya tɛ lee ziti shɔyɛ ã Yesɔ shɔzɛja ne shɔ ɓau naa alaa. >>
3Kɛɗɔn shɔ yupɛ̃ni nyawanɛ jaa Ɗa a shɔ pɛ̃niyi i tɔli nyarɛ a kpati pɛ̃niɓa ɗekn gbete u nii nɛ kayifa, 4Aɗɔukɔ i ma nya nɛ sã Yesɔ kaali a nyou vɔrɔ rɛ. 5<<Ama yɛ ɔ̃ ɓa lee biki pasika ɓa, vigbete shɔ yupɛ̃niyi i shayɛ a kpati ɗekn nɛ, aruugbete shɔyɛ yusi nya rɛ.>>
Shɔ pẽri Yesɔ noo a Betani
6Aɗagbete Yesɔ u a Betani yɛ a shɔwɔ wɛrɛ shɔ ɓaune Sɛmon shɔ vibii, 7Suu wɔ a Yesɔ ɗɔbii a noo wɔ gbete u saa ayuu ni, tɛriu ayuu aɗagbete usi ɗɔ vishaane.
8Naa Yesɔ jaɗɔyi i zɛ vigbete suu pɛli yɛ tɛ, i sisɨn lɛsi rɛ. i shanɛ << vinpɛ vi lɛsine ai? >> 9<<Shɔ si mɛli noom tɔ shɔ si kpaa saa awuni waa-ne a ã saau shɔgbete i viɓa naa niɓa.>>
10Yesɔ zɛ vigbete ai sisɨn yɛ tɛttɔ, a geli ne, <<ɔ yɔri suum pi ruviya? Pɛli pɛ vitɔ̃vɨng ang ɗɔ bii ni. 11Ɔ bɛɛ ji lee -lee a shɔ raani aɗɔzɔ, ama n yɛ ɔ̃ɓa ɔkɔni lee -lee ɓa. 12Noo gbete suu tɛ̃rim abii mi ntorim nɔgbete shɔ yɛ gbãng yɛ. 13Vi n kɛ gelɔɔ nem nizɛ, ɗɔgbete shɔkɛ nwari shɔ Dalapa nya ruubii nɛ akoo piti kpai, vigbete suum pɛliyɛ shɔyɛ nwayatɔ au yuu ni, u ruu bii shɔyɛ suki ɓa. >>
Yahuza kasi nya nɛn mɛli Yesɔ
14Kɛɗɔn atette Yesɔ jaɗɔ kopi tu ziti shɔgbete shɔ ɓaune Yahuza Isikarayoti yɛ shɔ yuu pɛ̃niba nya nwane a jaa Ɗa i ɗɔ bii 15A hɨrɛ ne, <<ɔ yɛ ãng iviya nang kɛ mɛlɔɔ Yesɔ ne viya? >> Kɛɗɔn i gaa saa gbete shɔ pɛli a azurfa mbati atu kop i ãu rɛ. 16Yune leeu kɔ Yahuza Isikarayoti kã nyaba gbete yɛ ãi Yesɔ yɛ.
Yesɔ shaa vishaane pasika au jaɗɔyi ni
17A dii gbete shɔ gaa biki pasika yɛ lee gbete shɔ shaa borodi gbete yisi ɓa ɗɔn ɓa yɛ, Yesɔ jaɗoyi i au ɗɔ bii i hɨu nɛ, << kasi neu tɔ̃raa ɗɔ vishaa pasika pi ɗɔpiya? >>
18Yesɔ risi nyanɛ, ɔ yɛ ɓuzɨn koomoo shɔ wɔ ɗɔbii ɔ geliunɛ, <<shɔ mala shaneː nlee atɛ maani. Nɛn yɛ shaa biki pasika jo a wɛrɛ kɔ au jadɔyi ni.>> 19Yesɔ jaɗɔyi pɛli jo nɔgbete yesɔ geliyɛ kɔ i tɔ̃ri ɗɔ vi pasika shaa neu rɛ.
20Naa ɗarɛ pɛlitɛ, Yesɔ au jadɔ kop atu ziti i ɔ̃ ɗɔ vishaane shaanɛ. 21Aɗɔgbete i a ɗɔ vishaane shaanɛ yɛ, Yesɔ shanɛ, <<n gelɔɔ tɛ nizɛ, shɔwɔ au tettem yɛ mɛlintɔ. >>
22I sisɨn lɛsi rɛ i yuu gbete -gbete i hɨ Yesɔ nɛ, <<Uɓeyelapa n kɔya?>>
23Yeso risi nyanɛ, << shɔ gbete u shaa vishaane awuni waa gbete yɛ ukɔ yɛ mɛlin rɛ. 24Jaa shɔzɛ yɛjo nɔgbete shɔ beeu ruubii yɛ. Shɔ gbeteu mɛli Yesɔ, jashɔzɛm yɛ kpaa yuu kɔne tɔǃ yɛ ɔ̃ruu a sisɨn naa shɔ si ji yeeu kɔɔ ɓa.>>
25Kɛɗɔn Juda, shɔgbete mɛli Yesɔ yɛ, shaane, <<nizɛ ɓa n kɔɓa ya shɔ mala?>>
Yesɔ kasi nyanɛ, <<nn, mɔkɔ maa a shaa tɛ jo a nya. >>
26I ɗɔ vishaane shaanɛ, Yesɔ tuu borodi lapa, a dɔ̃ri Ɗalapa a dali rɛ, a ã u jaɗɔyi rɛ, geliyinɛ, <<ɔ tɛne ɔ shaarɛ; shompɛ nbii.>>
27Kɛɗɔn Yesɔ tuu jawaa mii lapa, a dɔ̃ri Ɗalapa a ãirɛ, geliyinɛ, << ɔ tɛne ɔ ɓoorɛ, ɔ piti kpai. 28Shompɛ n kpaa gbete yɛ sɔ̃ri nya ruu gbete u ma a ɔkɔ ni, gbete shɔ yɛ tɛ̃ɛ a shɔzɛ bang i yuu aruu shɔ sɔkii ruuvini. 29N gelɔɔ tɛ, n yɛ boo mii inabin tɔɓa se lee gbete u kpɛsi zɔtɛ a ɔkɔni u yɛu boo kɛu sɔɔ a mayɛ ɗɔɔ kpati roone lapa.>>
30Naayi nto soo Ɗa bɛline tɛ, i yɛkɛ kɔpɔ zeetung.
Yesɔ shanɛ Bituru yɛ masin nya tɔ,
31Kɛɗɔn Yesɔ geliyi nɛ, << Ɔ piti kpai zɨnɓan kɔ ɔyɛ Kɔddɔɔ ang yuu, laabeene sha tɛttɔ nɛː
<<< Ɗalapa yɛ nyo jagavivaayi tɔ,
mɛrɛɛyi yɛ sãtikɛ tɔ.>
32Ama shɔkɛ yuu sin lapa nɛ saa ni, n yɛn tɔ Galili n yaɔ a knti. >>
33Bituru risi nya nɛ, << kɔ i kɛ kɔɗdɔɔ nɛ ayuu piti kpai, n yɛ kɔ bɛɛ jo ɓa.>>
34<< n gelɔɔ tɛ nizɛ, >> Yesɔ risi nyarɛ, <<zɨnɓankɔ, ayɛ maasin nya ɓa taati kpaasikɔ̃ yɛ ɓa nya kn. >>
35Ama Bituru shanɛ, <<ko shɔyɛ nyotɔ amɔkɔni, n nyɛn tɔɓa nɛn ji zɛa nii ɓa. >> Yesɔ jadɔyi sha ji ɗɔkɔ piti kpai.
Yesɔ gakki Ɗa a Gesemani
36Yesɔ au jaɗoyi i yɛ ɗɔgbete shɔ ɓane Gesemani, Yesɔ geliyine, <<ɔ ɔ̃ne ɗɔnkɔ n yɛ pɛ lapawa n gakki Ɗa pɛ. >> 37Tu Bituru a Zabadi ɓɛjaayi babba ziti, aɗɔuni u sisɨn gaa lɛsine a yukɔne ni. 38kɛɗɔn ageliyine, <<N suru ɗɔ yɔri ɓoone waa-ne naa n si vɔtɔ. ɔ ɔ̃ ɗɔnkɔ u kn noo rɛ. >>
39Gisi bii ɗekn, a wẽsi atipi a gakki Ɗa ne, <<maye, naa yɛ pɛlitɔ, rang kati a raa gbete n kɛ ɓoonem.ɓa kasine ɓa, ama vigbete a kasi yɛ. >>
40Kɛɗɔn asɔrɛ akpaa u jadoyi aɗɔ noro-roone. <<ɔ yɛ zɛnoo ɔ̃ne ɓa a n kɔ ni ɗagbete ɓaya? >> Yesɔ hɨ Bituru. 41<<ɔ ɔ̃ shɔ ruu zɛnɛ a Ɗa gakkinɛ aruu japẽepẽ yɛ ɗakkɔ rɛ. Suru tu tɛ ama bii ji laaki ɓa. >>
42Yesɔ yurɛ ayɛ ɗɔ Ɗa gakki sɔ̃nrɛ, <<maye, yukɔne gbete kane ang ɗekn ji ɔ̃ ɓa nɔgbete n yɛn raa naa aɗɔn ɓa, u ɔ̃ pɛ nɔgbete a kasiyɛ.>>
43Naa sɔtɛ, arɛ a kpayi sɔ̃n a nororo, aruu gbete si noro kpeti noo tɛ bang. 44Ayuu sɔ̃nrɛ ayɛ ɗɔ Ɗa gakkine rɛ, agakkirɛ ayuu vigbete gakki siyɛ.
45A so u jaɗoyi ɗɔbii ageliyinɛ, <<ɔ noro rone a susune niya? Ɔ zɛpɛ, ɗaa atɛ maani, shɔyɛ mɛli Yesɔ, jashɔzɛ a shɔ ruuvini i naa. 46Ɔ yune, u yɛrɛǃ shɔgbete yɛ mɛlin yɛ atɛ.>>
Yupɛ̃ni nyanwaneyi jaa Ɗa i sã Yesɔ
47Aɗagbete si Yesɔ ɗɔ nwanya yɛ, Yahuza, shɔzɛ gbete atette kop atu ziti mi, arɛ. Yahuza a moo ni waa-ne wɔsɔ̃n sojayi i sãli zaali a laabaa a naa, shɔ yupɛ̃ni nya nwane a shɔ pɛ̃niyi gbete a koou ikɔyi shɔyirɛ a Yesɔ ɗɔ bii. 48Shɔgbete yɛ mɛliu ma tɛttɔ a shɔwiyi ni nɔgbete yɛ tasii Yesɔː <<shɔgbete n kɛ kɔ̃tiu naa nɛ bii sijo ukɔ; ɔ sãutɔ. >> 49Yahuza yɛ Yesɔ ɗɔ bii, ashanɛ, <<biyãtɔne u ɔ̃ a mɔkɔni, shɔ malaǃ >> a kɔtiu naa rɛ abii.
50Yesɔ risi nyanɛ, << masa, pɛli vigbete n taa yɛ. >>
kɛɗɔn shɔwiyi i kpaa bii i sã Yesɔ rɛ. 51Anankɔ shɔgbete isi a Yesɔ ni shɔzɛ gbete zɔ zaali, ako shɔ yupɛ̃niba nya nwane jaa wɛrɛ yushoo awuni. 52<<Sɔri zaali nɛ au ɗɔ ɔ̃ne, >> Yesɔ geliu rɛ, << arumkɔ shɔgbete kɛ tu zaali nɛ zaali kɔ yɛ nyou jo. 53Ɔ ji zɛ ɓa n kakaa aɗɔn n ɓaa maye nya u pɔ̃ naa, doddorim kɔ yɛ dɔ̃sɨn Ɗa jashone lapa gbete tɛɛ knn kopi atu ziti tɛ ɓaya? 54Ama aruum kɔ shɔyɛ zɛkɛ pikovi nɛ Ɗalapa nya ruubii ɔ̃ nizɛ gbete laabeene shatɛttɔ ne yɛ ɔ̃ nankɔ viya? >>
55Aɗawukɔ Yesɔ geli moo gbete au ɗɔ bii nɛ, << ɔ shɛ a zaali a laabaa ni a naa neyi sãntɔ naa shɔ sã ɓɔɔ ya? Alee -lee n ɔ̃ a jaa Ɗa n ɗɔgbete n maati shɔ vi ɔ ji sãn ɓa. 56Ama vin piti kpai ɔ̃ nankɔ u sɔ̃nri nya vigbete Ɗa jaa shone i bee yɛ aruu Ɗa nya bii ne ɔ̃ nizɛ.>>Kɛɗɔn Yesɔ jadoyi i yurɛ i yaurɛ.
Yesɔ a kpati dekn
57Shɔgbete i sã Yesɔ yɛ i n tiu a kayifa ɗekn, shɔ nya nwanɛ pɛ̃niba, aɗɔgbete shɔ mala nya ãsine a shɔ pɛ̃niba dolaayi i tɔli yɛ. 58Ama Bituru geu aknti aɗɔ kpɛlɛ, ane shɔ nya nwane pɛ̃niba u ɗɔ wɛrɛ. Tɔrɛ a ɔ̃ a shɔgbete ga wɛrɛu yɛ nen zɛ vigbete yɛ kpaa Yesɔ yɛ.
59Shɔ nya waane pɛ̃niɓayi a kpati shovi shoneyi i kã nyaba nya yelinɛ piti neyi sã Yesɔ awuni i ji kpaa ɓa. 60Ama i ji kpaa nyaba ɓa ko gbete, ama si shɔwɔyi i yeli nya tɛttɔ au yuu tɔttɔ.
au knti ni shɔzɛ ziti i shɛrɛ.
61I shanɛ, << jaam shanɛ, <n yɛn zɛnotɔ n sãã jaa Ɗalapa rɛ n maa a lee taati. > >>
62Kɛɗɔn shɔ nya waane pɛ̃niba yulaparɛ ahɨ Yesɔ nɛ, << a yɛ kasi nya ɓaya? A nya risi ne ɓaya aruu gbete shɔ kɛ shanɛ ni ɓaya? >> 63Ama Yesɔ ɔ̃ a nyani.
shɔ nya waane pɛ̃niɓa gelinɛ, <<n ɓasaa tɛ a Ɗalapa niiː geliu pɛ mɔkɔ ɔ̃rɛ kirisi ya, Ɗa jaa.>>
64<<Nn, nɔgbete ashayɛ, >> Yesɔ risi nyarɛ. <<Ama n gelɔɔ tɛ pitiː a dekn ɔ zɛ yesɔ, jashɔzɛ ɔ̃tɛ a shɔgbete vi tɛu kakaa ɓa nakn, kane akunyasi lapa . >>
65Kɛɗɔn shɔ nya waane pɛ̃niɓa tãu fãrã bii ashanɛ, <<lɛsi Ɗalapa nii tɛǃ ɔ kã kɛpi sɛda shɔpiya? Ɔ kn noo pɛ, doddorim ɔ tã tɛ jo awɔ shoo lɛsi Ɗa nii tɛ 66Ɔ zɛpɛ koviya aruum ni viya? >>
<<Yɛtɛttɔ nɔgbete shɔ nyou vɔrɔ yɛ, >>i kasi nyarɛ.
67I tasiu susãri anokn i wau rɛ, shɔwɔyi wau naa akashiyã 68I geliu nɛ, <<akɛ ɔ̃ne kirisi Ɗa jashone. geliu nɛ pi waa piya? >>
Bituru masi Yesɔ nya
69Aɗagbete si Bituru u a ɗɔ ɔ̃ne atette wɛrɛu, jasuu vishone wɛrɛu wɔ au ɗɔbii. << a ji a Yesɔ shɔ Galili ni a nya zɔ, jasuu sharɛ.>>
70Ama ai dekn piti Bituru masii nya aɗɔn. << n ji zɛ vigbete a nwanya au yuuni ɓa, >>Bituru sharɛ.
71Kɛɗɔn sã nyaba ayɛ nyaba wɛrɛ, aɗɔukɔ jasuu vishone wɛrɛ wɔ zɛu sɔ̃n jo ageli shɔgbete i shili aɗɔuni nɛ, << jam usi jo ɗɔzɔ a Yesɔ Nazara ni. >>
72Ama Bituru masi nya sɔ̃n tɔtti, a tɛrɛː << n ji zɛ jam jo ɓa. >>
73Akntiu ni tɛ̃ɛ̃ti, shɔgbete i shili aɗɔuni yɛ i yɛu ɗɔbii i geli Bituru ne, <<nizɛkɔ a ji ɓɛzɔ kɔ, a nya nwane tasi tɛttɔ. >>
74Kɛɗɔn Bituru yɛ ɗekn u ɗɔgbete wiriu yuu a teene ni shanɛ, <<n ji zɛ jam nii ɓa. >>
akntiuni tɛ̃ɛ̃ti kpaasikɔ̃ ɓaa nyarɛ. 75<< Kɛɗɔn Bituru kpaa sisɨn aruugbete Yesɔ geliu yɛː kpaasikɔ̃ ɓɛɛ nya ɓane iyɛ masin nya ɓa taati. >> Kɛdɔn Bituru yurɛ ashɛ ɓili a sãki nyavɔ.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria