Fúcihum 38
38
Tamar nabanten Suda
1Nin naanu unu, no Suda ápur to mee nꞌgutiool min ajow acin bugo nꞌamaañen acee hara Adulaam, gurogool Hira. 2To nañow mee ájur, aleeh Suwa akanaaniit aahu, nayabool nguñuuho. 3Naŋar búteb nabajool aleeh amaañen, Suda nakaanool gajow arogool Er. 4Nabaañ aŋar búteb nabajool aleeh amaañen, akoñaool nakaanool gajow arogool Onan. 5Nabenen abajool aleeh amaañen, narogool Seela. Bare nan Seela abaji mee, Suda bajaer Kesib.
6Púr to, Suda naŋes aleehool átiyoora ammee Er akoña ayab, gurogool Tamar. 7Er bakaanerool búsuumeriit Acehériit mee, namugool. 8Ñeer Suda narok aleehool Onan : « Utun akoña ati'i mimbil aŋañenool aleeh bukooŋun jambil aniiho. » 9Onan nan ámir mee mara búbajum baabu bubiloot ekaan boola ; éeni gunap, náyuh fúsimool nꞌetaam, jambil abaj atiool guleeh. 10Onan may bakaanerool búsuumeriit Acehériit mee, namugool. 11Ñeer Suda narok ásaabulool Tamar : « Uŋar futiko faafu nujow ulako yaŋ paayi min unaakaal aleehom Seela náling. » Mara Suda acamenut mbil Seela acet naŋ gutiool. Tamar nabaañ ñeer bu yaŋ paayool.
12Jojow jaram piyo bo, akoña Suda, ammee aleeh Suwa, nacet. Ñikul ñaañu nñifaago, Suda najow bugo nꞌapaalool Hira hara Adulaam bu nꞌésuk yan gurege mee Timina be eñow úsahula bufal sísaajaool. 13An nájool arok Tamar : « Pay araaŋi umu nejow bu gásahul bufal sísaajaool Timina. » 14Ñeer Tamar nápuren wañool wara fútinjo, min aŋar futiko aguben buhulool jambil an afaasool. Najow alako mꞌbúnogen ésuk yan guroge mee Enayim, mꞌbulago bara Timina ; tootook min búyegehool buseno'ool mara Seela áliling ban Suda aseneruhool ho ayab.
15Nan Suda añow mee Tamar, najogool akoña áraaria mara nagubene buhulool. 16Suda nacigool tan alako mee mꞌbulago baabu. Afaasutool, narogool : « Icamencamen unapa. » Tamar násuupool arogool : « Waa nubilaam esen éeni iseni fukowom ? » 17« Injé be eseni gabarak gara ejaameen dó nꞌekooreom. » Narogool : « Yoo. Bare waa nubile esenom paañeer ijok naŋ gayihen#38.17 gayihen Dó nꞌgufaransaay gayihen yommee « garantie » ? » 18Suda narogool : « Waa nucamene iseni ? » Narogool : « Usenom ejaarui yabaj mee fúfaasumi nꞌfundaap yo son egol yan ujok mee. » Ngujamoor, nasenool wan gulob mee min gunap. Ñeer naŋar búteb bara Suda. 19Tamar nayiho, najow ápuren fútiko'ool fan aguben mee buhuluul min abaañ akaano wañool wara fútinjo faafu.
20Ñeer Suda naboñ apaalool Hira, adulaamiit aahu, gabarak gaagu be esen Tamar mbil abaañenulool wan asenool mee, atoogutool bo. 21Hira nan átiiŋ mee, nasonken gan atook to mee arogiil : « Akoña anoomene mee taahe fukowool, úmey ? » Ngurogool : « Taahe musut baj akoña han nja anoomen fukowool. » 22Hira nábaañul arok Suda : « Iñowutool, ban gan itook to mee gurogaam musut baj bo akoña han nja anoomen fukowool. » 23Ñeer Suda narogool : « Ukahool bo naŋar ! Bare jambil akaanola ñisuu ! Niboñooboñ gabarak gaagu bare utoogutool bo. »
24Baj bo gujenna gúfaajiir, an nájool arok Suda : « Asáabuli Tamar, anoomennoomen fukowool jaram aŋar búteb. » Suda narogiil : « Jípurenulool bu tíyaŋ min asowi ja guroŋ. » 25Nan gommee ngápuren Tamar bu tíyaŋ, naboñ gurok pay araaŋool : « Amaañen hakaanaam mee búteb be, ho acile ejaaru ye nꞌfundaap yo son egol ye. Jiŋes njímir ay hoom. » 26Ñeer Suda nafaas wo narok : « Tamar aregaam bátiliŋ, akankaan mo mara inaakut aleehom Seela nayabool. » Suda abaañut ñeer gunap nꞌTamar.
27Ewaato'ool nétiiŋ yara búnogen, nañow mara kunsa naakene. 28Nan ammee ngataaso, aceeiil nápurenul gañenool. Akoña hayiho'ool mee najok gañen gaagu min akok go búbil bújuugak narok : « Ume, ho ammee átiyoora. » 29Bare aleeh aahu nabaañen gañenool min atiool ápurul. Akoña aahu hayiho'ool mee narok : « Aahe ápeegule butum ! » Aleeh aahu ngurogool Peres (yo yommee : butum). 30Kindiŋ atiool akogi mee búbil bújuugak nápurul, ngurogool Seraah (yo yommee : gápurum tinak).
നിലവിൽ തിരഞ്ഞെടുത്തിരിക്കുന്നു:
Fúcihum 38: gsl
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.
Fúcihum 38
38
Tamar nabanten Suda
1Nin naanu unu, no Suda ápur to mee nꞌgutiool min ajow acin bugo nꞌamaañen acee hara Adulaam, gurogool Hira. 2To nañow mee ájur, aleeh Suwa akanaaniit aahu, nayabool nguñuuho. 3Naŋar búteb nabajool aleeh amaañen, Suda nakaanool gajow arogool Er. 4Nabaañ aŋar búteb nabajool aleeh amaañen, akoñaool nakaanool gajow arogool Onan. 5Nabenen abajool aleeh amaañen, narogool Seela. Bare nan Seela abaji mee, Suda bajaer Kesib.
6Púr to, Suda naŋes aleehool átiyoora ammee Er akoña ayab, gurogool Tamar. 7Er bakaanerool búsuumeriit Acehériit mee, namugool. 8Ñeer Suda narok aleehool Onan : « Utun akoña ati'i mimbil aŋañenool aleeh bukooŋun jambil aniiho. » 9Onan nan ámir mee mara búbajum baabu bubiloot ekaan boola ; éeni gunap, náyuh fúsimool nꞌetaam, jambil abaj atiool guleeh. 10Onan may bakaanerool búsuumeriit Acehériit mee, namugool. 11Ñeer Suda narok ásaabulool Tamar : « Uŋar futiko faafu nujow ulako yaŋ paayi min unaakaal aleehom Seela náling. » Mara Suda acamenut mbil Seela acet naŋ gutiool. Tamar nabaañ ñeer bu yaŋ paayool.
12Jojow jaram piyo bo, akoña Suda, ammee aleeh Suwa, nacet. Ñikul ñaañu nñifaago, Suda najow bugo nꞌapaalool Hira hara Adulaam bu nꞌésuk yan gurege mee Timina be eñow úsahula bufal sísaajaool. 13An nájool arok Tamar : « Pay araaŋi umu nejow bu gásahul bufal sísaajaool Timina. » 14Ñeer Tamar nápuren wañool wara fútinjo, min aŋar futiko aguben buhulool jambil an afaasool. Najow alako mꞌbúnogen ésuk yan guroge mee Enayim, mꞌbulago bara Timina ; tootook min búyegehool buseno'ool mara Seela áliling ban Suda aseneruhool ho ayab.
15Nan Suda añow mee Tamar, najogool akoña áraaria mara nagubene buhulool. 16Suda nacigool tan alako mee mꞌbulago baabu. Afaasutool, narogool : « Icamencamen unapa. » Tamar násuupool arogool : « Waa nubilaam esen éeni iseni fukowom ? » 17« Injé be eseni gabarak gara ejaameen dó nꞌekooreom. » Narogool : « Yoo. Bare waa nubile esenom paañeer ijok naŋ gayihen#38.17 gayihen Dó nꞌgufaransaay gayihen yommee « garantie » ? » 18Suda narogool : « Waa nucamene iseni ? » Narogool : « Usenom ejaarui yabaj mee fúfaasumi nꞌfundaap yo son egol yan ujok mee. » Ngujamoor, nasenool wan gulob mee min gunap. Ñeer naŋar búteb bara Suda. 19Tamar nayiho, najow ápuren fútiko'ool fan aguben mee buhuluul min abaañ akaano wañool wara fútinjo faafu.
20Ñeer Suda naboñ apaalool Hira, adulaamiit aahu, gabarak gaagu be esen Tamar mbil abaañenulool wan asenool mee, atoogutool bo. 21Hira nan átiiŋ mee, nasonken gan atook to mee arogiil : « Akoña anoomene mee taahe fukowool, úmey ? » Ngurogool : « Taahe musut baj akoña han nja anoomen fukowool. » 22Hira nábaañul arok Suda : « Iñowutool, ban gan itook to mee gurogaam musut baj bo akoña han nja anoomen fukowool. » 23Ñeer Suda narogool : « Ukahool bo naŋar ! Bare jambil akaanola ñisuu ! Niboñooboñ gabarak gaagu bare utoogutool bo. »
24Baj bo gujenna gúfaajiir, an nájool arok Suda : « Asáabuli Tamar, anoomennoomen fukowool jaram aŋar búteb. » Suda narogiil : « Jípurenulool bu tíyaŋ min asowi ja guroŋ. » 25Nan gommee ngápuren Tamar bu tíyaŋ, naboñ gurok pay araaŋool : « Amaañen hakaanaam mee búteb be, ho acile ejaaru ye nꞌfundaap yo son egol ye. Jiŋes njímir ay hoom. » 26Ñeer Suda nafaas wo narok : « Tamar aregaam bátiliŋ, akankaan mo mara inaakut aleehom Seela nayabool. » Suda abaañut ñeer gunap nꞌTamar.
27Ewaato'ool nétiiŋ yara búnogen, nañow mara kunsa naakene. 28Nan ammee ngataaso, aceeiil nápurenul gañenool. Akoña hayiho'ool mee najok gañen gaagu min akok go búbil bújuugak narok : « Ume, ho ammee átiyoora. » 29Bare aleeh aahu nabaañen gañenool min atiool ápurul. Akoña aahu hayiho'ool mee narok : « Aahe ápeegule butum ! » Aleeh aahu ngurogool Peres (yo yommee : butum). 30Kindiŋ atiool akogi mee búbil bújuugak nápurul, ngurogool Seraah (yo yommee : gápurum tinak).
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023 (Active), Wycliffe Bible Translators, Inc. All rights reserved.