انجیل مرقس 11
11
عیسی ایگله شاه شوار دیشی اورشلیم دله
1وختی آرسسنده به بِیت‌فاجی و بِیت‌عَنْیا دهان که اورشلیم شهر نزدیکیک و زیتونه کوک بنده، عیسی دو گله اِشتن شاگردش بِخِرسانسنده 2و اَوانه بِاتشه: «بِشا، اَ دِهی که شاما پَرانِکه. اَدمی که شا دِه دِله، البحل، ایگله خر کره ای دِوَسه وینا که تا اُورجین روج هیچ کسی چَوه سر دِنشته نی. اَوه آکَراه و بوعرا. 3اگم کسی شاماکش آپرسسه: ”چیه را ایزه کردرا؟“ باجا: ”خداوند اَوه لازم داره و البحل اَوه آگاردانا یا.“» 4اَ دو نفر بِشنده و برک، ایگله کوچه‌ای کی خره‌کرشان بینده که بَره وَرکشان دوسته بیا. پس اَوِشانه آکردا. 5بعضی از کسانی که اَگا وِندَرسه بِنده اَوانکشان آپرسسه: «چیه را خره کُره آکردرا؟» 6اَ دو نفر اَجوره که عیسی اَوانه واتش به، جواو آداشانه؛ پس اَوان اجازشان آدا بِیشینده. 7شاگردان خره‌کُره شانه بوعردا عیسی وَر، اِشتن خَلوشان اَرنده خَرَه کُره سرک، و عیسی اَوه دنشت. 8پِره کسه مردمک نی اِشتن خلوعشان راه سرک جیکرده و بعضی نی اَ دویر و بره زمینک، دارانک، لیو دارَه لاخه انشان، برییه به و را سرک جیکردشانه. 9کسانی که عیسی پرانِنَه شیردنده و مردمی که چَوه پَشدنه آمیردنده، جرنَه واتردشانه:
«نجات بِده!»
«مبارک اِسه اَ کسی که خداونده نامنه آیه!»
10«مبارک اِسه چاما جد، داوودِه پادشاهی آمیین!»
«نجات عرش برینک!»
11پس عیسی بامه اورشلیم و بشه معبد. اِشتن دویر و بره همه چیش دییشته، امّا چون دیر بِه اَ دونزده شاگرده همراه بشه بِیت‌عَنْیا ده.
عیسی انجیله داره لعنت کره
12صباینه روج، وقتی اَوه بِیت‌عَنْیا نه برامنده بر، عیسی وشیرش بِه. 13عیسی دورنه ایگله انجیله داری بیندشه که لیوش داشته؛ پس بشه تا بینه تانسر دارک اَنجیل بینه یا نه. وختی داره نزدیک آبه، لیو غیراز دارک چی ای نیویندشه، چون هلا انجیل فصل نِبه. 14عیسی اَ دارنه باتشه: «د هرگز کسی تِک میوه ای مَخره!» چَوه شاگرده اِمشان بَشنوِس.
عیسی معبده دلک
15وختی آرَسسنده اورشلیم، عیسی بِشه معبده دله و کسانی که معبدک خِرییردشانه و خورتردشانه، برکردشنده. عیسی، صرافان میزش اَوگاردنسه و کوتر خروشان بساطش هندیگر بیزی. 16و اجازه نداشه کسی باره جا به جا کردنه را معبد صَحن نه اِوَره. 17چاوش اَوانش تعلیم آدا و باتشه: «مگم مقدسه نیویشته انک نویشته بییه نییه که،
«” چِمن کییه نه واجنده دعا کییه همه ی ملّتان را “ ؟
امّا شاما اَوه ران ’دزان لانه‘ رچ آکرده.»
18سران کاهنان و تورات معلمین اِمشان بشنوس و رایی پَشه گرسردنده که عیسی نابود بکرنده، چون اَوک ترسردنده، چون که همه‌ي جماعت چوه تعالیمانک مات بنده. 19وختی نمسیر بِبه، عیسی و شاگرده شهرنه بَرشنده بر.
انجیله داره خشک بیینه درس
20تولیصیبی، راک، هَ انجیله دارشانه بیندا که ریشه نه خشک بییه بیا. 21پِطرُس ماجراش ویر بوعردِه و عیسی نه باتشه: «استاد، دیس! انجیله داری که ته نفرین بکردا، خشک آبیا.» 22عیسی جواو بداشه: «خدا ایمان بدارا. 23حقیقتا، شامانه واجم، هر کسی اِم کوه نه باجه، ”یاگاک بَرا، دریاک دگن،“ و اِشتن دلک شک مکره بلکم ایمان بِداره که اَ چی ای که واجه اتفاق دگنه، چَوه را انجام بی. 24پس شامانه واجم، هر چی دعاک بگورانه، ایمان بدارا که اَوه ران اَرَکته، و اَ شاما کین بی.
25«هر وقت دعا کرا، اگم شاما دِلِک، کسیک چی ای دارا، اَوه ببخشا تا شاما آسمانیه پِه، شاما خطاهان ببخشه. 26امّا اگم شاما مبخشا، شاما آسمانیه په نی، شاما خطاهان نبخشه.»
عیسی حق و اقتدار
27اَوه هنی بامنده اورشلیم. وقتی که عیسی معبدک مترده، سران کاهنان و تورات معلمین و شیخان بامنده عیسی وَر، 28و باتشانه: «کامین حقنه اِم کاران کری؟ کی اِم کاران انجام دیینه حقش ته آدییَه؟» 29عیسی اَوانه باتشه: «اَز نی شاماک سوالی دارم. چِمن جواو آدَیا، از نی شامانه باجم کامین حقه نه اِم کاران کَرم. 30غسل تعمیدی که یحیی آدسشه خدا طرف نه به یا انسان؟ جواو آدَیا.» 31اَوان اِشتن ور بحثشان بکه، باتشانه: «اگم باجام، ” خدا طرف نه به“، عیسی واجه، ”پس چیه را اَوران ایمان ناورده“ 32ولی اگم باجام، ”انسان طرف نه به“…» - اَوان مردمک ترسردنده، چون همه یحیی شان ایگله واقعیه پیغَمبر زانسَرده. 33پس عیسی جواوک باتشانه: «آما نزانام.» عیسی نی باتشه: «از نی شامانه نواجم چه حقیینه اِم کاران کَرم.»
നിലവിൽ തിരഞ്ഞെടുത്തിരിക്കുന്നു:
انجیل مرقس 11: TIT
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company
انجیل مرقس 11
11
عیسی ایگله شاه شوار دیشی اورشلیم دله
1وختی آرسسنده به بِیت‌فاجی و بِیت‌عَنْیا دهان که اورشلیم شهر نزدیکیک و زیتونه کوک بنده، عیسی دو گله اِشتن شاگردش بِخِرسانسنده 2و اَوانه بِاتشه: «بِشا، اَ دِهی که شاما پَرانِکه. اَدمی که شا دِه دِله، البحل، ایگله خر کره ای دِوَسه وینا که تا اُورجین روج هیچ کسی چَوه سر دِنشته نی. اَوه آکَراه و بوعرا. 3اگم کسی شاماکش آپرسسه: ”چیه را ایزه کردرا؟“ باجا: ”خداوند اَوه لازم داره و البحل اَوه آگاردانا یا.“» 4اَ دو نفر بِشنده و برک، ایگله کوچه‌ای کی خره‌کرشان بینده که بَره وَرکشان دوسته بیا. پس اَوِشانه آکردا. 5بعضی از کسانی که اَگا وِندَرسه بِنده اَوانکشان آپرسسه: «چیه را خره کُره آکردرا؟» 6اَ دو نفر اَجوره که عیسی اَوانه واتش به، جواو آداشانه؛ پس اَوان اجازشان آدا بِیشینده. 7شاگردان خره‌کُره شانه بوعردا عیسی وَر، اِشتن خَلوشان اَرنده خَرَه کُره سرک، و عیسی اَوه دنشت. 8پِره کسه مردمک نی اِشتن خلوعشان راه سرک جیکرده و بعضی نی اَ دویر و بره زمینک، دارانک، لیو دارَه لاخه انشان، برییه به و را سرک جیکردشانه. 9کسانی که عیسی پرانِنَه شیردنده و مردمی که چَوه پَشدنه آمیردنده، جرنَه واتردشانه:
«نجات بِده!»
«مبارک اِسه اَ کسی که خداونده نامنه آیه!»
10«مبارک اِسه چاما جد، داوودِه پادشاهی آمیین!»
«نجات عرش برینک!»
11پس عیسی بامه اورشلیم و بشه معبد. اِشتن دویر و بره همه چیش دییشته، امّا چون دیر بِه اَ دونزده شاگرده همراه بشه بِیت‌عَنْیا ده.
عیسی انجیله داره لعنت کره
12صباینه روج، وقتی اَوه بِیت‌عَنْیا نه برامنده بر، عیسی وشیرش بِه. 13عیسی دورنه ایگله انجیله داری بیندشه که لیوش داشته؛ پس بشه تا بینه تانسر دارک اَنجیل بینه یا نه. وختی داره نزدیک آبه، لیو غیراز دارک چی ای نیویندشه، چون هلا انجیل فصل نِبه. 14عیسی اَ دارنه باتشه: «د هرگز کسی تِک میوه ای مَخره!» چَوه شاگرده اِمشان بَشنوِس.
عیسی معبده دلک
15وختی آرَسسنده اورشلیم، عیسی بِشه معبده دله و کسانی که معبدک خِرییردشانه و خورتردشانه، برکردشنده. عیسی، صرافان میزش اَوگاردنسه و کوتر خروشان بساطش هندیگر بیزی. 16و اجازه نداشه کسی باره جا به جا کردنه را معبد صَحن نه اِوَره. 17چاوش اَوانش تعلیم آدا و باتشه: «مگم مقدسه نیویشته انک نویشته بییه نییه که،
«” چِمن کییه نه واجنده دعا کییه همه ی ملّتان را “ ؟
امّا شاما اَوه ران ’دزان لانه‘ رچ آکرده.»
18سران کاهنان و تورات معلمین اِمشان بشنوس و رایی پَشه گرسردنده که عیسی نابود بکرنده، چون اَوک ترسردنده، چون که همه‌ي جماعت چوه تعالیمانک مات بنده. 19وختی نمسیر بِبه، عیسی و شاگرده شهرنه بَرشنده بر.
انجیله داره خشک بیینه درس
20تولیصیبی، راک، هَ انجیله دارشانه بیندا که ریشه نه خشک بییه بیا. 21پِطرُس ماجراش ویر بوعردِه و عیسی نه باتشه: «استاد، دیس! انجیله داری که ته نفرین بکردا، خشک آبیا.» 22عیسی جواو بداشه: «خدا ایمان بدارا. 23حقیقتا، شامانه واجم، هر کسی اِم کوه نه باجه، ”یاگاک بَرا، دریاک دگن،“ و اِشتن دلک شک مکره بلکم ایمان بِداره که اَ چی ای که واجه اتفاق دگنه، چَوه را انجام بی. 24پس شامانه واجم، هر چی دعاک بگورانه، ایمان بدارا که اَوه ران اَرَکته، و اَ شاما کین بی.
25«هر وقت دعا کرا، اگم شاما دِلِک، کسیک چی ای دارا، اَوه ببخشا تا شاما آسمانیه پِه، شاما خطاهان ببخشه. 26امّا اگم شاما مبخشا، شاما آسمانیه په نی، شاما خطاهان نبخشه.»
عیسی حق و اقتدار
27اَوه هنی بامنده اورشلیم. وقتی که عیسی معبدک مترده، سران کاهنان و تورات معلمین و شیخان بامنده عیسی وَر، 28و باتشانه: «کامین حقنه اِم کاران کری؟ کی اِم کاران انجام دیینه حقش ته آدییَه؟» 29عیسی اَوانه باتشه: «اَز نی شاماک سوالی دارم. چِمن جواو آدَیا، از نی شامانه باجم کامین حقه نه اِم کاران کَرم. 30غسل تعمیدی که یحیی آدسشه خدا طرف نه به یا انسان؟ جواو آدَیا.» 31اَوان اِشتن ور بحثشان بکه، باتشانه: «اگم باجام، ” خدا طرف نه به“، عیسی واجه، ”پس چیه را اَوران ایمان ناورده“ 32ولی اگم باجام، ”انسان طرف نه به“…» - اَوان مردمک ترسردنده، چون همه یحیی شان ایگله واقعیه پیغَمبر زانسَرده. 33پس عیسی جواوک باتشانه: «آما نزانام.» عیسی نی باتشه: «از نی شامانه نواجم چه حقیینه اِم کاران کَرم.»
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
@ 2024 Korpu Company