Aba Levi 2
2
Ivyakwiyipa ivya busu
1“ ‘Nanti umuntu akubika ichakwiyipa icha busu kwa Mwene, chibanje cha busu ubutinye nkani. Abunyafile ubusu bula na mafuta, sona nu twakununkila, 2po abape abamunyumba iya Aloni, babo baputi. Umuputi atapepo ichikufi icha busu ubutinye bula na mafuta poka nu twakufukizya utwakununkila tosi, nukuvyocha pachighemo pakuba chikumbusyo kwa Mwene. Umunusi uwa chakwiyipa chinichi ghukumuhobosya u Mwene. 3Ubusu ubwakusyalapo bubanje bwa Aloni na bana bache. Ichi cho chigaba ichizelu nkani, pachifukwa ichakuti chatapiwa bulo pa chakwiyipa ichakocha, chicho chabikiwa kwa Mwene.
4“ ‘Nanti ukubika ichakwiyipa icha chibama ichakupiyiwa musonta, chibanje chibama chicho chite ni chilungo icha busu ubutinye ubwakongannya na mafuta, pamo vibanje vitumbuwa vivyo vite ni chilungo ivyakupakiwa na mafuta. 5Nanti ichakwiyipa chako icha busu chakukazingiwa, chibanje chibama chicho chite ni chilungo cha busu ubutinye ubwakongannya na mafuta. 6Uchimenyannye nukuchipaka amafuta ukuti chibanje chakwiyipa cha busu. 7Nanti ichakwiyipa chako cho chibama chicho chipiyiwe musonta, chibanje chibama icha busu ubutinye ubwakongannya na mafuta. 8Po wize ni chakwiyipa chila kwa Mwene nukumupa umuputi, po umuputi yulayula ize nacho pachighemo. 9Umuputi yula asendeko ichigaba chimo icha chakwiyipa chila pakuba chikumbusyo kwa Mwene, po achoche pachighemo. Umunusi uwa chakwiyipa chinichi ghukumuhobosya u Mwene. 10Ubusu ubwakusyalapo bubanje bwa Aloni na bana bache. Ichi cho chigaba ichizelu nkani, pachifukwa ichakuti chatapiwa bulo pa chakwiyipa ichakocha, chicho chabikiwa kwa Mwene.
11“ ‘Ichakwiyipa chosi icha busu chicho ukwiza nacho kwa Mwene chitakabanje ni chilungo, pachifukwa ichakuti utabaghiye pakubika kwa Mwene ichakwiyipa ichakocha icha chilungo pamo icha buchi. 12Ungiza navyo kwa Mwene ukuti vibanje chakwiyipa chako icha vikomwa ivyakwanda pakwinula, loli utakavyoche ukuti vibanje vyakwiyipa ivya munusi ghugho ghukumuhobosya u Mwene. 13Ulungaye imbeya ivyakwiyipa vyako vyosi ivya busu, pakuti imbeya yikwimilila ulufingo lulo luli pakasi pa amwe nu Chala winyu. Ulungaye imbeya ivyakwiyipa vyako vyosi ivya busu.
14“ ‘Nanti ukubika kwa Mwene ichakwiyipa icha vikomwa ivyakwanda pakwinula, yibanje mbeyu impya iyakusya iyakukazingiwa pamoto. 15Upungulilepo amafuta nu twakufukizya utwakununkila ukuti chibanje chakwiyipa icha busu. 16Umuputi oche ichigaba icha mbeyu impya iyakusya yila, na mafuta poka nutwakufukizya utwakununkila ukuti chibanje chikumbusyo kwa Mwene.
നിലവിൽ തിരഞ്ഞെടുത്തിരിക്കുന്നു:
Aba Levi 2: LMB2024
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Lambya Bible © Bible Society of Malawi, 2024.