matiyu 11
11
Jaa shone Yɔhana shɔ batizima ãne
1Aknti gbete Yesɔ yisi u jadɔyi kopi tu ziti nya ãsinɛ tɛ, ya ɗɔu a yɛkɛ Galili, yɛkɛ koomoo ɗɔ shɔ vi matinɛ a Ɗalapa nya ruubii nwane.
2A ɗagbete Yɔhana si javɨng nta vigbete Yesɔ aɗɔ pɛlinɛ yɛ, a shou jadɔyi 3I hɨu Yesɔ nɛ, <<mɔka ɔ̃rɛ shɔ-shɔ-ranɛ gbete yɛ ayɛ ya, ko u knnoo shɔwɔ bii ya?>>
4Yesɔ kasi nya nɛ, <<Ɔ sɔne ɔ geli Yɔhana vigbete ɔ ntaye a vigbete ɔ zɛyɛ: 5shɔ nogbãti i zɛ ɗɔtɛ, shɔ dɔɔ gbutu i yulapa tɛ, shɔ vibii i gatitɛ, shɔ gbete sii -shogbãti i nta ruu tɛ, vɔrɔ i yulapa tɛ, shɔraayi shɔ nwarii Ɗa nya ruubii tɛ. 6Ɗalapa U tasi shɔgbete ji bẽẽm ɓa vɔɔ susãri abii, aruu gbete ã sisɨn tɛ abii a vigbete n pɛli yɛ.>>
7Aɗagbete Yɔhana jadɔyi i yɛ tɛ, kɛɗɔn Yesɔ gaa kɛ moo nya nwarinɛ a Yɔhana yuu: Aɗagbete ɔ yɛ Yɔhana ɗɔbii a jaalaa yɛ, ɔ pɔ̃ sisɨng nɛi zɛ iviya? Ɔ pɔ̃ sisɨn nɛi zɛ wisi gbete sɔrɔ roriyɛya? 8Ɔ yɛ ɗɔ ivi zɛnɛ viya? Jaa gbete tosi fãrã tɔ̃vɨng ya? Shɔ gbetei kpati wɛrɛ i kɔi tɔsi fãrã tɔ̃vɨng rɛ. 9Ɔ yɛkɛ ɗɔ ivi zɛne viya? Ɗa jaa shone nya? Nn, N gelɔɔ tɛ, ɔ zɛ vigbete ɓuri Ɗa jaa shone tɛ. 10Yɔhana pɛ jagbete labeene Ɗa nya ruubii nwanya au yuukɔ: Ɗalapa shane
<<N yɛn shɔ n jaa-shɔne tɔ awɔ ɗekn, shɔgbete yɛ ntorɔɔ nyaba ɗa ɔ arɛ.>> 11N gelɔɔ tɛ: Shɔ ji yee shɔwɔ ɓa a koo naa Yɔhana shɔ batizima ni ɓa; Ama piti a shɔnni kpai shɔgbete au pɛ̃tɛ̃rɛ̃ a Ɗalapa wɛrɛ ukɔ ɓuri Yɔhana rɛ. 12Yune a ɗaa Yɔhana shɔ Batizima ãne ane dodorim, ruu kpati roone a Ɗa wɛrɛ shɔ ruuvini i taa dɔɔ kataka nei raatɔ. 13Ɗa jashɔneyi piti kpai a nya ãsine gbete Musa bee yɛ i nwanya sitɛttɔ aruum ni anɛ Yɔhana shɔ Batizima bii.# 14Ɔkɛ tɔnɛn tɛ ruumtɔ ɔ tɛrɛ, Yɔhana kɔ Iliya gbete shɔ nwanya ayuu nɛ atɔ. 15Shɔgbete u sho ntanɛ aɗɔn, u ntarɛ.
16N yɛn teesi shɔ jakntimi a iviya? I naa jajayi gbete i ɔ̃li a nya lumoo aɗɔ zɔnya ɓaane: 17<<U geerɔɔ leree ɔji sassaɓa: u nto so vɔrɔ ɔji sɨɓa.>> 18Naa Yɔhana aɗɔ Ɗalapa nya ruubii nwanɛ tɛ manya tɔ ji shaa vi ɓa, ji ɓɔɔ mii ɓa, kopiya shanɛ, <<Urãma aɗɔnni.>> 19Shɔzɛja arɛ u ɗɔ vishaanɛ u aɗɔ mii ɓoone, i shanɛ, shɔvi shaanɛ bang a saa ɓoonɛ, shɔ saa bɛneyi weze<<shɔ ruuviniyi. Ama Ɗalapa sẽrẽ shɔ zɛ a vishɔne.>>
Koomoo gbete i ji ã tɔ̃vɨng ɓa
20Kɛɗɔn koomoo gbete Yesɔ ga vibii- zaanɛ pɛlinɛ a ɗɔnyɛ lasine, arugbete ijo ya ruvini pɛlineɓa. 21<<Vign kɔne a viyu manɛ shɔ gari Koranti a Bɛsɛda!Shɔsi tɔne shɔu pɛli vina manɛ degn a tipi Taya a Sidom, yemi isi kɔsi sisɨntɛ isi tɔsi fãrã vɨritɛ isi buriki bitɛ a pnti tɛ̃tɛ̃ . 22N gelɔɔ tɛ, alee gadii Ɗalapa yɛ nta raa ba shɔ tayayi a shɔ Sudumyi u tɛɛ ɔ bɛɛ. 23Ɔ shɔ Kafanahum, ɔ pɔ̃ a sisɨn nɛ shɔ ɓasɔɔ yɛnɛ lapaya? Ɓa Ɗalapa yɛ sɔrɔɔ a tipi, vibii zaanɛ gbete shɔ pɛli awɔ tipi shɔsi pɛli a Sudum si doo aɗɔ vishɔ pɛlinɛ. 24N gɛlɔɔ tɛ nize a lee gadii Ɗalapa yɛ nta raa ba shɔ Sudum u tɛɛ ɔ ɓɛɛ tɔ.>>
' 25A leewakɔ Yesɔ shane, N bɛlaatɛ, Mayɛ, Uɓeyelapa a shɔ tipi, aruugbete a ɓusi shɔ sẽrẽyi a shɔ zeneyi a shɔru tãneyin kpai, asorɛ a tasi jaɓɛrɛtiyi. 26Nankɔ mayɛ, a pɛlivin tɛ anɔgbete akasiyɛ.
27Yesɔ risi nya mayɛ ang vim tɛttɔ a naa kpai, Shɔwɔ ji zɛ ɓɛjaa ɓa seji ɓeye, sɔ̃nji nangkɔ shɔwo ji zɛ ɓeye ɓa se ɓeja a shɔgbete ɓeja kasiu tasineyɛ.
28<< Ɔ arɛ yemi, shɔgbete ai yɔtɛ avi pɛ̃neba tuneyɛni, n yen ã susinetɔ. 29Ɔ ane ɔshɔshin vii naa jafoo ɔ mati vi angbi, aruugbete n shɔ -shɔ raa ntane n ɓa shɔyuu tuune ɓa n ɗaki shɔ ɓa ɔyɛ kpai ɗɔgbete ɔyɛ susu surutɔ ang ɗɔbii ni. 30Yesɔ shanɛ n vishɔne leri shɔ ɓa, nɛ n vi tune sɔ̃n pɛpɛlɛ.>>
നിലവിൽ തിരഞ്ഞെടുത്തിരിക്കുന്നു:
matiyu 11: Laa
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria
matiyu 11
11
Jaa shone Yɔhana shɔ batizima ãne
1Aknti gbete Yesɔ yisi u jadɔyi kopi tu ziti nya ãsinɛ tɛ, ya ɗɔu a yɛkɛ Galili, yɛkɛ koomoo ɗɔ shɔ vi matinɛ a Ɗalapa nya ruubii nwane.
2A ɗagbete Yɔhana si javɨng nta vigbete Yesɔ aɗɔ pɛlinɛ yɛ, a shou jadɔyi 3I hɨu Yesɔ nɛ, <<mɔka ɔ̃rɛ shɔ-shɔ-ranɛ gbete yɛ ayɛ ya, ko u knnoo shɔwɔ bii ya?>>
4Yesɔ kasi nya nɛ, <<Ɔ sɔne ɔ geli Yɔhana vigbete ɔ ntaye a vigbete ɔ zɛyɛ: 5shɔ nogbãti i zɛ ɗɔtɛ, shɔ dɔɔ gbutu i yulapa tɛ, shɔ vibii i gatitɛ, shɔ gbete sii -shogbãti i nta ruu tɛ, vɔrɔ i yulapa tɛ, shɔraayi shɔ nwarii Ɗa nya ruubii tɛ. 6Ɗalapa U tasi shɔgbete ji bẽẽm ɓa vɔɔ susãri abii, aruu gbete ã sisɨn tɛ abii a vigbete n pɛli yɛ.>>
7Aɗagbete Yɔhana jadɔyi i yɛ tɛ, kɛɗɔn Yesɔ gaa kɛ moo nya nwarinɛ a Yɔhana yuu: Aɗagbete ɔ yɛ Yɔhana ɗɔbii a jaalaa yɛ, ɔ pɔ̃ sisɨng nɛi zɛ iviya? Ɔ pɔ̃ sisɨn nɛi zɛ wisi gbete sɔrɔ roriyɛya? 8Ɔ yɛ ɗɔ ivi zɛnɛ viya? Jaa gbete tosi fãrã tɔ̃vɨng ya? Shɔ gbetei kpati wɛrɛ i kɔi tɔsi fãrã tɔ̃vɨng rɛ. 9Ɔ yɛkɛ ɗɔ ivi zɛne viya? Ɗa jaa shone nya? Nn, N gelɔɔ tɛ, ɔ zɛ vigbete ɓuri Ɗa jaa shone tɛ. 10Yɔhana pɛ jagbete labeene Ɗa nya ruubii nwanya au yuukɔ: Ɗalapa shane
<<N yɛn shɔ n jaa-shɔne tɔ awɔ ɗekn, shɔgbete yɛ ntorɔɔ nyaba ɗa ɔ arɛ.>> 11N gelɔɔ tɛ: Shɔ ji yee shɔwɔ ɓa a koo naa Yɔhana shɔ batizima ni ɓa; Ama piti a shɔnni kpai shɔgbete au pɛ̃tɛ̃rɛ̃ a Ɗalapa wɛrɛ ukɔ ɓuri Yɔhana rɛ. 12Yune a ɗaa Yɔhana shɔ Batizima ãne ane dodorim, ruu kpati roone a Ɗa wɛrɛ shɔ ruuvini i taa dɔɔ kataka nei raatɔ. 13Ɗa jashɔneyi piti kpai a nya ãsine gbete Musa bee yɛ i nwanya sitɛttɔ aruum ni anɛ Yɔhana shɔ Batizima bii.# 14Ɔkɛ tɔnɛn tɛ ruumtɔ ɔ tɛrɛ, Yɔhana kɔ Iliya gbete shɔ nwanya ayuu nɛ atɔ. 15Shɔgbete u sho ntanɛ aɗɔn, u ntarɛ.
16N yɛn teesi shɔ jakntimi a iviya? I naa jajayi gbete i ɔ̃li a nya lumoo aɗɔ zɔnya ɓaane: 17<<U geerɔɔ leree ɔji sassaɓa: u nto so vɔrɔ ɔji sɨɓa.>> 18Naa Yɔhana aɗɔ Ɗalapa nya ruubii nwanɛ tɛ manya tɔ ji shaa vi ɓa, ji ɓɔɔ mii ɓa, kopiya shanɛ, <<Urãma aɗɔnni.>> 19Shɔzɛja arɛ u ɗɔ vishaanɛ u aɗɔ mii ɓoone, i shanɛ, shɔvi shaanɛ bang a saa ɓoonɛ, shɔ saa bɛneyi weze<<shɔ ruuviniyi. Ama Ɗalapa sẽrẽ shɔ zɛ a vishɔne.>>
Koomoo gbete i ji ã tɔ̃vɨng ɓa
20Kɛɗɔn koomoo gbete Yesɔ ga vibii- zaanɛ pɛlinɛ a ɗɔnyɛ lasine, arugbete ijo ya ruvini pɛlineɓa. 21<<Vign kɔne a viyu manɛ shɔ gari Koranti a Bɛsɛda!Shɔsi tɔne shɔu pɛli vina manɛ degn a tipi Taya a Sidom, yemi isi kɔsi sisɨntɛ isi tɔsi fãrã vɨritɛ isi buriki bitɛ a pnti tɛ̃tɛ̃ . 22N gelɔɔ tɛ, alee gadii Ɗalapa yɛ nta raa ba shɔ tayayi a shɔ Sudumyi u tɛɛ ɔ bɛɛ. 23Ɔ shɔ Kafanahum, ɔ pɔ̃ a sisɨn nɛ shɔ ɓasɔɔ yɛnɛ lapaya? Ɓa Ɗalapa yɛ sɔrɔɔ a tipi, vibii zaanɛ gbete shɔ pɛli awɔ tipi shɔsi pɛli a Sudum si doo aɗɔ vishɔ pɛlinɛ. 24N gɛlɔɔ tɛ nize a lee gadii Ɗalapa yɛ nta raa ba shɔ Sudum u tɛɛ ɔ ɓɛɛ tɔ.>>
' 25A leewakɔ Yesɔ shane, N bɛlaatɛ, Mayɛ, Uɓeyelapa a shɔ tipi, aruugbete a ɓusi shɔ sẽrẽyi a shɔ zeneyi a shɔru tãneyin kpai, asorɛ a tasi jaɓɛrɛtiyi. 26Nankɔ mayɛ, a pɛlivin tɛ anɔgbete akasiyɛ.
27Yesɔ risi nya mayɛ ang vim tɛttɔ a naa kpai, Shɔwɔ ji zɛ ɓɛjaa ɓa seji ɓeye, sɔ̃nji nangkɔ shɔwo ji zɛ ɓeye ɓa se ɓeja a shɔgbete ɓeja kasiu tasineyɛ.
28<< Ɔ arɛ yemi, shɔgbete ai yɔtɛ avi pɛ̃neba tuneyɛni, n yen ã susinetɔ. 29Ɔ ane ɔshɔshin vii naa jafoo ɔ mati vi angbi, aruugbete n shɔ -shɔ raa ntane n ɓa shɔyuu tuune ɓa n ɗaki shɔ ɓa ɔyɛ kpai ɗɔgbete ɔyɛ susu surutɔ ang ɗɔbii ni. 30Yesɔ shanɛ n vishɔne leri shɔ ɓa, nɛ n vi tune sɔ̃n pɛpɛlɛ.>>
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
The Word for the World International and The Word for the World Nigeria