Mui Psalm 8

8
1Lord, Lord iemi, satamu e lai menikulue uritaa ana ahutana walumalau: o neie rarangamu liutaa tai lengi!
2Ani wawai mwela na mu wewe o roroie aailaanga: aena kira ngidu upu hunio, hunie o kesi mousie mae na horonga italada.
3Maholo noko toomaie hanue Ioe ilengi, usuusuana nimemu: warowaro, na mui heu o heleani.
4Nga inoni taa ni, huni oko neinei sae ana: na a kale ni inoni huni oke maatolie?
5O haaholaa e kele mwaimwei mwaania God: o haalaunie ana nanamanga na alahanga.
6O dau huni ke alaha hahie usuusuana nimemu: o neie walutana nga ola i melutana aena.
7Mui sheep, na mui kau: na taena nga poo ilaona mausu;
8Mui menu ni lengi, na mui ie ilaona asi: kire ko alaala tatanga ana mui suuleni esi.
9Lord, Lord iemi: Satamu e lai menikulue uritaa ana ahutana walumalau!

നിലവിൽ തിരഞ്ഞെടുത്തിരിക്കുന്നു:

Mui Psalm 8: apbPSA

ഹൈലൈറ്റ് ചെയ്യുക

പങ്ക് വെക്കു

പകർത്തുക

None

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക