Makitiko Ga Maapostolo 10
10
1Leka akayili mundu nunuyu pa Kaisaria, lihina lyake Kornelio, kenturion wa libanja ili likemeleka lya Italia, mundu wakugwilakimbo wicho, 2wakunjogopa Mulungu pamonga nu nyumba yake yoha, wakupeleka findu fya lukolo fingi kwa nsafi, ni akanduwiti Mulungu magono goha. 3Akaweni pa mangumbisi, ngati saa ya kenda ya ligono, malaika wa Mulungu kunjingalila, ni kunjowela, Kornelio. 4Nuyombe pakankwinulili, ni pakuyogopa, akajowiti, Kiki Bambo? Leka akanjowili, sala syako ni fya lukolo fyako fikweliti kikumbukumbu pa miho ga Mulungu. 5Na hino upeleke wandu ku Yoppa, ni untole nunuyu Simon, uyu akemeleka kawili Petro: 6uyu ahwela pa nunuyu Simon wakukita fikumba, uyu nyumba yake iyii mu makigi mwa nyanja. 7Leka baho malaika wakujowa nuyombe akawukiti, akakemili wandu wa pa nyumba yake wawili, nu msikari wakugwilakimbo wicho wa awa wakuntumakila magono goha; 8ni akawakokosili fyoha, akawatumiti ku Yoppa.
9Leka lukela lwake, pakuluta awa pa mwanja wawe, ni pa kuwandamila likaya, Petro akakweliti panani pa king’ango kusali, papipi ni lijuwa pa mutu: 10leka akaweni njala, akalonditi kulya: koma apa wayili mu kuwikila ngani, gangwilili mangumbisi; 11na akalolalili kunani kudinduliki, ni kyakupindila kuselela, kihwanakiso kya tanga yikulungu, kuseleseka ni songo ncheche mpaka pasi: 12mgati mwake nyama syoha sya magulu ncheche ni fyakukwawa fya pa ndima ni madege ga kunani. 13Ni likamchilili lilowe, kujowa, Uyimaye, Petro; dumula ni kulya. 14Koma Petro akajowiti, Lepa nukuya mumu, Bambo; pakuya nakona nukulya kandu kawaka, kangaguyulika. 15Ni lilowe likamhichili pa kawili, Ifi Mulungu akafiguywili, usikita fya waka. 16Leka iki kikakitiki kadatu: ni hino apa kyakupindila kikayupiki kunani.
17Leka baha na baha Petro akayili mu kuganagana pa mwoyo wake panani pa mangumbisi akagaweni, malumbo gake ni kiki, lola, wandu awa wakatumiki nu Kornelio, pawakakotiti ya nyumba ya Simon, wakayimiti pa ndyango, 18ni wakakemili ni kukota wona Simon, yuakemeleka kawili Petro, ihadisa mumu. 19Leka pakuholakesa Petro ya mangumbisi aga, Roho akanjowili, Lola, wandu wadatu wakulonda. 20Koma uyimaye, uselelaye, ni ubite nawo mwanja, usikangachila kandu: pakuya niwatumiti. 21Leka Petro akawaselelili wandu awa, nakajowiti, Lola, nenga niyii uyu mundondandonda: ndawa ya kiki muyii apa? 22Leka wakajowiti, Kornelio kenturion, mundu wakugoloka ni wakunjogopa Mulungu, nu wa mbili yinofu kwa nsafi woha wa waYehudi, akakiliki nu malaika wapakape kukukemela ku nyumba yayombe, ni kuyufwanila malowe kwa wenga. 23Mumu pa akawakemili kuhyeto, akawakemalakisi.
Leka lukela lwake akayimiti nakabiti pamonga nawo, na walongo wangi wa pa Yoppa wakakisini nuyombe. 24Leka lukela lwake wakayingili pa Kaisaria. Na Kornelio akayili kuwalindalila, pakakemili pamonga walongo mundu na wakosi mundu wa papipi. 25Leka apa Petro akayingili, Kornelio akampingamili, nakagwili pa magulu gake ni kungwilakimbo. 26Leka Petro akanjimwisi, kujowa, Uyimaye; nenga nani kawili namwene niyii mundu. 27Ni pakusyowelelana nako, akayingili, na akakolili wingi wakachiti pamonga: 28ni akawajowili kukita, Mwenga mwawene mumanya kukita nukuyitikalika lepa kwa mundu mYehudi kwiwungana haka kumhichila mundu wa mhuku wungi; leka kwa nenga Mulungu anilasiti kukita nganinkemili lepa mundu wa waka pangi yuangaguyulika: 29ndawa ya iki nikachiti pangali kupindika, hino apa nikakemaliki. Mumu nikota kwa nyimu ya kiki mukanikemili nenga. 30Nu Kornelio akajowiti kukita, Kugona magono ncheche, mpaka saa iyi, nikayili mu kusali saa kenda mu nyumba yangu; na lola, mundu akayimiti pa miho gangu ni malaya gakung’ala, 31ni akajowiti, Kornelio, liluwo lyako liyufwaniki, ni fya lukolo fyako fikumbukuliki pa miho ga Mulungu. 32Mumu utumaye ku Yoppa, na unkemelele kwako Simon, uyu akemeleka kawili Petro; ahadisa pandu pa nyumba ya Simon wakukita fikumba, mu makigi mwa nyanja. 33Mumu hino apa nikatumiti kwako; nu wenga ukakiti wicho pakuyicha kuni. Mumu hino tiyii baha tawoha pa miho ga Mulungu, kuyufwanila fyoha ifi Bambo akakutaukili. 34Leka Petro pakadindwili pa ndomo, akajowiti,
Chakaka niwona kukita Mulungu nukuhagula kyene: koma pa mhuku uyi woha uyu anjogopa yombe, 35na akita malinga, ayitikalika nuyombe. 36Lilowe ili akalitumiti kwa wana wa Israel, kuwandisa evangel ya kindamba pa Yesu Kristo (yombe ayii Bambo wa woha) — 37kajoweko kila mukimanya mwawene, kikayenesiki pa Yudaya poha, kitumbulile pa Galilaya, panyuma pa ubatiso wula Yohana akauwandisi; 38yuyu Yesu wa Nazareti, umu Mulungu akammakasili ni Roho Mbalafu ni mbafu: uyu akagendili kuwakitila wandu finofu, ni kulamisa woha wakuhumbusika ni diabolo; pakuya Mulungu akayili pamonga nuyombe. 39Nu tenga tiyii walungamakiso wa findu fyoha ifi akafikiti pa ndima wa waYehudi, ni pa Yerusalem; uyu kawili wakankomiti, kumpagika pa nkongo. 40Uyu Mulungu akansyusiti ligono lya kadatu, 41na akampili kulasika, nukuya kwa wandu woha, koma kwa walungamakiso wakuhagulika palongolo nu Mulungu, kwa tenga, talyaga ni kunywa nako apa akasyukiti pa wakufwa. 42Na akatitaukili kuwawandasila wandu, ni kulasa ulungamakiso kukita uyu yuyu wakuwikika ngani ni Mulungu kuya Wakuwapawula wakulama ni wakufwa. 43Kwa uyu wakulweta woha walasa ulungamakiso, kukita ayi yoha wakukela pa yombe yayupe pa lihina lyake kulekelekesa sambi.
44Mu kulongela waka Petro malowe aga, Roho Mbalafu akagwili pa awa wakuyufwanila lilowe ili. 45Na awa wakusilimuka wakukela wakaganaganiti, awa wakachiti nu Petro, ndawa pa Mihuku kawili kya waka kya Roho Mbalafu kikapunguliki. 46Pakuya wakayufwini awa ni walongela ni nimi, nu kunkwisa Mulungu. Bahalapala Petro akahigiti, 47Ahotola ati mundu kubesa machi, kukita awa wasibatasika, nawo wakayupiti Roho Mbalafu kimongamonga nu tenga? 48Leka akatawiki wabatasike pa lihina lya Yesu Kristo. Bahalapala wakanduwiti kuhwela baho magono gangi.
നിലവിൽ തിരഞ്ഞെടുത്തിരിക്കുന്നു:
Makitiko Ga Maapostolo 10: MGS1937
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.
Makitiko Ga Maapostolo 10
10
1Leka akayili mundu nunuyu pa Kaisaria, lihina lyake Kornelio, kenturion wa libanja ili likemeleka lya Italia, mundu wakugwilakimbo wicho, 2wakunjogopa Mulungu pamonga nu nyumba yake yoha, wakupeleka findu fya lukolo fingi kwa nsafi, ni akanduwiti Mulungu magono goha. 3Akaweni pa mangumbisi, ngati saa ya kenda ya ligono, malaika wa Mulungu kunjingalila, ni kunjowela, Kornelio. 4Nuyombe pakankwinulili, ni pakuyogopa, akajowiti, Kiki Bambo? Leka akanjowili, sala syako ni fya lukolo fyako fikweliti kikumbukumbu pa miho ga Mulungu. 5Na hino upeleke wandu ku Yoppa, ni untole nunuyu Simon, uyu akemeleka kawili Petro: 6uyu ahwela pa nunuyu Simon wakukita fikumba, uyu nyumba yake iyii mu makigi mwa nyanja. 7Leka baho malaika wakujowa nuyombe akawukiti, akakemili wandu wa pa nyumba yake wawili, nu msikari wakugwilakimbo wicho wa awa wakuntumakila magono goha; 8ni akawakokosili fyoha, akawatumiti ku Yoppa.
9Leka lukela lwake, pakuluta awa pa mwanja wawe, ni pa kuwandamila likaya, Petro akakweliti panani pa king’ango kusali, papipi ni lijuwa pa mutu: 10leka akaweni njala, akalonditi kulya: koma apa wayili mu kuwikila ngani, gangwilili mangumbisi; 11na akalolalili kunani kudinduliki, ni kyakupindila kuselela, kihwanakiso kya tanga yikulungu, kuseleseka ni songo ncheche mpaka pasi: 12mgati mwake nyama syoha sya magulu ncheche ni fyakukwawa fya pa ndima ni madege ga kunani. 13Ni likamchilili lilowe, kujowa, Uyimaye, Petro; dumula ni kulya. 14Koma Petro akajowiti, Lepa nukuya mumu, Bambo; pakuya nakona nukulya kandu kawaka, kangaguyulika. 15Ni lilowe likamhichili pa kawili, Ifi Mulungu akafiguywili, usikita fya waka. 16Leka iki kikakitiki kadatu: ni hino apa kyakupindila kikayupiki kunani.
17Leka baha na baha Petro akayili mu kuganagana pa mwoyo wake panani pa mangumbisi akagaweni, malumbo gake ni kiki, lola, wandu awa wakatumiki nu Kornelio, pawakakotiti ya nyumba ya Simon, wakayimiti pa ndyango, 18ni wakakemili ni kukota wona Simon, yuakemeleka kawili Petro, ihadisa mumu. 19Leka pakuholakesa Petro ya mangumbisi aga, Roho akanjowili, Lola, wandu wadatu wakulonda. 20Koma uyimaye, uselelaye, ni ubite nawo mwanja, usikangachila kandu: pakuya niwatumiti. 21Leka Petro akawaselelili wandu awa, nakajowiti, Lola, nenga niyii uyu mundondandonda: ndawa ya kiki muyii apa? 22Leka wakajowiti, Kornelio kenturion, mundu wakugoloka ni wakunjogopa Mulungu, nu wa mbili yinofu kwa nsafi woha wa waYehudi, akakiliki nu malaika wapakape kukukemela ku nyumba yayombe, ni kuyufwanila malowe kwa wenga. 23Mumu pa akawakemili kuhyeto, akawakemalakisi.
Leka lukela lwake akayimiti nakabiti pamonga nawo, na walongo wangi wa pa Yoppa wakakisini nuyombe. 24Leka lukela lwake wakayingili pa Kaisaria. Na Kornelio akayili kuwalindalila, pakakemili pamonga walongo mundu na wakosi mundu wa papipi. 25Leka apa Petro akayingili, Kornelio akampingamili, nakagwili pa magulu gake ni kungwilakimbo. 26Leka Petro akanjimwisi, kujowa, Uyimaye; nenga nani kawili namwene niyii mundu. 27Ni pakusyowelelana nako, akayingili, na akakolili wingi wakachiti pamonga: 28ni akawajowili kukita, Mwenga mwawene mumanya kukita nukuyitikalika lepa kwa mundu mYehudi kwiwungana haka kumhichila mundu wa mhuku wungi; leka kwa nenga Mulungu anilasiti kukita nganinkemili lepa mundu wa waka pangi yuangaguyulika: 29ndawa ya iki nikachiti pangali kupindika, hino apa nikakemaliki. Mumu nikota kwa nyimu ya kiki mukanikemili nenga. 30Nu Kornelio akajowiti kukita, Kugona magono ncheche, mpaka saa iyi, nikayili mu kusali saa kenda mu nyumba yangu; na lola, mundu akayimiti pa miho gangu ni malaya gakung’ala, 31ni akajowiti, Kornelio, liluwo lyako liyufwaniki, ni fya lukolo fyako fikumbukuliki pa miho ga Mulungu. 32Mumu utumaye ku Yoppa, na unkemelele kwako Simon, uyu akemeleka kawili Petro; ahadisa pandu pa nyumba ya Simon wakukita fikumba, mu makigi mwa nyanja. 33Mumu hino apa nikatumiti kwako; nu wenga ukakiti wicho pakuyicha kuni. Mumu hino tiyii baha tawoha pa miho ga Mulungu, kuyufwanila fyoha ifi Bambo akakutaukili. 34Leka Petro pakadindwili pa ndomo, akajowiti,
Chakaka niwona kukita Mulungu nukuhagula kyene: koma pa mhuku uyi woha uyu anjogopa yombe, 35na akita malinga, ayitikalika nuyombe. 36Lilowe ili akalitumiti kwa wana wa Israel, kuwandisa evangel ya kindamba pa Yesu Kristo (yombe ayii Bambo wa woha) — 37kajoweko kila mukimanya mwawene, kikayenesiki pa Yudaya poha, kitumbulile pa Galilaya, panyuma pa ubatiso wula Yohana akauwandisi; 38yuyu Yesu wa Nazareti, umu Mulungu akammakasili ni Roho Mbalafu ni mbafu: uyu akagendili kuwakitila wandu finofu, ni kulamisa woha wakuhumbusika ni diabolo; pakuya Mulungu akayili pamonga nuyombe. 39Nu tenga tiyii walungamakiso wa findu fyoha ifi akafikiti pa ndima wa waYehudi, ni pa Yerusalem; uyu kawili wakankomiti, kumpagika pa nkongo. 40Uyu Mulungu akansyusiti ligono lya kadatu, 41na akampili kulasika, nukuya kwa wandu woha, koma kwa walungamakiso wakuhagulika palongolo nu Mulungu, kwa tenga, talyaga ni kunywa nako apa akasyukiti pa wakufwa. 42Na akatitaukili kuwawandasila wandu, ni kulasa ulungamakiso kukita uyu yuyu wakuwikika ngani ni Mulungu kuya Wakuwapawula wakulama ni wakufwa. 43Kwa uyu wakulweta woha walasa ulungamakiso, kukita ayi yoha wakukela pa yombe yayupe pa lihina lyake kulekelekesa sambi.
44Mu kulongela waka Petro malowe aga, Roho Mbalafu akagwili pa awa wakuyufwanila lilowe ili. 45Na awa wakusilimuka wakukela wakaganaganiti, awa wakachiti nu Petro, ndawa pa Mihuku kawili kya waka kya Roho Mbalafu kikapunguliki. 46Pakuya wakayufwini awa ni walongela ni nimi, nu kunkwisa Mulungu. Bahalapala Petro akahigiti, 47Ahotola ati mundu kubesa machi, kukita awa wasibatasika, nawo wakayupiti Roho Mbalafu kimongamonga nu tenga? 48Leka akatawiki wabatasike pa lihina lya Yesu Kristo. Bahalapala wakanduwiti kuhwela baho magono gangi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
First published by the British and Foreign Bible Society in 1937.