Roma MBIꞋNƏ
MBIꞋNƏ
Bɨ ŋwáʼnɨ́ aŋwaʼnɨ zen a mbó bə Roma lá a nkyáŋtɨ́ ɨdiʼ mbɨ́ʼ ngə́ Baolo a kwɛ́nə ngɨ akyaŋtɨ ɨ ghɛn ghantɨ ndáŋwi a Roma ghe. Akyaŋtɨ a wɛrə a bé ngə́ wɛrə a tsí nɨ ɨfaʼə a tɨtərɨ ɨbɛn ba bɨ kɨ́nə́ ndzɔŋə a Kristo ɨwu a nye məbaŋtɨ, ɨ tiʼ lo ɨwu ɨ ghɛn a Sɨben a ntsǎ a ndzum akwatɨ za bo mɨ gha a mbó zɨə. Wɛrə a ŋwáʼnɨ́ aŋwaʼnɨ zen lá a fɨʼtɨ adzaŋ za wɛrə a zúʼnɨ́ nkɨ njí abeməntəm a ɨbɛn ba bɨ zɔŋnə a Kristo abɔʼnɨ anu za abeməntəm məzen a ghɨnə a nye ntsi mbyi ɨbɛn ba bɨ kɨnə ndzɔŋə a Kristo ghe. Aŋwaʼnɨ zen a soŋ atsum za a tsinɨ nɨ nchyɛ a mu nkən Baolo ghe.
Tsɛʼ mbáʼ Baolo a mɛtɨnɨ a ntɔ́ŋtɨ́ ɨbɛn bɨ ndáŋwi a Roma ɨ kɨ soŋ adzaŋ za zɨə tsaʼtɨnə a Ŋwi a nkfu bo, wɛrə a byi fɨʼtɨ atú a nɨgham za a tsinɨ a mu aŋwaʼnɨ zen ngə́: ‘‘Nkən wu Shiʼnɨ kyɛʼə adzaŋ za Ŋwi a ghɨnə ɨbɛn tɛmnɨnə a ɨshi ɨmɨgɨ zɨə: a nɨ a ntsǎ a ndzum abeməntəm ɨ lɔgɨnɨ a mbiʼnə ɨ ghɛn fu a ndwitə ghe.’’ (1:17)
Ɨtú Ɨnu a mu Aŋwaʼnɨ Ziŋ ə
Mbiʼnə abɔʼnɨ atú a nɨgham 1:1-17
O lǒ ɨloŋ lá mbɨ́ʼ ake 1:18–3:20
Ndómnji wa Ŋwi a tsanə ɨwu ngǎ ɨloŋ 3:21–4:25
Ntsi mbyi zɨ fi za a nye Kristo 5:1–8:39
Adiʼ a Izrai a mu akyaŋtɨ a Ŋwi 9:1–11:36
Mbɔm za ŋwɔn wa a zɔŋnə a Kristo a tsinɨ nɨ nchyɛ nɨ zɛrə 12:1–15:13
Ndwɨgɨnə abɔʼnɨ atɔŋtɨ a Baolo 15:14–16:27
നിലവിൽ തിരഞ്ഞെടുത്തിരിക്കുന്നു:
Roma MBIꞋNƏ: MNT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2023, CABTAL