Тархъанлъи 2
2
Муса гьавиялъул хӀакъалъулъ
1Левийил кьибилалъул цо кинавалиго чияс гьебго кьибилалъул гӀадан лъадилъун ячана. 2Гьей гӀаданалъул ургьибе лъимер ккана ва гьелъ вас гьавуна. Вас кутакалда берцинав вукӀинги бихьун, гьелъ гьев лъабго моцӀалъ вахчана. 3Амма тӀокӀалъги гьев вахчизе рес къотӀидал, гьелъ муцӀидул гьабураб гьегь босана ва гьелда хъилги пицӀги бахана. Цинги гьениб жаниб лъуна жиндирго лъимер ва гьегь гӀурул рагӀалда муцӀидулъ лъуна. 4Гьесул яцин абуни, дагьай доегӀанги чӀун, гьеб киналъулго щибдай ккелаян балагьун йикӀана. 5Гьеб мехалда пиргӀавнасул яс ячӀана гӀурул рагӀалде чвердезе, жиндирго гъаравашалгун цадахъ. МуцӀиялда гьоркьоб бугеб гьегь бихьана гьелда, ва гьелъ жиндирго гъараваш йитӀана гьеб босизе. 6Жание яккидал, гьениб гьитӀинаб лъимер букӀин бихьана. Лъимер гӀодулеб букӀиндал, гьелда ракӀги гурхӀун, гьелъ абуна:
«Гьаб жугьутӀазул лъимер батила», – ян.
7Цинги лъимадул яцалъ пиргӀавнасул ясалда абуна: «Дуе гьеб лъимер хахизабизе цо жугьутӀай ялагьизе ун лъикӀ гуродай дун?» – ин.
8ПиргӀавнасул ясалъ абуна: «ЛъикӀ буго, а», – ян.
Инеги ун, ясалъ лъимадул эбел ахӀун ячӀана. 9ПиргӀавнасул ясалъ гьелда абуна:
«Гьаб лъимер баче ва керенги кьун хьихье, дие букӀине. Дица гьелъухъ дуе мухь кьела», – ян.
Гьей гӀаданалъ лъимер жиндихъего бачана ва, керенги кьун, хьихьана. 10Вас кӀудияв гӀедал, гьелъ гьев пиргӀавнасул ясалъухъе щвезавуна, гьелъги гьев жиндирго васлъун хьихьана.
«Дица лъадалъа къватӀиве вахъана гьав», – инги абун, пиргӀавнасул ясалъ гьесие Муса#2:10 Муса – жугьутӀ мацӀалда, «Моше». Гьеб цӀар релълъуна «маша» абураб рагӀуда – гьелъул магӀна ккола «къватӀиве вахъизе» яги «къватӀиве цӀазе». абун цӀар кьуна.
Муса Мидяналъул ракьалде лъути
11Къоял ана, сонал сверана, Муса кӀудияв гӀуна. Цо къоялъ жиндирго вацазухъе жугьутӀазухъе вилълъана Муса ва гьесда бихьана гьез гьабулеб бугеб захӀматаб хӀалтӀи. Мисриязул цояс гьесул халкъцояв жугьутӀав вухулев вукӀин бихьана Мусада. 12Рахъ-рахъалде валагьана гьев ва, щивго чи сверухъ гьечӀеблъиги бихьун, гьес мисрияв чӀвана ва гьесул жаназа салулъ бахчана. 13Нахъисеб къоялъ къватӀиве вахъиндал, гьесда бихьана кӀиго жугьутӀав цоцалъ вагъулев; дандияв жиндица къварид гьавулесдехун гьес абуна: «Щай дуца дурго гьалмагъ вухулев?» – ин.
14Досги абуна: «Нижер тӀадчилъун ва диванчилъун лъица мун тарав? Мисриявго гӀадин, дунги чӀвазецин гурищ мун ургъулев вугев?» – ин.
Гьебмехалъ Муса хӀинкъана, ва гьес пикру гьабуна: «ХӀакъикъаталдаги, гьаб иш къватӀибе лъан буго», – ян.
15Гьеб ишалъул хӀакъалъулъ рагӀана пиргӀавнасдаги ва гьес Муса чӀвазе хӀукму къотӀана. Амма Муса пиргӀавнасдаса лъутун, Мидяналъул ракьалде ана ва гьениб цо гъуялда аскӀоб рещтӀен гьабуна. 16Мидяналъул кашишасул анкьго яс йикӀана. Гьел рачӀана гъуялъухъе ва жидерго инсул гӀи гьекъезе русби лъадал цӀезаризе лъугьана. 17Амма цогидал гӀухьби рачӀун, гьез гьел нахъе къотӀана. Гьебмехалъ Муса ясазе хӀалае вахъана ва гьезул гӀиги гьекъезабуна. 18Жидерго эмен Регуэлихъе тӀадруссиндал, гьес ясазда цӀехана:
«Кин нуж жакъа гьадин хехго рачӀарал?» – ин.
19Гьез абуна: «Ниж нахъе къотӀизе гӀухьби лъугьиндал, цо кинавалиго мисрияв нижее хӀалае вахъана, лъим баччизе ва гӀи гьекъезабизе нижее кумекцин гьабуна гьес», – ин.
20«Кивха гьев вугев? – ин цӀехана гьес ясазда. – Щай нужеца гьев дова тарав? Кваназе ахӀе дов».
21Муса разилъана гьев чиясул бакӀалда чӀезе, ва гьес Мусае жиндирго яс Ципораги лъадилъун кьуна. 22Гьелъ гьесие вас гьавуна, ва Мусаца гьесда Гершом#2:22 Гершом – гьаб цӀар релълъуна «гер» абураб рагӀуда ва гьелъул магӀнаги ккола «апараг» яги «къватӀисев». абураб цӀар лъуна, дун чияр ракьалда вугев апараг вугелъулинги абун.
23ГӀемераб заманалдасан Мисриялъул дов пача хвана. ХӀалтӀул бакӀлъиялъ гӀазаб-гӀакъубаялда, кумек гьарун угьдилеб букӀана ГӀизраилил халкъ ва гьезул угьди Аллагьасухъе щвана. 24Аллагьасда рагӀана гьезул угьди-зигарди, ва Аллагьасда ракӀалде щвана Ибрагьимилгун, ИсхӀакъилгун ва Якъубилгун гьабураб Жиндирго къотӀи. 25Гьезда бугеб хӀалги бихьун, Аллагьас гьезие кумекалъе вахъине хӀукму гьабуна!
നിലവിൽ തിരഞ്ഞെടുത്തിരിക്കുന്നു:
Тархъанлъи 2: АварАК
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023
Тархъанлъи 2
2
Муса гьавиялъул хӀакъалъулъ
1Левийил кьибилалъул цо кинавалиго чияс гьебго кьибилалъул гӀадан лъадилъун ячана. 2Гьей гӀаданалъул ургьибе лъимер ккана ва гьелъ вас гьавуна. Вас кутакалда берцинав вукӀинги бихьун, гьелъ гьев лъабго моцӀалъ вахчана. 3Амма тӀокӀалъги гьев вахчизе рес къотӀидал, гьелъ муцӀидул гьабураб гьегь босана ва гьелда хъилги пицӀги бахана. Цинги гьениб жаниб лъуна жиндирго лъимер ва гьегь гӀурул рагӀалда муцӀидулъ лъуна. 4Гьесул яцин абуни, дагьай доегӀанги чӀун, гьеб киналъулго щибдай ккелаян балагьун йикӀана. 5Гьеб мехалда пиргӀавнасул яс ячӀана гӀурул рагӀалде чвердезе, жиндирго гъаравашалгун цадахъ. МуцӀиялда гьоркьоб бугеб гьегь бихьана гьелда, ва гьелъ жиндирго гъараваш йитӀана гьеб босизе. 6Жание яккидал, гьениб гьитӀинаб лъимер букӀин бихьана. Лъимер гӀодулеб букӀиндал, гьелда ракӀги гурхӀун, гьелъ абуна:
«Гьаб жугьутӀазул лъимер батила», – ян.
7Цинги лъимадул яцалъ пиргӀавнасул ясалда абуна: «Дуе гьеб лъимер хахизабизе цо жугьутӀай ялагьизе ун лъикӀ гуродай дун?» – ин.
8ПиргӀавнасул ясалъ абуна: «ЛъикӀ буго, а», – ян.
Инеги ун, ясалъ лъимадул эбел ахӀун ячӀана. 9ПиргӀавнасул ясалъ гьелда абуна:
«Гьаб лъимер баче ва керенги кьун хьихье, дие букӀине. Дица гьелъухъ дуе мухь кьела», – ян.
Гьей гӀаданалъ лъимер жиндихъего бачана ва, керенги кьун, хьихьана. 10Вас кӀудияв гӀедал, гьелъ гьев пиргӀавнасул ясалъухъе щвезавуна, гьелъги гьев жиндирго васлъун хьихьана.
«Дица лъадалъа къватӀиве вахъана гьав», – инги абун, пиргӀавнасул ясалъ гьесие Муса#2:10 Муса – жугьутӀ мацӀалда, «Моше». Гьеб цӀар релълъуна «маша» абураб рагӀуда – гьелъул магӀна ккола «къватӀиве вахъизе» яги «къватӀиве цӀазе». абун цӀар кьуна.
Муса Мидяналъул ракьалде лъути
11Къоял ана, сонал сверана, Муса кӀудияв гӀуна. Цо къоялъ жиндирго вацазухъе жугьутӀазухъе вилълъана Муса ва гьесда бихьана гьез гьабулеб бугеб захӀматаб хӀалтӀи. Мисриязул цояс гьесул халкъцояв жугьутӀав вухулев вукӀин бихьана Мусада. 12Рахъ-рахъалде валагьана гьев ва, щивго чи сверухъ гьечӀеблъиги бихьун, гьес мисрияв чӀвана ва гьесул жаназа салулъ бахчана. 13Нахъисеб къоялъ къватӀиве вахъиндал, гьесда бихьана кӀиго жугьутӀав цоцалъ вагъулев; дандияв жиндица къварид гьавулесдехун гьес абуна: «Щай дуца дурго гьалмагъ вухулев?» – ин.
14Досги абуна: «Нижер тӀадчилъун ва диванчилъун лъица мун тарав? Мисриявго гӀадин, дунги чӀвазецин гурищ мун ургъулев вугев?» – ин.
Гьебмехалъ Муса хӀинкъана, ва гьес пикру гьабуна: «ХӀакъикъаталдаги, гьаб иш къватӀибе лъан буго», – ян.
15Гьеб ишалъул хӀакъалъулъ рагӀана пиргӀавнасдаги ва гьес Муса чӀвазе хӀукму къотӀана. Амма Муса пиргӀавнасдаса лъутун, Мидяналъул ракьалде ана ва гьениб цо гъуялда аскӀоб рещтӀен гьабуна. 16Мидяналъул кашишасул анкьго яс йикӀана. Гьел рачӀана гъуялъухъе ва жидерго инсул гӀи гьекъезе русби лъадал цӀезаризе лъугьана. 17Амма цогидал гӀухьби рачӀун, гьез гьел нахъе къотӀана. Гьебмехалъ Муса ясазе хӀалае вахъана ва гьезул гӀиги гьекъезабуна. 18Жидерго эмен Регуэлихъе тӀадруссиндал, гьес ясазда цӀехана:
«Кин нуж жакъа гьадин хехго рачӀарал?» – ин.
19Гьез абуна: «Ниж нахъе къотӀизе гӀухьби лъугьиндал, цо кинавалиго мисрияв нижее хӀалае вахъана, лъим баччизе ва гӀи гьекъезабизе нижее кумекцин гьабуна гьес», – ин.
20«Кивха гьев вугев? – ин цӀехана гьес ясазда. – Щай нужеца гьев дова тарав? Кваназе ахӀе дов».
21Муса разилъана гьев чиясул бакӀалда чӀезе, ва гьес Мусае жиндирго яс Ципораги лъадилъун кьуна. 22Гьелъ гьесие вас гьавуна, ва Мусаца гьесда Гершом#2:22 Гершом – гьаб цӀар релълъуна «гер» абураб рагӀуда ва гьелъул магӀнаги ккола «апараг» яги «къватӀисев». абураб цӀар лъуна, дун чияр ракьалда вугев апараг вугелъулинги абун.
23ГӀемераб заманалдасан Мисриялъул дов пача хвана. ХӀалтӀул бакӀлъиялъ гӀазаб-гӀакъубаялда, кумек гьарун угьдилеб букӀана ГӀизраилил халкъ ва гьезул угьди Аллагьасухъе щвана. 24Аллагьасда рагӀана гьезул угьди-зигарди, ва Аллагьасда ракӀалде щвана Ибрагьимилгун, ИсхӀакъилгун ва Якъубилгун гьабураб Жиндирго къотӀи. 25Гьезда бугеб хӀалги бихьун, Аллагьас гьезие кумекалъе вахъине хӀукму гьабуна!
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© Институт перевода Библии, 2005-2023