Psalms 1
1
1အပြစ်ဒုစရိုက်သမားတို့၏ အကြံဉာဏ်အတိုင်း လိုက်၍မလျှောက်ကြသူများ၊ အပြစ်ဒုစရိုက်သမားတို့၏လမ်းတွင် ရပ်နေခြင်းမရှိကြသူများနှင့် လှောင်ပြောင်၍ ပြက်ရယ်ပြုတတ်ကြသောသူများ စုဝေးရာအရပ်၌ မထိုင်ကြသူများသည် 2ဘုရားရှင်၏ တရားတော်၌ မွေ့လျော်၍ ထိုတရားတော်အား နေ့ညမပြတ် ဆင်ခြင်အောက်မေ့ကြသူများဖြစ်၍ ထိုသူတို့သည် မင်္ဂလာရှိကြ၏။ 3ထိုသူတို့သည် ရေစီးသောချောင်းအနီးတွင် စိုက်ပျိုးထားပြီး အချိန်တန်သည့်အခါ အသီးသီး၍ အရွက်များ ညှိုးနွမ်းခြောက်သွေ့ခြင်းမရှိသည့် အပင်များနှင့်တူ၏။ ထိုသူတို့သည် ပြုလုပ်ဆောင်ရွက်သမျှသော အရာအားလုံး၌ အောင်မြင်တတ်ကြ၏။ 4အပြစ်ဒုစရိုက် ပြုကြသူတို့မူကား ထိုကဲ့သို့ မဟုတ်ပေ။ လေတိုက်ရာသို့ လွင့်ပါသွားကြသည့် ဖွဲခွံများနှင့် တူကြ၏။ 5ထို့ကြောင့် အပြစ်ဒုစရိုက်ပြုကြသူတို့သည် တရားစီရင်တော်မူရာ ကာလ၌လည်းကောင်း၊ ဖြောင့်မတ်မှန်ကန်သူတို့အကြားတွင်လည်းကောင်း ရပ်တည်နိုင်ကြမည် မဟုတ်ပေ။ 6အကြောင်းမူကား ဘုရားရှင်သည် ဖြောင့်မတ်သူတို့၏လမ်းကို သိတော်မူ၏။ အပြစ်ဒုစရိုက်ပြုကြသူတို့၏ လမ်းသည်ကား ပျက်စီးသွားမည်ဖြစ်သည့်အတွက်ကြောင့် ဖြစ်၏။
നിലവിൽ തിരഞ്ഞെടുത്തിരിക്കുന്നു:
Psalms 1: TPV-RV
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.