Luk 23
23
Pilâtaʹ samnere Probhu Jisuoaʹ bicâr
(Mothi 27:1-2; 11-14; Mark 15:1-5; Johon 18:28-38)
1Tâkhni ana sobhaniʹ sanamkhoiʹ beretʹketeʹ Jisudo Romioren marang sasoniʹ Pilâtṭheʹ idikidiako. 2Ar angko Jisuoaʹ biruddhe nâlislaʹ lagonako, "Ale lelkadale je ni âdmite Romio rajaoaʹ biruddhe aleren jâtko idikokane ar ânite Romio raja khajna mailaʹ baronkeʹkoe ar ânido mende je aiʹgie Khrisṭo, Raja."
3Tâkhni Pilâtte Jisu kulikidie, "Am ki Jihudiren Rajakanam?"
Jisu menkede, "Amgi menkedam."
4Tâkhni Pilâtte marang purohitko, ar sanam âdmiko metakeʹkoe, "Ingto ni âdmiaʹ aka dos bang lelnameʹtaing."
5Kheʹ angko cilluketeʹ menlaʹ lagonako, "Jihudiâ, Gâlil khoiʹ Jirusalem dhâbiʹ ceda maketeʹ nengko âdmi khepoketeʹ rakapkaʹkoe."
Pilâtte Jisu Herod rajaṭheʹ kolkidie
6Niâ katha atenketeʹ Pilât âdmiko kulikeʹkoe niki Gâlilrenkane? 7Tayomte jâkhni âni baṛe namkede je Herodaʹ sasonre akaṭaʹ oncol menaʹa Jisudo hoʹkane aṛeniʹ âdmi tâkhni ânite Âni Herodṭheʹ kolkidie. Karon ana somai Herod Jirusalemre tahalene.
8Herod Rajate Jisu lelketeʹ aima kusine. Karon âni Jisuoaʹ bisoite aima katha atenlede, anate âni aima din khoiʹ Âni leleilaʹ namsane. Herod asalene Jisu Ânitedo jaha miʹlakanaʹ asarjo cinhânaʹ kâmi uduʹheʹ. 9Ânite Jisu aima kulitigi tahane, kheʹ Jisudo aka kathanaʹho uttor bang malede. 10Ar marang purohitko ar dhormo masṭarko aṛe tengoketeʹ cilluketeʹ Jisu dos mailaʹ lagonako. 11Tâkhni Herod ar âniren sonnoko Jisu opoman ar ṭhaṭṭakidiako, ar dâmi anga soroʹketeʹ Pilâtṭheʹ kolkidie. 12Niâ lahare Herod ar Pilât talare sutruta tahalentâkina, kheʹ ana din khoiʹ ângkin talare gate hontâkina.
Jisuoaʹ goiʹ niscitʹ
(Mothi 27:15-26; Mark 15:6-15; Johon 18:39-19:16)
13Tayomte Pilât marang purohit, netako ar âdmiko ṭâhuketeʹ miʹṭheʹ jaorakeʹkoe, 14Niâ tayom menkede, "Apete ni âdmi dos maketeʹ ingṭheʹ âgukâdiape, je âdmiko âni sorkaraʹ biruddhe idikokane, kheʹ ingte âni ape samangre kulikâding. Ape âniaʹ biruddhe jeko dos makâdiâpe ananaʹ miṭiʹreho âni dusi mente ing bang namkâding. 15Ar Herodtedo Âniaʹ aka dosho bang namkaʹtaye, anate ânido Jisu aboṭheʹ âcurketeʹ kolkâdie, ar lelpe goiʹgiri laka emon itâʹ kâmiho Âni bang rikâkade. 16Ana laʹte ingte Âni sâsti maketeʹ bagigiriʹhu." 17#23:17 Aima mare boire niâ poddo bânuʹa.
18Kheʹ âdmiko miʹsaote cilluketeʹ menlaʹ lagonako, "Nâi goiʹ giripe, ale laʹte Barabba bâgiʹpe!" 19Barabbado Jirusalem sohornaʹ talare bidroho ar âdmi goiʹ laʹte jelre maholena.
20Tayomte Pilâtte Jisu bâgilaʹ namsane, anate âni âdmiko suliʹ arho katha menkede. 21Kheʹ âdmiko niâ menketeʹ cillulaʹ lagonako, "Âni kurusre maipe, kurusre maipe."
22Tayomte pe jhikâte Pilât âdmiko metakeʹkoe, "Ceklaʹ? Ni âdmi itâʹ dos kade? Ingte Âni goje laʹte aka dosgi bang lel namding anate Âni sâsti maketeʹ bâgigiriʹhu."
23Kheʹ âdmikote Jisu kurusre mailaʹte jore jore cillutigi tahanako jate Âni kurusre mahoʹa ar angkoaʹ cilluʹaʹ karonte Pilât angkoaʹ katha manokede. 24Tâkhni Pilâtte angkoaʹ kathalaka Jisu kurusre mailaʹte ṭhikkede. 25Bidroho ar âdmi goiʹgiriko laʹte eke jelre malidiako angkote âni Barabba koilidiako, anate Pilâtte ânigi bâgikidie ar âdmiaʹ icchâlaka Jisu kurusre mailaʹte angkoaʹ tire makeʹkoe.
Kurus cetanre Probhu Jisu
(Mothi 27:32-44; Mark 15:21-32; Johon 19:17-27)
26Sonnokote jâkhni Jisu idisanako, tâkhni Simon nutumte Kuriniyo sohorren miṭiʹ âdmi Jirusalemre hijuʹsane, sonnote âni jorketeʹ sabketeʹ kurus âniaʹ dabnare rakapkedako, jate âni Jisuoaʹ tayom tayomte ana kurus idi dareʹe.
27Ar aima âdmi Jisuoaʹ tayom tayom canako, ar angko talare aima rejako tahalenako. Angko koram ceṭaʹketeʹ raksanako. 28Kheʹ Jisu angko hate âcurketeʹ menkede, "He Jirusalemren rejako, Ing laʹte alo ragape, borong apeya nijeyaʹ ar aperen gidrâko laʹte ragpe. 29Atenpe, emon somai hijuʹa jâkhni âdmiko menkohaʹ, dhonno angko rejako jeko bânjhigiâko, jekoren gidrâ bang hokanako, ar jekoaʹ koramnaʹ toya gidrâ bang nusokaʹkoako. 30Ana somaire âdmiko marang marang buruko metakokohaʹ, 'Ape ale cetanre ujugoʹpe, ar kâṭiʹ kâṭiʹ buruko metakokohaʹ, 'Ale dhapan doholem!' 31Judi angko âdmi Ing suliʹ nengka kharap beboharako tahale ape suliʹ tiniʹgi bang ḍher kharap beboharkohaʹ?"
32Sonnokotedo arho barhor dusi âdmi goiʹ giri laʹte Jisu suliʹ idikeʹkinâko. 33Tayomte bohonaʹ khuli menhosâni jagare pâichuketeʹ angkote aṛe Jisu ar ângkin barya dusi hor kurusre makeʹkoako, miʹhordo Jisuoaʹ jojma hate ar eṭaʹmirhordo leṭra hate.
34Tâkhni Jisu menkede, "Baba, nengko mapkom, karon nengko itâʹ cikâdako ana bang baṛeyako."
Tayomte angko gulibaṭketeʹ Jisuoaʹ lugri citri nijeko talare hâṭing engekedako. 35Âdmiko tengoketeʹ ana lelsanako, dhormo netakote Jisu ṭhaṭṭaketeʹ metakidiako, "Âniteto eṭaʹ âdmiko bacokosane, judi Âni Issorren bachoiʹ Khrisṭokane tahale nije bacoʹmane!"
36Sonnokoteho Âni ṭhaṭṭailaʹ lagonako, angkote Jisu nuiso laʹte Âniṭheʹ sirkâ idikedako 37ar menkedako, "Am judi Jihudiren raja hoʹam tahale nije bacop." 38Kurusre Âniaʹ bohoʹ cetanre miṭiʹ katha ol tahalena, "Ni Âdmi Jihudiren rajakane."
39Ar je barhor dusi âdmi kurusre ṭangoleʹkinâko, ângkin talare miʹhordo Jisu nindâketeʹ metailaʹ lagone, "Am bole Khrisṭokanem? Tahale Amte ar âling bacolingme!"
40Kheʹ eṭaʹ âdmite âni dhamkoketeʹ metakideye, "Amte ki Issor bang botoriom? Amto miʹlakanaʹ sâsti namdam. 41Ar alangto ucit sâsti namdalang, karon je je kâmikadalang, analaʹte sâsti namdalang, kheʹ ni âdmito itâʹgibang doskade." 42Tayomte âni âdmi menkede, "He Probhu Jisu, Am jâkhni Amaʹ rajjore âcur hijuʹmahaʹ tâkhni ingâʹ katha disimahaʹ."
43Uttorre Jisute âni metakidie, "Ingte am sârigi metamkânig, amdo tihingi Ing suliʹ porom disâmre tahanmahaʹ."
Probhu Jisuoaʹ goiʹ
(Mothi 27:45-56; Mark 15:33-41; Johon 19:28-30)
44Ar Sanam disâm dupahar khoiʹ bela tinṭa dhâriʹ nut tahalena. 45Sing candunaʹ marsal bang tahelena. Jirusalem Mundirnaʹ pordado tala talate cirâketeʹ bar bhakgena. 46Tâkhni Jisu cilluketeʹ menkede, "He Baba, Amṭheʹ Ingâʹ atta makeʹmiying." Ar niâ katha menketeʹ, Âni goiʹne.
47Aka ghoṭona ana lelketeʹ Romioren sotopoti Issoraʹ gourobketeʹ menkede, "Sârigi Âni âdmi nirdos tahalene!"
48Ar ekeko âdmi aṛe jaora tahalenako angko sanam ghoṭona lelketeʹ koram cheṭaʹ cheṭaʹte aṛe khoiʹ âcur cagenako. 49Jekote Jisu cinhuisanako ar je rejako Gâlil khoiʹ Âni saote saote hiʹlenako angko sanam sâhingre tengoketeʹ sanamaʹgi lelkedako.
Probhu Jisuoaʹ topa
(Mothi 27:57-61; Mark 15:42-47; Johon 19:38-42)
50Josef nutumte miṭiʹ âdmi tahalene ar ânido miṭiʹ sobharen sodossoho tahalene, ânido manja ar dhârmik âdmi tahalene, 51Âni angkoaʹ sola pramorso ar kâmiko bisoite miʹmot bang holene. Ânido Jihudikoaʹ Orimâthiâ sohorren âdmi tahalene, Ânido Issoraʹ rajjo laʹte opekkhasane. 52Ânido Pilâtṭheʹ caketeʹ Jisuoaʹ goiʹ hormo koi engekede. 53Tayomte ana kurus khoiʹ agroketeʹ dâmi mosina lugrite poṭomkede ar dirite banonaʹ miṭiʹ topare dohokede. Ana topare ar kâhilu ekegi bang dohokaʹkoako.
54Ana din tahalena jiruʹbar ayojonnaʹ din. Ar jiruʹaʹ din ehoboʹlaʹ caʹsana. 55Je rejako Gâlil khoiʹ Jisu suliʹ hiʹlenako angkodo Josefaʹ tayom tayomte caketeʹ topa lelkedako ar Jisuoaʹ hormo kalkate doho hona anaho lelkedako. 56Anatayom angko oraʹ âcur caketeʹ Âniaʹ hormo laʹte dâmi so sunum ar sasang saprokedako.
Niâtayom angko Mosiaʹ ân laka jiruʹaʹ dinre jirunako.
നിലവിൽ തിരഞ്ഞെടുത്തിരിക്കുന്നു:
Luk 23: EKL
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh
Luk 23
23
Pilâtaʹ samnere Probhu Jisuoaʹ bicâr
(Mothi 27:1-2; 11-14; Mark 15:1-5; Johon 18:28-38)
1Tâkhni ana sobhaniʹ sanamkhoiʹ beretʹketeʹ Jisudo Romioren marang sasoniʹ Pilâtṭheʹ idikidiako. 2Ar angko Jisuoaʹ biruddhe nâlislaʹ lagonako, "Ale lelkadale je ni âdmite Romio rajaoaʹ biruddhe aleren jâtko idikokane ar ânite Romio raja khajna mailaʹ baronkeʹkoe ar ânido mende je aiʹgie Khrisṭo, Raja."
3Tâkhni Pilâtte Jisu kulikidie, "Am ki Jihudiren Rajakanam?"
Jisu menkede, "Amgi menkedam."
4Tâkhni Pilâtte marang purohitko, ar sanam âdmiko metakeʹkoe, "Ingto ni âdmiaʹ aka dos bang lelnameʹtaing."
5Kheʹ angko cilluketeʹ menlaʹ lagonako, "Jihudiâ, Gâlil khoiʹ Jirusalem dhâbiʹ ceda maketeʹ nengko âdmi khepoketeʹ rakapkaʹkoe."
Pilâtte Jisu Herod rajaṭheʹ kolkidie
6Niâ katha atenketeʹ Pilât âdmiko kulikeʹkoe niki Gâlilrenkane? 7Tayomte jâkhni âni baṛe namkede je Herodaʹ sasonre akaṭaʹ oncol menaʹa Jisudo hoʹkane aṛeniʹ âdmi tâkhni ânite Âni Herodṭheʹ kolkidie. Karon ana somai Herod Jirusalemre tahalene.
8Herod Rajate Jisu lelketeʹ aima kusine. Karon âni Jisuoaʹ bisoite aima katha atenlede, anate âni aima din khoiʹ Âni leleilaʹ namsane. Herod asalene Jisu Ânitedo jaha miʹlakanaʹ asarjo cinhânaʹ kâmi uduʹheʹ. 9Ânite Jisu aima kulitigi tahane, kheʹ Jisudo aka kathanaʹho uttor bang malede. 10Ar marang purohitko ar dhormo masṭarko aṛe tengoketeʹ cilluketeʹ Jisu dos mailaʹ lagonako. 11Tâkhni Herod ar âniren sonnoko Jisu opoman ar ṭhaṭṭakidiako, ar dâmi anga soroʹketeʹ Pilâtṭheʹ kolkidie. 12Niâ lahare Herod ar Pilât talare sutruta tahalentâkina, kheʹ ana din khoiʹ ângkin talare gate hontâkina.
Jisuoaʹ goiʹ niscitʹ
(Mothi 27:15-26; Mark 15:6-15; Johon 18:39-19:16)
13Tayomte Pilât marang purohit, netako ar âdmiko ṭâhuketeʹ miʹṭheʹ jaorakeʹkoe, 14Niâ tayom menkede, "Apete ni âdmi dos maketeʹ ingṭheʹ âgukâdiape, je âdmiko âni sorkaraʹ biruddhe idikokane, kheʹ ingte âni ape samangre kulikâding. Ape âniaʹ biruddhe jeko dos makâdiâpe ananaʹ miṭiʹreho âni dusi mente ing bang namkâding. 15Ar Herodtedo Âniaʹ aka dosho bang namkaʹtaye, anate ânido Jisu aboṭheʹ âcurketeʹ kolkâdie, ar lelpe goiʹgiri laka emon itâʹ kâmiho Âni bang rikâkade. 16Ana laʹte ingte Âni sâsti maketeʹ bagigiriʹhu." 17#23:17 Aima mare boire niâ poddo bânuʹa.
18Kheʹ âdmiko miʹsaote cilluketeʹ menlaʹ lagonako, "Nâi goiʹ giripe, ale laʹte Barabba bâgiʹpe!" 19Barabbado Jirusalem sohornaʹ talare bidroho ar âdmi goiʹ laʹte jelre maholena.
20Tayomte Pilâtte Jisu bâgilaʹ namsane, anate âni âdmiko suliʹ arho katha menkede. 21Kheʹ âdmiko niâ menketeʹ cillulaʹ lagonako, "Âni kurusre maipe, kurusre maipe."
22Tayomte pe jhikâte Pilât âdmiko metakeʹkoe, "Ceklaʹ? Ni âdmi itâʹ dos kade? Ingte Âni goje laʹte aka dosgi bang lel namding anate Âni sâsti maketeʹ bâgigiriʹhu."
23Kheʹ âdmikote Jisu kurusre mailaʹte jore jore cillutigi tahanako jate Âni kurusre mahoʹa ar angkoaʹ cilluʹaʹ karonte Pilât angkoaʹ katha manokede. 24Tâkhni Pilâtte angkoaʹ kathalaka Jisu kurusre mailaʹte ṭhikkede. 25Bidroho ar âdmi goiʹgiriko laʹte eke jelre malidiako angkote âni Barabba koilidiako, anate Pilâtte ânigi bâgikidie ar âdmiaʹ icchâlaka Jisu kurusre mailaʹte angkoaʹ tire makeʹkoe.
Kurus cetanre Probhu Jisu
(Mothi 27:32-44; Mark 15:21-32; Johon 19:17-27)
26Sonnokote jâkhni Jisu idisanako, tâkhni Simon nutumte Kuriniyo sohorren miṭiʹ âdmi Jirusalemre hijuʹsane, sonnote âni jorketeʹ sabketeʹ kurus âniaʹ dabnare rakapkedako, jate âni Jisuoaʹ tayom tayomte ana kurus idi dareʹe.
27Ar aima âdmi Jisuoaʹ tayom tayom canako, ar angko talare aima rejako tahalenako. Angko koram ceṭaʹketeʹ raksanako. 28Kheʹ Jisu angko hate âcurketeʹ menkede, "He Jirusalemren rejako, Ing laʹte alo ragape, borong apeya nijeyaʹ ar aperen gidrâko laʹte ragpe. 29Atenpe, emon somai hijuʹa jâkhni âdmiko menkohaʹ, dhonno angko rejako jeko bânjhigiâko, jekoren gidrâ bang hokanako, ar jekoaʹ koramnaʹ toya gidrâ bang nusokaʹkoako. 30Ana somaire âdmiko marang marang buruko metakokohaʹ, 'Ape ale cetanre ujugoʹpe, ar kâṭiʹ kâṭiʹ buruko metakokohaʹ, 'Ale dhapan doholem!' 31Judi angko âdmi Ing suliʹ nengka kharap beboharako tahale ape suliʹ tiniʹgi bang ḍher kharap beboharkohaʹ?"
32Sonnokotedo arho barhor dusi âdmi goiʹ giri laʹte Jisu suliʹ idikeʹkinâko. 33Tayomte bohonaʹ khuli menhosâni jagare pâichuketeʹ angkote aṛe Jisu ar ângkin barya dusi hor kurusre makeʹkoako, miʹhordo Jisuoaʹ jojma hate ar eṭaʹmirhordo leṭra hate.
34Tâkhni Jisu menkede, "Baba, nengko mapkom, karon nengko itâʹ cikâdako ana bang baṛeyako."
Tayomte angko gulibaṭketeʹ Jisuoaʹ lugri citri nijeko talare hâṭing engekedako. 35Âdmiko tengoketeʹ ana lelsanako, dhormo netakote Jisu ṭhaṭṭaketeʹ metakidiako, "Âniteto eṭaʹ âdmiko bacokosane, judi Âni Issorren bachoiʹ Khrisṭokane tahale nije bacoʹmane!"
36Sonnokoteho Âni ṭhaṭṭailaʹ lagonako, angkote Jisu nuiso laʹte Âniṭheʹ sirkâ idikedako 37ar menkedako, "Am judi Jihudiren raja hoʹam tahale nije bacop." 38Kurusre Âniaʹ bohoʹ cetanre miṭiʹ katha ol tahalena, "Ni Âdmi Jihudiren rajakane."
39Ar je barhor dusi âdmi kurusre ṭangoleʹkinâko, ângkin talare miʹhordo Jisu nindâketeʹ metailaʹ lagone, "Am bole Khrisṭokanem? Tahale Amte ar âling bacolingme!"
40Kheʹ eṭaʹ âdmite âni dhamkoketeʹ metakideye, "Amte ki Issor bang botoriom? Amto miʹlakanaʹ sâsti namdam. 41Ar alangto ucit sâsti namdalang, karon je je kâmikadalang, analaʹte sâsti namdalang, kheʹ ni âdmito itâʹgibang doskade." 42Tayomte âni âdmi menkede, "He Probhu Jisu, Am jâkhni Amaʹ rajjore âcur hijuʹmahaʹ tâkhni ingâʹ katha disimahaʹ."
43Uttorre Jisute âni metakidie, "Ingte am sârigi metamkânig, amdo tihingi Ing suliʹ porom disâmre tahanmahaʹ."
Probhu Jisuoaʹ goiʹ
(Mothi 27:45-56; Mark 15:33-41; Johon 19:28-30)
44Ar Sanam disâm dupahar khoiʹ bela tinṭa dhâriʹ nut tahalena. 45Sing candunaʹ marsal bang tahelena. Jirusalem Mundirnaʹ pordado tala talate cirâketeʹ bar bhakgena. 46Tâkhni Jisu cilluketeʹ menkede, "He Baba, Amṭheʹ Ingâʹ atta makeʹmiying." Ar niâ katha menketeʹ, Âni goiʹne.
47Aka ghoṭona ana lelketeʹ Romioren sotopoti Issoraʹ gourobketeʹ menkede, "Sârigi Âni âdmi nirdos tahalene!"
48Ar ekeko âdmi aṛe jaora tahalenako angko sanam ghoṭona lelketeʹ koram cheṭaʹ cheṭaʹte aṛe khoiʹ âcur cagenako. 49Jekote Jisu cinhuisanako ar je rejako Gâlil khoiʹ Âni saote saote hiʹlenako angko sanam sâhingre tengoketeʹ sanamaʹgi lelkedako.
Probhu Jisuoaʹ topa
(Mothi 27:57-61; Mark 15:42-47; Johon 19:38-42)
50Josef nutumte miṭiʹ âdmi tahalene ar ânido miṭiʹ sobharen sodossoho tahalene, ânido manja ar dhârmik âdmi tahalene, 51Âni angkoaʹ sola pramorso ar kâmiko bisoite miʹmot bang holene. Ânido Jihudikoaʹ Orimâthiâ sohorren âdmi tahalene, Ânido Issoraʹ rajjo laʹte opekkhasane. 52Ânido Pilâtṭheʹ caketeʹ Jisuoaʹ goiʹ hormo koi engekede. 53Tayomte ana kurus khoiʹ agroketeʹ dâmi mosina lugrite poṭomkede ar dirite banonaʹ miṭiʹ topare dohokede. Ana topare ar kâhilu ekegi bang dohokaʹkoako.
54Ana din tahalena jiruʹbar ayojonnaʹ din. Ar jiruʹaʹ din ehoboʹlaʹ caʹsana. 55Je rejako Gâlil khoiʹ Jisu suliʹ hiʹlenako angkodo Josefaʹ tayom tayomte caketeʹ topa lelkedako ar Jisuoaʹ hormo kalkate doho hona anaho lelkedako. 56Anatayom angko oraʹ âcur caketeʹ Âniaʹ hormo laʹte dâmi so sunum ar sasang saprokedako.
Niâtayom angko Mosiaʹ ân laka jiruʹaʹ dinre jirunako.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2025 Bible Students Fellowship of Bangladesh