aEzikyel 15
15
Nnyám ìpir nnàp ká̱ ìba̱ngba̱ng
1UYawe là nnap ká̱ mi pa̱, 2<<Á ya anəm, ká̱ iza̱ ikún ìba̱ngba̱ng ji iga igwong ikún va̱ ka̱ ashe nzam yà? 3Mí ya akun ya ka̱ izər ìba̱ngba̱ng mí nəm inok ká̱ ɗò? Mwote onəm i ya akun aga nzong iya̱m ya ka̱ izəzər ɗò? 4Dər, mí nak na ka̱ ashe apər. Kà̱ nva̱ngva̱ apər ri na chit, te i ɓyen ka̱kul nnəm nza̱ iya̱m lap yà? 5Dər, ka̱ awalang va̱ ka̱ yà pa̱ ɗwot te á ɓyen ka̱kul inok iro ka̱t, jwak chit pa̱ apər pwák na chit, te mí nəm inok iro nəm ká̱ ɗò?
6<<Ka̱kul nva̱ ta te, mmami, uNəm uga nzhi uYawe, n là pa̱, wa akun ìba̱ngba̱ng ka̱ ashe oga akun va̱ ka̱ ashe nzam n nak á nyáng akun apər, te wa nnà ta mi na onəm oga ntəm ka̱ ashe aUrushelima. 7Kang mi mən ìkum ká̱ oza̱, káp ká̱ nva̱ pa̱ oza̱ fa ka̱ ashe apər ká̱ ikángkáng, ká̱ nnà te apər i ri oza̱. Kang oza̱ i nyi pa̱ mmami na uYawe, ka̱ awalang va̱ mi mən ìkum ka̱ apal oza̱. 8Kang mi nak mbin va̱ ta i təm agung, ka̱kul oza̱ nəm nnandər ka̱t, mmami, uNəm uga nzhi uYawe n là.>>
നിലവിൽ തിരഞ്ഞെടുത്തിരിക്കുന്നു:
aEzikyel 15: YER
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
©️2024 Luke Initiative for Scripture Translation