Makitiko Ga Maapostolo 11
11
1Leka maapostolo ni walongo wala wakayili pa Yudaya wakayufwini kukita Mihuku kawili wakayupiti lilowe lya Mulungu. 2Na apa Petro akakweliti ku Yerusalem, wala wakusilimuka wakapindikini nako, 3kujowa, Ukayingili kwa wandu wangasilimuka, ni ukalili pamonga nawo. 4Leka Petro akatumbwili, akakokwisi kwa wombe pa mpambo, 5kujowa, Nenga nikayili pa likaya lya Yoppa kusali: na pa mangumbisi naweni kyakupindila kitinu kuselela, kihwanakiso kya tanga yikulungu iselesiki pasi kuhumila kunani ni songo ncheche; ni yikachiti mpaka pa nenga: 6pa yila, panikakwinulili ni kwilolakesa, naholiti ni naweni nyama sya ndima syene magulu ncheche, ni filugu, ni fyakukwawa ni madege ga kunani. 7Leka nayufwini kawili lilowe kunijowela, Uyimaye Petro; udumulaye ni kulya. 8Koma nikajowiti, nukuya mumu Bambo: pakuya kindu kya waka haka kyangaguyulika nukuyingila lepa pa ndomo pangu magono goha. 9Leka lilowe likanihigiti kawili lya kunani, Ifi Mulungu akafiguywili, usikita fya waka. 10Leka iki kikakitiki kadatu: ni findu fyoha fyafutiki kawili kuyingila kunani. 11Na lola, hino apa wandu wadatu wakayimi pa nyumba umu tikayili, wakatumiki kwangu kuhuma pa Kaisaria. 12Leka Roho akanitaukili nigende nawo pamonga, pangali kukangachila. Leka awa kawili walongo mhano nu yumonga wakachiti nu nenga; ni tikayingili mu nyumba mwa mundu yula: 13leka akatiwuliti umu akambonakili malaika yula ni ayima mu nyumba mwake, kujowa, Tumaye ku Yoppa, ni unkemele Simon, wakukemeleka kawili Petro; 14uyu yalongele kwa wenga malowe, pa aga yauyokoleke, wenga ni nyumba yako ya mfilimila. 15Leka panakatumbwili kulongela, Roho Mbalafu akawagwilili, umu pa tenga nati pakutumbula. 16Leka nikakumbukili lilowe lya Bambo, umu akajowili, Yohana nuyombe akabatisi nu machi; koma mwenga yambatasike nu Roho Mbalafu. 17Mumu wona Mulungu akawapili awa kya waka iki kimonga‐monga nu tenga nati, pala tikankeliti Bambo Yesu Kristo, nenga niyii nani kukita nimpindike Mulungu? 18Leka pawakayufwini aga, wakatemi nuu, ni wakankwesiti Mulungu, kujowa, Mulungu chakaka awapili wa Mihuku kawili kupela kwa kulama.
19Mumu wala wakayambaniki kwa ndawa ya kuhumbusika kula kukayili pa mihalo ya Stefano, wakagendili mpaka pa Foinike, ni Kupro, ni Antiokia, nukulongela lepa ni mundu lilowe lila, lema waYehudi wakape. 20Koma wakayili baho wangi wa awa, wandu wa Kupro ni Kurene, nuwombe pawakachiti ku Antiokia, wakalongili na waGriki kawili, kuwandisa evangel ya Bambo Yesu. 21Ni kiwoko kya Bambo kikayili pamonga nuwombe: ni wa mahele wawakeliti wakang’anamukili Bambo. 22Leka lilowe lya awa likayufwaniki pa makutu ga kanisa lya pa Yerusalem: na wakantumiti Barnaba mpaka pa Antiokia: 23nuyombe, pakachiti ni kulola neema ya Mulungu, akahekalili; ni akawakiliti woha kukita wankumbatile Bambo nu mwoyo wa malango: 24pakuya akayili mundu nnofu, ni wakumema nu Roho Mbalafu ni kiyitakiso: ni lipuga likulungu likayonjakasiki pa Bambo. 25Leka akapititi mwanja ku Tarso kundondandonda Saul: 26leka pakankolili, akachiti nako ku Antiokia. Ni ikayili kukita mwaka wa mfilimila wakakokini pamonga pa kanisa, ni wakayigalisi wandu wingi; ni wanafunsi wakakemaliki waKristo pa Antiokia pakutumbula.
27Leka magono aga wakulweta wakaselili kuhumila Yerusalem mpaka pa Antiokia. 28Leka yumonga wa awa akayimiti, lihina lyake Agabo, nakalasiti pa Roho kukita ulali ukulungu yauye pa ndima woha: wula ukafiki pa lukumbi lwa Klaudio. 29Leka wanafunsi, umo mundu ayi yoha akahotwili kukita, wakapangiti luhala kupeleka fya lukolo kwa walongo wakuhwela pa Yudaya: 30iki kawili wakakikiti, kukituma kwa wakulu‐wakulu pa kiwoko kya Barnaba ni Saul.
നിലവിൽ തിരഞ്ഞെടുത്തിരിക്കുന്നു:
Makitiko Ga Maapostolo 11: MGS1937
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.
Makitiko Ga Maapostolo 11
11
1Leka maapostolo ni walongo wala wakayili pa Yudaya wakayufwini kukita Mihuku kawili wakayupiti lilowe lya Mulungu. 2Na apa Petro akakweliti ku Yerusalem, wala wakusilimuka wakapindikini nako, 3kujowa, Ukayingili kwa wandu wangasilimuka, ni ukalili pamonga nawo. 4Leka Petro akatumbwili, akakokwisi kwa wombe pa mpambo, 5kujowa, Nenga nikayili pa likaya lya Yoppa kusali: na pa mangumbisi naweni kyakupindila kitinu kuselela, kihwanakiso kya tanga yikulungu iselesiki pasi kuhumila kunani ni songo ncheche; ni yikachiti mpaka pa nenga: 6pa yila, panikakwinulili ni kwilolakesa, naholiti ni naweni nyama sya ndima syene magulu ncheche, ni filugu, ni fyakukwawa ni madege ga kunani. 7Leka nayufwini kawili lilowe kunijowela, Uyimaye Petro; udumulaye ni kulya. 8Koma nikajowiti, nukuya mumu Bambo: pakuya kindu kya waka haka kyangaguyulika nukuyingila lepa pa ndomo pangu magono goha. 9Leka lilowe likanihigiti kawili lya kunani, Ifi Mulungu akafiguywili, usikita fya waka. 10Leka iki kikakitiki kadatu: ni findu fyoha fyafutiki kawili kuyingila kunani. 11Na lola, hino apa wandu wadatu wakayimi pa nyumba umu tikayili, wakatumiki kwangu kuhuma pa Kaisaria. 12Leka Roho akanitaukili nigende nawo pamonga, pangali kukangachila. Leka awa kawili walongo mhano nu yumonga wakachiti nu nenga; ni tikayingili mu nyumba mwa mundu yula: 13leka akatiwuliti umu akambonakili malaika yula ni ayima mu nyumba mwake, kujowa, Tumaye ku Yoppa, ni unkemele Simon, wakukemeleka kawili Petro; 14uyu yalongele kwa wenga malowe, pa aga yauyokoleke, wenga ni nyumba yako ya mfilimila. 15Leka panakatumbwili kulongela, Roho Mbalafu akawagwilili, umu pa tenga nati pakutumbula. 16Leka nikakumbukili lilowe lya Bambo, umu akajowili, Yohana nuyombe akabatisi nu machi; koma mwenga yambatasike nu Roho Mbalafu. 17Mumu wona Mulungu akawapili awa kya waka iki kimonga‐monga nu tenga nati, pala tikankeliti Bambo Yesu Kristo, nenga niyii nani kukita nimpindike Mulungu? 18Leka pawakayufwini aga, wakatemi nuu, ni wakankwesiti Mulungu, kujowa, Mulungu chakaka awapili wa Mihuku kawili kupela kwa kulama.
19Mumu wala wakayambaniki kwa ndawa ya kuhumbusika kula kukayili pa mihalo ya Stefano, wakagendili mpaka pa Foinike, ni Kupro, ni Antiokia, nukulongela lepa ni mundu lilowe lila, lema waYehudi wakape. 20Koma wakayili baho wangi wa awa, wandu wa Kupro ni Kurene, nuwombe pawakachiti ku Antiokia, wakalongili na waGriki kawili, kuwandisa evangel ya Bambo Yesu. 21Ni kiwoko kya Bambo kikayili pamonga nuwombe: ni wa mahele wawakeliti wakang’anamukili Bambo. 22Leka lilowe lya awa likayufwaniki pa makutu ga kanisa lya pa Yerusalem: na wakantumiti Barnaba mpaka pa Antiokia: 23nuyombe, pakachiti ni kulola neema ya Mulungu, akahekalili; ni akawakiliti woha kukita wankumbatile Bambo nu mwoyo wa malango: 24pakuya akayili mundu nnofu, ni wakumema nu Roho Mbalafu ni kiyitakiso: ni lipuga likulungu likayonjakasiki pa Bambo. 25Leka akapititi mwanja ku Tarso kundondandonda Saul: 26leka pakankolili, akachiti nako ku Antiokia. Ni ikayili kukita mwaka wa mfilimila wakakokini pamonga pa kanisa, ni wakayigalisi wandu wingi; ni wanafunsi wakakemaliki waKristo pa Antiokia pakutumbula.
27Leka magono aga wakulweta wakaselili kuhumila Yerusalem mpaka pa Antiokia. 28Leka yumonga wa awa akayimiti, lihina lyake Agabo, nakalasiti pa Roho kukita ulali ukulungu yauye pa ndima woha: wula ukafiki pa lukumbi lwa Klaudio. 29Leka wanafunsi, umo mundu ayi yoha akahotwili kukita, wakapangiti luhala kupeleka fya lukolo kwa walongo wakuhwela pa Yudaya: 30iki kawili wakakikiti, kukituma kwa wakulu‐wakulu pa kiwoko kya Barnaba ni Saul.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.