LUKA 4
4
Kuse tde Yesu
(Mt. 4:1-11; Mk. 1:12-13)
1Singa Yowani nga du Yesu tongo, mekoto tongo na Yaladene, kulu zuzu edabi laye. No kulu na zuzu haye yele tonza ndongo. 2Kuse tdé Yesu panga kpakpa nzokpa vo tbwana no medabi tonza dongo, singanga nzala haye. 3Singanga kuse gbotbo ye, “tda modo ma tdeka Moome, mogbonganga tbo titbi waki ka ekoto mapa!” 4Yesu duletbeye, wotdiko to mbeti: “Vo tokotbo ka nga donzo zoo le tda ma nga donzo gbongo ka Moome.” 5Kuse ya laye ngba zipo pa nzota, mego tbeye patdato kpekele. 6Singanga kuse gbotbo Yesu, mato hatbo titili, kpekelegbo, na patdato na zuzu. Nga ndonzo wo hama titili na patdato, tda mato hatbo novono maye. 7Tda moyuda ndongo noma, zuzu waki kpekele etodo tbo manikamo. 8Yesu dule: “Wotdiko to mbeti tboni etdé ka tboni moyuda ndongo Moome kamo, ekama ye no moto ndongo ye.” 9Singanga, Kuse yala Yesu tonza ga ngba na Yelusaleme, me hôye panzo tete na Tepelo tda megbo tbo Yesu: “Tda no modoma tdeka Moome, mondolo gototo.” 10Nga donzo wotdiko to mbeti tboni, Moome to ha mobeko tbo mwanze kayewo kawo kotbo tdo. 11Woto be tdo to kpawo, nga mego tboni nomo edo titbiko. 12Yesu duletbo kuse tboni: “Wotdiko to mbeti, tdé gavo Moome kamo ko.” 13Singa siti kuse nga tdé Yesu la kpaze kpekelegbo, me tdia mon la ye ngbà nga bu to ga kpakpa.
Bili ka Yesu so galileya
Yesu banda bili kaye
(Mt. 4:12-17; Mk. 1:14-15)
14Yesu sila kpekpeke ka kulu na zuzu, tda mego to gangba na Galileya, gbongo kaye eya tonza dada kpekele. 15Me gomene tonza Sinagoga dadano wo kpekele wo ndongo ye.
Wo se Yesu tonza ga ngba na Nazalete
(Mt. 13:53-58; Mk. 6:1-6)
16Singanga Yesu ya so Nazalete, dadano mego dola tbo. To kpakpa na momota bayudawo, metipa tonza sinagoga wanino metomé, tda me gozi nga gefé mbeti. 17Wo hatbeye mbeti ka watdondolongo Yisaya. Me kwi ye. Me hé dadano wotdiko to mbeti: 18Kulu ka Moome pinya, me ha noma kama gbongo na zuzu tbo wakiyawo: Metima noma kama gbotbo wato bitete wo tboni yo kotbo tda wa ofotda tboni woto hékpé dutbo; la vonino woto mudu. 19Tda metima noma tomoyaka waki no dà togo zuzu kaye. 20Singanga Yesu zinga mbeti, me hatbo kakpe, tda me doto. Vowo kpekele no wo doto tonza sinagoga wo hé ye. 21Singanga me gbonganga tbowo: “Mbeti no yo tdo zé emetaye tatane.” 22Vowo kpekelegbo no wo dabino wo gbongo na zuzu kaye, tda wo sila go nga donzo zu gbongo no meto gbo dabi tda wo hinga zetawo kpoa la kpoa: “Novowaki ma tdeka Zozefu le?” 23Yesu gbo tbowo, ma hin tboni yo togbo sapu waki: “Wayolo kotbotamo tdo ngbomo, mega mene kpoa no moto medabi so tdongbà na Kapalanawuma ka mome ye tdongbà kamo.” 24Tda me gbodutbowo, magbotbiyo la kitdatda, vowo to ha titili tbo watdondolongo tdongbà kaye le. 25Ma gbotbiyo la kitdatda: Yo tdenge kpakpano Eliya gbodabi tbo maha to ni dabi le panga yaka tbwata laga pepe, tdakpe nyotaye tda nzala na gaga edabi tdongbà kpekele, ela wa gula wo ngbé no wodabi tonza Yisalayele. 26Tda Moome tima Eliya so kame kotbo wa gula no wotonza ngba na Yisalayele, tda metima ye nga wa gula no medodabi mbaso na Yelusaleme tonza ngba na Salepata no emangba na Sidona. 27Tdakpekpe no watdondolongo Eliza ba dabi la tdaye, edabi la wa maba wo ngbe tonza ngba na Yisalayele, no ga kpoa zetawo mema kotbo so, no edabi kama Naamana tongba na Suliya no mema kotbo, no mema moyuda le. 28Vo kpekelegbo no medabi tonza Sinagoga tdakpeno wo zé gbongo waki wo sila katbu. 29Tda wo gozi, no woyalaye ngbà to dulungba so pa nzota, dadano wo mega ngba kawo, kawo soye gototo nga moye. 30Tda Yesu yenge kozeta vowo tda me tdia.
Yesu ni siti kuse tda me kotbo vona koniwo
(Mk. 1:21-28)
31Dabino, Yesu ya so tdongbà na kapalanawuma so tonza gangba na Galileya, to kpakpa na momota bayudawo me gomene tbo vowo tonza sinagoga. 32Tda wo kpekele wo mego la gogomene kaye, nga donzo meto gbo dabi ngô la titili. 33Gavo kpoa no mela siti kuse medabi tonza tete na Sinagoga, tda me banda nga gbogbo la kpekpeke: 34“Ha! Yesu na Nazalete, gbongo na nya no ezetiya la tdo? Modo nga momaya? Ma hin tboni tdo matda: Tdoma vona zuzu ka Moome.” 35Yesu nzele tbo siti kuseni: “Dokpa, koto to ngbota ye.” Siti kuse ha mosé ni mbuye to, mogbu vowo kpekele, tda siti kuse koto to ngbota mosé ni tda emeye siti so. 36Vowo kpekele wo sila go, tda wo banda nga hinga zetawo kpoa la kpoa: “Niki ma gbongo na nya?” Me la kpekpeke bo no meto gbonganga tbo siti kuse tda siti kuse wola koto. 37Tda gbongo ka mene no Yesu tome yenge tonza dada kpekele.
Yesu kotbo gi petelo na ga kwavo ngbe
(Mt. 8:14-17; Mk. 1:29-34)
38Yesu koto tonza Sinagoga tda me tipa tonza tete ka Simona. Gi Simona na wose medabi la kokotu la kpekpeke, tda me hinga Yesu kame kotbo ye. 39Tda Yesu tdoto tditaye pa gbagba kaye, me gbotbo kokotu koto taye tda ekoto nome kotbo. Tdakpeno, megozi tda me tdezoo na hun-hun tbowo. 40Tdakpeno tbayi ni, vowo kpekele no wodabi la koniwo kilikili, wo dolawo nga Yesu, me hokpaye pawo kpoa la kpoa tda me kotbo wo. 41Siti kuse banda nga koto to ngbota vowo, la nga gbogbo: Tdo ma tdeka Moome! Wanino Yesu nzele tbo siti kuse tda me hokpaze kawo gbongo so nga gbotboni siti kusewo hin tboni mema Kilisito. 42La mbiye singa kpakpani, Yesu koto tonza ndongo tda vowo banda nga giye tdakpeno wo hin dada nome tbo, wo ye nga woye tonza dadano, nga gbotboni me ita ano ko. 43Tda Yesu dule tbowo tboni: “Etde kama tdia kama gbongo na zuzu na gaga ka Moome tonza ga kwa ngba, nga donzonzo no Moome tima noma.” 44Eno megomene tonza sinagoga tongba na Yudeya.
നിലവിൽ തിരഞ്ഞെടുത്തിരിക്കുന്നു:
LUKA 4: GIX
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Gilima Bible by Beyond Translation is licensed under Creative Commons Attribution-ShareAlike 4.0 License.
