2 तीमुथियुस 2
2
उत्तम योद्धा
1याआ कोअता ऐ माआ पोर्या तू त्या अनुग्रह मसीह येशुमेहे होय ताकतवालू ओत जा, 2अने ज्या गोठी तू खूप साक्षीदारा आगाडी होमल्यु होय तियाहा विश्वासी मांह्हू होपित आप जे दिहराहाबी शिकाडेलो योग्य रोंहु जोवे. 3ख्रिस्त येशुउ हाजू शिपायासारखा माआरी दुख सहन को. 4जाहा कोडु शिपाई सुलाइलोओ जात्लू ताहा याकोअता का आपाआ भक्ती कोनाराहा खुश कोईओलो कोईत स्वतःहा जुगाआ कामोम ठोग्त्लू नाहा. 5फाशे जर मल्ल युद्धामे सुलानारू नियमानुसार लोढीत नाहा ताहा मुगुट मेलवीलो नाहा. 6जो खेती कोअनारू मेहनत कोअत्लू फलोओ भाग पहीले तियाहा मिलूहु जोवे. 7जे आय कोत्लू तियापो लक्ष्य आप अने प्रभू ताहु आखे गोठी होमजाडीत आपही. 8येशु ख्रिस्ताहा ओर मेका जो दाविदाआ कुलोमरोत ओवयू अने मोल्यामरोत जिवंतु उठ्यू अने ते माआ सुवर्तेहोस होय. 9याकोअता आय पाप कोनारा होस दुख सहन कोअत्लू इहिंजा का कैद बी होय पोन परमेश्वरोओ वाचीलो कोअता कैद नाहा. 10त्याकोता आय निवाडल्या मांहो कोअता आखे किबी सहन कोअत्लू का ते पोन तिया उद्धारोहो ख्रिस्त येशु माय सार्वकालिक गौरवात मिलीजावू. 11ए गोठी खोरी होय का जेबी आमू त्याआरी मोईत गोये होय तेबी त्याआरी जिवंते बी ऊवणारोज, 12जर आमू धीरमारीत सहन कोईत रोही ताहा त्याआरी राज्य बी कोनारू जर आमू तिया नकार कोअनारू ताहा तो बी आपाआ नकार कोअनारू, 13जर आमू अविश्वासी बी होय तेबी पोन तो विश्वासयोग्य बोणीत रोतलू काहाके तो स्वतःआ नकार कोहू शकत नाहा.
उत्तम कारीगर
14आव गोठीई ओर तियाहा आप का देव आगाडी निक्षून त्याआरी का शब्दापो लोळाई कोईत रोहू कायना याकोअता किबी फायदा उवनारा नाहा पोन होमलिनारे बिगडीत्लो जातेहे. 15स्वतःहा परमेश्वरोओ आडीनारो अने एहलो काम कोअनारू बनविलो प्रयत्न को जो लाजआली ओवुहू कायना जो खोरो वचनाआ योग्य रीतीवाही कामोम लाविलो होय. 16पोन अशुद्ध बडबडी पोरोत सेटे रो काहाके एहलो मांहे फासी अभक्ती मेहे वोदतो जानारू, 17अने तियाआ वचन सोडित देदल्यो जखमोहोसे फैलीत जाइअलो हुमीनयुस अने फिलेतूस तिआमेरीते होय, 18जे ओ कोत पुनरुत्थान ओत गोये होय सत्य सी भटकून गोये होय अने केताजोहो विश्वासाआ उलटो सुलट कोईत आपत्ले 19तेबी पोन परमेश्वरोओ मजबुते पायु टीकित रोतलू अने तियापो ए छाप आप्योहो होय, “प्रभू आपाआ जे होय तियाहा ओलखीत्लू” अने “जो कोडु प्रभूऊ नाव लेहो, तो अधर्मा पासून वासित रोअलो” 20वोडो कोअमे फक्त हुना चांदी नाहा पोन लाकड़ाआ अने काद्वो बासणा रोतेहे कोड कोडले सन्माना कोअता रोतेहे अने कोड कोडले अपमाना कोअता रोतेहे. 21जर कोडु स्वतःहा त्याहीजरोते शुद्ध कोअनारू ताहा तो स्नमानोवाही बासणा अने पवित्र ठरेल अने मालकाहा कामोम आवे अने हर एक हाजा कामा कोअता तीयार उवे. 22जुवान्याआ वासनाम रोत सेटे पळ अने जे शुद्ध मोनाकोईत प्रभूऊ नाव लत्ले त्याआरी धर्म अने विश्वास अने प्रेम अने मेलमिलापो फासाडी लाग. 23पोन मूर्खता अने अज्ञानाच्या विवादा पासून जुदो रो काहाके ताहु मालुम होय त्यापरत झगडू निर्माण ओये. 24प्रभूउ दास लोळाई कोअनारू नाहा पोन आखा आरी सौम्यतेने अने शिकाडेलो निपुण अने सहन कोअनारू रोंहु जोवे. 25तो विरोध कोआनाराहा नम्रतेने सोमजाडनारू रोंहु जोवे कोडाआ मालुम का परमेश्वर तियाहा मोन फिरविला कोअता मोन आपही का ते पण सत्याहा ओलखीत लेही, 26अने याहा त्यापोरत तियाआ इच्छा पुरो कोइला कोअता सावधनि वाही शैतानाआ फांदासी सुटी जावा.
നിലവിൽ തിരഞ്ഞെടുത്തിരിക്കുന്നു:
2 तीमुथियुस 2: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.