1 तीमुथियुस 6
6
मसीही दासोओ आचरण
1जेतेहे दास जुवालाआ निसे होय, ते आपाआ मालक्याआ हा वोड़ा आदराआ योग्य जाआ काहाके परमेश्वराआ नावाआ अने उपदेशाआ निंदा ने ओवे. 2ज्याआ मालक विश्वासणारे होय तियाहा ते पाही होमजीत तुच्छ मानु कायना पोन तियाआ फासी सेवा कोईली काहाके त्यांपोरोत फायदा कोअनारे विश्वासी अने प्रेम होय आव गोठीई हिकवन आपित रो अने होमजाडीत रो. 3जर कोडु दिहराआ प्रकाराआ हिकवन आपोहो अने खोरो गोठीकोता म्हणजे आमा प्रभू येशु ख्रिस्ताआ गोठी कोअता अने तियाअ हिकवोणीही मानीत नाहा जी भक्ती प्रमाणोओ होय, 4ताहा तो गर्व कोनारू ओतगोयु अने किबी तियाहा मालुम नाहा पोन तियाहा गोठी अने शब्दाम लोढाई कोअलाआ खोत होय ज्यापोरोत डाह, झगडा अने निंदाआ गोठी अने वाईट शंका, 5अने तिया मांहोम व्यर्थ झगडा निर्माण ओये जिया बुद्धी बिघडित गोयी होय अने ते सत्यापासून विहित ओत गोये होय जे होमजीतेहे भक्ती कामाविलो कोता दरवाजू होय. 6खोरोज ए परमेश्वरआ सेवा भक्ती मुळे माहुहू संपन्न ओतू तीयेज माहुहू खुस ओतू. 7काहाके आमू जगामे ओ किबी लेत आव्ये नाहा अने किबी लेत ने जाम नाहा. 8जर आमापो खाहुं अने पीईलो होय ताहा तीयामे समाधान कोअला जोवे. 9पोन जे धनवान उवूंहू ओवुहू पालल्ते ते एहली परीक्षा अने फासाम अने उपास व्यर्थ हानिकारक लालस मेहे फसीत जातेहे जी मांहाहा वाईट कोईत आपोहो अने नाशाच्या समुद्राम बुडालीत आपोहो. 10काहाके रुपयाह लोभ आखे एहलाम आगेच जानारो मुळ होय ज्याहा मीडवीहे प्रयत्न कोईत-कोईत हर एक माहू विश्वास देखऊ भटकून अनेक दुखो मेहे खुपित लेधलो होय.
हाजो अंगीकार
11पोन ऐ परमेश्वरोओ जण तू आव गोठीपो नाहा अने धर्म, भक्ती, विश्वास, प्रेम, धीरज, अने नम्रतेहा आथ को. 12विश्वासाआ हाजी कुस्ती विडाआ अने तियाअ सार्वकालिक जीवनाहा तोईत ले याकोअता ताहु हाद्यूहु गोल्यो अने खुपुच साक्षीदारा आगाडी हाजू कोईत तोअले गोल्यो ओतु. 13आय ताहु परमेश्वरोओ जो आखाहा जिवंत मेकोहो अने येशु ख्रिस्ताहा साक्षीदार मेकीत जीआ पुन्तियुस पिलातुस आगाडी हाजू ग्रहण कोअयु ए आज्ञा आपोहो 14का तू आमा प्रभू येशु ख्रिस्त प्रकट ओइता आव आज्ञाहा निष्कलंक अने निर्दोष मेका, 15जे तो योग्य टायमोमें देखाडनारू जो परम धन्य अने एकमात्र अधिपती अने राजांचा राजा अने प्रभूंचा प्रभू होय, 16अने अमरता तीयाआज होय अने तो अगम्य उजवोडाम रोतलू अने तियाहा कोडु मांहाहा पाल्लये नाये एने पालहू पोन शकत कायने तीहा सन्मान अने राज्य युगानुयुग रोही आमेन.
धनवानोहो निर्देश
17याआ जुगाआ धनवानांना आज्ञा आप का अभिमानी ओवुहू कायना अने चंचल धनावर आशा मुक्या कायना पण परमेश्वरोओ जो आमा हजाकोते आखे किबी भरभराटीने आपोहो. 18तिये हाजो कोईओलो अने हाजा कामोम धनवान बोनाळीलो अने दिहरा होस अने मदत कोअलाआ तत्पर रोय, 19आगाडी टाईमोकाजे एक हाजू पायु टाकिलो ज्यावाही खोरो जीवनाहा फेडीत लेही.
विश्वासोंओ रखवाली
20ऐ तीमुथियुस, यी धरोहरो रखवाली को अने ज्ञानाह ज्ञान कोअलो खोटो होय तियाआ अशुद्ध खराब गुठ्या सी अने विरोधाअ गोठीपो जुदो रो. 21केते आव ज्ञानाह स्वीकारीत विश्वास देखऊ भटकून गोये होय तुमापो कृपा ओवती रोय.
നിലവിൽ തിരഞ്ഞെടുത്തിരിക്കുന്നു:
1 तीमुथियुस 6: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.