انجیل مرقس 14
14
توطیه عیسی کوشتن را
1دو روج مانده به، به پِسَخ عید و فَطیره عید. سران کاهنان و تورات معلمین ایگله راهی پَشه بنده که بی سَس سَلم عیسی دستگیر بکرنده و بوکوشنده، 2چون واتردشانه: «اِم کاره عیده روجانک مکرام، مبادا مردم شورش بکرنده.»
3وختی عیسی بِیت‌عَنْیا دهک جذامیه شَمعون کییک سفره سرک نشته به، ایگله زلی ای، ایگله مرمریه قابی نه، که چوه دله عطریه روعن به بامیا عیسی ور. اَ عطریه روعن سنبل خالصک به و پر گران به. اَ زلی اَ، قابش بشگنجانس و عطرش اَرکه عیسی سر. 4بعضی از کسانی که وا بِنده پر عصبانی ببنده، هندیگرنه باتشانه: «چیه را گه اِم عَطر ایزه هیچ بر شی؟ 5بِسه که اِم عطره سیصد دینارک پِرتَر خُورتن و چَه پوله آدیین فقیران.» و اَ زلیشانه پر سرزان بکردا. 6امّا عیسی اَوان نه باتشه: «اَ زلی نه کاری مدارا. چیه را اَوه ناراحت کردرا؟ اَوه قشنگه کاری شی چِمرا کرده. 7چون فقیره همیشه شاما دویر برک اِسنده و هر وقت بگوِرانه تانا اَوان کمک بِکَرا، امّا از همیشه شاما نه نییِم. 8اِم زلیه هر چی که چوه دسک برامِسه، بکردشه. اَوِه اِشتن اِم کارنه، چِمن بدنش پرانتر عطر بیزی و آمادش بکه دخشاردنه را 9حقیقتا، شامانه واترم، همه‌ی دنیاک، هر یاگا که خدا پادشاهی شاده خبر اعلام بیبی، اِم زلی کار نی چَوه یادنه واته بی.»
یهودا عیسی خیانت کره
10چاوش یهودا اِسْخَریوطی که ایگله اَ دونزده شاگردان به، بشه سران کاهنان وَر تا عیسی تحویل بِدیه چوان دس. 11اَوه وختی یهودا لاوَشان بشنوس، شاد ببنده و اَوشان وعده آدا که اَوه پول آدینده. یهودا نی ایگله فرصت پشدنه گرسرده تا عیسی تحویل بدیه چوان دس.
پسخه عیده سور شاگرداننه
12فَطیره عیده اولین روجک، که پِسَخ وَرَلی قربانی کَرِنده، عیسی شاگرده اَوک آپرسسشانه: «گَره کا بشام و اِشته را تهیه و تدارک بینام تا پِسَخ عیده سُوره بخری؟» 13عیسی، دو نفر اِشتن شاگردش بِخِرسانسنده و اَواننه باتشه: «بِشا شهر؛ اَگارک ایگله مردکی نه دیمادیم با که اُو سُوی داره. بِشا چَه پشه. 14هر یاگا که اَ مَردک دِلَه دِشه، اَ کییه صاحبنه باجا، ”استاد واتر، چِمن میهمانخانه کارییه تا پسخ عیده سُوره چِمن شاگردانه وا بخرم؟“ 15اَ ایگله یَکه بالا خانه ای فرش بیه و آماده شاما آمانه. واره چاما را تهیه و تدارک بینا.» 16اَدمی شاگرده بشنده شهر، همه چیشان اَجوره بینده که عیسی اَواننه واته بِه، و پِسَخ عیده سُور شان تهیه و تدارک بینده.
17وختی شَو آبه، عیسی اِشتن دونزده شاگرداننه بشه اَگا. 18وقتی که سفره سرک نشته بنده و غذاشان خردرده، عیسی باته: «حقیقتا، شاما نه واترم، ای نفر از شاما دلک من دشمنه تسلیم کره، اَیی که مَنه غذا خردر.» 19شاگرده غصه دار ببنده و ای نفر ای نفر عیسیک آپرسسشانه: «آیا از اَوم؟» 20عیسی اَوانه باتشه: «ای نفر شاما دونزده نفرک اِسته، اَیی که اِشتن نان منه اَرَزیَر قَدَره دله. 21انسانه زا ایزه که چَه درباره مقدسه نیویشته انک نیویشته بیه، چَوه را اتفاق دگنه، امّا وای بحال اَ کسی که چوه خیانتنه اِم اتفاق انسانه زا سر بایه. چوه را چاک تر اِسه که هرگز دونیا آمییه نبه.»
22وختی غذا خَردردشانه، عیسی نانش اَکَته و شکر کردنه پَش، پاره بکردشه و اِشتن شاگردانش آدا و باتشه: «بیگیرا، اِم چِمن بدن اِسه.» 23چاوش قدرش اَکَتِه و شکر کردنه پَش، اَوِش آدا شاگردان، و اَوان همه اَوک آخردشانه. 24و اَواننه باتشه: «اِم چِمن خونه که اَونه اِم تازه عَهد مِهر کَرم، چِمن خون خیلی آدمان واسنه اَربی. 25حقیقتا، شامانه واجم، که از دَ انگوره داره میوک آنخرم تا اَ روجی که اَوه خدا پادشاهیک، تازه تازه‌ای آخرم.»
عیسی پیش گویی کره که پِطرُس اَوه هاشا کره
26اَ موقع، ایگله سرود ستایش خواندنه پَش، راه دگسنده زیتونه کوهه طرفه را. 27عیسی اِشتن شاگرداننه باتشه: «شاما همه من تینا هرزا، چون زکریای پیغمبره کتابک نیویشته بیه،
«”شوانه زَنِم
و پَسِه پخش آبینده.“
28امّا چِمن زنده آبینه پَش، شاما پَران تر شیم جلیله منطقه را.» 29پِطرُس عیسی نه باتشه: «حتی اگم همه ته تینا برزنده، از ته تینا نرزم.» 30عیسی اَونه باتشه: «حقیقتا، تنه واترم که هِم اَشان، پیش اَز اِم که سوکوله دو را بخوانیه، ته من سُو را هاشا کری!» 31امّا پِطرُس پر تأکیدنه باتشه: «حتی اگم لازم بیبی تِنه بِمَرم نی، ته هاشا نکرم.» همه‌ي شاگردان نی ایزه باتشانه.
عیسی جِتْسیمانی باغک دعا کره
32اَدمی اَوه بشنده یاگایی که چَه نام جِتْسیمانی به. عیسی اِشتن شاگرداننه باتشه: «وقتی از دعا کردرم، شاما اِنگا بنشا.» 33عیسی، پِطرُس و یعقوب و یوحناش اِشتن نه ببردنده. عیسی پِر پریشان و تشویش آبه، 34اَواننه باتشه: «چِمن جان پِره غم و غرصک، نزدیکه بِمَره. اِنگارک بندرا و آگا ببا.» 35چاوش عیسی اَندلی بشه پران، اِشتن صفتش گلک اَنا و ایزه دعاش بکه که اگم ممکنه اَ عذابه ساعت اَوک اِوَرِه. 36عیسی ایزه باتشه: «اَبّا، په، همه چی اِشته را ممکن اِسه. اِم عذابه قدره منک دور آکه، امّا نه چِمن گَوسَنه، بلکم اِشته گَوسَنه.» 37وختی عیسی آگَردس اَ شاگردان ور، بیندشه اَوه ختنده. پس پِطرُسنه باتشه: «شَمعون، خوتش؟ نتانسره ای ساعت آگا بندری؟ 38آگا ببا و دعا بِکَراه تا امتحانک دمَگنا. حقیقتا که روح مشتاق اِسه امّا جسم ناتوانه.» 39عیسی هنی بِشه و هَ دوُعاش بکه. 40و وختی آگَردِس، بیندشه اَوه خُتنده، چون اَوان پِر پینیکی زیرده. اَوان نزانسرده عیسی نه چِه باجنده. 41اَدمی عیسی سوّمین را بامه اَ شاگردان ور و اَواننه باتشه: «حلا خُتران و استراحت کردرا؟ دَ وسه! اَ ساعت مقرر آرسَه. اِسا انسانه زا گناهکاران دس تسلیم آبی. 42بیزا، بِشام. دیسا، کسی که رایشه من تسلیم بکره آرَسر.»
عیسی دستگیر بیین
43عیسی حلا زَ لاوش کَردَرده که ایرادن یهودا، که ایگله اَ دونزه شاگردان به، آرسس. چوه همراه ایگله جماعتی، چماق و شمشرنه آمیه بِنده. اَوان سران کاهنان و توراته معلمین و شیخان طرف نه بنده. 44عیسی تسلیم کرار، اَوه ای که چه همراه بنده نه علامتی آدییَش به و واتش به: «اَیی که اَوه ماچ کَرم، اَوه، اَوه بیگیرا و چوه بردنه موقع شاما حواس جمع بیبی.» 45وختی یهودا آرسس اَگا، البحل بشه عیسی ور و باتشه: «استاد!» و عیسیش ماچ بکه. 46اَدمی اَ آدمه اَربنده عیسی سر، و اَوشان دستگیر بکه. 47امّا ای نفر اَز کسانی که اَگارک وندرسه بنده، اِشتن شمشیرشه برآوردا، و اَونه معبده پیله کاهنه نوکرش بیزی و چه گوششه ببریا. 48اَدمی عیسی اَواننه باتشه: «مگم از راهزنم که چماق و شمشیرنه چِمن کتنه را آمییِران؟ 49از هر روج معبدک شامانه بم و تعلیم آدسمه و شاما منران دستگیر نکه. امّا برزا که مقدسه نیویشته هان اتفاق دگننده.» 50اَدمی همه‌ی شاگرده عیسیشان تینا بشته، دوَشتنده.
51ایگله جوانی که فقط ای تیکه کتانه پارچه ای اِشتن جانکش اَیپیته به، عیسی پَشَنه راه دگس. اَوان اَوِشان نی دستگیر بکه، 52ولی اَ، اَ کتانه پارچه ای که اِشتن دویرکش اَپیته به، ول آکردشه و لخت دوَشته.
عیسی ، شورا پرانک
53اَوان عیسی شان ببرده معبده پیله کاهنه ور. اَگارک همه‌ی سران کاهنان و شیخان و تورات معلمین بیدا آبیه بنده. 54پطرس نی دورنه عیسی پَشَدنه بشه تا آرسس پیله کاهنه کییه حیاط دِلَه. پس اَگارک، آتشه وَرک، نگهبانان نه بنشت و اِشتنش گرم کردرده. 55سران کاهنان و تمان یهوده شورا اعضا تقلاشان کَردرده که ایگله شهادتی عیسی ضد پیدا بکرنده تا اَوه بوکوشنده، ولی هیچیشان پیدا نکه. 56چون هر چند پر آدمه عیسی ضد دوریه شهادتشان بدا، امّا چَوان شهادته هندیگرنه جور نبه. 57اَدمی بعضی بامنده پران و عیسی ضد دورییه شهادتشان بدا، باتشانه: 58«آما اِشتن بَشنوس که اَ واتردشه، ”اِم معبد که انسانه دسنه رَچ آبییه خراب کرم و سُه روجه دلَک، جدا معبدی رچ آکرم که انسانه دَسنه رَچ آبییه مبی.“» 59ولی حتی چَوان شهادت نی هندیگرنه جور نبه. 60اَدمی پیله کاهن بِهِشت و همان پرانک عیسیکش آپرسس: «جوابی نداری بدیی؟ اِم چیه که اِم مردکه اِشته ضد شهادت دییَرنده؟» 61امّا عیسی ساکت بندرس و جوابی نداشه. پیله کاهن هنی اَوک آپَرسسشه: «تِه مسیح موعود، خدای متبارکه زا اِسش؟» 62عیسی اَونه باته: «اِسِم، و انسانه زا وینا که خدای قادره راسَ دَسک نشته، و آسمانه اَبران نه آمییَر.» 63اَ دمی معبده پیله کاهن اِشتن خلوع یقش چنگ دکه و اَوزرانسشه، باتشه: «دَ شاهدمان چیه رایه؟ 64چَوه کفر واتنران بشنوس. شاما تصمیم چیه؟» اَوان همبلنه عیسی شان محکوم بکه و باتشانه که چَوه سزا مرگه. 65اَدمی بعضی عیسی سرکشان چاف آشاند، اَوان عیسی چَشمشان دوَسته و ایزه که زَ اَوشان زیَرده، واتردشانه: «غیبنه باج!» نگهبانان نی عیسیشان بکته و بیزیشانه.
پِطرُس، عیسی هاشا کره
66وقتی که پِطرُس حلا جیرک، حیاطک به، پیله کاهنه ایگله کنیزانک بامیا اَگا 67و پطرسش بینده که آتشه وَرک اِشتن گرم آکردر. اَ کنیزَه پطرسه دییشتا و باتشه: «ته نی عیسی ناصری همراه بِش.» 68امّا پِطرُسه هاشا بکه و باتشه: «نزانسرم، نفهمسرم چه واتری!» اِمش باته و بشه دروازه طرف را. هَ موقعه سوکوله بخوانده. 69هنی، اَ کنیز پطرسش بینده و کسانی نه که اَگارک وندرسه بندنه، باتشه: «اِم مردک ایگله اَوانکه» 70امّا پطرس هنی هاشا بکرده. کملی بعد، کسانی که وا وندرسه بنده، هنی پطرسنه باتشانه: «حتما تِه نی ایگله اَوانکش، چون جلیلی اِسِش.» 71امّا پطرسه شروع بکه اِشتن لعنت کردن و قسمش بخه، باتشه: «اِم مَردکی که واترا، آنزانم!» 72هَ لحظک، سوکوله دومین سفر را بخوانده. اَدمی پطرسه ویر بوعرده که چنجوره عیسی اَونه واتش به: «پیش از اِم که سوکوله دو را بخوانیه، ته سُه را من هاشا کری». بس دلشه فت آبییا و ببرمس.
നിലവിൽ തിരഞ്ഞെടുത്തിരിക്കുന്നു:
انجیل مرقس 14: TIT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
انجیل مرقس 14
14
توطیه عیسی کوشتن را
1دو روج مانده به، به پِسَخ عید و فَطیره عید. سران کاهنان و تورات معلمین ایگله راهی پَشه بنده که بی سَس سَلم عیسی دستگیر بکرنده و بوکوشنده، 2چون واتردشانه: «اِم کاره عیده روجانک مکرام، مبادا مردم شورش بکرنده.»
3وختی عیسی بِیت‌عَنْیا دهک جذامیه شَمعون کییک سفره سرک نشته به، ایگله زلی ای، ایگله مرمریه قابی نه، که چوه دله عطریه روعن به بامیا عیسی ور. اَ عطریه روعن سنبل خالصک به و پر گران به. اَ زلی اَ، قابش بشگنجانس و عطرش اَرکه عیسی سر. 4بعضی از کسانی که وا بِنده پر عصبانی ببنده، هندیگرنه باتشانه: «چیه را گه اِم عَطر ایزه هیچ بر شی؟ 5بِسه که اِم عطره سیصد دینارک پِرتَر خُورتن و چَه پوله آدیین فقیران.» و اَ زلیشانه پر سرزان بکردا. 6امّا عیسی اَوان نه باتشه: «اَ زلی نه کاری مدارا. چیه را اَوه ناراحت کردرا؟ اَوه قشنگه کاری شی چِمرا کرده. 7چون فقیره همیشه شاما دویر برک اِسنده و هر وقت بگوِرانه تانا اَوان کمک بِکَرا، امّا از همیشه شاما نه نییِم. 8اِم زلیه هر چی که چوه دسک برامِسه، بکردشه. اَوِه اِشتن اِم کارنه، چِمن بدنش پرانتر عطر بیزی و آمادش بکه دخشاردنه را 9حقیقتا، شامانه واترم، همه‌ی دنیاک، هر یاگا که خدا پادشاهی شاده خبر اعلام بیبی، اِم زلی کار نی چَوه یادنه واته بی.»
یهودا عیسی خیانت کره
10چاوش یهودا اِسْخَریوطی که ایگله اَ دونزده شاگردان به، بشه سران کاهنان وَر تا عیسی تحویل بِدیه چوان دس. 11اَوه وختی یهودا لاوَشان بشنوس، شاد ببنده و اَوشان وعده آدا که اَوه پول آدینده. یهودا نی ایگله فرصت پشدنه گرسرده تا عیسی تحویل بدیه چوان دس.
پسخه عیده سور شاگرداننه
12فَطیره عیده اولین روجک، که پِسَخ وَرَلی قربانی کَرِنده، عیسی شاگرده اَوک آپرسسشانه: «گَره کا بشام و اِشته را تهیه و تدارک بینام تا پِسَخ عیده سُوره بخری؟» 13عیسی، دو نفر اِشتن شاگردش بِخِرسانسنده و اَواننه باتشه: «بِشا شهر؛ اَگارک ایگله مردکی نه دیمادیم با که اُو سُوی داره. بِشا چَه پشه. 14هر یاگا که اَ مَردک دِلَه دِشه، اَ کییه صاحبنه باجا، ”استاد واتر، چِمن میهمانخانه کارییه تا پسخ عیده سُوره چِمن شاگردانه وا بخرم؟“ 15اَ ایگله یَکه بالا خانه ای فرش بیه و آماده شاما آمانه. واره چاما را تهیه و تدارک بینا.» 16اَدمی شاگرده بشنده شهر، همه چیشان اَجوره بینده که عیسی اَواننه واته بِه، و پِسَخ عیده سُور شان تهیه و تدارک بینده.
17وختی شَو آبه، عیسی اِشتن دونزده شاگرداننه بشه اَگا. 18وقتی که سفره سرک نشته بنده و غذاشان خردرده، عیسی باته: «حقیقتا، شاما نه واترم، ای نفر از شاما دلک من دشمنه تسلیم کره، اَیی که مَنه غذا خردر.» 19شاگرده غصه دار ببنده و ای نفر ای نفر عیسیک آپرسسشانه: «آیا از اَوم؟» 20عیسی اَوانه باتشه: «ای نفر شاما دونزده نفرک اِسته، اَیی که اِشتن نان منه اَرَزیَر قَدَره دله. 21انسانه زا ایزه که چَه درباره مقدسه نیویشته انک نیویشته بیه، چَوه را اتفاق دگنه، امّا وای بحال اَ کسی که چوه خیانتنه اِم اتفاق انسانه زا سر بایه. چوه را چاک تر اِسه که هرگز دونیا آمییه نبه.»
22وختی غذا خَردردشانه، عیسی نانش اَکَته و شکر کردنه پَش، پاره بکردشه و اِشتن شاگردانش آدا و باتشه: «بیگیرا، اِم چِمن بدن اِسه.» 23چاوش قدرش اَکَتِه و شکر کردنه پَش، اَوِش آدا شاگردان، و اَوان همه اَوک آخردشانه. 24و اَواننه باتشه: «اِم چِمن خونه که اَونه اِم تازه عَهد مِهر کَرم، چِمن خون خیلی آدمان واسنه اَربی. 25حقیقتا، شامانه واجم، که از دَ انگوره داره میوک آنخرم تا اَ روجی که اَوه خدا پادشاهیک، تازه تازه‌ای آخرم.»
عیسی پیش گویی کره که پِطرُس اَوه هاشا کره
26اَ موقع، ایگله سرود ستایش خواندنه پَش، راه دگسنده زیتونه کوهه طرفه را. 27عیسی اِشتن شاگرداننه باتشه: «شاما همه من تینا هرزا، چون زکریای پیغمبره کتابک نیویشته بیه،
«”شوانه زَنِم
و پَسِه پخش آبینده.“
28امّا چِمن زنده آبینه پَش، شاما پَران تر شیم جلیله منطقه را.» 29پِطرُس عیسی نه باتشه: «حتی اگم همه ته تینا برزنده، از ته تینا نرزم.» 30عیسی اَونه باتشه: «حقیقتا، تنه واترم که هِم اَشان، پیش اَز اِم که سوکوله دو را بخوانیه، ته من سُو را هاشا کری!» 31امّا پِطرُس پر تأکیدنه باتشه: «حتی اگم لازم بیبی تِنه بِمَرم نی، ته هاشا نکرم.» همه‌ي شاگردان نی ایزه باتشانه.
عیسی جِتْسیمانی باغک دعا کره
32اَدمی اَوه بشنده یاگایی که چَه نام جِتْسیمانی به. عیسی اِشتن شاگرداننه باتشه: «وقتی از دعا کردرم، شاما اِنگا بنشا.» 33عیسی، پِطرُس و یعقوب و یوحناش اِشتن نه ببردنده. عیسی پِر پریشان و تشویش آبه، 34اَواننه باتشه: «چِمن جان پِره غم و غرصک، نزدیکه بِمَره. اِنگارک بندرا و آگا ببا.» 35چاوش عیسی اَندلی بشه پران، اِشتن صفتش گلک اَنا و ایزه دعاش بکه که اگم ممکنه اَ عذابه ساعت اَوک اِوَرِه. 36عیسی ایزه باتشه: «اَبّا، په، همه چی اِشته را ممکن اِسه. اِم عذابه قدره منک دور آکه، امّا نه چِمن گَوسَنه، بلکم اِشته گَوسَنه.» 37وختی عیسی آگَردس اَ شاگردان ور، بیندشه اَوه ختنده. پس پِطرُسنه باتشه: «شَمعون، خوتش؟ نتانسره ای ساعت آگا بندری؟ 38آگا ببا و دعا بِکَراه تا امتحانک دمَگنا. حقیقتا که روح مشتاق اِسه امّا جسم ناتوانه.» 39عیسی هنی بِشه و هَ دوُعاش بکه. 40و وختی آگَردِس، بیندشه اَوه خُتنده، چون اَوان پِر پینیکی زیرده. اَوان نزانسرده عیسی نه چِه باجنده. 41اَدمی عیسی سوّمین را بامه اَ شاگردان ور و اَواننه باتشه: «حلا خُتران و استراحت کردرا؟ دَ وسه! اَ ساعت مقرر آرسَه. اِسا انسانه زا گناهکاران دس تسلیم آبی. 42بیزا، بِشام. دیسا، کسی که رایشه من تسلیم بکره آرَسر.»
عیسی دستگیر بیین
43عیسی حلا زَ لاوش کَردَرده که ایرادن یهودا، که ایگله اَ دونزه شاگردان به، آرسس. چوه همراه ایگله جماعتی، چماق و شمشرنه آمیه بِنده. اَوان سران کاهنان و توراته معلمین و شیخان طرف نه بنده. 44عیسی تسلیم کرار، اَوه ای که چه همراه بنده نه علامتی آدییَش به و واتش به: «اَیی که اَوه ماچ کَرم، اَوه، اَوه بیگیرا و چوه بردنه موقع شاما حواس جمع بیبی.» 45وختی یهودا آرسس اَگا، البحل بشه عیسی ور و باتشه: «استاد!» و عیسیش ماچ بکه. 46اَدمی اَ آدمه اَربنده عیسی سر، و اَوشان دستگیر بکه. 47امّا ای نفر اَز کسانی که اَگارک وندرسه بنده، اِشتن شمشیرشه برآوردا، و اَونه معبده پیله کاهنه نوکرش بیزی و چه گوششه ببریا. 48اَدمی عیسی اَواننه باتشه: «مگم از راهزنم که چماق و شمشیرنه چِمن کتنه را آمییِران؟ 49از هر روج معبدک شامانه بم و تعلیم آدسمه و شاما منران دستگیر نکه. امّا برزا که مقدسه نیویشته هان اتفاق دگننده.» 50اَدمی همه‌ی شاگرده عیسیشان تینا بشته، دوَشتنده.
51ایگله جوانی که فقط ای تیکه کتانه پارچه ای اِشتن جانکش اَیپیته به، عیسی پَشَنه راه دگس. اَوان اَوِشان نی دستگیر بکه، 52ولی اَ، اَ کتانه پارچه ای که اِشتن دویرکش اَپیته به، ول آکردشه و لخت دوَشته.
عیسی ، شورا پرانک
53اَوان عیسی شان ببرده معبده پیله کاهنه ور. اَگارک همه‌ی سران کاهنان و شیخان و تورات معلمین بیدا آبیه بنده. 54پطرس نی دورنه عیسی پَشَدنه بشه تا آرسس پیله کاهنه کییه حیاط دِلَه. پس اَگارک، آتشه وَرک، نگهبانان نه بنشت و اِشتنش گرم کردرده. 55سران کاهنان و تمان یهوده شورا اعضا تقلاشان کَردرده که ایگله شهادتی عیسی ضد پیدا بکرنده تا اَوه بوکوشنده، ولی هیچیشان پیدا نکه. 56چون هر چند پر آدمه عیسی ضد دوریه شهادتشان بدا، امّا چَوان شهادته هندیگرنه جور نبه. 57اَدمی بعضی بامنده پران و عیسی ضد دورییه شهادتشان بدا، باتشانه: 58«آما اِشتن بَشنوس که اَ واتردشه، ”اِم معبد که انسانه دسنه رَچ آبییه خراب کرم و سُه روجه دلَک، جدا معبدی رچ آکرم که انسانه دَسنه رَچ آبییه مبی.“» 59ولی حتی چَوان شهادت نی هندیگرنه جور نبه. 60اَدمی پیله کاهن بِهِشت و همان پرانک عیسیکش آپرسس: «جوابی نداری بدیی؟ اِم چیه که اِم مردکه اِشته ضد شهادت دییَرنده؟» 61امّا عیسی ساکت بندرس و جوابی نداشه. پیله کاهن هنی اَوک آپَرسسشه: «تِه مسیح موعود، خدای متبارکه زا اِسش؟» 62عیسی اَونه باته: «اِسِم، و انسانه زا وینا که خدای قادره راسَ دَسک نشته، و آسمانه اَبران نه آمییَر.» 63اَ دمی معبده پیله کاهن اِشتن خلوع یقش چنگ دکه و اَوزرانسشه، باتشه: «دَ شاهدمان چیه رایه؟ 64چَوه کفر واتنران بشنوس. شاما تصمیم چیه؟» اَوان همبلنه عیسی شان محکوم بکه و باتشانه که چَوه سزا مرگه. 65اَدمی بعضی عیسی سرکشان چاف آشاند، اَوان عیسی چَشمشان دوَسته و ایزه که زَ اَوشان زیَرده، واتردشانه: «غیبنه باج!» نگهبانان نی عیسیشان بکته و بیزیشانه.
پِطرُس، عیسی هاشا کره
66وقتی که پِطرُس حلا جیرک، حیاطک به، پیله کاهنه ایگله کنیزانک بامیا اَگا 67و پطرسش بینده که آتشه وَرک اِشتن گرم آکردر. اَ کنیزَه پطرسه دییشتا و باتشه: «ته نی عیسی ناصری همراه بِش.» 68امّا پِطرُسه هاشا بکه و باتشه: «نزانسرم، نفهمسرم چه واتری!» اِمش باته و بشه دروازه طرف را. هَ موقعه سوکوله بخوانده. 69هنی، اَ کنیز پطرسش بینده و کسانی نه که اَگارک وندرسه بندنه، باتشه: «اِم مردک ایگله اَوانکه» 70امّا پطرس هنی هاشا بکرده. کملی بعد، کسانی که وا وندرسه بنده، هنی پطرسنه باتشانه: «حتما تِه نی ایگله اَوانکش، چون جلیلی اِسِش.» 71امّا پطرسه شروع بکه اِشتن لعنت کردن و قسمش بخه، باتشه: «اِم مَردکی که واترا، آنزانم!» 72هَ لحظک، سوکوله دومین سفر را بخوانده. اَدمی پطرسه ویر بوعرده که چنجوره عیسی اَونه واتش به: «پیش از اِم که سوکوله دو را بخوانیه، ته سُه را من هاشا کری». بس دلشه فت آبییا و ببرمس.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company