1 कुरिन्थि 8
8
सोडावाआ खाणों
1ओमे मूर्ती आगाडी अर्पण वली वास्तु ई विश्वमेहे आमू जाअत्ले होय का आमू आखाआ ज्ञान होय अने ज्ञान घमंड तीयार कोत्लू होय पोन प्रेमोमेहे उन्नति ओवत्ली होय. 2जर कोडाआ लागेहे का माहु कितेबी मालुम होय जर जेहलो मालुम जोवे जेहलो अमेजाआ तियाहा मालुम नाहा. 3जर कोडु परमेश्वरोओ प्रेम कोअत्लू ताहा परमेश्वर तियाहा ओलखीत्लू. 4कोईत मूर्ती आगाडी बली सोडावली वस्तूआ विषयामे आमाहा मालुम होय का मूर्ती जगुमे किबी वस्तु नाहा अने एकाहा सोडीत दिहरु कोडु परमेश्वर नाहा. 5जर जुगोम अने धोरतीपो केते परमेश्वर कोयु जातला जेहलो जास्तीज ईश्वर अने जास्तीज प्रभू होय 6तेबी आमा कोअता एकुच परमेश्वर होय म्हणजे बाह्हू याहीरोते आखे वस्तु होय, अने आमाहा त्यांकोअता होय अने एकुच प्रभू होय, म्हणजे येशु ख्रिस्त ज्यावाही आखे वस्तु ओवल्यु, अने आमाहा पण त्याज त्यापोरत होय. 7पोन आखाहा ओ ज्ञान नाहा, पण कितेबी ओमेजा मूर्तींना किबी संमजाडलो काजे मूर्ती आगाडी बली सामानोअ कितेबी होमजीत खायलो रोतेहे अने तियाआ बुद्धी कोम होयकोत अशुद्ध ओत जाहो. 8रोटू आपाहा परमेश्वरोओ जागे घेऊन जात नाहा अने जर आमाहा खाले नाहा तेबी किबी नुकसान उवनारा नाहा अने जर खाले ताहा किबी फायदा उवनारा नाहा. 9पोन सावधान एहलो उवूंहू नाहा का तुमा आगाडी ए स्वतंत्रता का निर्बलांसाठी ठोकर काहाके ओतगोयु. 10काहाके जर कोडु ताहु मूर्तीच्या मंदिरोम रोटू कोअत्लू तेहलाम पालनारू अने तो निर्बल जण होय, ताहा की तियाआ बुद्धी बुद्धीला मूर्ती आगाडी चढवओल्य वस्तु खाअला हीमत ओत जानारू नाहा? 11याकोईत ताआ बुध्दीपरत निर्बल पायहोहो तीयाकोता ख्रिस्त मोल्यु, नाश ओतगोयु जानारू. 12याकोईत पाहीही विरोधाम अपराध कोलाकोता अने तियाआ निर्बल बुद्धीला पेलरोत ठोकोर खावाडुहु, तुमु ख्रिस्ताच्या विरोधाम अपराध कोअता. 13एहलो प्रकारे जर ओन माआ पायहोहो ठोकर खावाड़े, ताहा आय केधीज कोडनीबि प्रकारोओ माहा खाही नाहा अने एहलो उवूंहू नाहा का आय आपाआ पाहि कोअता ठोकरो कारण काहा बोनो.
നിലവിൽ തിരഞ്ഞെടുത്തിരിക്കുന്നു:
1 कुरिन्थि 8: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.