Exodus 25
25
Yigava yekEvega lyoKupongoka
(Ex 35:4-9)
1 Hompa yiyo ga tanterere Mosesa asi: 2“Tantera Vaisraeli va pongaike yigava yokupa nge; nkenye ogu yeeyi gwa panga mutjima gwendi. Nkenye ogu tomu tambura sigava sendi esi ana hara kupa nge. 3Yigava yawo eyi ngava reta yeyi: Ngorodo nosisiliveli nongoporo; 4ntani purupuli zongeha nomakehe gomazera golina nonohuki doyikombo, 5noyipapa yononzwi va geheka va sunta nawa noyitji yomusu; 6nomawoli gomonoramba nosidumba sokugwava nokututumikidisa edumba lyewa 7nomamanya gokareneliya nokawe kokulimbagwisa sikoverero sokomapepe nondjato zoponturo. 8Makura ngava tungire nge ntembeli, ni tunge mokatji kawo. 9Ngomu tunge nzugo zange noyininke yamo nayinye nawa‐nawa mokukwama efano eli ngani ku likida.
Sikesa sEgwanekero
(Ex 37:1-9)
10“Va honge sikesa sositji somusu. Monaure waso si kare nosentimeta 110, ano monompatji daso nosentimeta 66, ano musika gwaso hena nosentimeta 66. 11To si vambaike ngorodo zene‐zene kusivambaika monda nokontunda. To ruganene ko hena nkata zongorodo, zi dingilike ko. 12To hemwine ko nongondo ne dongorodo, makura to di roterere komaguru gaso gane. Ano kombinga zimwe taku kara nongondo mbali, kombinga nkwawo nako nongondo mbali. 13To rugana hena yitji yonomudigo yomusu, makura to yi vambaike ngorodo. 14Oyo yitji yonomudigo kuyizweka monongondo konombinga nadinye dosikesa. 15Yitji yonomudigo yi kare moomo monongondo, nokuwapa si kuyipweza mo. 16Yina kupwa oyo, makura to tura mo mosikesa Veta ezi ngani ku pa.
17“To rugana hena sipundi sonkenda sombando songorodo zene‐zene. Monaure waso ngasi kare yitau yivali noharufa, monompatji daso sitau simwe noharufa. 18Ngo rugane hena vakerubi wongorodo. To va rugana pokuhambura, o va ruganene kononkenkera mbali dosipundi sonkenda sombando. 19To rugana mukerubi gumwe, a kare kononkenkera dimwe, to rugana hena mukerubi gumwe, a kare kononkenkera nonkwawo. Pombando yipo ngomu va roterera vakerubi, va sikame kononkenkera mbali. 20Vakerubi va zanze mavava gawo peguru, va kudumike mbando. Ano yipara yawo yi litare; yipara yovakerubi kuyirugana yi tare posipundi sonkenda sombando. 21Oso sipundi sonkenda sombando ngomu si kudumike ko kosikesa. Nye mosikesa ngo tura mo Veta ezi ngani ku pa. 22Opo yipo nye ngatu gwanekerera, opo posipundi sonkenda sombando, pokatji kovakerubi ava va kara posikesa soVeta, yipo ngani ku sansekerera nayinye eyi ngo tantera Vaisraeli.
Sitafura sonomboroto dokuzambera Karunga
(Ex 37:10-16)
23“Ngo rugana sitafura somusu, monaure waso meta zimwe, monompatji harufa zometa, ano momusika nosentimeta nomurongo ntano‐nambali. 24To vambaike ko ngorodo zene‐zene, makura to toona ko evaro lyongorodo. 25Olyo evaro lyosentimeta noharufa, makura to vambaike ko ngorodo. 26Tura ko nongondo ne komakovhu gane, di livyuke nomaguru gane. 27Nongondo di likare pepi nevaro, ntani va wapa kuzweka mo yitji yonomudigo va simbe sitafura. 28Yitji yokusimbisa sitafura yi kare yomusu, makura kuvambaika ko ngorodo. 29Ngo hambwire po maronga noyitutumikidiro noyiyaha nononkinda dononzambo doyinwa, nayinye ngoso yongorodo. 30To tura po nomboroto delikido, di kare nkenye apa komeho zange.
Sitenteko sonoramba
(Ex 37:17-24)
31“Rugana hena uzweko wongorodo zene‐zene. Etako lyawo noruhatji nomawoko gawo, nayinye kuyihambura mongorodo zimwe tupu. 32Mawoko gatano‐nakumwe gokupwaga mo moruhatji, gatano‐nakumwe koruha oru, aga gatatu nago koruha rukwawo. 33Ku kare nombya ntatu dositji somandeli kwankenye kuwoko oku kwa tunda moruhatji. 34Kouhweko ku kare nombya dositji somandeli ne. 35Konhi zomawoko gopomuhowo naga gauvali naga gautatu taku kara mbya zokudumata. Mawoko nagenye moutano‐naumwe wago gokutunda moruhatji rumwe. Yimo nye mokukara ngoso. 36Nombya dokudumata nayinye yi tunde mosininke simwe tupu songorodo zene‐zene. 37Ngo ruganene ko hena noramba ntano‐nambali. Kuditura di gave uzera komeho zawo. 38Tuyoro twawo notuyaha twawo ngatu kare tongorodo zene‐zene. 39Motarente zimwe zongorodo zene‐zene yimo mokuyirugana yipako nayinye eyi. 40Ngo yi rugana moomu vana yi ku likida kondundu.
നിലവിൽ തിരഞ്ഞെടുത്തിരിക്കുന്നു:
Exodus 25: KWN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 25
25
Yigava yekEvega lyoKupongoka
(Ex 35:4-9)
1 Hompa yiyo ga tanterere Mosesa asi: 2“Tantera Vaisraeli va pongaike yigava yokupa nge; nkenye ogu yeeyi gwa panga mutjima gwendi. Nkenye ogu tomu tambura sigava sendi esi ana hara kupa nge. 3Yigava yawo eyi ngava reta yeyi: Ngorodo nosisiliveli nongoporo; 4ntani purupuli zongeha nomakehe gomazera golina nonohuki doyikombo, 5noyipapa yononzwi va geheka va sunta nawa noyitji yomusu; 6nomawoli gomonoramba nosidumba sokugwava nokututumikidisa edumba lyewa 7nomamanya gokareneliya nokawe kokulimbagwisa sikoverero sokomapepe nondjato zoponturo. 8Makura ngava tungire nge ntembeli, ni tunge mokatji kawo. 9Ngomu tunge nzugo zange noyininke yamo nayinye nawa‐nawa mokukwama efano eli ngani ku likida.
Sikesa sEgwanekero
(Ex 37:1-9)
10“Va honge sikesa sositji somusu. Monaure waso si kare nosentimeta 110, ano monompatji daso nosentimeta 66, ano musika gwaso hena nosentimeta 66. 11To si vambaike ngorodo zene‐zene kusivambaika monda nokontunda. To ruganene ko hena nkata zongorodo, zi dingilike ko. 12To hemwine ko nongondo ne dongorodo, makura to di roterere komaguru gaso gane. Ano kombinga zimwe taku kara nongondo mbali, kombinga nkwawo nako nongondo mbali. 13To rugana hena yitji yonomudigo yomusu, makura to yi vambaike ngorodo. 14Oyo yitji yonomudigo kuyizweka monongondo konombinga nadinye dosikesa. 15Yitji yonomudigo yi kare moomo monongondo, nokuwapa si kuyipweza mo. 16Yina kupwa oyo, makura to tura mo mosikesa Veta ezi ngani ku pa.
17“To rugana hena sipundi sonkenda sombando songorodo zene‐zene. Monaure waso ngasi kare yitau yivali noharufa, monompatji daso sitau simwe noharufa. 18Ngo rugane hena vakerubi wongorodo. To va rugana pokuhambura, o va ruganene kononkenkera mbali dosipundi sonkenda sombando. 19To rugana mukerubi gumwe, a kare kononkenkera dimwe, to rugana hena mukerubi gumwe, a kare kononkenkera nonkwawo. Pombando yipo ngomu va roterera vakerubi, va sikame kononkenkera mbali. 20Vakerubi va zanze mavava gawo peguru, va kudumike mbando. Ano yipara yawo yi litare; yipara yovakerubi kuyirugana yi tare posipundi sonkenda sombando. 21Oso sipundi sonkenda sombando ngomu si kudumike ko kosikesa. Nye mosikesa ngo tura mo Veta ezi ngani ku pa. 22Opo yipo nye ngatu gwanekerera, opo posipundi sonkenda sombando, pokatji kovakerubi ava va kara posikesa soVeta, yipo ngani ku sansekerera nayinye eyi ngo tantera Vaisraeli.
Sitafura sonomboroto dokuzambera Karunga
(Ex 37:10-16)
23“Ngo rugana sitafura somusu, monaure waso meta zimwe, monompatji harufa zometa, ano momusika nosentimeta nomurongo ntano‐nambali. 24To vambaike ko ngorodo zene‐zene, makura to toona ko evaro lyongorodo. 25Olyo evaro lyosentimeta noharufa, makura to vambaike ko ngorodo. 26Tura ko nongondo ne komakovhu gane, di livyuke nomaguru gane. 27Nongondo di likare pepi nevaro, ntani va wapa kuzweka mo yitji yonomudigo va simbe sitafura. 28Yitji yokusimbisa sitafura yi kare yomusu, makura kuvambaika ko ngorodo. 29Ngo hambwire po maronga noyitutumikidiro noyiyaha nononkinda dononzambo doyinwa, nayinye ngoso yongorodo. 30To tura po nomboroto delikido, di kare nkenye apa komeho zange.
Sitenteko sonoramba
(Ex 37:17-24)
31“Rugana hena uzweko wongorodo zene‐zene. Etako lyawo noruhatji nomawoko gawo, nayinye kuyihambura mongorodo zimwe tupu. 32Mawoko gatano‐nakumwe gokupwaga mo moruhatji, gatano‐nakumwe koruha oru, aga gatatu nago koruha rukwawo. 33Ku kare nombya ntatu dositji somandeli kwankenye kuwoko oku kwa tunda moruhatji. 34Kouhweko ku kare nombya dositji somandeli ne. 35Konhi zomawoko gopomuhowo naga gauvali naga gautatu taku kara mbya zokudumata. Mawoko nagenye moutano‐naumwe wago gokutunda moruhatji rumwe. Yimo nye mokukara ngoso. 36Nombya dokudumata nayinye yi tunde mosininke simwe tupu songorodo zene‐zene. 37Ngo ruganene ko hena noramba ntano‐nambali. Kuditura di gave uzera komeho zawo. 38Tuyoro twawo notuyaha twawo ngatu kare tongorodo zene‐zene. 39Motarente zimwe zongorodo zene‐zene yimo mokuyirugana yipako nayinye eyi. 40Ngo yi rugana moomu vana yi ku likida kondundu.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003