Zefanya 3
3
1Azile gô nkala y’ipava na yi re fweva pa, gô nkala yi re ralye na mongi wi bangatya! 2Yi pa pôganyô inyôy edu, yi pa bong’ôrevuṉô, yi pa bekelye Yeôva, yi pa susa pyèrè n’Anyambyè yè. 3Ivangiṉi ya yô yi re gô gare ya yô yi re ga iliyoni si kungula; iyèkèli ya yô yi re ga vengambwa yi nkôlô yi pa penjavenj’ezom̃a gô ny’ibanga. 4Ivogisi ya yô yi re nfevi n’impavè; imiṉisè sa yô si fwevize yom̃a y’ôrunda, si pav’ivanga.
5Yeôva ar’ôgôre gô gare ya yô, e pa denda du ifwem̃a; e bag’ijèkèlyi sè g’ôzange ibangy’edu, e pa jasa du; ndô ôm’ombe e pa mye ntyoṉi. 6My’are jiliza p’aṉongo; imbôri saô indôndwi s’ajilizyô; my’are bundakaṉa p’agali maô, ko avyagaṉ’ôma! inkali saô s’ajilizyô, e zele nyèṉè aṉaga, e zele nyèṉè alwaṉi! 7My’awulyagi nè: Arwe nè w’aṽeli gô tya myè awong’ôrevuṉô, gavoṉo ilwanô nyo nyi ze tô jilizô, gavoṉo igôm̃a yôdu yi re myè terya pa yi re tô bye; ndô w’aṉegizi gô fweviz’ijanji saô sôdu. 8Sambô vengiṉaṉi myè, bulye Yeôva, gô ntyugu yi be kum̃aṉa myè gw’im̃aṉô, konde my’are kenja pa gô datiz’aṉongo, gô datiz’ipangiṉa, gô jir’eguṉu zam̃ gôre waô, eguṉu zam̃ evôlô zôdu; konde ntye yôdu yi be jilizyô n’ôgôṉi w’ivuvi nyè.
9Gambèṉè mi be pa gôr’aṉongo nkambiṉi mbya, ko waôdu dagiṉ’ina nyi Yeôva, gô janjiṉè n’ôrèm̃’ôm̃ô. 10Avila gô nkôṽa mori y’itèmbo s’Etyop waô wi saviṉa myè, waô wi re pazangaṉô pa, wi be baga gôre myè mpagaga. 11Gô ntyugu mèyoṉo, ô ze tô dwaṉa n’isolo gô jeṉe ntyoṉi g’ômwanja w’ijanji so si re wè pava pa myè; konde vovo mi be tômba avila gôre wè waô w’ayeṉagi mbya n’ekale, ko w’arô dèng’ekale nyèṉè gô nômbi yam̃ y’ôrunda. 12Mi be tiga gô gare yo iṉongo nyi be dwaṉ’ikuge n’elèngèlè, nyi be dèng’izombuṉô gw’ina nyi Yeôva. 13Mbèy y’atigaṉa y’Israèl yi ze janj’ibe, ge kamb’inôka, ge dèngô n’ôṉèm̃è w’itemiza gw’agwaṉi maô; ndô yi be nya, yi be jowa, n’ôma fo gô tyeza waô.
14Rônga ni mbya, ômwaṉ’ômwantô wi Siyôn! rônga n’igeṽa, Israèl! yeṉe mbya ko jeṉ’igeṽa n’ôrèm̃a wôdu, ômwaṉ’ômwantô wi Yerusalèm! 15Yeôva are tômba p’ijèkèlyi sè sôdu, are fala p’ôlôvalôvi wo; ôga w’Israèl, Yeôva, are gô garegare yo; ô ze jeṉ’ibe nyèṉè. 16Gô ntyugu mèyoṉo, e be bulyô gôre Yerusalèm inè: Arya! Siyôn, arig’ago mo gô dèla! 17Yeôva, Anyambyè yo are gô garegare yo, ga eṽèmba zi sungiṉa; e be jeṉ’igeṽa g’ômwanji wo; e be jowa gw’itondi sè; e be jeṉe mbya g’ômwanji wo n’ijembô. 18Mi be datiza waô wi re n’ekèṽa, bô avila gw’ilataṉô y’ôrunda, waô wi pila gôre wè; ntyoṉi yi re gôre waô. 19Vôna, gw’egômbe mèzoṉo, mi be sira waôdu wi bangatyo; mi be danduṉe bôke, ko mi bonga waô w’azugyô, mi be panga waô ndaga y’ivenda na y’isum̃inya gw’intye sôdu si re waô jeṉizô pe ntyoṉi. 20Gw’egômbe mèzoṉo, mi be tô baga ṉwè; gw’egômbe mèzoṉo, mi be datiza ṉwè; konde mi be panga ṉwè ndaga y’ivenda na y’isum̃inya gô garegare y’aṉongo môdu mi ntye, gô be fwiṉiza myè ikôte yaṉi gw’antyo maṉi, bulye Yeôva.
നിലവിൽ തിരഞ്ഞെടുത്തിരിക്കുന്നു:
Zefanya 3: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Zefanya 3
3
1Azile gô nkala y’ipava na yi re fweva pa, gô nkala yi re ralye na mongi wi bangatya! 2Yi pa pôganyô inyôy edu, yi pa bong’ôrevuṉô, yi pa bekelye Yeôva, yi pa susa pyèrè n’Anyambyè yè. 3Ivangiṉi ya yô yi re gô gare ya yô yi re ga iliyoni si kungula; iyèkèli ya yô yi re ga vengambwa yi nkôlô yi pa penjavenj’ezom̃a gô ny’ibanga. 4Ivogisi ya yô yi re nfevi n’impavè; imiṉisè sa yô si fwevize yom̃a y’ôrunda, si pav’ivanga.
5Yeôva ar’ôgôre gô gare ya yô, e pa denda du ifwem̃a; e bag’ijèkèlyi sè g’ôzange ibangy’edu, e pa jasa du; ndô ôm’ombe e pa mye ntyoṉi. 6My’are jiliza p’aṉongo; imbôri saô indôndwi s’ajilizyô; my’are bundakaṉa p’agali maô, ko avyagaṉ’ôma! inkali saô s’ajilizyô, e zele nyèṉè aṉaga, e zele nyèṉè alwaṉi! 7My’awulyagi nè: Arwe nè w’aṽeli gô tya myè awong’ôrevuṉô, gavoṉo ilwanô nyo nyi ze tô jilizô, gavoṉo igôm̃a yôdu yi re myè terya pa yi re tô bye; ndô w’aṉegizi gô fweviz’ijanji saô sôdu. 8Sambô vengiṉaṉi myè, bulye Yeôva, gô ntyugu yi be kum̃aṉa myè gw’im̃aṉô, konde my’are kenja pa gô datiz’aṉongo, gô datiz’ipangiṉa, gô jir’eguṉu zam̃ gôre waô, eguṉu zam̃ evôlô zôdu; konde ntye yôdu yi be jilizyô n’ôgôṉi w’ivuvi nyè.
9Gambèṉè mi be pa gôr’aṉongo nkambiṉi mbya, ko waôdu dagiṉ’ina nyi Yeôva, gô janjiṉè n’ôrèm̃’ôm̃ô. 10Avila gô nkôṽa mori y’itèmbo s’Etyop waô wi saviṉa myè, waô wi re pazangaṉô pa, wi be baga gôre myè mpagaga. 11Gô ntyugu mèyoṉo, ô ze tô dwaṉa n’isolo gô jeṉe ntyoṉi g’ômwanja w’ijanji so si re wè pava pa myè; konde vovo mi be tômba avila gôre wè waô w’ayeṉagi mbya n’ekale, ko w’arô dèng’ekale nyèṉè gô nômbi yam̃ y’ôrunda. 12Mi be tiga gô gare yo iṉongo nyi be dwaṉ’ikuge n’elèngèlè, nyi be dèng’izombuṉô gw’ina nyi Yeôva. 13Mbèy y’atigaṉa y’Israèl yi ze janj’ibe, ge kamb’inôka, ge dèngô n’ôṉèm̃è w’itemiza gw’agwaṉi maô; ndô yi be nya, yi be jowa, n’ôma fo gô tyeza waô.
14Rônga ni mbya, ômwaṉ’ômwantô wi Siyôn! rônga n’igeṽa, Israèl! yeṉe mbya ko jeṉ’igeṽa n’ôrèm̃a wôdu, ômwaṉ’ômwantô wi Yerusalèm! 15Yeôva are tômba p’ijèkèlyi sè sôdu, are fala p’ôlôvalôvi wo; ôga w’Israèl, Yeôva, are gô garegare yo; ô ze jeṉ’ibe nyèṉè. 16Gô ntyugu mèyoṉo, e be bulyô gôre Yerusalèm inè: Arya! Siyôn, arig’ago mo gô dèla! 17Yeôva, Anyambyè yo are gô garegare yo, ga eṽèmba zi sungiṉa; e be jeṉ’igeṽa g’ômwanji wo; e be jowa gw’itondi sè; e be jeṉe mbya g’ômwanji wo n’ijembô. 18Mi be datiza waô wi re n’ekèṽa, bô avila gw’ilataṉô y’ôrunda, waô wi pila gôre wè; ntyoṉi yi re gôre waô. 19Vôna, gw’egômbe mèzoṉo, mi be sira waôdu wi bangatyo; mi be danduṉe bôke, ko mi bonga waô w’azugyô, mi be panga waô ndaga y’ivenda na y’isum̃inya gw’intye sôdu si re waô jeṉizô pe ntyoṉi. 20Gw’egômbe mèzoṉo, mi be tô baga ṉwè; gw’egômbe mèzoṉo, mi be datiza ṉwè; konde mi be panga ṉwè ndaga y’ivenda na y’isum̃inya gô garegare y’aṉongo môdu mi ntye, gô be fwiṉiza myè ikôte yaṉi gw’antyo maṉi, bulye Yeôva.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.