इब्रानि 3
3
मूसा विश्वासयोग्य दास-मसीह विश्वासयोग्य सुउ
1याआ कोअता ऐ पवित्र पाही तुमु जे होर्गाआ हादिलामेहे भागी होय तियाआ प्रेरित अने महायाजक येशु पोओं ज्याहा आमू अंगीकार कोअतले होय द्यान कोआ. 2तो आपाआ नेमणूक कोअनारापो विश्वासनीय ओतु जेहलो मोशे पोन परमेश्वरोओ आखा कोअमे ओतु. 3काहाके येशु मोशे पेक्षा एतु जाखू गौरवोअ योग्य होमाज्या गोल्यो होय जेतोहो का कोओहो बनीवणारा पेक्षा जाखो मान मेकोहो. 4काहाके हर एक जोओ कोओहो कोडूबी बोनावनारु रोतो पोन जीआ आखे किबी बोन्यो तो परमेश्वर होय. 5मोशे ताहा परमेश्वरोओ आखा कोअमे सेवको होस विश्वासनीय रोला का ज्या गोठीही वर्णन उवे ओते तियाआ साक्ष आपीली. 6पोन ख्रिस्त पोऱ्याहोस परमेश्वरोओ कोओ अधिकारी होय अने तियाआ को आपु होये जर आपु हिमत ओयताहा अने आपाआ आशेच्या अभिमानापो शेवटपोरोत स्थिर रोल्या ताहा.
अविश्वासो प्रति चेतावनी
7कोईत जेहलो पवित्र आत्माआ कोत्लू जर आज तुमु तिया शब्द होमलीनारू, 8ताहा आपाआ मोन कडक कोहू नाहा जेहलो राग आपापोजे अने परीक्षेच्या दिहोम जंगलामेहे कोल्यु ओते. 9जीही तुमाआ पेला बाबदादा माहु तोपासित परीक्षा कोअयी अने सालीह वर्ष पर्यंत माआ काम पाल्लये. 10यामुळे आय तियाअ वेलाआ मांहाआरी क्रोधित रोयु अने कोयु याहा मोन फिरेहे रोनारे अने यांहि माआ मार्गा ओलखे नाहा. 11तेहलाम आय खत मेहे आविलो शपथ खादू तेए माआ आरामात प्रवेश कोहू सेकेहे नाहा. 12ऐ पाही, सावध रो, का तुमामे एहलो वाईट अने अविश्वासी मोन रोहू कायना जे तुमामे जीवतो परमेश्वरप रोत सेटे घेऊन जाइलो. 13पोन ज्या दिहेजा आजेऐ दीही कोयू जात्लू हर एक दीही एक दिहीराहा होमजाडीत रोवा अने एहलो उवूंहू नाहा का तुमामेर्ये केते जोओ पापाआ छळात आविलो कडक ओत जानारू. 14काहाके आमू ख्रिस्ताचे सहभागी उवे होय जर आमाहा पेल्लाठीच भरोसापो शेवटपोरोत मजबुते स्थिर रोल्या. 15जेहलो कोयु जाहो जर आज तुमु तियाआ शब्द होमलीनारू ताहा आपाआ मोन कठोर कोहू नाहा जेहलो का राग आपलो टायमोमें कोल्यु ओते. 16हाजो कोडला माहु होमलित सुद्धा चीढविले की तियाअ आखाहा नाहा काजे मोशेद्वारे मिसरमधून निकलीलू ओते? 17अने तो सालीह वर्ष पर्यंत कोडला माहामे खोत रोला? की त्याकाजे नाहा जिये पाप कोल्यु अने तियाआ डीले जंगलूम पोडीतरोल्या? 18अने तिये कोडाआरी शपथ निसे का तुमु माआ आरामात प्रवेश कोहू सेकेहे नाहा की फक्त तियाआ आरी आरीज नाहा जिये आज्ञा कोयु नाहा 19कोईत आपु पालत्लू का ते अविश्वासोवाही प्रवेश कोहू सेकेले नाहा.
നിലവിൽ തിരഞ്ഞെടുത്തിരിക്കുന്നു:
इब्रानि 3: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.