Markus 3
3
Kan koma taline
(Mat 12:9-14; Luk 6:6-11)
1Ye̱so sudk ta̱m a̱n uv a̱nmin ka̱bda̱n kargad Yahude̱ne̱. A̱ra̱m lak a̱n a̱n'a kan koma taline. 2Neta̱n de̱le̱te̱ bo̱ Ye̱so is a he̱nt awaz tu taas o gaag a̱n hweda̱n hwerad Yahude̱ne̱, bat ta kum rina̱n ta sipt o a̱n inya. 3Ye̱so zeta bo̱ a̱ra̱m kan koma talkune, “Unu v es a̱n te̱ka netna.”
4Ye̱so ryaak ta̱m hwic u ipkk na̱, “I rihic kasi a̱n giira zein az na em a̱n hweda̱n hwerad Yahude̱ne̱ alla rihic naake? I na po̱to̱so̱ alla i na hwaa?” A resk te̱kk.
5An Ye̱so go̱ttin na̱ kwe̱ a̱n s'le̱be̱, de̱bc naak o hwe̱di rema̱n honga̱mzac na̱. U zeka a̱rmune, “Na̱ka̱nsa̱ koma rovo.” A̱rmune na̱ka̱nsta̱ bo̱ a'koma. Koma vaakk ta̱m honhono. 6A̱ndaabe, Farisin rut bo̱ hyatt a havk a se̱e̱pske̱ a neta̱n He̱ro̱d ne a̱n ho̱da̱na̱n ta hot Ye̱so.
Bugca̱n neta̱n gabk Ye̱so
7Ye̱so a an la̱a̱s baa run to̱o̱k a cek m'saa. Damran bugca̱n neta̱n lanma̱n copca̱n Galili gabta bo̱ ta̱m o. 8Go̱to̱ ta̱m an copun Judiya, an le̱in Urisalima a an Idumiya na a an pasma̱n ge̱nka̱n Jodan na a an e̱ssa̱n Tayan a Sido̱n ne. Damran bugca̱n netna ha̱n kargka a haka baa Ye̱so aa hongtin da̱n damran rihica̱n u emka̱lline. 9An bugda̱n neta̱n emtin hwe̱di, Ye̱so zeta bo̱ an la̱a̱s baa ru az a noktva o bumbud esdne. I bat tu uv a̱n da̱nda rema̱n a neta̱n ho̱dkse la o da. 10Ai retin u taask neta̱n hwe̱di s'malse, rema̱n taanlo, an ciin s'mals kwe̱, a lak nu'hodga baa ru bat ta do̱v o. 11Rinnas'ce ta̱ma̱, aa he̱ntin o, a hek a̱n hwic ru a el a̱n s'kan. A zeka, “I vo Waav Na'Sila̱.”
12U saak la rinnas'ce d'rin na̱m'we̱s az aa ve̱ce̱ la noc da̱n unwa da.
Ye̱so dagk an la̱a̱s baa
(Mat 10:1-4; Luk 6:12-16)
13An Ye̱so eltin a̱n conan se̱me̱, u po̱gko̱ au to̱nine. A nokka la baa ru. 14U dagt bo̱ neta̱n oopa ni'ila̱. U po̱gk na̱ comta̱nc ru. I a soott baa ru u comt na̱ a em ba̱sda̱n kasi lalko. 15U ne̱e̱k na̱ ta̱m m'we̱s a vega̱l rinnas'ce.
16Go̱t dinc oopa ni'il nane: Simo̱n (un Ye̱so cetin Bitrus). 17Yakub waav Za̱ba̱di, Yohana ha̱n Yakub, au cetin Buwanarjis. I, “Aknan radva̱n me̱nke̱.” 18Go̱t Andarawus, Filip, Batalomi, Maatiyu, Toma, Yakub waav Halfa, Taddayas, Simo̱n noc va̱n Kana 19a̱n Yahuda Iskariyo̱ti, un babin Ye̱so.
Az we̱sa̱m Ye̱so lan baa A̱krimu
(Mat 12:22-32; Luk 11:14-23; 12:10)
20An Ye̱so vaaktin nu'bu, bugda̱n neta̱n sudk a̱n karga. I de̱lk ta̱m Ye̱so a an la̱a̱s baa run ta kum daava̱ k'ryaa da. 21An an ba̱na̱ hongtine, a ruka̱ bat ta sip Ye̱so, rema̱n a zek az u za vedved da.
22An la̱a̱sa̱m na s'giira an hain lanma̱n le̱in Urisalima zek az u ci A̱krimu. Az i a̱n we̱sa̱m go̱mv rinnas'ce#3:22 Un nan po̱g “Ba'alzabul”. u retina̱n vegla̱m rinnas'ce.#3:22 Go̱t ta̱m: Mat 9:34; 10:25.
23Ye̱so po̱gto̱ bo̱ na̱ a han baa ru. U zeka ta̱m na̱ a̱n c'hwennsa, “I'le̱e̱le̱ a̱n A̱krimu tu vogt A̱krimu? 24A go̱mc nu'cop wankse, ca̱ el ta̱m a̱n ha̱liha̱lini, go̱mca̱n lo a ca̱n es da. 25A buu wankse, u el ta̱m a̱n ha̱liha̱lini, buun lo a tu es da. 26Awaz A̱krimu gudga̱vka̱ hid ru ta̱m u wankske, a tu gos da. Go̱mc ru ci ta̱m gedo.
27“Noc za un tu uv a̱n buu ka m'we̱s u zog kumu ru a za u baaka gag o, u waagt kaa rihica̱n buu ru da. 28Lag na a̱m ve̱ce̱te̱ no m'ga̱u. Nan kwisi neta̱nrima kooye̱ goon ko̱tc ca, a ela̱vsoc Na'Sil a̱n ta̱m ca̱n ta ema. 29Koowe̱ la a̱n tu ela̱vso Hora̱mda̱n zattin ri d'reb da, Sila a ta kwisi o ko̱tda̱n lo da cakk.”#3:29 Go̱t ta̱m: Luk 12:10.
30Ye̱so vat-vat taanl rema̱n a zeka az u ci rinnas'ce.
In Ye̱so a ha̱nun nu
(Mat 12:46-50; Luk 8:19-21)
31A̱n daava̱n lo, in Ye̱so a ha̱nnun haka baa ru. A eska ta̱m na'is a comk az u noka. 32Bugda̱n neta̱n lak la a'soot a rigk o kwe̱. Ahyan zeta bo̱ o, “Go̱t bo̱ in vu a ha̱n va̱n na'is a̱n hob rovo.”
33Ye̱so ipkt bo̱ na̱, “I we̱nne̱nan rein in mi a ha̱n min ni?”
34Ye̱so go̱tt bo̱ an rein a'soot a rigk o. U zeka, “Go̱t ha̱n na na̱ an rein in min a ha̱n min ni. 35Rema̱n koowe̱ a̱n tu em to̱nu Na'Sila̱, i unwa a̱n rein ha̱n mi a̱ra̱m alla ha̱n mi neta a in min ni.”
നിലവിൽ തിരഞ്ഞെടുത്തിരിക്കുന്നു:
Markus 3: driNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc. and © The Nigeria Bible Translation Trust 2019
Markus 3
3
Kan koma taline
(Mat 12:9-14; Luk 6:6-11)
1Ye̱so sudk ta̱m a̱n uv a̱nmin ka̱bda̱n kargad Yahude̱ne̱. A̱ra̱m lak a̱n a̱n'a kan koma taline. 2Neta̱n de̱le̱te̱ bo̱ Ye̱so is a he̱nt awaz tu taas o gaag a̱n hweda̱n hwerad Yahude̱ne̱, bat ta kum rina̱n ta sipt o a̱n inya. 3Ye̱so zeta bo̱ a̱ra̱m kan koma talkune, “Unu v es a̱n te̱ka netna.”
4Ye̱so ryaak ta̱m hwic u ipkk na̱, “I rihic kasi a̱n giira zein az na em a̱n hweda̱n hwerad Yahude̱ne̱ alla rihic naake? I na po̱to̱so̱ alla i na hwaa?” A resk te̱kk.
5An Ye̱so go̱ttin na̱ kwe̱ a̱n s'le̱be̱, de̱bc naak o hwe̱di rema̱n honga̱mzac na̱. U zeka a̱rmune, “Na̱ka̱nsa̱ koma rovo.” A̱rmune na̱ka̱nsta̱ bo̱ a'koma. Koma vaakk ta̱m honhono. 6A̱ndaabe, Farisin rut bo̱ hyatt a havk a se̱e̱pske̱ a neta̱n He̱ro̱d ne a̱n ho̱da̱na̱n ta hot Ye̱so.
Bugca̱n neta̱n gabk Ye̱so
7Ye̱so a an la̱a̱s baa run to̱o̱k a cek m'saa. Damran bugca̱n neta̱n lanma̱n copca̱n Galili gabta bo̱ ta̱m o. 8Go̱to̱ ta̱m an copun Judiya, an le̱in Urisalima a an Idumiya na a an pasma̱n ge̱nka̱n Jodan na a an e̱ssa̱n Tayan a Sido̱n ne. Damran bugca̱n netna ha̱n kargka a haka baa Ye̱so aa hongtin da̱n damran rihica̱n u emka̱lline. 9An bugda̱n neta̱n emtin hwe̱di, Ye̱so zeta bo̱ an la̱a̱s baa ru az a noktva o bumbud esdne. I bat tu uv a̱n da̱nda rema̱n a neta̱n ho̱dkse la o da. 10Ai retin u taask neta̱n hwe̱di s'malse, rema̱n taanlo, an ciin s'mals kwe̱, a lak nu'hodga baa ru bat ta do̱v o. 11Rinnas'ce ta̱ma̱, aa he̱ntin o, a hek a̱n hwic ru a el a̱n s'kan. A zeka, “I vo Waav Na'Sila̱.”
12U saak la rinnas'ce d'rin na̱m'we̱s az aa ve̱ce̱ la noc da̱n unwa da.
Ye̱so dagk an la̱a̱s baa
(Mat 10:1-4; Luk 6:12-16)
13An Ye̱so eltin a̱n conan se̱me̱, u po̱gko̱ au to̱nine. A nokka la baa ru. 14U dagt bo̱ neta̱n oopa ni'ila̱. U po̱gk na̱ comta̱nc ru. I a soott baa ru u comt na̱ a em ba̱sda̱n kasi lalko. 15U ne̱e̱k na̱ ta̱m m'we̱s a vega̱l rinnas'ce.
16Go̱t dinc oopa ni'il nane: Simo̱n (un Ye̱so cetin Bitrus). 17Yakub waav Za̱ba̱di, Yohana ha̱n Yakub, au cetin Buwanarjis. I, “Aknan radva̱n me̱nke̱.” 18Go̱t Andarawus, Filip, Batalomi, Maatiyu, Toma, Yakub waav Halfa, Taddayas, Simo̱n noc va̱n Kana 19a̱n Yahuda Iskariyo̱ti, un babin Ye̱so.
Az we̱sa̱m Ye̱so lan baa A̱krimu
(Mat 12:22-32; Luk 11:14-23; 12:10)
20An Ye̱so vaaktin nu'bu, bugda̱n neta̱n sudk a̱n karga. I de̱lk ta̱m Ye̱so a an la̱a̱s baa run ta kum daava̱ k'ryaa da. 21An an ba̱na̱ hongtine, a ruka̱ bat ta sip Ye̱so, rema̱n a zek az u za vedved da.
22An la̱a̱sa̱m na s'giira an hain lanma̱n le̱in Urisalima zek az u ci A̱krimu. Az i a̱n we̱sa̱m go̱mv rinnas'ce#3:22 Un nan po̱g “Ba'alzabul”. u retina̱n vegla̱m rinnas'ce.#3:22 Go̱t ta̱m: Mat 9:34; 10:25.
23Ye̱so po̱gto̱ bo̱ na̱ a han baa ru. U zeka ta̱m na̱ a̱n c'hwennsa, “I'le̱e̱le̱ a̱n A̱krimu tu vogt A̱krimu? 24A go̱mc nu'cop wankse, ca̱ el ta̱m a̱n ha̱liha̱lini, go̱mca̱n lo a ca̱n es da. 25A buu wankse, u el ta̱m a̱n ha̱liha̱lini, buun lo a tu es da. 26Awaz A̱krimu gudga̱vka̱ hid ru ta̱m u wankske, a tu gos da. Go̱mc ru ci ta̱m gedo.
27“Noc za un tu uv a̱n buu ka m'we̱s u zog kumu ru a za u baaka gag o, u waagt kaa rihica̱n buu ru da. 28Lag na a̱m ve̱ce̱te̱ no m'ga̱u. Nan kwisi neta̱nrima kooye̱ goon ko̱tc ca, a ela̱vsoc Na'Sil a̱n ta̱m ca̱n ta ema. 29Koowe̱ la a̱n tu ela̱vso Hora̱mda̱n zattin ri d'reb da, Sila a ta kwisi o ko̱tda̱n lo da cakk.”#3:29 Go̱t ta̱m: Luk 12:10.
30Ye̱so vat-vat taanl rema̱n a zeka az u ci rinnas'ce.
In Ye̱so a ha̱nun nu
(Mat 12:46-50; Luk 8:19-21)
31A̱n daava̱n lo, in Ye̱so a ha̱nnun haka baa ru. A eska ta̱m na'is a comk az u noka. 32Bugda̱n neta̱n lak la a'soot a rigk o kwe̱. Ahyan zeta bo̱ o, “Go̱t bo̱ in vu a ha̱n va̱n na'is a̱n hob rovo.”
33Ye̱so ipkt bo̱ na̱, “I we̱nne̱nan rein in mi a ha̱n min ni?”
34Ye̱so go̱tt bo̱ an rein a'soot a rigk o. U zeka, “Go̱t ha̱n na na̱ an rein in min a ha̱n min ni. 35Rema̱n koowe̱ a̱n tu em to̱nu Na'Sila̱, i unwa a̱n rein ha̱n mi a̱ra̱m alla ha̱n mi neta a in min ni.”
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc. and © The Nigeria Bible Translation Trust 2019