matiyu 12
12
Shɔ hɨ Yesɔ aruu Lee susune
1Lee wɔɔ Yesɔ tɛɛ a shɔwɔ jaa alee susune. Si Yesɔ jadɔyi nta nwo tɛ ai zɔ̃ki yuvishane i shaarɛ. 2Naa Shɔ Farisawayi i zɛ nam, i geli Yesɔ nɛ,<<Zɛpɛ! A jadɔyi i pɛli vigbete nya ãsine zãri tɔ, a lee susunɛ.>>
3Yesɔ kasi nyanɛ, <<Ɔ jo ɓali labeene ɓa aruu vigbete Dawuda pɛli yɛ a ɓɛɛ shɔzɛyi a ɗagbete i nta nwo a lee susune ni ɓaya? 4Dawuda a ɓɛɛ shɔzɛyi i to Ɗalapa wɛrɛ a tu borodi, a shaarɛ gbete shɔ danya nɛ shɔkɔ shaane, nɛ se shɔ nyanwa nɛ a jaa Ɗa kɔ sheeli. 5Ko ɔ jo ɓali ɓa a Musa laabeene anya ãsine aruu lee susune, nɛ yupɛ̃ni nyawane a jaa Ɗa i gn nya ãsine ɓa, piti shɔn ni kpai jo ɔ̃rii ɓa ruuvini ɓa? 6N gelɔɔ ɓɛ tɛttɔ shɔgbete au ɓuri Ɗa wɛrɛ u yɛm. 7Ɔ si zɛ vigbete ruum tasiyɛ tɛ,<N kã shɔ shɔraa ntaneyi, ɓa vivaayi gbete ɔ ntiyɛ nei ã yuu ɓa,> ɔ sijo tuu shɔ tɔ̃vɨng ɓa nɛu ruuvuni aɗɔnni ɓa. 8Aruu Shɔzɛja ukɔ ɔ̃rɛ Uɓeyɛlapa lee susune.>>
9Yesɔ yukɛ a ɗɔuni, ayɛkɛ ɗɔgbete Yahudawayi i toli nya ɗɔnyɛ, 10a ɗɔuni shɔgbete u naa vɔne kagbete usi ɗɔn. I kã nyaba gbete ne yeri Yesɔ nya ayuu, i hɨu ne,<<kɔritɛ ya shɔu gati shɔ a lee susune ya?>>
11Yesɔ kasii nyane,<<Naa shɔwɔ awɔ tette u mɛrɛɛ kɛ shishine a yɛti too a lee susine, yɛ yau a yɛti too ni nya? 12Ɔ ji zɛ ɓaya shɔzɛ ɓuri mɛɛrɛ tɔ ɓaya! Aruu nankɔ nya ãsine kɔritɔ shɔu pɛli vitɔ̃vɨng a lee susine.>> 13Kɛɗɔn Yesɔ geli shɔgbete u naa vɔɔ kagbete ne,<<gɨɨ naa pɛ.>>Nankɔ jau gɨɨ naa rɛ u naa shirɛ, u naa ɔ̃ sɔ̃njo naa shɔwi ɓɛɛ. 14Ama Farisawayi i shɛ ɓili i kã nyaba gbete i yɛ nyo Yesɔ yɛ.
Ɗalapa jawɛrɛ au lɔɔ yɛ
15Naa Yesɔ ntatɛ ne shɔ kasin nyone, a ya ɗɔukɛ kati. Shɔ gɨu a dɔɔ bang, a gati shɔ vɔrɔ gbete ai si awuni yɛ piti kpai, 16Yesɔ gɔ̃i shɔ yusho nɛ shɔkɔ ɓan nii ne. 17Vimpiti kpai pɛli nankɔ u sɔ̃rinya vigbete Ɗa jashɔne Ishaya shasiyɛ: 18N kɔng jawɛrɛ gbete nlɔɔ yɛ yɛm, shɔgbete n ɔri yɛ, shɔgbete n nta sisɨn puru awuni yɛ; N yɛn pɔ̃ n suru auɓiikɔ, ukɔ yɛ nwari shɔ ruu tɔ̃vɨng a koo piti. 19Yɛ marinyaɓa ko yɛ nwa nya ɓa a kakaa niɓa; shɔwɔyi yɛ ntau nyaɓa a nyaba niɓa.
20Laa gbete atɛ ɗɔ kane yɛ kaɓa, pitila gbete atɛ ɗɔ nikine yɛ nikiɓa, setɛ shɔ sha ruu tɔ̃vɨng tɛ piti.
21<<Shɔ yɛ pɔ̃ sisɨn jo aubii kɔ.>>
Yesɔ A Bezabul
22Kɛɗɔn shɔwɔyi i nti shɔ nogbãti a Yesɔ dɔbii nwanya ɓa aruugbete rãma au bii ni. Yesɔ gatiurɛ, jau nwanya a zɛ ɗɔ rɛ. 23Naa shɔwi i zɛ vimtɛ piti ɔ̃kɛ vibii zaane i shane,<<Shɔm yɛ ɔ̃kɛ Dawuda bɛjaa ya?>> 24Ama naa shɔ Farisawa i nta vimtɛ, i shane,<<pɛli vim a Bezabul nii, jam shɛshi rãamajo a kpati rãama nii.>> 25Naa Yesɔ zɛi sisɨn tɛ a geliyine,<<Ko koo shɔpiya au kɛ vɔsine yuu ne ɗɔ ziti yɛ lɛsi kɛtɔ, i kɛ waabaane azɔni koou yɛ ɔ̃ɓa, ko koomoo a wɛrɛ gbete kɛ vɔsine yɛ shiɓa. 26Naa japɛ̃pɛ̃ kɛ shɛshi japɛ̃pɛ̃ ne, si waabaatɛ au yuu. I kpati roone yɛ shikɛpi koviya? 27Naa n kɛ shɛshi rãama ne a rãama nii, mɛshɔzɛyi pi ãi kakkaa rãamã shɛshi nɛ ɓɛɛkɛ piya? I yɛ ɔ̃ kɛ shɔ ruu lɔsine. 28Naa n kɛ shɛshi rãama ne a Ɗalapa suru yɛ, kpati roone a Ɗa wɛrɛ atɛ awɔ bii maani. 29Shɔ yɛ to shɔ kakaa wɛrɛ pi kɔvi nen seu vi, shɔji maliu dɔɔ ɓa viya? Sete shɔ maliu tɛttɔ a shɔ seu vi kɛkn.
30<<Shɔgbete u ɓa nkɔn niɓa kasiin ruubii ɓa, shɔgbete jo pɔ̃sing naa ɓa aɗɔ vi toli nɛ niɓa u ɗɔ sãtine. 31N gelɔɔ tɛ, n yɛn yasi shɔ ruuvinitɔ avi kɔ̃line gbete i pɛliyɛ ni, ama shɔgbete kɛ shavi kɔ̃line ne aruu Ɗa suru n yɛn yasiu ruuvini ɓa. 32Shɔgbete kɛ sha vikɔ̃line ne a shɔzɛja yuu shɔ yɛ yasiu ruuvinitɔ, ama shɔgbete kɛ sha vikɔ̃line nɛ a Ɗa suru yuu shɔ yasiu ruuvini ɓa, ko dɔddɔrim ko pi ɗaviya.
33<< laa gbete u jaa tɔ̃vɨng ujo tɔ̃vɨn, akɛ shɔne laa kɔ̃line rɛɛ jo kɔ̃line, laa tɔ̃vɨng ko laa kɔ̃line shɔ zɛjo au jaa rɛɛ nɛ. 34Sɔɔ miyi, ɔ sha vitɔ̃vɨng kɛpi koviya naa ɔ kɛ ɔ̃ne kɔline? Nya shajo vigbete shɛ a sisɨn ɓuzɨng yɛ. 35shɔ ntɔ̃ shɛshi jo vitɔ̃ gbete au sisɨn, shɔ kɔ̃line shɛshi jo vikɔ̃line gbete au sisɨn. 36N gelɔɔ tɛ a lee ruu lɔsine Ɗalapa yɛ pɔ̃rɛ kopiya yɛ sha jo au nya, vikɔ̃line a vitɔ̃vɨng gbete pɛli yɛ piti kpai. 37Shɔ yɛ pɛli vishone jo a nyakɔ a rana rɛ, a nyakɔ yɛ lɔkaa sɔ̃njo a yaa wɛrɛ.>>
Farisawa i kasine Yesɔ U tasii Vibii zaane
38Kɛɗɔn Farisawayi a shɔmala gbeteyi matine shɔ vi aruu nya ãsine Musa yɛ i geli Yesɔ ne, <<Shɔmala, u kasi u zɛ vibii zaane aa bii.>> 39Yesɔ kasi nya ne,<<Ɔ shɔ kɔline a laduru kpãngtãng jakntiyi ɔ kã vibii zaane ang aɗɔ biiǃ Ama n yɛn tasɔɔ ɓa se shɔ Ɗa jaa shone Jona ɓɛɛ. 40A nankɔ Jona roo a jazɨng pɛ̃niba yɛti niti taati zɨmba taati, Nankɔ jashɔzɛ yɛ ɔ̃ a koo lee taati niti a zɨmba ni. 41Shɔ Neneva i yɛ yulapa a lee gbete Ɗalapa yɛ vɔsi ruu tɔ̃vɨng a ruu kɔ̃line ni i shane vigbete ɔ pɛlim ɓa ntoɓa; aruugbete i ya ruuvini pɛline tɛ aɗagbete Jona nwanya a Ɗa nya ruubii, doddorim shɔgbete ɓuri Jona tɛ u yɛm. 42Suu gbete usi kpati Shɛba yɛ yulapa a shɔ gãsiyi ni a lee gbete shɔyɛ vɔsi ruu tɔ̃vɨng a ruu kɔ̃line ni, u geliyi ne vigbete ɔ pɛlim ɓa ntoɓa; aruugbete nta ruu gbete ã sɛ̃rɛ̃ tɛ tɛttɔ a kpati Sulemanu nya, n gelɔɔ tɛ shɔgbete ɓuri Sulemanu yɛm. 43Naa suru kɔline kɛ shɛne a shɔbii, yɛkɛ ɗɔ waati u kã ɗɔ susune, naa ji kpaa ɓa. 44Kɛɗɔn yɛ shakɛ nɛ,<N yɛn sɔkɛ n wɛrɛ gbete n yasiyɛ.>Naa sɔtɛ, yɛ kpaa wɛrɛu shɔɓa ɗɔn ɓa, yɛ kpaarɛ shɔ kotɛ shɔ tɔ̃ri wɛrɛu tɛ tɛpetɛpe. 45Kɛɗɔn yɛ yɛrɛ yɛ nti suru kɔline wɔyi sɔ̃n maanzii gbete ai ɓuru a laneni, i yɛ torɛ i ɔ̃ kɛjo aɗɔukɔ. Shɔu vɔrɔ yɛ ɓuri nɔgbete si tɔ. Yɛ ɔ̃ji ɗɔkɔ a shɔ kɔlineyi jakntin ni.>>
Yesɔ Ɓini a Ɓezɔ̃yi
46A ɗagbete Yesɔ u si ɗɔ nyanwane a moo-ni, ɓini a ɓezɔ̃yi-ni i shi a ɓeli, nei nwanya awuni. 47Shɔwɔ geliune,<<Mɛzɔ̃i a mini iɗɔ gane a ɓili nei kasi nyanwane a moni.>>
48Yesɔ risi nyanɛ, <<Mani piya, mazɔ̃i piya?>> 49Tasi janaa au jadɔyi bii, a shane,<<Nkɔ mani a mazɔ̃iyi-ni yɛm. 50Shɔ gbeteu kɛ pɛlivi gbete mayɛ kolapa kasiyɛne ukɔ ɔ̃rɛ mazɔ̃ a mana amani ni.>>
നിലവിൽ തിരഞ്ഞെടുത്തിരിക്കുന്നു:
matiyu 12: Laa
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria
matiyu 12
12
Shɔ hɨ Yesɔ aruu Lee susune
1Lee wɔɔ Yesɔ tɛɛ a shɔwɔ jaa alee susune. Si Yesɔ jadɔyi nta nwo tɛ ai zɔ̃ki yuvishane i shaarɛ. 2Naa Shɔ Farisawayi i zɛ nam, i geli Yesɔ nɛ,<<Zɛpɛ! A jadɔyi i pɛli vigbete nya ãsine zãri tɔ, a lee susunɛ.>>
3Yesɔ kasi nyanɛ, <<Ɔ jo ɓali labeene ɓa aruu vigbete Dawuda pɛli yɛ a ɓɛɛ shɔzɛyi a ɗagbete i nta nwo a lee susune ni ɓaya? 4Dawuda a ɓɛɛ shɔzɛyi i to Ɗalapa wɛrɛ a tu borodi, a shaarɛ gbete shɔ danya nɛ shɔkɔ shaane, nɛ se shɔ nyanwa nɛ a jaa Ɗa kɔ sheeli. 5Ko ɔ jo ɓali ɓa a Musa laabeene anya ãsine aruu lee susune, nɛ yupɛ̃ni nyawane a jaa Ɗa i gn nya ãsine ɓa, piti shɔn ni kpai jo ɔ̃rii ɓa ruuvini ɓa? 6N gelɔɔ ɓɛ tɛttɔ shɔgbete au ɓuri Ɗa wɛrɛ u yɛm. 7Ɔ si zɛ vigbete ruum tasiyɛ tɛ,<N kã shɔ shɔraa ntaneyi, ɓa vivaayi gbete ɔ ntiyɛ nei ã yuu ɓa,> ɔ sijo tuu shɔ tɔ̃vɨng ɓa nɛu ruuvuni aɗɔnni ɓa. 8Aruu Shɔzɛja ukɔ ɔ̃rɛ Uɓeyɛlapa lee susune.>>
9Yesɔ yukɛ a ɗɔuni, ayɛkɛ ɗɔgbete Yahudawayi i toli nya ɗɔnyɛ, 10a ɗɔuni shɔgbete u naa vɔne kagbete usi ɗɔn. I kã nyaba gbete ne yeri Yesɔ nya ayuu, i hɨu ne,<<kɔritɛ ya shɔu gati shɔ a lee susune ya?>>
11Yesɔ kasii nyane,<<Naa shɔwɔ awɔ tette u mɛrɛɛ kɛ shishine a yɛti too a lee susine, yɛ yau a yɛti too ni nya? 12Ɔ ji zɛ ɓaya shɔzɛ ɓuri mɛɛrɛ tɔ ɓaya! Aruu nankɔ nya ãsine kɔritɔ shɔu pɛli vitɔ̃vɨng a lee susine.>> 13Kɛɗɔn Yesɔ geli shɔgbete u naa vɔɔ kagbete ne,<<gɨɨ naa pɛ.>>Nankɔ jau gɨɨ naa rɛ u naa shirɛ, u naa ɔ̃ sɔ̃njo naa shɔwi ɓɛɛ. 14Ama Farisawayi i shɛ ɓili i kã nyaba gbete i yɛ nyo Yesɔ yɛ.
Ɗalapa jawɛrɛ au lɔɔ yɛ
15Naa Yesɔ ntatɛ ne shɔ kasin nyone, a ya ɗɔukɛ kati. Shɔ gɨu a dɔɔ bang, a gati shɔ vɔrɔ gbete ai si awuni yɛ piti kpai, 16Yesɔ gɔ̃i shɔ yusho nɛ shɔkɔ ɓan nii ne. 17Vimpiti kpai pɛli nankɔ u sɔ̃rinya vigbete Ɗa jashɔne Ishaya shasiyɛ: 18N kɔng jawɛrɛ gbete nlɔɔ yɛ yɛm, shɔgbete n ɔri yɛ, shɔgbete n nta sisɨn puru awuni yɛ; N yɛn pɔ̃ n suru auɓiikɔ, ukɔ yɛ nwari shɔ ruu tɔ̃vɨng a koo piti. 19Yɛ marinyaɓa ko yɛ nwa nya ɓa a kakaa niɓa; shɔwɔyi yɛ ntau nyaɓa a nyaba niɓa.
20Laa gbete atɛ ɗɔ kane yɛ kaɓa, pitila gbete atɛ ɗɔ nikine yɛ nikiɓa, setɛ shɔ sha ruu tɔ̃vɨng tɛ piti.
21<<Shɔ yɛ pɔ̃ sisɨn jo aubii kɔ.>>
Yesɔ A Bezabul
22Kɛɗɔn shɔwɔyi i nti shɔ nogbãti a Yesɔ dɔbii nwanya ɓa aruugbete rãma au bii ni. Yesɔ gatiurɛ, jau nwanya a zɛ ɗɔ rɛ. 23Naa shɔwi i zɛ vimtɛ piti ɔ̃kɛ vibii zaane i shane,<<Shɔm yɛ ɔ̃kɛ Dawuda bɛjaa ya?>> 24Ama naa shɔ Farisawa i nta vimtɛ, i shane,<<pɛli vim a Bezabul nii, jam shɛshi rãamajo a kpati rãama nii.>> 25Naa Yesɔ zɛi sisɨn tɛ a geliyine,<<Ko koo shɔpiya au kɛ vɔsine yuu ne ɗɔ ziti yɛ lɛsi kɛtɔ, i kɛ waabaane azɔni koou yɛ ɔ̃ɓa, ko koomoo a wɛrɛ gbete kɛ vɔsine yɛ shiɓa. 26Naa japɛ̃pɛ̃ kɛ shɛshi japɛ̃pɛ̃ ne, si waabaatɛ au yuu. I kpati roone yɛ shikɛpi koviya? 27Naa n kɛ shɛshi rãama ne a rãama nii, mɛshɔzɛyi pi ãi kakkaa rãamã shɛshi nɛ ɓɛɛkɛ piya? I yɛ ɔ̃ kɛ shɔ ruu lɔsine. 28Naa n kɛ shɛshi rãama ne a Ɗalapa suru yɛ, kpati roone a Ɗa wɛrɛ atɛ awɔ bii maani. 29Shɔ yɛ to shɔ kakaa wɛrɛ pi kɔvi nen seu vi, shɔji maliu dɔɔ ɓa viya? Sete shɔ maliu tɛttɔ a shɔ seu vi kɛkn.
30<<Shɔgbete u ɓa nkɔn niɓa kasiin ruubii ɓa, shɔgbete jo pɔ̃sing naa ɓa aɗɔ vi toli nɛ niɓa u ɗɔ sãtine. 31N gelɔɔ tɛ, n yɛn yasi shɔ ruuvinitɔ avi kɔ̃line gbete i pɛliyɛ ni, ama shɔgbete kɛ shavi kɔ̃line ne aruu Ɗa suru n yɛn yasiu ruuvini ɓa. 32Shɔgbete kɛ sha vikɔ̃line ne a shɔzɛja yuu shɔ yɛ yasiu ruuvinitɔ, ama shɔgbete kɛ sha vikɔ̃line nɛ a Ɗa suru yuu shɔ yasiu ruuvini ɓa, ko dɔddɔrim ko pi ɗaviya.
33<< laa gbete u jaa tɔ̃vɨng ujo tɔ̃vɨn, akɛ shɔne laa kɔ̃line rɛɛ jo kɔ̃line, laa tɔ̃vɨng ko laa kɔ̃line shɔ zɛjo au jaa rɛɛ nɛ. 34Sɔɔ miyi, ɔ sha vitɔ̃vɨng kɛpi koviya naa ɔ kɛ ɔ̃ne kɔline? Nya shajo vigbete shɛ a sisɨn ɓuzɨng yɛ. 35shɔ ntɔ̃ shɛshi jo vitɔ̃ gbete au sisɨn, shɔ kɔ̃line shɛshi jo vikɔ̃line gbete au sisɨn. 36N gelɔɔ tɛ a lee ruu lɔsine Ɗalapa yɛ pɔ̃rɛ kopiya yɛ sha jo au nya, vikɔ̃line a vitɔ̃vɨng gbete pɛli yɛ piti kpai. 37Shɔ yɛ pɛli vishone jo a nyakɔ a rana rɛ, a nyakɔ yɛ lɔkaa sɔ̃njo a yaa wɛrɛ.>>
Farisawa i kasine Yesɔ U tasii Vibii zaane
38Kɛɗɔn Farisawayi a shɔmala gbeteyi matine shɔ vi aruu nya ãsine Musa yɛ i geli Yesɔ ne, <<Shɔmala, u kasi u zɛ vibii zaane aa bii.>> 39Yesɔ kasi nya ne,<<Ɔ shɔ kɔline a laduru kpãngtãng jakntiyi ɔ kã vibii zaane ang aɗɔ biiǃ Ama n yɛn tasɔɔ ɓa se shɔ Ɗa jaa shone Jona ɓɛɛ. 40A nankɔ Jona roo a jazɨng pɛ̃niba yɛti niti taati zɨmba taati, Nankɔ jashɔzɛ yɛ ɔ̃ a koo lee taati niti a zɨmba ni. 41Shɔ Neneva i yɛ yulapa a lee gbete Ɗalapa yɛ vɔsi ruu tɔ̃vɨng a ruu kɔ̃line ni i shane vigbete ɔ pɛlim ɓa ntoɓa; aruugbete i ya ruuvini pɛline tɛ aɗagbete Jona nwanya a Ɗa nya ruubii, doddorim shɔgbete ɓuri Jona tɛ u yɛm. 42Suu gbete usi kpati Shɛba yɛ yulapa a shɔ gãsiyi ni a lee gbete shɔyɛ vɔsi ruu tɔ̃vɨng a ruu kɔ̃line ni, u geliyi ne vigbete ɔ pɛlim ɓa ntoɓa; aruugbete nta ruu gbete ã sɛ̃rɛ̃ tɛ tɛttɔ a kpati Sulemanu nya, n gelɔɔ tɛ shɔgbete ɓuri Sulemanu yɛm. 43Naa suru kɔline kɛ shɛne a shɔbii, yɛkɛ ɗɔ waati u kã ɗɔ susune, naa ji kpaa ɓa. 44Kɛɗɔn yɛ shakɛ nɛ,<N yɛn sɔkɛ n wɛrɛ gbete n yasiyɛ.>Naa sɔtɛ, yɛ kpaa wɛrɛu shɔɓa ɗɔn ɓa, yɛ kpaarɛ shɔ kotɛ shɔ tɔ̃ri wɛrɛu tɛ tɛpetɛpe. 45Kɛɗɔn yɛ yɛrɛ yɛ nti suru kɔline wɔyi sɔ̃n maanzii gbete ai ɓuru a laneni, i yɛ torɛ i ɔ̃ kɛjo aɗɔukɔ. Shɔu vɔrɔ yɛ ɓuri nɔgbete si tɔ. Yɛ ɔ̃ji ɗɔkɔ a shɔ kɔlineyi jakntin ni.>>
Yesɔ Ɓini a Ɓezɔ̃yi
46A ɗagbete Yesɔ u si ɗɔ nyanwane a moo-ni, ɓini a ɓezɔ̃yi-ni i shi a ɓeli, nei nwanya awuni. 47Shɔwɔ geliune,<<Mɛzɔ̃i a mini iɗɔ gane a ɓili nei kasi nyanwane a moni.>>
48Yesɔ risi nyanɛ, <<Mani piya, mazɔ̃i piya?>> 49Tasi janaa au jadɔyi bii, a shane,<<Nkɔ mani a mazɔ̃iyi-ni yɛm. 50Shɔ gbeteu kɛ pɛlivi gbete mayɛ kolapa kasiyɛne ukɔ ɔ̃rɛ mazɔ̃ a mana amani ni.>>
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria