Markus 1
1
Ba̱sa̱d Yohana
1I takboda̱n kasi lalk Ye̱so Ka̱risti Waav Na'Sil hna. 2I takka ho̱da̱na̱n i retin a'ge̱n a̱nmin taka̱llak Isaaya k'barav Na'Sila̱.#1:2 Go̱t ta̱m: Mal 3:1. Ka̱ zeka,
“Go̱to̱, ta̱'m comto k'comta̱v ri
a̱n hwic rovo,
un tu me̱mge̱ v k'le̱ve̱.
3Noc el a̱n d'ba̱s a̱n
mi k'kad na̱m'ze,#1:3 Go̱t ta̱m: Isa 40:3.
‘Mamgsa na Kan
Go̱mca̱n Kooye̱ k'le̱ve̱.
Una̱sa̱ na o k'le̱v rococo.’ ”
4Yohana kan emam na baptisma emk d'ba̱s a̱nmi k'kade. U ve̱ce̱ke̱ neta̱n az a bita̱l c'hwin na ema na̱ baptisma, bat Sila ta kwisi na̱ ko̱tc na̱. 5An copca̱n Judiya kwe̱ a netnan le̱in Urisalima na, a ruka̱ a haka baa Yohana, a vatk ko̱tc na̱. U emaka la na̱ baptisma kwe̱ a̱nmin ge̱nka̱n Jodan.
6Yohana lak tu to̱p kusma̱n na cain a̱n ke̱nc rakumni. Tu ap ta̱m ba̱ya ru a̱n rabva̱ k'we̱de̱. Ryaakc ru ta̱m i emna a c'swen ne.#1:6 Go̱t ta̱m: 2Go̱m 1:8. 7U ba̱sk ta̱m u zeka, “Uhyan lan na̱m'han a̱n dimd ri. U pa̱tk a̱m na̱m'we̱se̱. A̱m ta ma̱a̱na̱ a̱m kugt a̱m but rabsa̱n katc ru da. 8Mi bo̱ a̱m emaka no baptisma na̱m'ho̱o̱. Unwa la, tu ema no baptisma a̱n Hora̱md Na'Sila̱.”
Baptisma a ke̱ta̱mse̱m Ye̱so
(Mat 3:13; 4:11; Luk 3:21-22; 4:1-13)
9A̱n hweca̱n lo, Ye̱so haka lanma̱n le̱in Nazarat in rein a̱n copun Galili, Yohana emata bo̱ o baptisma a̱n ge̱nka̱n Jodan. 10Daava̱n Ye̱so rwa̱a̱gta̱in lanma̱ m'ho̱o̱, a̱ndaabe cona a̱ba̱ska̱. U he̱ne̱-he̱ne̱ Hora̱md Na'Sil ho̱d gorb na̱m'ciza̱ baa ru. 11Na hong-hong ta̱m lalk lanm na'cona. Na zeka, “I vo Waav ri um reina̱n c'to̱n hwe̱di. A̱v el ta̱m ta̱'v em ma̱ d'ke̱m hwe̱di d'kala.”#1:11 Go̱t ta̱m: Zab 2:7; Isa 42:1; Mat 3:17; 12:18; Mar 9:7; Luk 3:22.
12Hora̱md Na'Sil de̱lk Ye̱so u uvk a̱n k'kad a̱ndaabe. 13U sootka a̱n a̱n'a c'hwen kwe̱zc c'il A̱krimu el a̱n ke̱ta̱mse̱m ru. U lak d'kut a rinna d'kad ne. Comta̱nc Na'Sil lak ta̱m a̱n regda̱m ru.
Ye̱so po̱gk an suva̱n ge̱nne̱
(Mat 4:18-22; Luk 5:1-11)
14An na gagtin Yohana a̱n buu s'ko̱mo̱, Ye̱so uvk a̱n copun Galili a̱n ba̱sda̱n kasi lalks Na'Sila̱. 15U zeka, “Daav emka. Go̱mc Na'Sil ceka ta̱m d'viivi. Panka na a̱n lag c'ko̱to. A̱n bat d'ba̱t a̱n kab kasi lalks Na'Sila̱.”#1:15 Go̱t ta̱m: Mat 3:2.
16An Ye̱so latin tu to̱o̱-to̱o̱ a̱n bilka̱n saama̱n Galili, u he̱nk Simo̱n na ha̱nu Andarawus. A lak a̱n asa̱m nu'raaga a̱nmi m'saa, rema̱n i na̱nna an suva̱n ge̱nne̱. 17Ye̱so zeta bo̱ na̱, “Gaba na ha me. Mi ta̱ma̱ ta̱'m vaaksa no an ta hoba neta̱n a gab me.” 18A ta naas la v'daa da, a batk u'raaga a gabk Ye̱so.
19An Ye̱so noktin ta̱m a̱n hwic ca̱nmi, u he̱nk Yakub waav Za̱ba̱di na ha̱nu Yohana. A lak a̱nmi bumbka̱ m'ho̱o̱ a̱n mangsam nu'raaga. 20Ye̱so po̱gk na̱. A̱ndaabe, a lagk ceta na̱ Za̱ba̱di a̱nmi bumbka̱ m'ho̱o̱ d'kut a a na'yomk no, a gabk Ye̱so.
Ye̱so vogk noc rinnas'ce
(Luk 4:31-37)
21Ye̱so a an la̱a̱sa̱n baa run havk a̱n le̱in Kafarnahum. U uvk a̱nmin ka̱bda̱n kargad Yahude̱ne̱. U la̱a̱ska̱ ta̱m neta̱n a̱n hweda̱n hwerad Yahude̱ne̱. 22An hongin o, a sipk a'nwa̱a̱ rema̱n la̱a̱ss ru. Rema̱n u la̱a̱ska̱ na̱ ho̱d ka c'go̱mo̱, za ho̱d an la̱a̱sa̱m na s'giira da.#1:22 Go̱t ta̱m: Mat 7:28-29.
23A̱ra̱m kan rinnas'ce lak a̱nmin ka̱bda̱n kargad Yahude̱ da̱ ne. Rinnas'ce kant bo̱ na̱m'we̱se̱, 24“Ye̱so kan Nazarat, lag co a̱n c co. Pe̱ha̱n ho̱o̱m rov a cwan na? A̱v han-han a̱v hot co? Ca̱ napk vo, i vo noca̱v Na'Sila̱.”
25Ye̱so haagsta bo̱ rinnas'ce, “Res na te̱kk. Rwa̱a̱ na a̱n lag o!” 26Rinnas'ce kant bo̱. A ha̱dgska̱ a hetk ta̱m a̱rmune. A rwa̱uz kaa a lag o.
27Neta̱n kwe̱ a sipk a'nwa̱a̱ ta ipkinni, “Iye̱ goon rihiya hna? Iye̱ goon la̱a̱swa ha̱n bo̱ ta̱ma̱? A̱n we̱sa̱m ru u retin tu haagsa rinnas'ce. A el la ta̱m ta gab rina̱n u zein na̱ kwe̱.” 28A̱ndaabe, dind Ye̱so ba̱rgk a̱d cek koope̱ a̱n copca̱n Galili.
Ye̱so taask neta̱n s'malse
(Mat 8:14-17; Luk 4:38-41)
29An Ye̱so a an la̱a̱sa̱n baa run lagtin ka̱bda̱n kargad Yahude̱ne̱, a̱ndaabe unwa a Yakub a Yohana na, a uvk a̱n buu Simo̱n d'kut a Andarawus ni. 30In netav Simo̱n lak a'la̱t na̱m'da̱nga̱. A̱ndaabe, a ve̱ce̱te̱ bo̱ Ye̱so da̱n unwa. 31Ye̱so nokt bo̱ u sip koma ru, u una̱ska̱ ta̱m o. V'Daa v'da̱n, mals batk o. U unuku ta̱m u liktki na̱.
32Nu'Ya̱a̱ta̱, a̱n rimanan lo ta̱ma̱, a savaka Ye̱so an gaag ciin kwe̱ a an rinnas'ce ne. 33I'le̱ i'biri kargka a̱n bira̱vna'isna̱. 34U taask an gaag hwe̱di gaag na̱ a a s'malsa̱n s'goo-s'goo. U vega̱lk ta̱m rinnas'ce hwe̱di. U holk rinnas'ce s'lalk rema̱n a napk az i unwa Waav Na'Sila̱.
Ye̱so emk d'ba̱s a̱n copun Galili
(Luk 4:42-44)
35Na̱m'zanta ta̱ma̱, Ye̱so unuku nu'pun u ruk u havk a̱n d'baa va̱na̱n noc zain da. U cepkk a̱n a̱n'a. 36Simo̱n a an lain baa run havt bo̱ a̱n hob ru. 37Aa he̱ntin o, a zeka o, “Koowe̱ el a̱n hob rovo.”
38Ye̱so zeta bo̱ na̱, “Na caa le̱e̱ma̱n hwici, bat ta̱'m ba̱s kasi lalk a̱n a̱n'a. Rema̱n i rina̱n sain bo̱ me.”
39U ba̱sk la a̱n ka̱bca̱n kargac Yahude̱n a̱nmin copun Galili kwe̱. U vega̱lk ta̱m rinnas'ce baa netna.#1:39 Go̱t ta̱m: Mat 4:23; 9:35.
Ye̱so taask a̱ra̱m gaag c'daka
(Mat 8:1-4; Luk 5:12-16)
40A̱ra̱m kan gaag c'dak nokka baa Ye̱so. U kugtk a̱n c'rwin a̱n kons ru. U zeka, “Awaz a̱v to̱nko̱, ta̱'v taas a̱m c'daka#1:40 taas a̱m c'daka: Koowe̱ a̱n ciin gaag u c'dak a̱n copun Isra'ila, u ci c'ko̱pto̱ ta̱m au uva̱ baa neta̱n da..”
41Ye̱so hongt bo̱ za̱im ru. U tapt bo̱ koma ru u do̱v o. U zeka, “A̱m to̱nko̱, dakc taa vo.” 42An Ye̱so emtin s'lalko, a̱ndaabe dakc taak a̱rmune. 43Ye̱so saat bo̱ o d'rin a̱ndaabe, 44“Av ve̱ce̱ la noc da. Sav hid rov baa go̱m va̱ d'ka̱b u Na'Sil u he̱n vo. A̱v ema ta̱m A'Sil sak ho̱da̱na̱n Mosa zetine. Em ha taanl rema̱n na napt az dakc taak vo.”#1:44 Go̱t ta̱m: Ggdk 14:1-32.
45Au rutin la, u ta la̱a̱ a̱n ze̱s da. U ryaak hwic a̱n ba̱sma̱n rina̱n Ye̱so emain o a̱n s'e̱s kwe̱. Rin lo de̱lk i ta ema Ye̱so uva̱ ni'le̱e̱ nan he̱nt o da. U sootk a̱n paat ni'le̱e̱ unwa v'da̱n. Puti a tan na, neta̱n ryaak hwic na̱m'nok baa ru lanma̱n koope̱.
നിലവിൽ തിരഞ്ഞെടുത്തിരിക്കുന്നു:
Markus 1: driNT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc. and © The Nigeria Bible Translation Trust 2019
Markus 1
1
Ba̱sa̱d Yohana
1I takboda̱n kasi lalk Ye̱so Ka̱risti Waav Na'Sil hna. 2I takka ho̱da̱na̱n i retin a'ge̱n a̱nmin taka̱llak Isaaya k'barav Na'Sila̱.#1:2 Go̱t ta̱m: Mal 3:1. Ka̱ zeka,
“Go̱to̱, ta̱'m comto k'comta̱v ri
a̱n hwic rovo,
un tu me̱mge̱ v k'le̱ve̱.
3Noc el a̱n d'ba̱s a̱n
mi k'kad na̱m'ze,#1:3 Go̱t ta̱m: Isa 40:3.
‘Mamgsa na Kan
Go̱mca̱n Kooye̱ k'le̱ve̱.
Una̱sa̱ na o k'le̱v rococo.’ ”
4Yohana kan emam na baptisma emk d'ba̱s a̱nmi k'kade. U ve̱ce̱ke̱ neta̱n az a bita̱l c'hwin na ema na̱ baptisma, bat Sila ta kwisi na̱ ko̱tc na̱. 5An copca̱n Judiya kwe̱ a netnan le̱in Urisalima na, a ruka̱ a haka baa Yohana, a vatk ko̱tc na̱. U emaka la na̱ baptisma kwe̱ a̱nmin ge̱nka̱n Jodan.
6Yohana lak tu to̱p kusma̱n na cain a̱n ke̱nc rakumni. Tu ap ta̱m ba̱ya ru a̱n rabva̱ k'we̱de̱. Ryaakc ru ta̱m i emna a c'swen ne.#1:6 Go̱t ta̱m: 2Go̱m 1:8. 7U ba̱sk ta̱m u zeka, “Uhyan lan na̱m'han a̱n dimd ri. U pa̱tk a̱m na̱m'we̱se̱. A̱m ta ma̱a̱na̱ a̱m kugt a̱m but rabsa̱n katc ru da. 8Mi bo̱ a̱m emaka no baptisma na̱m'ho̱o̱. Unwa la, tu ema no baptisma a̱n Hora̱md Na'Sila̱.”
Baptisma a ke̱ta̱mse̱m Ye̱so
(Mat 3:13; 4:11; Luk 3:21-22; 4:1-13)
9A̱n hweca̱n lo, Ye̱so haka lanma̱n le̱in Nazarat in rein a̱n copun Galili, Yohana emata bo̱ o baptisma a̱n ge̱nka̱n Jodan. 10Daava̱n Ye̱so rwa̱a̱gta̱in lanma̱ m'ho̱o̱, a̱ndaabe cona a̱ba̱ska̱. U he̱ne̱-he̱ne̱ Hora̱md Na'Sil ho̱d gorb na̱m'ciza̱ baa ru. 11Na hong-hong ta̱m lalk lanm na'cona. Na zeka, “I vo Waav ri um reina̱n c'to̱n hwe̱di. A̱v el ta̱m ta̱'v em ma̱ d'ke̱m hwe̱di d'kala.”#1:11 Go̱t ta̱m: Zab 2:7; Isa 42:1; Mat 3:17; 12:18; Mar 9:7; Luk 3:22.
12Hora̱md Na'Sil de̱lk Ye̱so u uvk a̱n k'kad a̱ndaabe. 13U sootka a̱n a̱n'a c'hwen kwe̱zc c'il A̱krimu el a̱n ke̱ta̱mse̱m ru. U lak d'kut a rinna d'kad ne. Comta̱nc Na'Sil lak ta̱m a̱n regda̱m ru.
Ye̱so po̱gk an suva̱n ge̱nne̱
(Mat 4:18-22; Luk 5:1-11)
14An na gagtin Yohana a̱n buu s'ko̱mo̱, Ye̱so uvk a̱n copun Galili a̱n ba̱sda̱n kasi lalks Na'Sila̱. 15U zeka, “Daav emka. Go̱mc Na'Sil ceka ta̱m d'viivi. Panka na a̱n lag c'ko̱to. A̱n bat d'ba̱t a̱n kab kasi lalks Na'Sila̱.”#1:15 Go̱t ta̱m: Mat 3:2.
16An Ye̱so latin tu to̱o̱-to̱o̱ a̱n bilka̱n saama̱n Galili, u he̱nk Simo̱n na ha̱nu Andarawus. A lak a̱n asa̱m nu'raaga a̱nmi m'saa, rema̱n i na̱nna an suva̱n ge̱nne̱. 17Ye̱so zeta bo̱ na̱, “Gaba na ha me. Mi ta̱ma̱ ta̱'m vaaksa no an ta hoba neta̱n a gab me.” 18A ta naas la v'daa da, a batk u'raaga a gabk Ye̱so.
19An Ye̱so noktin ta̱m a̱n hwic ca̱nmi, u he̱nk Yakub waav Za̱ba̱di na ha̱nu Yohana. A lak a̱nmi bumbka̱ m'ho̱o̱ a̱n mangsam nu'raaga. 20Ye̱so po̱gk na̱. A̱ndaabe, a lagk ceta na̱ Za̱ba̱di a̱nmi bumbka̱ m'ho̱o̱ d'kut a a na'yomk no, a gabk Ye̱so.
Ye̱so vogk noc rinnas'ce
(Luk 4:31-37)
21Ye̱so a an la̱a̱sa̱n baa run havk a̱n le̱in Kafarnahum. U uvk a̱nmin ka̱bda̱n kargad Yahude̱ne̱. U la̱a̱ska̱ ta̱m neta̱n a̱n hweda̱n hwerad Yahude̱ne̱. 22An hongin o, a sipk a'nwa̱a̱ rema̱n la̱a̱ss ru. Rema̱n u la̱a̱ska̱ na̱ ho̱d ka c'go̱mo̱, za ho̱d an la̱a̱sa̱m na s'giira da.#1:22 Go̱t ta̱m: Mat 7:28-29.
23A̱ra̱m kan rinnas'ce lak a̱nmin ka̱bda̱n kargad Yahude̱ da̱ ne. Rinnas'ce kant bo̱ na̱m'we̱se̱, 24“Ye̱so kan Nazarat, lag co a̱n c co. Pe̱ha̱n ho̱o̱m rov a cwan na? A̱v han-han a̱v hot co? Ca̱ napk vo, i vo noca̱v Na'Sila̱.”
25Ye̱so haagsta bo̱ rinnas'ce, “Res na te̱kk. Rwa̱a̱ na a̱n lag o!” 26Rinnas'ce kant bo̱. A ha̱dgska̱ a hetk ta̱m a̱rmune. A rwa̱uz kaa a lag o.
27Neta̱n kwe̱ a sipk a'nwa̱a̱ ta ipkinni, “Iye̱ goon rihiya hna? Iye̱ goon la̱a̱swa ha̱n bo̱ ta̱ma̱? A̱n we̱sa̱m ru u retin tu haagsa rinnas'ce. A el la ta̱m ta gab rina̱n u zein na̱ kwe̱.” 28A̱ndaabe, dind Ye̱so ba̱rgk a̱d cek koope̱ a̱n copca̱n Galili.
Ye̱so taask neta̱n s'malse
(Mat 8:14-17; Luk 4:38-41)
29An Ye̱so a an la̱a̱sa̱n baa run lagtin ka̱bda̱n kargad Yahude̱ne̱, a̱ndaabe unwa a Yakub a Yohana na, a uvk a̱n buu Simo̱n d'kut a Andarawus ni. 30In netav Simo̱n lak a'la̱t na̱m'da̱nga̱. A̱ndaabe, a ve̱ce̱te̱ bo̱ Ye̱so da̱n unwa. 31Ye̱so nokt bo̱ u sip koma ru, u una̱ska̱ ta̱m o. V'Daa v'da̱n, mals batk o. U unuku ta̱m u liktki na̱.
32Nu'Ya̱a̱ta̱, a̱n rimanan lo ta̱ma̱, a savaka Ye̱so an gaag ciin kwe̱ a an rinnas'ce ne. 33I'le̱ i'biri kargka a̱n bira̱vna'isna̱. 34U taask an gaag hwe̱di gaag na̱ a a s'malsa̱n s'goo-s'goo. U vega̱lk ta̱m rinnas'ce hwe̱di. U holk rinnas'ce s'lalk rema̱n a napk az i unwa Waav Na'Sila̱.
Ye̱so emk d'ba̱s a̱n copun Galili
(Luk 4:42-44)
35Na̱m'zanta ta̱ma̱, Ye̱so unuku nu'pun u ruk u havk a̱n d'baa va̱na̱n noc zain da. U cepkk a̱n a̱n'a. 36Simo̱n a an lain baa run havt bo̱ a̱n hob ru. 37Aa he̱ntin o, a zeka o, “Koowe̱ el a̱n hob rovo.”
38Ye̱so zeta bo̱ na̱, “Na caa le̱e̱ma̱n hwici, bat ta̱'m ba̱s kasi lalk a̱n a̱n'a. Rema̱n i rina̱n sain bo̱ me.”
39U ba̱sk la a̱n ka̱bca̱n kargac Yahude̱n a̱nmin copun Galili kwe̱. U vega̱lk ta̱m rinnas'ce baa netna.#1:39 Go̱t ta̱m: Mat 4:23; 9:35.
Ye̱so taask a̱ra̱m gaag c'daka
(Mat 8:1-4; Luk 5:12-16)
40A̱ra̱m kan gaag c'dak nokka baa Ye̱so. U kugtk a̱n c'rwin a̱n kons ru. U zeka, “Awaz a̱v to̱nko̱, ta̱'v taas a̱m c'daka#1:40 taas a̱m c'daka: Koowe̱ a̱n ciin gaag u c'dak a̱n copun Isra'ila, u ci c'ko̱pto̱ ta̱m au uva̱ baa neta̱n da..”
41Ye̱so hongt bo̱ za̱im ru. U tapt bo̱ koma ru u do̱v o. U zeka, “A̱m to̱nko̱, dakc taa vo.” 42An Ye̱so emtin s'lalko, a̱ndaabe dakc taak a̱rmune. 43Ye̱so saat bo̱ o d'rin a̱ndaabe, 44“Av ve̱ce̱ la noc da. Sav hid rov baa go̱m va̱ d'ka̱b u Na'Sil u he̱n vo. A̱v ema ta̱m A'Sil sak ho̱da̱na̱n Mosa zetine. Em ha taanl rema̱n na napt az dakc taak vo.”#1:44 Go̱t ta̱m: Ggdk 14:1-32.
45Au rutin la, u ta la̱a̱ a̱n ze̱s da. U ryaak hwic a̱n ba̱sma̱n rina̱n Ye̱so emain o a̱n s'e̱s kwe̱. Rin lo de̱lk i ta ema Ye̱so uva̱ ni'le̱e̱ nan he̱nt o da. U sootk a̱n paat ni'le̱e̱ unwa v'da̱n. Puti a tan na, neta̱n ryaak hwic na̱m'nok baa ru lanma̱n koope̱.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Wycliffe Bible Translators, Inc. and © The Nigeria Bible Translation Trust 2019