လုကာ 5
5
ခီးပရာရီးကူးခလုန်းတဟယ်
1ဘာတနုန်နူ ယေရှု ဆုန်းထုန်ဒုန်း ဂင်္နေသရက်ခွီး#5:1 ဂင်္နေသရက်ခွီး ဂင်္နေသရက်ခွီးမယ် အအော်ဂါလိလဲဆူးခွီးတခွန်းတာ့နူလော်။ ကားဒီခိန်နူ ပရာပူဒူတဟယ်နူ မကိုက်ကာနာဟူးဘာဘွေဟွားဘွေငေါ့နဲခူး လေရီးလေရှောင်လေနဲဒုန်းဘွေအော်နူလော်။ 2ဘုန်ဒေါ် ဘွေနူအုတ်ဆူရိုနု့ဘာအော်ရောင်ဒုန်း လောင်းဖရီးကားဒီနူလော်။ ပရာမာအယ်တာ့တဟယ်နူဆွားထောင်ဒေါ် ဇောင်းဘလောင်းအပေါ့နူလော်။ 3အနူဒေါ် ယေရှုထောင်ဒုန်းရိုနု့ဘာအကားတဘာဒုန်း ရှိမုန်ရိုခူဘုန် အလားသို့ယုန်အနဲဒေါ် လောင်းတာ့ တကီနူလော်။ ဘွေနူနောင်းလောင်ဒုန်းရိုကူးဘုန် သွတ်ပေါင်လောင်ပရာလောနူးတဟယ်နူလော်။
4ဘုန်းဘွေပရွှီးသွတ်ပေါင်ဒေါထွန့်လောင်တာဘုန်ဒေါ်ဘွေနူ နဲမူးရှိမုန် ဒုန်း “သို့ယုန်နရိုဒုန်း ဆူးလောင်ယုန်ကားနူဒေါ်၊ ဟိုက်လော်နာပေါ့ဒုန်းနကဖူအယ်တာ့နဲခူးကာ” နူလော်။ 5ရှိမုန် နဲဇိန်ဘွေဒုန်း “ဘွေဧိုး၊ ပမာဆုန်းရေတဟာ့ကူးဟုန်းမသော်မယ် ပါတာ့ဇာ့နူးတဘောတဘောကိုး၊ နဲမယ် ဒုန်းန တာဟွားတာငေါ့ကူးနူ ခေးကဟိုက်လောင် ပေါ့လော်။” 6အဝေသူးမာဇု့မကိုက်ဒေါ် ဘွေအတာဆိန့်နူးနူဒေါ်တာ့တဟယ်နူ နူးအော်အပ် အော်ဘွေး ထူးဒေါ်ပေါ့ကမိုက်ဒေါ်ဇာ့နဲယု့နူလော်။ 7အခူစားအဝေသူးကပ်မွန်း အငေါ်ကူးရူးတဟယ်အာရိုဒုန်းကမာကွားဝေသူးနဲခူးနူလော်။ ပရာမာအယ်တာ့တဟယ်နူ လေဟော့အာရိုနု့ဘာဒေါ်တာ့ဘွေးထောင်ရှော်လောင်ဒေါ်ကနဲ လော်ပရူးနူလော်။
8ရှိမုန်ပေတရုအုတ်ဆူဘာတာတဟယ်ယိုးဘုန် ဆိန့်ဘွေဒေါ် ဒေါကလိမ်းလောင်ဒုန်းဘွေအလားမောက်ဒေါ် “ဘွေဧိုး၊ ခေးမယ်ပရာတာခေါ်ဝယ်ဖော့တပရာလော်၊ ဆွားထောင်ကေးဒုန်းခေးအော်ကာ” အကွီးထောင်ကနူလော်။ 9ရှိမုန်ပေတရုဒေါ်အငေါ်ပရာဖူအယ်တာ့လောနူးတဟယ် အုတ်ဆူတာ့အော်ဒူ ဒေါ်တမွတ်တမောင်းဘာအဝေသူးနူလော်။ 10အဝေအပရာကားနူ ဇေဗေဒဲဖော့ခူးဒုန်း အမွေး ယာကုပ်ဒေါ်ယောဟန်သာ့နု့မယ်အုတ်ဆူ တာ့နူးအော်အာ့အော်ဘွေးဒေါ် တမွတ်တမောင်းနူလော်။ ယေရှုဆိန့်နူးမူး ရှိမုန်ဒုန်း “ဇာ့အော်ဒေါ်ဘာယုန်စားမောင်ကာ၊ ယိုးတနူဒေါ်လေအလားမောက်သူးကမွေးပရာဒုန်း တာဖူအယ်တာ့အလဲနူ သူးကလားဘလာဖီးထောင်ခေးခီးပရာနဲခူးနူ သူးဘာမာနူလော်” 11အဝေသူးတဟယ်နူဆွီထောင်ရိုဒုန်းခေါကွန်ဘုန် လားကေးတာအော်ဒေါ်ဝေသူးပွတ်မူးဘုန် လေဇွတ်လောမူးဘွေနူလော်။
မာထမိုင်းနူးပရာဘာတာဆားဒူတပရာအတာဆား
12ဘာတဘလယ်နူ ဘွေယေရှုနူအော်ဒုန်း ဝိန်တဝိန်ကူးအခိန်နူ ဒုန်းဝိန်ကူးနူ ပရာအော်ဒေါ်တာဆားဒူဒုန်းအတာဆားမာဒူတပရာ အုတ်ဆူဘွေဒေါ်ဒေါကလိမ်းလောင်ဒုန်းဘွေလမောက်ဟယ်ခူလော်ဘုန် ကွီးသဇာ့ဘွေဒုန်း၊ “ဘွေဧုန်း နာသာ့ မွက်အော် ဒုန်းနကမာထိုင်းမိုင်းနူးခေးတာဆားဒေါ်မာထမိုင်းတကင်၊ နာမာဇောင့်နူလော်။” 13အခူစား ဘွေယေရှုယုန်းထောင်အာစဓိန်းဒေါ်တော့ဘာအာနဲလော်ဘုန် “ခေးသာ့အော်နာလော်၊ နရောက်စေဟုန်း” အနဲကနူဒေါ်အတာဆားဒူတာဆားနူထိုင်းမိုင်းကေးဒုန်းအလော်တဘလယ်ထိုက်နူလော်။
14ဘုန်ဒေါ် ဘွေယေရှုနူနဲဝေဒုန်း “တာရီတာကေးတကူးယိုး ဇာ့ဆိန့်နူးပရာကူးရူကာ၊ နာမယ်လေဒုန်းပရာလူတာအဒူအော်ဘုန်” အကဖီးထောင်တာမှတ်နဲဒုန်း ပရာတဟယ်လမောက်နဲခူး မကိုက်မောရှေတာမှာလောင်နူ လူထောင်ဆော့တာကာ အဆိန့်မွန်းကနူလော်။ 15နဲမယ်ဘွေယေရှုအရီအာကေးတဟယ်နူ ဟုန်းဆူးဟုန်းဂက်အခူစား ပရာသိုက်ငှားအော်အာ့ထောင်ဒေါ် ပရာပူဒူတဟယ်နူ သနူးလေနာဓိန်းဘွေငေါ့ ဒေါ်မကိုက်အတာဆားကထာမိုင်းနဲခူးနူလေလောဒုန်းဘွေအော်နူလော်။ 16နဲမယ် ဘွေယေရှု ဆွားထောင်ကတာ့တပရားလော်ဒုန်း မုန်းလားကားဒုန်း ပရာဇာ့အော်ကလဲမကိုက်ဒုန်း အကလေသဘားထောင်နူလော်။
တာဘလိုင်လွတ်တာခေါ်ဝယ်ဘုန် တာမာထမိုင်းကေးတာဆားတဟယ်
17ဘာတနုန်နူ ဘွေယေရှုဒေါထွန့်လောင်တာခိန် ပရာဖာရိရှဲ#5:17 ဖာရိရှဲ ဖာရိရှဲနဲမယ် ဂရိငေါ့ဘုန် (pharisaios မယ်ပရာအော်ချာ) ဟေဘရူးငေါ့မယ် ပရာအော်လောင်ဖာ့၊ အော်ချာတဟယ်နူလော်။ ဘုန်ဘွေခရစ်အော်အခိန်မယ် မွက်ပရာတပူဒုန်းအဆုန်းထုန်အော် မကိုက်တာသဘားခူနာ့တဟယ်အော်ဒေါ်အခွက်အာဏာဘုန် အဝေသူးတာလားလောင်တာမာတဟယ်ဇာ့သားလူရောက်ဘုန် အနော်နူ မွက်ပရာဒုန်း အဒုန်းဘာယက်ဘာတာဘူတာဘားနာမာတဟယ်နူလော်။ ဒေါ် ပရာသိုက်မောရှေတာမှာလောင်တဟယ်လေအအော်ဒုန်း ဂါလိလဲဂက် ယုဒဂက် ပရာအော်ဒုန်းဂျေရုဆလင်ဝိန်ကားဒီ ဓုန်းကူးဖော့တဟယ်နူအတူးလေဒေါ်နောင်းလောင်နူလော်။ ဘွေဖင်လောင်ဘုန်းဟုန်း ယေရှုတာပရော်တာပရောက်ဒုန်း အကမာထိုင်းမိုင်းပရာတာဆားအော်တဟယ်နူလော်။ 18ဒေါ်ပရာတဟယ်နူ လားနူးပရာသူးတစ်ခွန်းကိန်တပရာဒုန်းခလိုကူးဘုန်ယောင်းလေနူလော်။ အဝေသူးနူမာမကိုက်ပရာဆားနူကတူးလေဒုန်းဘွေအာလမောယ်နူလော်။ 19နဲမယ် ပရာအော်အာ့အော်ဘွေးဒေါ်အဝေသူးလေနူးဇာ့ဒါ။ အခူစားအဝေသူးထောင်ဒုန်းသင်ခူဒေါ် ဘုန်းကေးသင်ခူဘုန်ကျုံးကလုန်ခလိုဒေါ်သုန်ပူဘုန် စုန်းဘီးဗျားဇွတ်မူးဒေါ်ကက်ပူကူးတူးဒုန်းဘွေအလမောက်နူလော်။
20ဘွေယေရှုအုတ်ဆူဘာပရာတဟယ်နူ အတာယူးတာနာကလုန်ဒူများမားနူဒေါ်နဲမူးပရာသူးတခွန်းကိန်တပရာနူ “ခေးငေါ်၊ တာဘလိုင်ဘလွတ်လောနာတာခေါ်ဝယ်ဟုန်း” နူလော်။ 21အနူဒေါ်ဖာရိရှဲဒေါ်ပရာသိုက် လိုင်ဆောင်းဆူးစရာတဟယ်နူ နဲရောက်ဒုန်း “ပရာဒုန်းပရွှီးကမာဘွေ ပရာယိုးပရာမယ်ပါးပရာ ဒုန်းဘွေလမောက်နူပရာဒုန်း ပါးတပရာ ဘလိုင်ဘလွတ်တာခေါ်ဝယ်ဇောင့် ပရာဒုန်းအဘလိုင်လွတ်ဇောင့်တာခေါ်ဝယ်ဒါမယ်ဖားဘွေတပရားလော်နူလော်” အအော်ဒေါ် တာနသု့ကူးကနူတဟယ်လော်။ 22ဘွေယေရှုနူ သိုက်ငှားပရာတဟယ်နူ အတာနသု့ဒေါ် “ဘာသရားဒုန်းသူးနသု့တာကယိုးဒုန်းသူးသာ့ကူးခါးမာရား။” 23“ခေးကနဲပရာသူးတခူးကိန်ယိုးဒုန်း နတာခေါ်ဝယ်ဘလွတ်ဟုန်း ဇာ့မွက်မယ်သားရိုက်ဒေါ်ဆွားကာနူမယ်အကယူးမလောတဒ 24နဲမယ် ပရာဖော့ခူး#5:24 ပရာဖော့ခူး ပရာဖော့ခူးမယ် ခရစ်ကာ့လောင်ဇိန်အနဲအမီနူလော်။ ယိုးနူ အအော်ဒေါ်အခွက်ဒုန်း အဘလိုင်လွတ်ဒါဟယ်ခူကူးပရာတာခေါ်ဝယ်ဖော့တဟယ် တာခေါ်ဝယ်ဒါနူသူးကသိုက်ငှားဘာနဲခူးခေးကနဲလော်” အဆိန့်လောင်ကနူဘုန် အနဲပရာသူးတခူးကိန်ပရာနူ “ခေးကနဲနာ၊ သိုင်းရိုက်၊ ဖိတ်ဇိန်နကလိုဒေါ်ဇိန်ဒုန်းနသင်ကာ” အနဲမွန်းကနူလော်။ 25ဘုန်းအဆိန့်ကနူဘုန် တဘလယ်ထိုက် ပရာယိုးပရာနူသားရိုက်ဒုန်းပရာအလောင်းမောက်နူလော်။ ဘုန်နူဖိတ်ဇိန်ကလဲမီးဒါးဒေါ် သဘုတ်ထော်ထောင်ဟော့ဘွေဒေါ်ဇိန်ဒုန်းအသင်နူလော်။ 26ပရာလောနူးတဟယ်တမွတ်တမောင်းဒေါ်အဝေသူးနူအသဘိုက်ဒူဘုန် “ယိုးနူယိုးပါအုတ်ဆူဘာတာစလိတ်စငှားတဟယ်နူဟုန်း” အနဲရောင့်ကနူဘုန် သဘုတ်သနောက်ထော်ထောင်ယူးဘွေဘူးယောင်းနူလော်။ အဝေသူးနဲရောင့်ဒုန်း ပါယိုးကူးနူ ပါအုတ်ဆူဘာဒေါ်ထွားထောင်တမွတ်တမောင်းပါနဲခူးလော်။
တာကာ့ထောင်လေဝိ
27ဒေါ်တာမာအနဲတဟယ်ဘုန်နူဒေါ် ယေရှုဆွားထောင်ဒေါ် အုတ်ဆူပရာနောင်းလောင်ဒုန်းပရာကွီးတာအလဲ ဒုန်းမယ်လေဝိ #5:27 လေဝိ လေဝိအမီကူးရွန်မယ် မဿဲ နူလော်။ ပရာအမီအော်တပရာနူလော်။ ဘွေနဲဝေဒုန်း “လေဇွတ်ခေးကချုန်းဒေါ် မာခေးခီးပရာတာမာကာ” နူလော်။ 28အနူဒေါ် လေဝိလားကေးလောတာဒုန်းအော်ဒေါ်ဝေတဟယ်ဘုန် အလေဇွတ်မူးဘွေနူလော်။ 29ဘုန်နူဒေါ် ဒုန်းလေဝိသင်ကူးနူမာတာအယ်တာအွန်းအဒူကဒွန်ဒုန်း ဘွေဒေါ်ခီးပရာတဟယ်အနဲခူးအခူစား ပရာကွီးတာခူနာ့ဒေါ် ပရာအကူးရွန်တဟယ်တူးလေဘုန်းကလဲနူလော်။ 30ပရာဖာရိရှဲဒေါ် ပရာသိုက်မောရှေတာမှာလောင်တဟယ်နူ အာတပွန်ဒေါ်လွိုက်ဘွေခီးပရာတဟယ်ဒုန်း “ဘာသရားဒုန်း သူးအယ်ဘလုန်သူးဆာဒေါ် ပရာကွီးတာ၊ ပရာတာခေါ်ဝယ်အော်တဟယ်နူမာရား” အနဲတီးနဲတာဒေါ်လွိုက်ကနူလော်။ 31ဘွေယေရှုနဲ “ပရာအော်ဆွန်အော်မောင်တဟယ်နဲခူးဇာ့လိုတာသူစရာ၊ ပရာလိုဘာမယ်ပရာဆွေ့ပရာဆားတဟယ်နူလော်။ 32မကိုက်ကနူဒေါ် ခေးလောင်မယ်စာ့မွက်ဒုန်းပရာရူးပရာရောင့်နဲခူးကိုး၊ ခေးလောင်ဒုန်းပရာတာခေါ်ဝယ်ဖော့တဟယ်နဲခူး နူလော်” ဆိန့်လောင်မွန်းကနူလော်။
တာလွိုက်ဒုန်းအဘာဇာ့ဒေါ်တာဒူတာအယ်တာအွန်း
33ဘုန်ဒေါ်ပရာဖာရိရှဲဒေါ် ပရာဒါလိုင်ဆောင်းဆူးစရာတဟယ်နူ လွိုက်ဘွေဒုန်း “ယောဟန်ဒေါ်အခီးအပရာတဟယ်နူ မာတာဒူတာအယ်ဒေါ်သဘားတာ ခါးယိုးခါးယိုးလော်၊ ဖာရိရှဲဒေါ်အခီးအပရာကူးမယ် မာမကိုက်ကနူလော်။ မွက်မွက်နာဒေါ်နခီးနပရာတကူး သူးဇာ့ဒူအယ်ခါးတာအယ်မာရား” လွိုက်ထောင်ကနူလော်။ 34ဘွေနဲဇိန်ဝေသူးဒုန်း “ပရာကသုန် ပရာကဖိတ်စဓိန်းပခူးတပရာဒေါ် အငေါ်တဟယ်နူ ဘုန်းပရာကဖိတ်စဓိန်းပခူးတပရာအော်ဘလုန်ဇု့ခိန်နူ အဝေသူးကဒူအယ်ဘားတာအယ်တာအွန်းဧါ။ 35နဲမယ်အခိန်ကတူးဒုန်း တာကကာ့ဆွားပရာကဖိတ်စဓိန်းပခူးနူဒုန်း အဝေသူးအော်လော်။ ဘုန်အခိန်အဝေသူးတဟယ် ကဒူအယ်ဒူအွန်းမွန်းနူလော်။”
36ဘွေနဲတာပရွီးတဟယ်နူဘုန်ဖင်လောင်တာအဒိုးတဟယ် ဒုန်းမယ် “ပရာဇာ့ဆန့်ဒပ်တာကူးတာဟော့အယားဒုန်းတယားသားကိုး၊ မွက်မာကနူမယ် တယားအသားနူကစွီလွေးထောင် တာယားယူအယာလော်။ 37တာကုန်းဒုန်းအယူတဟယ်နူပရာဇာ့လားနူး စပျစ်ဆူးခေါင်၊ စပျစ်ဆူးသားနူအယ်ဖလောကေး တာကုန်းယူဒေါ် စပျစ်ဆူးတဟယ်နူကလောင်မားလောနူလော်။ 38စပျစ်ဆူးအသားနူဘာလားနူးဒုန်းတာကုန်း အသားကူးနူလော်။ 39ပရာဒုန်းအအွန်းဝိုင်ယူ နူဇာ့သနူးအွန်း ပယ်ဝိုင်အသားပယ်ကိုးအဝေသူးကနဲဒုန်းဝိုင်ယူမယ် ဝီနူလော်” နူမယ်ဘွေအတာဆိန့်နူးနူလော်။
നിലവിൽ തിരഞ്ഞെടുത്തിരിക്കുന്നു:
လုကာ 5: GHK
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Karen-Geko Bible by Beyond Translation is licensed under Creative Commons Attribution-ShareAlike 4.0 License.
