1 थिस्लोनी 2
2
पौलुसोओ आचरण
1ऐ पाही, तुमु खुद बी जाआ ताहा का आमाआ तुमाआ ईही आविलो व्यर्थ ने गोयो, 2पोन तुमु स्वतः सम्जिल्यो सुरवातीती फिलिप्पी मेहे दुख सहन कोअला अने उपद्रव कोअत्लू तेहलाम बी परमेश्वराने आमाहा एहली हिमंत आप्यी का आमाहा परमेश्वरोओ सुवार्ता एहलो कठीण विरोध ओयताहा पण तुमामे कोयु. 3काहाके आमाआं हिकवन धर्माने नाहा किंवा अशुद्ध तेणे नाहा अने कपट पण नाहा, 4पोन जेहलो परमेश्वराने आमाहा योग्य ठेरवीत सुवार्ता आपलो होय आमू तेहलूज वर्णन कोअत्लू तीयाम मांहाहा नाहा पण परमेश्वरोओ जो आमा मनाहे होमजीत्लू तियाहा खुश कोईत रोतो. 5काहाके तुमामे मालुम होय का आमू कोयो चापलुसी च्या गोठी कोईत ओतू अने न लोभासनी नाटक कोईत ओतू तिया परमेश्वर साक्षीदार होय, 6अने जर आमू मसीहीई प्रेषित ओत तुमापो दबाव टाकुहू शकत ओतू अने तुमामे सन्मान नाहा ताहा दिहीराहा पण नाहा. 7पोन ज्या प्रमाणोओ याह्ही आपाआ पोऱ्यो पोऱ्याहा पालीत पोषणाआ कोअते तेहलूज आमू पोन तुमामेरोत स्नेह देखाड्यो होय 8अने तेहलूज आमाहा तुमाआ इच्छा कोईत ओते एवडोज नाहा ताहा परमेश्वरोओ सुवर्तेवर आपाआ जीव तुमामे आपुहू तीयार ओते त्यापोत ए तुमु आमाहा प्रिय ओतगोयु ओते. 9काहाके ऐ पाही, तुमु आमा परिश्रमाहा अने मेहनत कोनारू अने मेकात्ले आमाहा यकोअता रातदीही काम धन्धा कोईत तुमाआ माय परमेश्वरोओ सुवार्ता प्रचार कोअयी का तुमा मेहेरोत पण कोडापो ए दबाव आवहू कायना. 10तुमु स्वतःच साक्षीदार होय अने परमेश्वर पोन साक्षीदार होय का तुमु विश्वासामध्ये आमाहा वाजीलो केहलो पवित्र अने धोर्मी अने निर्दोष रोलया. 11तुमामे मालुम होय का जेहलो बाह्हू आपाआ पोर्यआरी वागीलो तेहलूज आमू पोन तुमा मेहेरोत प्रत्येकाहा शिक्षण आपोहो अने शांती आपोहो, समजाडत्लो 12का तुमाआ वागिलो परमेश्वरोओ योग्य होय जो तुमाआ आपाआ राज्याम अने गौरवात हादुहु होय.
थिसल्लुनिकियोओ मांहोओ रूपांतरण
13त्यापोत आमू पोन परमेश्वरोओ कायम धन्यवाद कोअत्लू का जाहा आमापोरोत परमेश्वरोओ वचन तुमापोओ पोचल्यो तेहलाम तुमु तियाहा मांहाआ नाहा पण परमेश्वरोओ होमजोत अने खरोज ओ ऐहलेच होय एहलो समझून स्वीकारीत लेधलो अने तो विश्वासामध्ये जो विश्वास मेकलू तो प्रभावशाली होय. 14त्यापोत तुमु ऐ पाही, परमेश्वरोओ तिया मंडळ्यासारखी वागणुक कोजे याहुदामेहे ख्रिस्त येशु माय होय काहाके तुमू पण आपाआ माहापो रोत तेह्लुज दुख मिलउत जेहलो तिये यहुदीया मेहे मिलउत ओतलो, 15जिये प्रभू येशुहू अने भविष्यवकत्याहा पण माईत टाक्ये अने आमाआ छळ कोअयु अने परमेश्वर त्याईही खुश नाहा अने ते आखे मांहाआ विरोध कोअता, 16अने ते अन्यजातिही तियाआ तारणाआ गोठी कोअलाआ आमाहा उभा राखिलो का आखे काआ आपाआ पापोओ क्षमा उवनारा रोनारु पण तियापो परमेश्वरोओ जाहके राग आविलो लाग्युहयु.
कलिसियाहा मिल्लोओ अभिलाषा
17ऐ पाही, जोवे आमू थोडो वेळो कोअता मोनामे नाहा पण उघड पोन अलग होय ओतू ताहा आमू वोडो इच्छावाहि तुमाआ सोब पालीला कोअता फासी जाखो प्रयत्न कोअयु. 18त्यापोत आमू (म्हणजे आय पौलाने) एकवा नाहा पण बेनवा तुमापोओ आविलो प्रयत्न कोअयु पोन शैतान आमाहा रुकित रोयलु. 19काहाके आमू आशा किंवा आनंद किंवा गौरवो मुकुट की होय? की आमू प्रभू येशु आगाडी तियाआ आविलाआ टायमोमें तुमु रोही नाहा? 20आमाआ गौरव अने आनंद तुमुज होय.
നിലവിൽ തിരഞ്ഞെടുത്തിരിക്കുന്നു:
1 थिस्लोनी 2: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.