2 कुरिन्थि 6
6
सेवकायीई अनुभव
1आमू जे परमेश्वरोओ मदत कोइलो होय ओ पण साम्जाविलो का तियाआ कृपा जी तुमापो उवी तियाहा व्यर्थ मा जांहु देवा. 2काहाके तो ताहा कोत्लू, “आपाआ खुश उविलाआ टायमोमें आयताआ होमलित लेधलो, अने तारणाच्या दिहोम आय ताहु मदत कोअयी” पाला, ओमे तो आनंदाआ वेल होय पाला, ओमे तो तराणाआ दीही होय.
पौलुसोओ कठिनाई
3आमू कोडनीबि गोठीमे ठोकर खाअलो संधी आपित नाहा म्हणजे आमा सेवेपो किबी दोष आवहू कायना. 4पोन हर एक गोठीमे परमेश्वरोओ सेवक आपाआ हाजा गुणांना उघड कोअत्लू, वोडो हिमतिवाही, वोडो संकटामें, दारिदद्योमेहे, दुखो मेहे, 5फटके खाइताहा, जेलूम ओतगोयलो, हुलडाणे, परिश्रमाने, जागतू रोयताहा, उपास कोलाकोता, 6पवित्रतेने, ज्ञानाने, धीरज सी, कृपाळू पनाने, पवित्र आत्मावांहि, 7खोरो प्रेमोवाही, सत्त्याआ वचनाने, परमेश्वरोओ सामर्थ्यावाही, धर्मिक्ताआ हत्याराने, जे हुदु-बांगडू आथोमेहे होय, 8आदरा कोईत, अपमान, अपकीर्तीने, सतकीर्तीने, जर फसिवणारे होमजुत्लू जेबी खोरो होय, 9न ओलखिनारा सारखो, तेबी पण प्रसिद्ध होय, मोअनारो सारखो होय अने पाला, जिवंत होय, माआदे खाअलाकोता होय पण जीवाआ माअये जात नाहा; 10शोक कोअनाऱ्या सारखो होय, पण हरेक टेमे आनंद कोअत्लू; गरीबाहोस सारखो होय, पण खूप जणांनाश्रीमंत कोईत आपोहो एहलो होय जेहलो आमाही किबी नाहा तेबी पण आखे किबी मेकोहो. 11ऐ, करिंथकरांनो, आमाहा मोकले डोआवाही तुमाआरी गोठी कोअल्यो होय, आमाहा मोनाहा तुमाही उघडा होय. 12तुमा कोअता आमा मोनुमे किबी शंका नाहा, पण तुमाआ माय शंका होय 13पोन आपाआ पोऱ्ये होमजीत तुमामे कोत्लू का तुमु पण तियाआ बोदलाम आपाआ मोनाहा उगाडीत दया.
आपु परमेश्वरोओ मंदिर होय
14तुमु विश्वास नि मेकनारा कोअता सबंध जोडीत विजोड ओवुहू नाहा काहाके नीतिमान अने अधर्म याआ माहुआरी भागीदारी केहली उवे? उजालो अने आंदारो यामेहे जोडीदार कोअला केहलो उवे? 15ऐहलेच ख्रिस्ताचे बलियाल केहलो एक उवे? तेहलूज अविश्वासी अने विश्वासी याहा केहलो जमेल? 16परमेश्वरोओ मंदिरोम मूर्तीशी की नातो? काहाके आमाहा स्वतः तियाअ जीवित परमेश्वरोओ मंदिर होय जेहलो परमेश्वराने कोयु होय, आय तीयाम वास्तव्य कोअनारू, सालनारू, फिरीही, आय तियाआ परमेश्वर उवे अने ते माआ मांहे उवे, 17त्याकोता तुमु तीयामरोत बारथे निहित जा त्यांचाकडून स्वतःहा अलग कोवूहू तुमु किबी स्पर्श कोहू नाहा जे अशुद्ध होये ताहा आय तुमामे ग्रहण कोअनारू, 18अने आय तुमाआ बाह्हू उवे, तुमु माआ पोऱ्ये अने पोयरयी उवे, सर्वशक्तिमान प्रभू जे कोयु होय.
നിലവിൽ തിരഞ്ഞെടുത്തിരിക്കുന്നു:
2 कुरिन्थि 6: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.