oMatiyu 6
6
Ozafofu ko Oyesu ikweyi keshi yoya Dawoleha
1<<Ala gbera, ozayoya neshi kala naka wakiyi kasuse niba kala ni lo. Owoni ala yamani, ala bagbabola neshi ebe ka Ada kala ni yiso ni lo. 2<<Owoni ala badoleha eshi, ala kaka nwa shini ase napwo lo, byoni awoyoziyi baya ekpa kpikweyi kowe, shini ase na kawa. Nyya ka dala okwokwoshi, akwobonu zabola wa kpiri ebe kasuse pini yoma. 3Mani oni, owoni oya doleha eshi, kayoyene wo niyo kpa awo naka gyoza ni oyaya ni lo. 4Owoni oya mani, ase ni odanu eshi ni kpo Owuso na gyoza ni oyaya ni. Shini Ada kala niya moza ni asuse baya tebani kpiri na dala abola neshi.>>
Ozafofu ko Oyesu ikweyi kinarigwu
5<<Ishini ala ba tinarigwu, ala kaya byoni awoyoziyi baya ni lo! Aba yimu ko tinarigwu aba hagye iso ipu kekpa kpo oweshepa kipu ko ogya shina ase na muwa. Nyya ka dala okwokwoshi, akwobonu pyabola wa kpiri ebe kasuse pini yoma. 6Ishini ala ba tinarigwu, ala gipu ko oda, yofunu gwu kweyi ala tinarigwu da Ada kala, ni aba mo lo ni. Shini Ada kala, ni yamoza ni ala baya tebani, na da ala abola. 7<<Ishini ala ba tinarigwu, ala kaka kyaka gbikweyi lo bya awopeka ni lo, aba ma byo bwebe kela nwashika wa pini eka ya dawoza ni aba doka ni la. 8Ipu kinarigwu kala, ala kalema bya awa ni lo, ome ala doka Owuso Ada kwobonu gyoza ni ala ba yimu ni wa.
9Inarigwu ni ala ba tani yoma:
<Ada ka ni yipu kiso ni,
Ashawiye koni owo Owuso sere ni. 10Obula wo nawa,
asuse na yoza ko otuwo,
ipu kese byoni aba yo ipu kiso ni.
11Daha ozarore kaha kikyeni.
12Yozalabi ka gbaha,
byoni aha ba gbawase ni yaha ozalabi ni.
13Ka byaha gipu komama lo,
kweyi ngmaha shabo kibiri.>
14<<Owoni ala yigbase ni yala ozalabi ni, Ada kala ni yiso ni yayigba la. 15Owoni ala yozalabi yigbase lo Ada kala ni yiso ni ya yozalabi kala gbala lo mamani.>>
Ozafofu ko Oyesu ikweyi kokwunu kwokwu
16<<Owoni ala ba kwokwunu, ala ka gbiyi byoni awoyoziyi baya ni lo, aba yiyiwa gbo shini ase nagye mo aba kwokwunu. Nyya ka dala okwokwoshi, akwobonu pya abola wa kpiri ebe kasuse pini yoma. 17Ishini ala ba kwokwunu, ala yahiyi kala na, ala nyano ikweyi kala. 18Ala ya mani shini ase na kagye mo ala ba kwokwunu lo, shini Ada kala fufunu ni ase ba mo lo ni kin nagye, kweyi Ada ni ya moza ni ala baya tebani, na dala abola.
Ozafofu ko Oyesu ikweyi ko kpodu tukpa Iso
19<<Ala ka yo Odu kala kpo tukpa ese mani lo, ebeni eha yatu kwe oya kwoka ni lo, kwe ebeni awowiyi agege akyofunu kweyi agoda ga wiyi lo ni. 20Byoni olemani oni ala yodu kala tukpa iso, ebeni eha yatu kwe oya kwoka lo ni, ebeni awowiyi ba gege ko kyofunu goda ga wiyi lo ni. 21Ebeni odu kala yanuni, ebeni pini otu kala yayanu la.
Iyi Wemu Kikpiye
22<<Iyi lema byo ikwomu kikpiye la. Owoni iyi kala gbo ogege, oya mebe neneshi. 23Owoni iyi ke yadose ebe kpiri ikpiye wo ya dibu. Owoni owofiyi, oya gege ya mebe kelo kpiri.
Geyagye do Owuso kwe Iyo Kese
24<<Ashishe ya gege yagbeshe dadole epa ishi oye kponu lo. Oyatela koye kweyi yimu koye, agboso oye kweyi yatela koye. Byoni olemani oni oya gege ya yimu ko Owuso kpi ikwiri lo.>>
Ala totuso Oza ni Owuso yaya dala ni
25<<Ni, olemani nyya ka dala mo, ala ka byotu ikweyi kowushoshu kala lo, ela kozarore kpinyi gwogwa; kwe ela kikpiye kpoza ko shoko. Owushoshu kala shozarore lo, kwe ikpiye kala shiyo lo? 26Ala ma awigbano ni bawu iso ni, aba toza lo kwe aba kizire lo, aba shizire owuya lo, kwikyikyeni Ada kala ni yiso ni ya dawozarore. Ala ke shawi igbano mani ebe nu lo? 27Anoho ipu kala ni otubyobya nu ya fishi oye ya molayi nu?
28<<Ojiya ni ala ba byotu ikweyi koza shiye kala? Ala mawo shefu kikyashi. Aba yoko kwe aba toshiye ka biyiwa lo. 29Kwikyikyeni nyya ka dala mo kwose Osolomo kpo odu nu, ozashiye nu shoshi fakawo oshefu kefu lo. 30Owoni olemani pini Owuso ya shakyashi iyo la, ala muwa ikyeni kweyi okyi ayuwa kpo shakyala, ala awine kotuse gbayayi, oya gege ya shala iyo ni shoshi sha kakyashi ni lo? 31<<Ni olemani, ala ka byotu kamo, <Ozarore hin yawa bwini lo? Kwe inyigwogwa hin? Kwe oshiye hin?> 32Awopeka ba labo kawoza mani kpiri, Ada kala ni yiso gye mo ala ba yimu kawoza mani lalo. 33Mani oni, ikyikyo ala labo ko obula ko Owuso kpo oneshi nu, oza ni ala ba yimu kpiri oya dala. 34Ni olemani ala ka byotu ikyeni ikweyi ko oza ni ala ba yimu okyi lo, okyi ime ala byotu koza ni ala ba yimu ni. Eno kpiri gbo oza ni ala ba byotu ikweyi nu ni.
നിലവിൽ തിരഞ്ഞെടുത്തിരിക്കുന്നു:
oMatiyu 6: ALA
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
THE WORD FOR THE WORLD INTERNATIONAL, THE WORD FOR THE WORLD NIGERIA
