Тархъанлъи 3
3
Мусаги кӀалъалеб хъарахъги
1Муса вукӀана жиндирго вакьад, Мидяналъул кашиш, Итрол#3:1 Итро – Регуэлил цоги батӀияб цӀар. гӀи хьихьун. ГӀиял рехъенги бачун гьев цо нухалда рикӀкӀада бугеб гӀалахалде ана ва Аллагьасул МегӀер Хоривалда аскӀове щвана. 2Гьениб зазил хъархъида рекӀараб цӀадул сипаталда БЕТӀЕРГЬАНАСУЛ Малаик рещтӀана гьесухъе. Муса балагьула – хъарахъ цӀадуца бухӀулеб букӀуна, амма бухӀун лъугӀуларо. 3Мусаца пикру гьабуна:
«Халгьабизин цо гьаб кӀудияб хӀикматалъухъ, цӀа рекӀараб хъарахъ щай бухӀун лъугӀуларебали бихьизе».
4БЕТӀЕРГЬАНАСДА бихьана гьев гьелъухъ валагьизе вачӀунев вукӀин, ва хъархъида жанисан Аллагьас гьесде ахӀана:
«Муса! Муса!» – ян.
Гьес жаваб кьуна: «Гьале дун!» – ин.
5Аллагьас абуна: «ГьанивегӀан вачӀунге! Хьитал тӀаса рахъе, щайгурелъул дуца хӀетӀе чӀараб бакӀ хирияб бакӀ ккола. 6Дун вуго дур умумузул Аллагь – Ибрагьимилги, ИсхӀакъилги, Якъубилги Аллагь».
Гьебмехалъ Мусаца жиндирго гьумер бахчана, Аллагьасда берчӀвазе хӀинкъун#3:6 Аллагьасда берчӀвазе хӀинкъун – НекӀсияб КъотӀиялъул малъа-хъваялда рекъон, Аллагьасул гьумер бихьарав чи чӀаго хутӀуларо (бал. 33:20; Къад. 6:22; 13:22)..
7БЕТӀЕРГЬАНАС абуна:
«Дида цебего бихьулеб буго Мисриялда бугеб Дир халкъалъул къварилъи, ва Дида рагӀулеб буго зулмучагӀазул кверщаликь ругел гьезул угьди-зигарди! Дида лъала гьезие бугеб гӀазаб.
8Гьанже Дун вачӀун вуго мисриязул кверщаликьа гьел тархъан гьаризе ва гьезул ракьалдаса гьел нахъе рачине. Дица Дирго халкъ бачина лъикӀаб ва гӀатӀидаб, рахьги гьоцӀоги чвахулеб ракьалде – ханааниязул, хитиязул, амориязул, перизиязул, хивиязул ва евусиязул ракьалде. 9Дида рагӀун бугелъул ГӀизраилил халкъалъул угьди: Дида бихьана мисрияз гьезие гьабулеб бугеб вахӀшияб зулму. 10Гьединлъидал Дица мун витӀулев вуго пиргӀавнасухъе. Гьанже мун а, ва Мисриялдаса къватӀибе баче Дир халкъ – ГӀизраилил наслу!»
11Мусаца Аллагьасда абуна:
«Щив чи кколев дун, пиргӀавнасухъеги ун, дица ГӀизраилил халкъ Мисриялдаса къватӀибе бачине ккани?»
12Аллагьас абуна:
«Дун вукӀине вугелъул дуда цадахъ. Гьале мун Дица витӀун вукӀиналъе дуе гӀаламат: Мисриялдаса дуца халкъ къватӀибе бачун хадуб, нужеца Аллагьасе тӀагӀат-гӀибадат гьабе гьале гьаб мегӀералда#3:12 Гьеб буго Синай мегӀер. тӀад».
Аллагьас Мусада жиндирго цӀар бицин
13Цинги Мусаца Аллагьасда абуна: «Гьале, вачӀина дун ГӀизраилил халкъалъухъе, ва Дица гьезда абила: „Нужер умумузул Аллагьас витӀана дун нужехъе“, – ян. Гьезин абуни, цӀехела дида: „ЦӀар щиб Гьесда?“ – ян. Щибилан дица гьезда абилеб?»
14Аллагьас Мусада абуна:
«ДУН ккола – ДУН ВУГЕВ. Гьедин абе дуца ГӀизраилил халкъалда: „ДУН ВУГЕВ“ абун цӀар бугес витӀана дун нужехъе», – ян.
15ТӀадеги абуна Аллагьас Мусада:
«ГӀизраилил халкъалда гьадин абе: „Нужер умумузул БЕТӀЕРГЬАН#3:15 БЕТӀЕРГЬАН – жугьутӀ мацӀалда, ЙГЬВГЬ. Гьаб цӀаралъул магӀна кколин абула: «Гьев ВУГО», ялъуни «ВУГЕВ» – «Гьев ВукӀана, Вуго, ВукӀинеги вуго» абураб магӀнаялда. Гьаниб Аллагьас Мусае дагь-дагьккун рагьулеб буго Жиндирго цӀар (бал 3:14). Гьаб цӀаралдалъун Аллагь нилъеда вихьула абадияв ва хисуларев вукӀин ва инсанасул гӀумруялде кӀвар кьолевлъунги вукӀин. Аллагьас – Ибрагьимил, ИсхӀакъил ва Якъубил Аллагьас – витӀана дун нужехъе. Гьеле абадиялъего бугеб ва гӀелаз гӀелазухъе кьезе бугеб Дир цӀар“.
16Инеги ун, ГӀизраилалъул кӀудиял чагӀи данде ракӀаре ва гьезда абе: „Нужер умумузул БЕТӀЕРГЬАН Аллагь – Ибрагьимил, ИсхӀакъил ва Якъубил Аллагь – загьирлъана дие, ва Гьес абуна дида: ‘Дица мухӀканго хал гьабуна ва Дида бихьана Мисриялда нужее гьабулеб бугебщинаб. 17Гьале Дир амру, Дица нуж тархъан гьарила Мисриялъул зулмуялдаса ва рачина рахьги гьоцӀоги чвахулеб, ханааниязул, хитиязул, амориязул, перизиязул, хивиязул ва евусиязул ракьалде’“. 18Гьел дур рагӀухъ гӀенеккизе руго. Цинги мун, рачун цадахъ гӀизраилазул церехъабигун, ина Мисриялъул пачаясухъе, ва гьесда нужеца гьадин абила: „ЖугьутӀазул БЕТӀЕРГЬАН Аллагь вачӀана нижехъе. Лъабго къойил нух тун авлахъалде ине риччай ниж, нижер БЕТӀЕРГЬАН Аллагьасе къурбанал гьаризе“. 19Амма Дида лъала Мисриялъул пачаяс, Дир къуват-гуч бихьун хадубцин, нужее гьениса нахъе ине изну кьезе гьечӀолъи! 20Гьединлъидал Дица Дирго квер борхила Мисриялда данде ва кидаго рихьа-рагӀичӀел мугӀжизатаздалъун гъура-чункила гьеб. Гьелдаса хадуб гьес нуж риччан тезе руго. 21Дицаги мисриязул ракӀал ритӀизарила нужедехун, гьединлъидал, гьениса нахъе унелъул нуж хьвагӀун квералгун ине гьечӀо; 22щияй чӀужугӀаданалъ жиндирго мадугьалалда ва гьелъул рокъор чӀарал цоги руччабазда гьарун кьезаре меседалъулги гӀарцулги тӀагӀелал ва ретӀел-кун: гьел нужерго ясаздаги васаздаги тӀад ретӀе. Гьеб къагӀидаялъ кӀудияб давлагун ина нуж Мисриялдаса нахъе».
നിലവിൽ തിരഞ്ഞെടുത്തിരിക്കുന്നു:
Тархъанлъи 3: АварАК
ഹൈലൈറ്റ് ചെയ്യുക
പങ്ക് വെക്കു
പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023
Тархъанлъи 3
3
Мусаги кӀалъалеб хъарахъги
1Муса вукӀана жиндирго вакьад, Мидяналъул кашиш, Итрол#3:1 Итро – Регуэлил цоги батӀияб цӀар. гӀи хьихьун. ГӀиял рехъенги бачун гьев цо нухалда рикӀкӀада бугеб гӀалахалде ана ва Аллагьасул МегӀер Хоривалда аскӀове щвана. 2Гьениб зазил хъархъида рекӀараб цӀадул сипаталда БЕТӀЕРГЬАНАСУЛ Малаик рещтӀана гьесухъе. Муса балагьула – хъарахъ цӀадуца бухӀулеб букӀуна, амма бухӀун лъугӀуларо. 3Мусаца пикру гьабуна:
«Халгьабизин цо гьаб кӀудияб хӀикматалъухъ, цӀа рекӀараб хъарахъ щай бухӀун лъугӀуларебали бихьизе».
4БЕТӀЕРГЬАНАСДА бихьана гьев гьелъухъ валагьизе вачӀунев вукӀин, ва хъархъида жанисан Аллагьас гьесде ахӀана:
«Муса! Муса!» – ян.
Гьес жаваб кьуна: «Гьале дун!» – ин.
5Аллагьас абуна: «ГьанивегӀан вачӀунге! Хьитал тӀаса рахъе, щайгурелъул дуца хӀетӀе чӀараб бакӀ хирияб бакӀ ккола. 6Дун вуго дур умумузул Аллагь – Ибрагьимилги, ИсхӀакъилги, Якъубилги Аллагь».
Гьебмехалъ Мусаца жиндирго гьумер бахчана, Аллагьасда берчӀвазе хӀинкъун#3:6 Аллагьасда берчӀвазе хӀинкъун – НекӀсияб КъотӀиялъул малъа-хъваялда рекъон, Аллагьасул гьумер бихьарав чи чӀаго хутӀуларо (бал. 33:20; Къад. 6:22; 13:22)..
7БЕТӀЕРГЬАНАС абуна:
«Дида цебего бихьулеб буго Мисриялда бугеб Дир халкъалъул къварилъи, ва Дида рагӀулеб буго зулмучагӀазул кверщаликь ругел гьезул угьди-зигарди! Дида лъала гьезие бугеб гӀазаб.
8Гьанже Дун вачӀун вуго мисриязул кверщаликьа гьел тархъан гьаризе ва гьезул ракьалдаса гьел нахъе рачине. Дица Дирго халкъ бачина лъикӀаб ва гӀатӀидаб, рахьги гьоцӀоги чвахулеб ракьалде – ханааниязул, хитиязул, амориязул, перизиязул, хивиязул ва евусиязул ракьалде. 9Дида рагӀун бугелъул ГӀизраилил халкъалъул угьди: Дида бихьана мисрияз гьезие гьабулеб бугеб вахӀшияб зулму. 10Гьединлъидал Дица мун витӀулев вуго пиргӀавнасухъе. Гьанже мун а, ва Мисриялдаса къватӀибе баче Дир халкъ – ГӀизраилил наслу!»
11Мусаца Аллагьасда абуна:
«Щив чи кколев дун, пиргӀавнасухъеги ун, дица ГӀизраилил халкъ Мисриялдаса къватӀибе бачине ккани?»
12Аллагьас абуна:
«Дун вукӀине вугелъул дуда цадахъ. Гьале мун Дица витӀун вукӀиналъе дуе гӀаламат: Мисриялдаса дуца халкъ къватӀибе бачун хадуб, нужеца Аллагьасе тӀагӀат-гӀибадат гьабе гьале гьаб мегӀералда#3:12 Гьеб буго Синай мегӀер. тӀад».
Аллагьас Мусада жиндирго цӀар бицин
13Цинги Мусаца Аллагьасда абуна: «Гьале, вачӀина дун ГӀизраилил халкъалъухъе, ва Дица гьезда абила: „Нужер умумузул Аллагьас витӀана дун нужехъе“, – ян. Гьезин абуни, цӀехела дида: „ЦӀар щиб Гьесда?“ – ян. Щибилан дица гьезда абилеб?»
14Аллагьас Мусада абуна:
«ДУН ккола – ДУН ВУГЕВ. Гьедин абе дуца ГӀизраилил халкъалда: „ДУН ВУГЕВ“ абун цӀар бугес витӀана дун нужехъе», – ян.
15ТӀадеги абуна Аллагьас Мусада:
«ГӀизраилил халкъалда гьадин абе: „Нужер умумузул БЕТӀЕРГЬАН#3:15 БЕТӀЕРГЬАН – жугьутӀ мацӀалда, ЙГЬВГЬ. Гьаб цӀаралъул магӀна кколин абула: «Гьев ВУГО», ялъуни «ВУГЕВ» – «Гьев ВукӀана, Вуго, ВукӀинеги вуго» абураб магӀнаялда. Гьаниб Аллагьас Мусае дагь-дагьккун рагьулеб буго Жиндирго цӀар (бал 3:14). Гьаб цӀаралдалъун Аллагь нилъеда вихьула абадияв ва хисуларев вукӀин ва инсанасул гӀумруялде кӀвар кьолевлъунги вукӀин. Аллагьас – Ибрагьимил, ИсхӀакъил ва Якъубил Аллагьас – витӀана дун нужехъе. Гьеле абадиялъего бугеб ва гӀелаз гӀелазухъе кьезе бугеб Дир цӀар“.
16Инеги ун, ГӀизраилалъул кӀудиял чагӀи данде ракӀаре ва гьезда абе: „Нужер умумузул БЕТӀЕРГЬАН Аллагь – Ибрагьимил, ИсхӀакъил ва Якъубил Аллагь – загьирлъана дие, ва Гьес абуна дида: ‘Дица мухӀканго хал гьабуна ва Дида бихьана Мисриялда нужее гьабулеб бугебщинаб. 17Гьале Дир амру, Дица нуж тархъан гьарила Мисриялъул зулмуялдаса ва рачина рахьги гьоцӀоги чвахулеб, ханааниязул, хитиязул, амориязул, перизиязул, хивиязул ва евусиязул ракьалде’“. 18Гьел дур рагӀухъ гӀенеккизе руго. Цинги мун, рачун цадахъ гӀизраилазул церехъабигун, ина Мисриялъул пачаясухъе, ва гьесда нужеца гьадин абила: „ЖугьутӀазул БЕТӀЕРГЬАН Аллагь вачӀана нижехъе. Лъабго къойил нух тун авлахъалде ине риччай ниж, нижер БЕТӀЕРГЬАН Аллагьасе къурбанал гьаризе“. 19Амма Дида лъала Мисриялъул пачаяс, Дир къуват-гуч бихьун хадубцин, нужее гьениса нахъе ине изну кьезе гьечӀолъи! 20Гьединлъидал Дица Дирго квер борхила Мисриялда данде ва кидаго рихьа-рагӀичӀел мугӀжизатаздалъун гъура-чункила гьеб. Гьелдаса хадуб гьес нуж риччан тезе руго. 21Дицаги мисриязул ракӀал ритӀизарила нужедехун, гьединлъидал, гьениса нахъе унелъул нуж хьвагӀун квералгун ине гьечӀо; 22щияй чӀужугӀаданалъ жиндирго мадугьалалда ва гьелъул рокъор чӀарал цоги руччабазда гьарун кьезаре меседалъулги гӀарцулги тӀагӀелал ва ретӀел-кун: гьел нужерго ясаздаги васаздаги тӀад ретӀе. Гьеб къагӀидаялъ кӀудияб давлагун ина нуж Мисриялдаса нахъе».
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023