Exodus 24
24
Malikwatakano gaKarunga noVaisraeli
1Karunga ga ninka ta tantere Mosesa asi: “Rondeni mu ze kwaHompa, nove naArona naNadaba naAbihu nomasimbi nomurongo ntano‐nambali gaIsraeli, mu ka mu tongamene, one ure muna kara. 2Mosesa gelike yige gokuheda pepi naHompa, nye awo nokuheda ko si, ano mbunga nokuronda si kumwe nendi.”
3Ano Mosesa apa ga wizire a ya tantere mbunga nonkango nonompangera daHompa, makura mbunga nazinye tazi limburura simwe asi: “Nayinye eyi ana tanta Hompa, ngatu yi rugana.” 4Ano Mosesa makura ta tjanga nonkango daHompa nadinye. Lya sire ko, makura ta katuka, ta tungu sizambero pedi lyondundu. Ta dike po hena mamanya gomadiworokero murongo nagavali, ga faneke mazimo goVaisraeli murongo nagavali. 5Age makura ta tumu vadinkantu woVaisraeli, va ka zambe nonzambo deswakerero, awo va ka dipage hena nohove donzambo zomalikwatakano. 6Ano Mosesa makura ta gusa harufa zohonde, ta zi tjire pomarupasa, makura harufa nkwawo zohonde ta zi tjisangere kosizambero. 7Age makura ta gusa buke zomalikwatakano, makura ta zi resere mbunga. Ano awo makura tava tanta asi: “Nayinye eyi ga uyunga Hompa, ngatu yi rugana oku tatu yi limburukwa.”
8Ano Mosesa makura ta gusa honde a zi sampere mbunga oku ta tanta asi: “Ezi honde zomalikwatakano aga ga panga Hompa neni, ago kwa ga dikisa kononkango edi nadinye.”
9OMosesa yipo nye va rondere kondundu naArona naNadaba naAbihu nomasimbi gaIsraeli nomurongo ntano‐nambali. 10Awo va mwene Karunga gwaIsraeli, ano konhi zonompadi dendi kwa kere ulyatero womamanya gosafire ga payi‐payi ngwendi eguru lyene. 11Nye kuwoko kwendi kapi ga ku gumine Vaisraeli ava va horowora, awo kwa tere Karunga, tava li oku tava nu.
Mosesa koNdundu zaSinayi
12 Hompa yipo ga tanterere Mosesa asi: “Ronda kondundu o wize kwange o ya pukure ko, nkumwe ngani ya ku pe yitafura yomamanya noveta noyipango eyi na tjangere asi o yi va ronge.” 13Yipo nye va katukire oMosesa naJosuwa mukereli gwendi. Mosesa makura ta rondo kondundu zaKarunga. 14Makura ta tantere masimbi asi: “Tu ndindireni paapa dogoro noku natu ka tengura tu ya mu gwane. OArona naHuru wowo, nawo muna kara. Nkenye ogu ana kara nononkango kuvhura kuza kwawo.”
15Mosesa kwa ronda tupu kondundu, makura eremo tali kudumike ndundu. 16Ano uyerere waHompa kwa kere koNdundu zaSinayi, eremo kwa kudumikire ndundu ure womazuva gatano‐nalimwe. Mezuva lyoutano‐nauvali Hompa yipo ga zigidire Mosesa, age meremo. 17Emoneko lyouyerere waHompa kwa monekere koVaisraeli ngwendi mundiro gompire kondungu zondundu. 18Mosesa kwa hwililire meremo, makura ta rondo kondundu. Mosesa kwa ka kere kondundu nomutenya nomurongo ne nomasiku nomurongo ne.
നിലവിൽ തിരഞ്ഞെടുത്തിരിക്കുന്നു:
Exodus 24: KWN
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 24
24
Malikwatakano gaKarunga noVaisraeli
1Karunga ga ninka ta tantere Mosesa asi: “Rondeni mu ze kwaHompa, nove naArona naNadaba naAbihu nomasimbi nomurongo ntano‐nambali gaIsraeli, mu ka mu tongamene, one ure muna kara. 2Mosesa gelike yige gokuheda pepi naHompa, nye awo nokuheda ko si, ano mbunga nokuronda si kumwe nendi.”
3Ano Mosesa apa ga wizire a ya tantere mbunga nonkango nonompangera daHompa, makura mbunga nazinye tazi limburura simwe asi: “Nayinye eyi ana tanta Hompa, ngatu yi rugana.” 4Ano Mosesa makura ta tjanga nonkango daHompa nadinye. Lya sire ko, makura ta katuka, ta tungu sizambero pedi lyondundu. Ta dike po hena mamanya gomadiworokero murongo nagavali, ga faneke mazimo goVaisraeli murongo nagavali. 5Age makura ta tumu vadinkantu woVaisraeli, va ka zambe nonzambo deswakerero, awo va ka dipage hena nohove donzambo zomalikwatakano. 6Ano Mosesa makura ta gusa harufa zohonde, ta zi tjire pomarupasa, makura harufa nkwawo zohonde ta zi tjisangere kosizambero. 7Age makura ta gusa buke zomalikwatakano, makura ta zi resere mbunga. Ano awo makura tava tanta asi: “Nayinye eyi ga uyunga Hompa, ngatu yi rugana oku tatu yi limburukwa.”
8Ano Mosesa makura ta gusa honde a zi sampere mbunga oku ta tanta asi: “Ezi honde zomalikwatakano aga ga panga Hompa neni, ago kwa ga dikisa kononkango edi nadinye.”
9OMosesa yipo nye va rondere kondundu naArona naNadaba naAbihu nomasimbi gaIsraeli nomurongo ntano‐nambali. 10Awo va mwene Karunga gwaIsraeli, ano konhi zonompadi dendi kwa kere ulyatero womamanya gosafire ga payi‐payi ngwendi eguru lyene. 11Nye kuwoko kwendi kapi ga ku gumine Vaisraeli ava va horowora, awo kwa tere Karunga, tava li oku tava nu.
Mosesa koNdundu zaSinayi
12 Hompa yipo ga tanterere Mosesa asi: “Ronda kondundu o wize kwange o ya pukure ko, nkumwe ngani ya ku pe yitafura yomamanya noveta noyipango eyi na tjangere asi o yi va ronge.” 13Yipo nye va katukire oMosesa naJosuwa mukereli gwendi. Mosesa makura ta rondo kondundu zaKarunga. 14Makura ta tantere masimbi asi: “Tu ndindireni paapa dogoro noku natu ka tengura tu ya mu gwane. OArona naHuru wowo, nawo muna kara. Nkenye ogu ana kara nononkango kuvhura kuza kwawo.”
15Mosesa kwa ronda tupu kondundu, makura eremo tali kudumike ndundu. 16Ano uyerere waHompa kwa kere koNdundu zaSinayi, eremo kwa kudumikire ndundu ure womazuva gatano‐nalimwe. Mezuva lyoutano‐nauvali Hompa yipo ga zigidire Mosesa, age meremo. 17Emoneko lyouyerere waHompa kwa monekere koVaisraeli ngwendi mundiro gompire kondungu zondundu. 18Mosesa kwa hwililire meremo, makura ta rondo kondundu. Mosesa kwa ka kere kondundu nomutenya nomurongo ne nomasiku nomurongo ne.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Egwanekerobibeli Lyanamibia 1987, 2003
© Bible Society of Namibia 1987, 2003