1 कुरिन्थि 5
5
कलीसिया मेहे अनेय्तिक सदस्य
1इही जाआ होमलुहू आव्यो का तुमु मेहे व्यभिचार बी ओवे ओ एहलो व्यभिचारी जो अन्यजाति मेहे बी ने ओतु होय का एक माइहु आपाआ बाह्हाआ लाडीही राखतु होय. 2अने तुमु दुख ताहा कोईत नाहा याहीरोते एहलो काम कोअनारू तुमा मेहेरोत लाडयु ओतलू पोन तुमु गर्व कोअता. 3आयताहा डीलोओ भाव सी सेटे ओतू पण आत्माआ च्या भाव सी जणू नाहाकोत तुमाआरी रोत उपस्थितांच्या अवस्थाम एहलो काम कोईलाकोता ए आज्ञा आप्यी होय. 4का जाहा तुमु अने माआ आत्माआ आमा प्रभू येशुउ सामर्थ्याआ आरी एकठे उवेताहा एहेलू मांहु आमू प्रभू येशुउ नावामेहे, 5डीलोओ नाशिलो शैतानोहो होफहोपिन आपलो म्हणजे तियाआ आत्माआ प्रभू येशु दिहोमे तारण मिलवीही. 6तुमाआ गर्व कोअला हाजो नाहा; नाहाकोत तुमामे मालुम नाहा का थोडूज खमीर पुरो मळवाओल्ये लोट खमीर कोईत आपोहो. 7जुनो खमीर काढीत स्वतःहा शुद्ध को म्हणजे नवो कुहनिलेल्यो ओतगोयु जानारू म्हणजे तुमु बेखमीर होय काहाके आमाआ पण वल्हाडनाचा यज्ञ जनावरे जो ख्रिस्त होय बलिदान ओवयू होय. 8त्याकोता आव तीवारोमे आपु आनंद कोहू नहाते जुनो खमिराने अने चुकीबी पोन अने दुष्टाच्या खमिराने पोन नाहा पोन ऐहल्लोज अने सत्याआ अखमिरेने.
अनेय्तिकता कोअता न्याय
9आय आपाआ पत्रामेह तुमामे लेखिलो होय का व्याभिचार कोओनारारी संगति मा कोअहा. 10ओ नाहा का तुमु बिलकुल आव जुगाआ पाप कोअनारू, लोभ कोअनारे, वित्तहरण कोअनारे, मूर्ती पुजारो होबती तोहुं नाहा काहाके आव अवस्थाम ताहा तुमामे जगोमरोत निहीतगोयो जालो लागे. 11पोन माआ कोईओलो ओ होय का जर कोडु ख्रीस्तात पाही कोअही अने पापकोनारू किंवा लोभी किंवा मूर्ती पूजा किंवा वित्त हरिन कोअनारू किंवा गाई आपणारो किंवा पिनारू होय ताहा तियाआ होबती तोहुं नाहा पण एहलो मांहाआरी रोटू सुद्धा खाहा मा. 12काहाके माहु दिहरे जातीई माहुहु न्याय कोईओलो की काम? की तुमु विसमे होय तियाआ न्याय कोईत नाहा? 13पोन दिहरे माहुहु न्याय परमेश्वर कोअत्लू त्यापोत तियाअ पाप कोआनाराहा आपामेहे काढीत टाका.
നിലവിൽ തിരഞ്ഞെടുത്തിരിക്കുന്നു:
1 कुरिन्थि 5: NOINT
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.