Luke 9
9
Jesus Esi Mbed Nsie Dupeba Ọdọñ Utim
1Ekem, Jesus okuud mme mbed nsie dupeba ebin itie kied, Ọnyuñ ono mmo odudu ma unen ndikara kpukpru mme ndedehe spirit, Ndinyuñ nnam udọñọ akura mm'owu. 2Jesus ono mmo uyi ete ekekwọrọ ebaña ebi uboñ Abasi, Enyuñ enam mbin udọñọ ekip nsọñidem. 3Mbemisi mmo edaha, Jesus ọdọhọ mmo ete, “ikukama ukpọk mkpo kied k'isañ mmufo: Ikukama esañ, Ekpad uka-isañ, Udia ma ọkuk, Ikunyuñ ikama ukpuhọ ọfọñ.” 4“K'ini mmufo idukde k'ebi ndin owu ndime kied adara ma mmufo, Idu k'ufọk oro nte isen owu tutu mmufo inyoño.” 5“Edi ufọk ndime kied ekededi midarake mmufo, K'unyoño mmufo, Ikeñ ntan ikpad mmufo. Emi iyedi mkpo ntie-nsie ubim ikpe ino mmo.” 6Ndin mmo enwoño eduk ke mme ebi ekwọrọ eti mbuk enyuñ enam udọñọ akura kpukpru mbin udọñọ.
Herod Eyem Usuñ Nte Ekudde Jesus
7Ndin Herod Antipas andikara esiin Galilee, Ekip kpukpru s'itibede. Ndin ekikere etimere-e eti-eti. Koro ndusuk owu edọhọ ete, “Jesus edi John ọduọk owu mmoñ emi Abasi akanamde esed ke mkpa.” 8Ndin ndusuk owu edọhọ ete, “Jesus edi prophet Elijah emi afiakde edi.” Mbin eken ete, “owu kied k'otu mme prophet emi ekekpañade ke ayan ini emi ebede, Amana esed.” 9Edi Herod Antipas ọdọhọ ete, “mma ndọñ mbin ekọñ inh ekebigi John ọduọk owu mmoñ ibud. Ndin ene idi owu emi nsuk nkipde mm'utibe mkpo mbaña-e?” Ndin e-yem usuñ ndikud Jesus.
Jesus ono Owu Tọsin Itin Udia
10Ekem mme mbed Jesus dupeba efiak edi, Men kpukpru se mmo ekenamde ebuk eno Jesus. Ndin e-da mmo k'idem nsie ikpoñ adaha aka ebi emi ekerede Bethsaida. 11Edi kini emi otu owu ediọñọde itie emi Jesus ma mme mbed nsie edude, Mmo enyuñ ekiene-e. K'ini mmo esimde do. Jesus adara mmo ọnyuñ ekpep mmo mkpo abaña ebi uboñ Abasi ọnyuñ ọkọk mbin udọñọ. 12Ekem nte utin ọkọhọdere itọñ, Mbed nsie dupeba edidọhọ-e ete, “Oboñ, Mbọk dọhọ otu owu enyoñ mbak mmo eka ke mme nkan nkuk ebi ma mme ebi inwoñ ekenyem udia emi mmo idiade ma itie emi mmo inade, Koro nnyin idu k'itie emi owu miduñke.” 13Edi Jesus ọdọhọ mmo ete, “mmufo ino mmo mkpo edia.” Edi mmo eboro ete, “nyin inyeneke mkpo ikan uyi itin ma mkpri iyak iba, Ibọhọke nnyin ika ikedep udia ino uwak otu owu eke.” 14Mmo etiñ emi siak ibad mmo ekperede tọsin iden-owu itin. Edi Jesus ọdọhọ mme mbed nsie ete, “inam mmo esuhọre etietie k'udim-k'udim, Owu aba ma dup k'udim kied.” 15Ndin mme mbed enam se Jesus atiñde, Ndin mmo kpukpru etetie k'udim-k'udim. 16Ndin Jesus emen uyi itin ma mkpri nsad iyak iba oro k'ubọk nsie, Mene anyin esie ikpa enyoñ ọnyuñ ọkọm Abasi abaña udia. E-buñ uyi ma mkpri iyak iba oro mbi-mbi ọnyuñ ono mme mbed nsie eno otu owu. 17Ndin kpukpru mmo edia eyuhọ enyuñ etañ mbubek udia oro ọsuhọde edọñ ke akpan dupeba eyọhọ.
Peter Atiñ Ete Jesus Edi Christ
18Usen kied Jesus ọkpọñ otu owu aka ndibọñ akam ikpoñ. Mme mbed nsie edu ma-e. Ndin e-bup mmo ete, “mm'owu edọhọ ete ami ndi ene?” 19Mme mbed eboro ete, “ndusuk owu ete, K'ofo edi John ọduọk owu mmoñ emi afiakde odu uwem. Edi, Mbin eken edọhọ ete k'ofo edi prophet Elijah emi afiakde edi. Edi ndusuk owu ete k'ofo edi kied k'otu nkani mme prophet emi afiakde odu uwem.” 20Edi Jesus ebup mmo ete, “mmufo idọhọ ite Ami ndi ene?” Peter oboro ete, “Ofo edi Christ eyin Abasi Ibim.” 21Edi Jesus ọwuk mmo ete, “ikutiñ iko eke ino ukpọk owu kied?” 22Ekem Jesus ọdọhọ mme mbed nsie ete, “Ami eyin owu, Nyekud adiwak ukuri. Mbi-owu mme Jew, Mme ikpo oku ma mme ekpep ibed mme Jew iyesin nin inyuñ ida min ino mkpa edi nyefiak nsed ke ọyọhọ usen ita.”
Men Cross Mfo Kiene Jesus
23Ekem Jesus ọdọhọ kpukpru mmo ete, “owu ekededi emi eyemde ndikiene min, Yak e-tuk idem nsie, Ọnyuñ emen cross nsie kpukpru usen ekiene min. Ana e-beñe idem ndikud, Ndutuhọ ma mkpa, Ndin e-keme ndi kiene min.” 24“Koro owu ekededi emi iyemde ndinyiaña uwem nsie iyeduọk uwem, Edi owu ekededi iduọkde uwem nsie ke abaña min kpa owu oro, Iyenyiaña uwem nsie.” 25“Koro nse udiri k'owu inyene edieke e-diade efuri arimbud edi inyeneke nsi-nsi uwem ma Abasi?” 26“Koro owu ekededi ikipde bud ibaña min ma iko mi, Ndin, Ami eyin owu, Nyekip bud mbaña-e kini ndide ke uboñ inh ma uboñ Nte mi ma eke ndisana mme angel ke enyoñ.”
27“Ntiñ akpaniko nno mmufo usuk owu odu k'otu mbin edade mi, Emi mimitabike mkpa tutu mmo ekud ebi uboñ Abasi.”
Jesus Ọkpuhọre Udud Ke Enyoñ Ebid
28Ke mkpo nte usen itiaita ama ekebe nte Jesus ekekpep mkpo emi, E-da Peter, John ma James odok ke akamba ebid ndibọñ akam nno Abasi. 29Nte Jesus ọbọñde akam, Isi nsie ọkpuhọre, Edisine mkpo nsie ọnyuñ akabade afia esem ọduk owu anyin. 30Ndin owu iba ebiọñọre edineme nneme ma Jesus. Mmo ekedi prophet Moses ma Elijah. 31Mmo enyuñ eyiama eti-eti, Mmo enyuñ eneme nneme ma Jesus. Mmo mbita etiñ ebaña nte Jesus isọpde ndiyak uwem nsie ke arimbud emi, Ke ebi Jerusalem. Usuñ emi ke ida inam uboñ Abasi osu k'idem nsie. 32Edi idap amum Peter ma mbin emi edude ma-e eti-eti, Edi kini emi anyin atarade mmo, Mmo ekud-e k'uboñ ma owu iba oro adade ma-e. 33Kini Moses ma Elijah eyemde ndidaha mkpọñ Jesus, Peter ọdọhọ ete, “Oboñ, Afan kpukpru nnyin idude mi. Yak nnyin ibup ataya ita: Kied enyene fin, Kied enyene Moses, Kied edi eke Elijah!” Peter akatiñ emi siak mitimke idiọñọ se e-ketiñde abaña. 34Nte Peter ọsuk akade isi nditiñ, Obubid enyoñ edifuk mmo. Ndik anam mme mbed nte obubid enyoñ ọfukde mmo. 35Ndin mmo ekip uyi Abasi otude ke obubid enyoñ ọwọrọ ete, “emi edi adima eyin nni, Emi mmekde. Mmufo ikip uyi nsie!” 36K'uyi oro ama ekedip, Mme mbed ita oro eyekud Jesus ikpoñ adade ma mmo. Mmo inyuñ itiñke ino ukpọk owu kied se mmo ekudde.
Jesus Ọkọk Akpri Eyin Udọñọ
37Ke ndañ nsiere, Jesus ma mbed ita oro etu ke ebid esuhọre, Akwa otu owu edi ndisube ma-e. 38Ndin sese owu kied ke otu oro efiri ete, “Andikpep, Mbọk nyene mbọm baña eyin nni nyuñ nwam-e koro e-di nkukura eyin nni.” 39“E-di owu emi ndedehe spirit ọduñde-e k'idem ndin spirit emi esinam-e ọkuni. Esituak-e tutu efuud ọwọrọ-e k'inua. Ndedehe spirit oro imum-e, Isọpke iyak-e.” 40“Mma mkpe mme mbed mfo ubọk nte, Ebin-e eduọk, Edi mmo ikemeke!” 41Jesus oboro ete, “O emana unana mbuodidem ma ukwañ idu, Adaña didie ke ndu ma mmufo nnyuñ nyo unana mbuodidem mmufo.” Ndin e-dọhọ ete eyin oro ete, “da eyin fo diken.” 42Nte eyin oro asañade edi, Ndedehe spirit esie-e ọduọk k'isọñ, E-nyuñ osohi idem nsie k'isọñ. Edi Jesus asua ono ndedehe spirit oro. E-nam eyin oro ekip nsọñidem ọnyuñ ayak-e ono ete nsie.
Jesus afiak asian abaña mkpa nsie
43Ndin idem akpa kpukpru mmo ndikud ọkpọsọñ odudu Abasi. Nte mmo esuk edude ke mkpa-idem abaña kpukpru utibe mkpo emi Jesus akanamde, E-dọhọ mbed nsie dupeba ete,
44“Mmufo itim ikpañ utọñ inyuñ iti se ntiñde emi: Ami, Eyin owu, Iyesọp ndiyak inñ nsin mm'idiọk owu k'ubọk.” 45Edi ikinwañake mmo se iko nsie ọwọrọde. Ama edibe mmo ke anyin mbak mmo ididiọñọ uduak nsie. Edi mmo efehe ndik ndibup-e se iko nsie ọwọrọde.
Owu emi ekpinde akan ke ebi uboñ Abasi
46Mme mbed etoño ndinini ke otu idem mmo mbaña owu emi ekpinde akan. 47Edi Jesus ọdiọñọ ntak enini mmo. Ndin e-kuud eyinọwọñ k'otu mmo adian idem. 48Ndin Jesus ọdọhọ mmo ete, “Owu ekededi emi adarade akpri eyinọwọñ eke ke enyiñ inh, Adara min, Ndin owu ekededi eke adarade min adara E-mi ọkọdọñde min. Koro mkpri-nkan k'otu mmufo idi akamba.”
Jesus asua ono ubahare
49Edi John ọdọhọ Jesus ete, “Andikpep, Nnyin ima ikud owu adade enyiñ mfo ebin ndedehe spirit ọduọk, Ndin nnyin ikpan-e siak midighe kied k'otu nnyin.” 50Edi Jesus oboro-e ete, “ikukpan-e koro owu ekededi eke mibiọñọke mmufo anwa-nwam mmufo.”
Mbin Samaria esin Andinyiaña
51Ke ekperede ini Jesus eyemde ndifiak ndok enyoñ, Jesus ebiere ndika ebi Jerusalem. 52Jesus ọdọñ mme isuñ utim ebem-e isi. Ndin mmo eka ekeduk ke ebi inwoñ samaria kied nditumi itie nno-e ma mme mbed eken ndidañ. 53Ke mbin Samaria ema ekenyene ifiọk ete ke Jesus eyem ndika ebi Jerusalem nkekpine Abasi, Mmo iyimeke-e adañ ke ebi mmo. 54K'ini mme mbed nsie, James ma John ekudde emi, Mmo edọhọ ete, “Oboñ, Nte emenyime nnyin ikuud ikañ otu ke ikpa enyoñ ọsuhọre edita mmo?” 55Edi Jesus ọnwọñọde asua ono mmo. 56Ndin Jesus ma mbed nsie ebe eka ebi inwoñ mfen.
Se ikpade owu ndidi mbed
57Ndin nte Jesus ma mme mbed nsie esañade eka k'usuñ ebi Jerusalem, Owu kied ọwọrọ edidọhọ Jesus ete, “Oboñ, Ndidi mbed mfo nyuñ nsaña ma ofo itie eke ukaka” 58Ndin Jesus ọdọhọ-e ete, “ebua-ikod enyene ndudu, Inuen enyoñ enyuñ enyene efọk, Edi eyin owu inyeneke itie eke ediride ibud nsie.” 59Ndin Jesus ọdọhọ owu mfen ete, “kiene min, Nyuñ di mbed nni.” Edi owu oro oboro-e ete, “Oboñ, Yak mbed kaña tutu mbuuk nte mmi.” 60Jesus oboro-e ete, “mmomi mikipke uyi Abasi etie nte mme akpa-mkpa. Yak mmo ebuuk mme akpa-mkpa mmo. Edi, Idi ofo, Ka ke kwọrọ no kpukpru owu baña ebi uboñ Abasi.” 61Owu mfen nde ọdọhọ Jesus ete, “Oboñ, Mmeyem ndidi mbed mfo. Edi yak mbem isi nka nkekọm mbin nni k'ufok.” 62Edi Jesus ọdọhọ ete, “owu ekededi akabarede esie edem, Ke e-ma ekesin ubọk k'ufuñ isoñ, Iyekip mmem-idem. Kpasuk ntra, Owu eke ekienede min nte mbed ndin e-nyene mkpo afinade-e, Imikemeke ndinam utim ebi uboñ Abasi.”
നിലവിൽ തിരഞ്ഞെടുത്തിരിക്കുന്നു:
Luke 9: ITW
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Ito Bible by Beyond Translation is licensed under Creative Commons Attribution-ShareAlike 4.0 License.
Luke 9
9
Jesus Esi Mbed Nsie Dupeba Ọdọñ Utim
1Ekem, Jesus okuud mme mbed nsie dupeba ebin itie kied, Ọnyuñ ono mmo odudu ma unen ndikara kpukpru mme ndedehe spirit, Ndinyuñ nnam udọñọ akura mm'owu. 2Jesus ono mmo uyi ete ekekwọrọ ebaña ebi uboñ Abasi, Enyuñ enam mbin udọñọ ekip nsọñidem. 3Mbemisi mmo edaha, Jesus ọdọhọ mmo ete, “ikukama ukpọk mkpo kied k'isañ mmufo: Ikukama esañ, Ekpad uka-isañ, Udia ma ọkuk, Ikunyuñ ikama ukpuhọ ọfọñ.” 4“K'ini mmufo idukde k'ebi ndin owu ndime kied adara ma mmufo, Idu k'ufọk oro nte isen owu tutu mmufo inyoño.” 5“Edi ufọk ndime kied ekededi midarake mmufo, K'unyoño mmufo, Ikeñ ntan ikpad mmufo. Emi iyedi mkpo ntie-nsie ubim ikpe ino mmo.” 6Ndin mmo enwoño eduk ke mme ebi ekwọrọ eti mbuk enyuñ enam udọñọ akura kpukpru mbin udọñọ.
Herod Eyem Usuñ Nte Ekudde Jesus
7Ndin Herod Antipas andikara esiin Galilee, Ekip kpukpru s'itibede. Ndin ekikere etimere-e eti-eti. Koro ndusuk owu edọhọ ete, “Jesus edi John ọduọk owu mmoñ emi Abasi akanamde esed ke mkpa.” 8Ndin ndusuk owu edọhọ ete, “Jesus edi prophet Elijah emi afiakde edi.” Mbin eken ete, “owu kied k'otu mme prophet emi ekekpañade ke ayan ini emi ebede, Amana esed.” 9Edi Herod Antipas ọdọhọ ete, “mma ndọñ mbin ekọñ inh ekebigi John ọduọk owu mmoñ ibud. Ndin ene idi owu emi nsuk nkipde mm'utibe mkpo mbaña-e?” Ndin e-yem usuñ ndikud Jesus.
Jesus ono Owu Tọsin Itin Udia
10Ekem mme mbed Jesus dupeba efiak edi, Men kpukpru se mmo ekenamde ebuk eno Jesus. Ndin e-da mmo k'idem nsie ikpoñ adaha aka ebi emi ekerede Bethsaida. 11Edi kini emi otu owu ediọñọde itie emi Jesus ma mme mbed nsie edude, Mmo enyuñ ekiene-e. K'ini mmo esimde do. Jesus adara mmo ọnyuñ ekpep mmo mkpo abaña ebi uboñ Abasi ọnyuñ ọkọk mbin udọñọ. 12Ekem nte utin ọkọhọdere itọñ, Mbed nsie dupeba edidọhọ-e ete, “Oboñ, Mbọk dọhọ otu owu enyoñ mbak mmo eka ke mme nkan nkuk ebi ma mme ebi inwoñ ekenyem udia emi mmo idiade ma itie emi mmo inade, Koro nnyin idu k'itie emi owu miduñke.” 13Edi Jesus ọdọhọ mmo ete, “mmufo ino mmo mkpo edia.” Edi mmo eboro ete, “nyin inyeneke mkpo ikan uyi itin ma mkpri iyak iba, Ibọhọke nnyin ika ikedep udia ino uwak otu owu eke.” 14Mmo etiñ emi siak ibad mmo ekperede tọsin iden-owu itin. Edi Jesus ọdọhọ mme mbed nsie ete, “inam mmo esuhọre etietie k'udim-k'udim, Owu aba ma dup k'udim kied.” 15Ndin mme mbed enam se Jesus atiñde, Ndin mmo kpukpru etetie k'udim-k'udim. 16Ndin Jesus emen uyi itin ma mkpri nsad iyak iba oro k'ubọk nsie, Mene anyin esie ikpa enyoñ ọnyuñ ọkọm Abasi abaña udia. E-buñ uyi ma mkpri iyak iba oro mbi-mbi ọnyuñ ono mme mbed nsie eno otu owu. 17Ndin kpukpru mmo edia eyuhọ enyuñ etañ mbubek udia oro ọsuhọde edọñ ke akpan dupeba eyọhọ.
Peter Atiñ Ete Jesus Edi Christ
18Usen kied Jesus ọkpọñ otu owu aka ndibọñ akam ikpoñ. Mme mbed nsie edu ma-e. Ndin e-bup mmo ete, “mm'owu edọhọ ete ami ndi ene?” 19Mme mbed eboro ete, “ndusuk owu ete, K'ofo edi John ọduọk owu mmoñ emi afiakde odu uwem. Edi, Mbin eken edọhọ ete k'ofo edi prophet Elijah emi afiakde edi. Edi ndusuk owu ete k'ofo edi kied k'otu nkani mme prophet emi afiakde odu uwem.” 20Edi Jesus ebup mmo ete, “mmufo idọhọ ite Ami ndi ene?” Peter oboro ete, “Ofo edi Christ eyin Abasi Ibim.” 21Edi Jesus ọwuk mmo ete, “ikutiñ iko eke ino ukpọk owu kied?” 22Ekem Jesus ọdọhọ mme mbed nsie ete, “Ami eyin owu, Nyekud adiwak ukuri. Mbi-owu mme Jew, Mme ikpo oku ma mme ekpep ibed mme Jew iyesin nin inyuñ ida min ino mkpa edi nyefiak nsed ke ọyọhọ usen ita.”
Men Cross Mfo Kiene Jesus
23Ekem Jesus ọdọhọ kpukpru mmo ete, “owu ekededi emi eyemde ndikiene min, Yak e-tuk idem nsie, Ọnyuñ emen cross nsie kpukpru usen ekiene min. Ana e-beñe idem ndikud, Ndutuhọ ma mkpa, Ndin e-keme ndi kiene min.” 24“Koro owu ekededi emi iyemde ndinyiaña uwem nsie iyeduọk uwem, Edi owu ekededi iduọkde uwem nsie ke abaña min kpa owu oro, Iyenyiaña uwem nsie.” 25“Koro nse udiri k'owu inyene edieke e-diade efuri arimbud edi inyeneke nsi-nsi uwem ma Abasi?” 26“Koro owu ekededi ikipde bud ibaña min ma iko mi, Ndin, Ami eyin owu, Nyekip bud mbaña-e kini ndide ke uboñ inh ma uboñ Nte mi ma eke ndisana mme angel ke enyoñ.”
27“Ntiñ akpaniko nno mmufo usuk owu odu k'otu mbin edade mi, Emi mimitabike mkpa tutu mmo ekud ebi uboñ Abasi.”
Jesus Ọkpuhọre Udud Ke Enyoñ Ebid
28Ke mkpo nte usen itiaita ama ekebe nte Jesus ekekpep mkpo emi, E-da Peter, John ma James odok ke akamba ebid ndibọñ akam nno Abasi. 29Nte Jesus ọbọñde akam, Isi nsie ọkpuhọre, Edisine mkpo nsie ọnyuñ akabade afia esem ọduk owu anyin. 30Ndin owu iba ebiọñọre edineme nneme ma Jesus. Mmo ekedi prophet Moses ma Elijah. 31Mmo enyuñ eyiama eti-eti, Mmo enyuñ eneme nneme ma Jesus. Mmo mbita etiñ ebaña nte Jesus isọpde ndiyak uwem nsie ke arimbud emi, Ke ebi Jerusalem. Usuñ emi ke ida inam uboñ Abasi osu k'idem nsie. 32Edi idap amum Peter ma mbin emi edude ma-e eti-eti, Edi kini emi anyin atarade mmo, Mmo ekud-e k'uboñ ma owu iba oro adade ma-e. 33Kini Moses ma Elijah eyemde ndidaha mkpọñ Jesus, Peter ọdọhọ ete, “Oboñ, Afan kpukpru nnyin idude mi. Yak nnyin ibup ataya ita: Kied enyene fin, Kied enyene Moses, Kied edi eke Elijah!” Peter akatiñ emi siak mitimke idiọñọ se e-ketiñde abaña. 34Nte Peter ọsuk akade isi nditiñ, Obubid enyoñ edifuk mmo. Ndik anam mme mbed nte obubid enyoñ ọfukde mmo. 35Ndin mmo ekip uyi Abasi otude ke obubid enyoñ ọwọrọ ete, “emi edi adima eyin nni, Emi mmekde. Mmufo ikip uyi nsie!” 36K'uyi oro ama ekedip, Mme mbed ita oro eyekud Jesus ikpoñ adade ma mmo. Mmo inyuñ itiñke ino ukpọk owu kied se mmo ekudde.
Jesus Ọkọk Akpri Eyin Udọñọ
37Ke ndañ nsiere, Jesus ma mbed ita oro etu ke ebid esuhọre, Akwa otu owu edi ndisube ma-e. 38Ndin sese owu kied ke otu oro efiri ete, “Andikpep, Mbọk nyene mbọm baña eyin nni nyuñ nwam-e koro e-di nkukura eyin nni.” 39“E-di owu emi ndedehe spirit ọduñde-e k'idem ndin spirit emi esinam-e ọkuni. Esituak-e tutu efuud ọwọrọ-e k'inua. Ndedehe spirit oro imum-e, Isọpke iyak-e.” 40“Mma mkpe mme mbed mfo ubọk nte, Ebin-e eduọk, Edi mmo ikemeke!” 41Jesus oboro ete, “O emana unana mbuodidem ma ukwañ idu, Adaña didie ke ndu ma mmufo nnyuñ nyo unana mbuodidem mmufo.” Ndin e-dọhọ ete eyin oro ete, “da eyin fo diken.” 42Nte eyin oro asañade edi, Ndedehe spirit esie-e ọduọk k'isọñ, E-nyuñ osohi idem nsie k'isọñ. Edi Jesus asua ono ndedehe spirit oro. E-nam eyin oro ekip nsọñidem ọnyuñ ayak-e ono ete nsie.
Jesus afiak asian abaña mkpa nsie
43Ndin idem akpa kpukpru mmo ndikud ọkpọsọñ odudu Abasi. Nte mmo esuk edude ke mkpa-idem abaña kpukpru utibe mkpo emi Jesus akanamde, E-dọhọ mbed nsie dupeba ete,
44“Mmufo itim ikpañ utọñ inyuñ iti se ntiñde emi: Ami, Eyin owu, Iyesọp ndiyak inñ nsin mm'idiọk owu k'ubọk.” 45Edi ikinwañake mmo se iko nsie ọwọrọde. Ama edibe mmo ke anyin mbak mmo ididiọñọ uduak nsie. Edi mmo efehe ndik ndibup-e se iko nsie ọwọrọde.
Owu emi ekpinde akan ke ebi uboñ Abasi
46Mme mbed etoño ndinini ke otu idem mmo mbaña owu emi ekpinde akan. 47Edi Jesus ọdiọñọ ntak enini mmo. Ndin e-kuud eyinọwọñ k'otu mmo adian idem. 48Ndin Jesus ọdọhọ mmo ete, “Owu ekededi emi adarade akpri eyinọwọñ eke ke enyiñ inh, Adara min, Ndin owu ekededi eke adarade min adara E-mi ọkọdọñde min. Koro mkpri-nkan k'otu mmufo idi akamba.”
Jesus asua ono ubahare
49Edi John ọdọhọ Jesus ete, “Andikpep, Nnyin ima ikud owu adade enyiñ mfo ebin ndedehe spirit ọduọk, Ndin nnyin ikpan-e siak midighe kied k'otu nnyin.” 50Edi Jesus oboro-e ete, “ikukpan-e koro owu ekededi eke mibiọñọke mmufo anwa-nwam mmufo.”
Mbin Samaria esin Andinyiaña
51Ke ekperede ini Jesus eyemde ndifiak ndok enyoñ, Jesus ebiere ndika ebi Jerusalem. 52Jesus ọdọñ mme isuñ utim ebem-e isi. Ndin mmo eka ekeduk ke ebi inwoñ samaria kied nditumi itie nno-e ma mme mbed eken ndidañ. 53Ke mbin Samaria ema ekenyene ifiọk ete ke Jesus eyem ndika ebi Jerusalem nkekpine Abasi, Mmo iyimeke-e adañ ke ebi mmo. 54K'ini mme mbed nsie, James ma John ekudde emi, Mmo edọhọ ete, “Oboñ, Nte emenyime nnyin ikuud ikañ otu ke ikpa enyoñ ọsuhọre edita mmo?” 55Edi Jesus ọnwọñọde asua ono mmo. 56Ndin Jesus ma mbed nsie ebe eka ebi inwoñ mfen.
Se ikpade owu ndidi mbed
57Ndin nte Jesus ma mme mbed nsie esañade eka k'usuñ ebi Jerusalem, Owu kied ọwọrọ edidọhọ Jesus ete, “Oboñ, Ndidi mbed mfo nyuñ nsaña ma ofo itie eke ukaka” 58Ndin Jesus ọdọhọ-e ete, “ebua-ikod enyene ndudu, Inuen enyoñ enyuñ enyene efọk, Edi eyin owu inyeneke itie eke ediride ibud nsie.” 59Ndin Jesus ọdọhọ owu mfen ete, “kiene min, Nyuñ di mbed nni.” Edi owu oro oboro-e ete, “Oboñ, Yak mbed kaña tutu mbuuk nte mmi.” 60Jesus oboro-e ete, “mmomi mikipke uyi Abasi etie nte mme akpa-mkpa. Yak mmo ebuuk mme akpa-mkpa mmo. Edi, Idi ofo, Ka ke kwọrọ no kpukpru owu baña ebi uboñ Abasi.” 61Owu mfen nde ọdọhọ Jesus ete, “Oboñ, Mmeyem ndidi mbed mfo. Edi yak mbem isi nka nkekọm mbin nni k'ufok.” 62Edi Jesus ọdọhọ ete, “owu ekededi akabarede esie edem, Ke e-ma ekesin ubọk k'ufuñ isoñ, Iyekip mmem-idem. Kpasuk ntra, Owu eke ekienede min nte mbed ndin e-nyene mkpo afinade-e, Imikemeke ndinam utim ebi uboñ Abasi.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Ito Bible by Beyond Translation is licensed under Creative Commons Attribution-ShareAlike 4.0 License.