انجیل مرقس 13

عیسی معبده اَربینه پیش گویی کررد

1وختی که عیسی معبدنه شیرده، ایگله چَوه شاگردانک اَونه باتشه: «استاد، دیس! چه با شکوه سِگانی، چه با شکوه بناهانی!» 2عیسی اَونه باتشه: «اِم پیله بنایان ویندری؟ بِزان که سِگی، سِگه سَرِک نمانه، بلکم همه اَربی.»

3وختی عیسی زیتون کو سرک، معبده رو به رو نشته به، پِطرُس و یعقوب و یوحنا و آندریاس خلوتَکی اَوک آپرسسشانه: 4«آمانه باجه کِی اِم اتفاقه دگننده و وقتی نزدیک بی که همه ی اِم چییه اتفاق دگننده چوان نشانه چیه؟» 5عیسی اَوان نه بِاتشه: «ویراجین ببا که کسی شاما گمراه مکره. 6پر کسه چِمن نامنه آینده، واجنده، ”از هَ مسیح موعود اِسم “ و پر آدمان گمراه کَرِنده. 7وختی جنگان خبره اَشنوا و جنگان شایعه شاما گوش آرسه، تشویش مبا. اِم چییه گه اتفاق دگننده، ولی اِم حلا آخر دنیا نیه. 8چون قومی علوده قومه سر و مملکتی علوده مملکت سر جنگ کرنده. و قحطی و دیمَه لَرزه مختلف یاگا آنک آیه. امّا اِمه همه فقط زَندَنه داجه شروعه که داجان فاصله کمتر و کمتر بینده.

9«ولی شاما اِشتن ویراجین ببا، چونکه اَوان شاما محکمه تحویل دَینده و یهودیان عبادتگاهانک شاما زننده. شاما چِمن واسنه، والیان و پادشاهان حضورک وندرا تا چَوان پرانک شهادت بدیا. 10اول گَه خدا پادشاهی شاده خبر همه‌ی قومان را اعلام بیبی. 11هر وقت شاما گیرنده و برنده محکمه، نگران مبا که گه چِه باجا، بلکم هر چی که شاما عطا بیبی، اَوه باجا؛ چون شاما نیِران که لاوَه کرا، بلکم خدا مقدسه روحه که لاوَه کره. 12برا، اِشتن برا و په، اِشتن خُردَنه مرگ تسلیم کَره. خُردنه اِشتن پیر مار ضد هیزنده، و اَوان کوشتن دَینده. 13همه‌ی مردم چِمن نامه واسنه شاماک بیزار بینده. امّا هر کسی که تا آخر تو بوعره، نجات پیدا کره.

14«امّا وختی اَ ’ویرانه کرار زشت و نجسه‘ اَ یاگایی که گه مبی، بینا ، اَ موقع اَوه ای که یهودیه منطقک اِسنده، دِوزنده کوهان را؛ 15و اَ کسی که کییه بانه سرک بیبی، چیی اَکَتَنه را، جیر مایه و کییه دله مَشی؛ 16و اَ کسی که زمین سرک بیبی، اِشتن قبا اَکَتنه را آمَگَرده کییه. 17وای به حال زلیانی که اَ روجانک اِوِرنده و اَ زلیانی که خُردن شت دینده! 18دعا بکرا که اِم اتفاقه زمسانک دمَگننده. 19چون ‌ اَ روجانک ایزنه مصیبتی اتفاق دگنِه که چَه شوار خلقت اولنه که خدا خلق کرده تا اِسا اتفاق دگسَه نی و هرگزین اتفاق دنگنه. 20و اگم خداوند اَ روجانش کوتاه کرده نبه، هیچ بشری جان سالم به در نبرده، امّا اِشتن انتخاب بییاران واسِنه، که اِشتن اَوانش انتخاب کردنده، خداوند اَ روجانش کوتاه کردنده. 21اَ موقعک، اگم کسی شاما نه باجه : ”دیَس، مسیح موعود اِنگاره“، یا ”دییَس، اَو اَگاریه!“ باور مکرا. 22چون دروعین مسیحان و دروعین پیغَمبره هِیزنده، نشانه هانی آورند و معجزانی کرنده که اگم بتاننده، انتخاب بیاران نی گمراه بکرنده. 23پس ویراجیین ببا، چون پرانتر، همه‌ی اِمم شاما نه باتنده.

24«امّا اَ روجانک، اَ مصیبته پَش،

«”اُفتوعه تاریک آبییه

و مانگ نی دَ نور ندییه.

25آستارَه آسمانک جیگیننده

و اَ قدرتانی که آسمانش محکم نییا داشتنده لرزنده.“

26اَ موقع مردم انسان زا ویننده که پره قدرت و شکوه و جلالنه اَبران دلک آیِه. 27چاوش اَ، فرشتان خرسانه و دنیا چهار گوشَه نه، زمین اِم سَر نه تا آسمانه اَ سر، اِشتن انتخاب بییه ان بیدا آگیره.

28«اَنجیله دارک اِم درسه بیگیرا: وختی که چَه لاخهان تیشه بیزی و لیو آدینده، شاما البحل زانا که توسانه نزدیکا. 29ایزه نی، وقتی بینا که اِم اتفاقه دگننده، بزانا که انسان زا آمیین نزدیکه، بَره بنکه. 30حقیقتا، شامانه واجم، که تا همه‌‌ی اِم چیه اتفاق دمگننده، اِم نسل از بین نیشی. 31آسمان و زمین از بین شینده، امّا چِمن لاوَان هرگز از بین نیشینده.

اَ روج و اَ ساعته هیچکس نزانه

32«هیچکس اَ روج و ساعته نِزانه جز آسمانیه په؛ حتی آسمانه فرشته ان و زا نی اَوه نزاننده. 33پس ویراجین و آگا ببا، چون شاما نِزانا که اَ زمان کیی آرَسه. 34اَ روجه آمییَن، ایگله مردکی شواره که شییره سفره را. و اِشتن کییه اختیاره آدیِه اِشتن نوکران دس و هر کامینه ایگله وظیفه آدیِه و دربان نه نی دستور دیه آگا بِندره. 35پس شاما نی آگا ببا، چون نِزانا کییه صاحاب کی آیه، شَو یا نصفه شو، سوکوله خواندنه موقع یا تولیصبحی زو. 36مبادا که اَ ایرادن بایه و شاما خونک بینه. 37اَ چی ای که شامانه واجم، هماننه واجم: آگا ببا!»

നിലവിൽ തിരഞ്ഞെടുത്തിരിക്കുന്നു:

انجیل مرقس 13: TIT

ഹൈലൈറ്റ് ചെയ്യുക

പങ്ക് വെക്കു

പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

@ 2024 Korpu Company

کتاب مقدس به زبان تاتی - گویش لرد നെക്കുറിച്ച് കൂടുതലറിയുക