Fúcihum 43
43
Sakob nakahen Benseme najawoor nꞌgutiool
1Bacaar baabu mbureg mbubaje sembe dó mꞌmof mara Kanaan. 2Nan múcahoaayiil man gutebulo mee nꞌEsípt mufaago mee, paayiil narogiil : « Jibaañ jínoomul múcahoaay. » 3Suda násuupool arogool : « Ajawulena aahu hara Esípt nagaanóligaan set wic jambil uyok nebaañ bu bo, éli bajawoorut nꞌatióli. 4Eéni usoŋ gakahen atióli nujawoor, éli be ejow únoomuli múcahoaay. 5Bare éeni usoŋut, mat újuh ujow mara ajawulena aahu alobólilob set abiloohóli eyab, éeni ujawoorut nꞌatióli. » 6Sakob nasonkeniil arogiil : « Waa ucile njirok ajawulena aahu buguul jibabaj atiaay acee ? Jikaanutom jak. » 7Ngúsuupool gurogool : « Ho fannaool atoomúloore moolóli mꞌmara fiilóli. Nasonkenóli teer paayóli umu bo mꞌburoŋ, teer ubabaj atiaay acee. Wan asonkenóli mee déhooro, wo núsuupool. Umíreenut mara ho be erogóli uŋarulool atióli. »
8Suda nabenen arogool : « Paam, ukahenom Benseme min iŋarool nujow. Nicee, aw, nꞌéli, nꞌguleehóli nuroŋaal jambil ucehaal. 9Usenomool gañen nꞌgañen, mo éeni abaañuloot, ínje nubile gasonken. Eéni iŋaruloohi ho bu to nꞌaw, nibij nꞌaw bu nanoonan. 10Néeni ubaŋeenutóli taahe, toogeene min ujae ñáruba. »
11Sakob násuupiil arogiil : « Nemma nnogoore mee, mbil jiŋar mutiñ mareg mee bajak dáare mꞌmofolaal, jikaan dó nꞌsilaacenuul jíjii ajawulena aahu. Njiteb esantiñaajo, múkum, muloosoor, seel son mucee mutogoñaay. 12Njiŋar síkori benen san jitook dó mee nꞌgulaacenuul gara múcahoaay : júhe kaan gákaanumaahi. 13Ñeer jiŋar atiuul njijow jitook ajawulena aahu. 14Mbil Atúuha ara sembe akaan min ajawulena aahu abaj gabonket mꞌbuguul nabaañenuluul gutiuul Simeon mꞌBenseme ! Injé ñeer bu galako babajut aleeh, naŋ imusut ibaj guleeh. »
Suseef nabaañ awalen gutiool
15Ñeer gutiool nguhomen wan gubil mee gájii, nguŋar síkori sicee gubenen saasu san gubaañenuliil mee gufaak, nguŋar Benseme min gujow gutook Suseef bo nꞌEsípt. 16Nan Suseef añow mee mara Benseme bugo gujawoorulo, narok acookoore mee yaŋool : « Uŋar bugan gee bu síndo'om, numuk ekaj nucookoor yo. Injé bu fúcaho mꞌbugo tufunak. » 17Acookoora aahu nakaan naŋ min Suseef alobool mee, naŋariil bu bo nꞌyaŋool.
18Nan gurogiil mee gunogen bu dó nu yaŋ yara Suseef, ngúsebi. Ngoot erok : « Mara síkori saasu san gubaañenulolaal mee dó nꞌgulaacenolaal nꞌejaalolaal étiyoora, yo ecil mee nguŋarulolaal bu dáare mbil feegiil ejogolaal, ngukaanolaal gúnuur, nguŋar sifalo'olaal, ban nguŋarolaal gukaan emiigeel. » 19Nan gommee mbúnogen, ngucik acookoora yaŋ Suseef min gurogool : 20« Anafaanóli, ubonkehóli. Elí ujaaenulojow bútiyoora bu funoom múcahoaay. 21Nan ommee mbóot, nujow jaram útiiŋ tan ubil mee gaŋot, nujal gulaacenóli nuñow mara anooan gubaañenoobaañen síkoriool san aŋarulo mee bu funoom. Jaat uŋaruloŋar so. 22Ñeer uŋaruloŋar sicee síkori bu funoom múcahoaay. Bare úmirut ay aŋare síkori saasu akaan dó nꞌgulaacen gaagu. » 23Acookoora aahu násuupiil arogiil : « Jilako jiwaayen, jambil jísebi. Atúuha han buguul mꞌpaayuul jinaake mee, ho abaŋe fubaj faafu dó nꞌgulaacenuul. Eéni mara síkoriuul, ínje iyayab so. » Nan alob mee afaak, nakaheniil Simeon.
24Acookoora aahu nawaleniil dó nu yaŋ Suseef, naŋaruliil mal ngutaas goohiil, nasen may sifaloiil éful. 25Nguhomen wan gubil mee gájii Suseef bala átiiŋul tufunak, mara gujanjam bugo nꞌSuseef gubile fúcaho to.
26Nan Suseef átiiŋulo mee, nguliigool wan guŋarulo mee be esenool. Nguyah gúriiŋiil nꞌetaam fácilool. 27Suseef narogiil : « Buu njikaane ? Paayuul han jirogeenaam mee áfaanulfaanul, buu nakaane ? Umu bo mꞌburoŋ ? » 28Ngurogool : « Eem, paayóli, ammee ájagagai, umu bo nꞌgásuumaay, umu bo mꞌburoŋ. » Ngubaañ guyah gúriiŋiil nꞌetaam.
29Suseef náraahulo nañow atiool Benseme, han gunap mee jaayaay. Narogiil : « Atiuul áriita ho maamu han jirogaam mee ? » Narogool : « Añúm, Atúuha ásoonieni ! » 30Nan Suseef añow mee Benseme, nsúumool máamak jaram mufuool murend. Nápur tímer anogen nꞌgásaagool nahuu, 31afaak nábuufulo nápurul. Najogooro min arok újagagaool : « Jítebul sinaaŋ saasu ! » 32Ngusen Suseef búcahumool noonool, gutiool may nguseniil úcahumiil. Bugara Esípt gan to mee, ngúcaho nooniil, mara bulagoiil busenutiil fúcaho'oor nꞌéhebura yaayu. 33Ñeer gutii Suseef ngulako gujooŋoor nu ho. Ngubaŋiil naŋ min gutuuhenoor mee, kábiriŋ nꞌanafaaniil káŋ bu nꞌaleeh. Nguñeeroor mara gujaahalijaahali. 34Ñeer Suseef nakaan min guseniil úcahum wan to mee nu ho. Ngusen Benseme búcahum barege wara gutiool bapuus ñoono futok, ngurem ñeer jaram guyajen bugo nꞌSuseef.
നിലവിൽ തിരഞ്ഞെടുത്തിരിക്കുന്നു:
Fúcihum 43: gsl
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.
Fúcihum 43
43
Sakob nakahen Benseme najawoor nꞌgutiool
1Bacaar baabu mbureg mbubaje sembe dó mꞌmof mara Kanaan. 2Nan múcahoaayiil man gutebulo mee nꞌEsípt mufaago mee, paayiil narogiil : « Jibaañ jínoomul múcahoaay. » 3Suda násuupool arogool : « Ajawulena aahu hara Esípt nagaanóligaan set wic jambil uyok nebaañ bu bo, éli bajawoorut nꞌatióli. 4Eéni usoŋ gakahen atióli nujawoor, éli be ejow únoomuli múcahoaay. 5Bare éeni usoŋut, mat újuh ujow mara ajawulena aahu alobólilob set abiloohóli eyab, éeni ujawoorut nꞌatióli. » 6Sakob nasonkeniil arogiil : « Waa ucile njirok ajawulena aahu buguul jibabaj atiaay acee ? Jikaanutom jak. » 7Ngúsuupool gurogool : « Ho fannaool atoomúloore moolóli mꞌmara fiilóli. Nasonkenóli teer paayóli umu bo mꞌburoŋ, teer ubabaj atiaay acee. Wan asonkenóli mee déhooro, wo núsuupool. Umíreenut mara ho be erogóli uŋarulool atióli. »
8Suda nabenen arogool : « Paam, ukahenom Benseme min iŋarool nujow. Nicee, aw, nꞌéli, nꞌguleehóli nuroŋaal jambil ucehaal. 9Usenomool gañen nꞌgañen, mo éeni abaañuloot, ínje nubile gasonken. Eéni iŋaruloohi ho bu to nꞌaw, nibij nꞌaw bu nanoonan. 10Néeni ubaŋeenutóli taahe, toogeene min ujae ñáruba. »
11Sakob násuupiil arogiil : « Nemma nnogoore mee, mbil jiŋar mutiñ mareg mee bajak dáare mꞌmofolaal, jikaan dó nꞌsilaacenuul jíjii ajawulena aahu. Njiteb esantiñaajo, múkum, muloosoor, seel son mucee mutogoñaay. 12Njiŋar síkori benen san jitook dó mee nꞌgulaacenuul gara múcahoaay : júhe kaan gákaanumaahi. 13Ñeer jiŋar atiuul njijow jitook ajawulena aahu. 14Mbil Atúuha ara sembe akaan min ajawulena aahu abaj gabonket mꞌbuguul nabaañenuluul gutiuul Simeon mꞌBenseme ! Injé ñeer bu galako babajut aleeh, naŋ imusut ibaj guleeh. »
Suseef nabaañ awalen gutiool
15Ñeer gutiool nguhomen wan gubil mee gájii, nguŋar síkori sicee gubenen saasu san gubaañenuliil mee gufaak, nguŋar Benseme min gujow gutook Suseef bo nꞌEsípt. 16Nan Suseef añow mee mara Benseme bugo gujawoorulo, narok acookoore mee yaŋool : « Uŋar bugan gee bu síndo'om, numuk ekaj nucookoor yo. Injé bu fúcaho mꞌbugo tufunak. » 17Acookoora aahu nakaan naŋ min Suseef alobool mee, naŋariil bu bo nꞌyaŋool.
18Nan gurogiil mee gunogen bu dó nu yaŋ yara Suseef, ngúsebi. Ngoot erok : « Mara síkori saasu san gubaañenulolaal mee dó nꞌgulaacenolaal nꞌejaalolaal étiyoora, yo ecil mee nguŋarulolaal bu dáare mbil feegiil ejogolaal, ngukaanolaal gúnuur, nguŋar sifalo'olaal, ban nguŋarolaal gukaan emiigeel. » 19Nan gommee mbúnogen, ngucik acookoora yaŋ Suseef min gurogool : 20« Anafaanóli, ubonkehóli. Elí ujaaenulojow bútiyoora bu funoom múcahoaay. 21Nan ommee mbóot, nujow jaram útiiŋ tan ubil mee gaŋot, nujal gulaacenóli nuñow mara anooan gubaañenoobaañen síkoriool san aŋarulo mee bu funoom. Jaat uŋaruloŋar so. 22Ñeer uŋaruloŋar sicee síkori bu funoom múcahoaay. Bare úmirut ay aŋare síkori saasu akaan dó nꞌgulaacen gaagu. » 23Acookoora aahu násuupiil arogiil : « Jilako jiwaayen, jambil jísebi. Atúuha han buguul mꞌpaayuul jinaake mee, ho abaŋe fubaj faafu dó nꞌgulaacenuul. Eéni mara síkoriuul, ínje iyayab so. » Nan alob mee afaak, nakaheniil Simeon.
24Acookoora aahu nawaleniil dó nu yaŋ Suseef, naŋaruliil mal ngutaas goohiil, nasen may sifaloiil éful. 25Nguhomen wan gubil mee gájii Suseef bala átiiŋul tufunak, mara gujanjam bugo nꞌSuseef gubile fúcaho to.
26Nan Suseef átiiŋulo mee, nguliigool wan guŋarulo mee be esenool. Nguyah gúriiŋiil nꞌetaam fácilool. 27Suseef narogiil : « Buu njikaane ? Paayuul han jirogeenaam mee áfaanulfaanul, buu nakaane ? Umu bo mꞌburoŋ ? » 28Ngurogool : « Eem, paayóli, ammee ájagagai, umu bo nꞌgásuumaay, umu bo mꞌburoŋ. » Ngubaañ guyah gúriiŋiil nꞌetaam.
29Suseef náraahulo nañow atiool Benseme, han gunap mee jaayaay. Narogiil : « Atiuul áriita ho maamu han jirogaam mee ? » Narogool : « Añúm, Atúuha ásoonieni ! » 30Nan Suseef añow mee Benseme, nsúumool máamak jaram mufuool murend. Nápur tímer anogen nꞌgásaagool nahuu, 31afaak nábuufulo nápurul. Najogooro min arok újagagaool : « Jítebul sinaaŋ saasu ! » 32Ngusen Suseef búcahumool noonool, gutiool may nguseniil úcahumiil. Bugara Esípt gan to mee, ngúcaho nooniil, mara bulagoiil busenutiil fúcaho'oor nꞌéhebura yaayu. 33Ñeer gutii Suseef ngulako gujooŋoor nu ho. Ngubaŋiil naŋ min gutuuhenoor mee, kábiriŋ nꞌanafaaniil káŋ bu nꞌaleeh. Nguñeeroor mara gujaahalijaahali. 34Ñeer Suseef nakaan min guseniil úcahum wan to mee nu ho. Ngusen Benseme búcahum barege wara gutiool bapuus ñoono futok, ngurem ñeer jaram guyajen bugo nꞌSuseef.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.