Zakarya 6
6
1N’arô tômbiṉi myè antyo avôna, na vôna, ntyôṉe nay s’agogwagi avila gô nômba mbaṉi; n’inômba s’avegagi si nyènyè. 2Gô ntyôṉe nônga y’avegagi n’ikavala sa teṉateṉa, na gô ntyôṉe yi mbaṉi ikavala sa vyovyo, 3na gô ntyôṉe yi ntyarô ikavala sa pupu, na gô ntyôṉe yi nay ikavala si re n’abôke, na sa teṉateṉa. 4N’agambi myè awulinye yenjèl y’agambagi na myè: Ande, reri yam̃? 5Awiṉizi yenjèl inè: Yiṉo impung’inay y’ôrôṽa yi kogwa avila gô mbôra y’alwaṉagi yô g’ôzô wa Rerè yi ntye yôdu. 6Ikavala sa vyovyo si re vovo si kènda gô ntye yi Nor, na sa pupu si sônga sô; ndô soṉo si re n’abôke si kènda gô ntye yi Sud. 7N’agogwi sa teṉateṉa gô bele kènda gô kangaṉa mbôry’edu gô ntye. N’awulinyô sô ne yenjèl inè: Gèndagaṉi, ko kangaṉaṉi gô ntye! N’agangaṉagi sô mbôry’edu gô ntye. 8N’aweyi yè myè, awulinya myè inè: Yeṉa, siṉo si kènda gô ntye yi Nor si bagiz’eguṉu zam̃ gô ntye yi Nor.
9Igamba nyi Yeôva ny’aṽyeṉi gôre myè, awulya inè:
10Ô be pô mpagaga y’ikôte, Elday, Tôbiya ni Yedaeja, ko wè kènda awèmè ntyugu mèyoṉo gô nagô yi Yôzyas, y’ômwaṉa wi Sefanya, yi re waô kènda pa egômbe z’aṽyeṉi waô avila gô Babèl. 11Ko bonge sika ya pupu na ya teṉateṉa, avang’ikôrôṽa, kowè fwela sô gw’ewônjô zi Yôsua, y’ômwaṉa wi Yôzadak, yi miṉisè mpôlô. 12Ko bulinyè inè: Yeṉo kambe Yeôva y’imbèli inè: Vôna, ôma wi re n’ina inè, ivari, nyi be pôm̃a gô mbôra ya yô, ko yè nôge nagô y’Anyambyè yi Yeôva; 13e be bor’inkèmbo s’ivenda; e be dwaṉa baru avangiṉa gw’eki zè, e be twa miṉisè gw’eki zè, n’erungu z’am̃ènjè zi be dwaṉa ntyo waô aṽaṉi. 14Ikôrôṽa si be dwaṉa gôr’Elèm, Tôbija ni Yedaeja, na gôre Èn, y’ômwaṉa wi Zefanya, ijônginya gô nagô y’Anyambyè yi Yeôva. 15Waô wi dwaṉa bô wi be bya ko waô janja gô nôge nagô y’Anyambyè yi Yeôva, n’aṉwè be mya inè, Yeôva y’imbèli are tôm̃a pa myè gôre ṉwè. Isam̃u yiṉo yi be twa, j’aṉw’apôganyô inyôy nyi Yeôva, Anyambyè yaṉi.
നിലവിൽ തിരഞ്ഞെടുത്തിരിക്കുന്നു:
Zakarya 6: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Zakarya 6
6
1N’arô tômbiṉi myè antyo avôna, na vôna, ntyôṉe nay s’agogwagi avila gô nômba mbaṉi; n’inômba s’avegagi si nyènyè. 2Gô ntyôṉe nônga y’avegagi n’ikavala sa teṉateṉa, na gô ntyôṉe yi mbaṉi ikavala sa vyovyo, 3na gô ntyôṉe yi ntyarô ikavala sa pupu, na gô ntyôṉe yi nay ikavala si re n’abôke, na sa teṉateṉa. 4N’agambi myè awulinye yenjèl y’agambagi na myè: Ande, reri yam̃? 5Awiṉizi yenjèl inè: Yiṉo impung’inay y’ôrôṽa yi kogwa avila gô mbôra y’alwaṉagi yô g’ôzô wa Rerè yi ntye yôdu. 6Ikavala sa vyovyo si re vovo si kènda gô ntye yi Nor, na sa pupu si sônga sô; ndô soṉo si re n’abôke si kènda gô ntye yi Sud. 7N’agogwi sa teṉateṉa gô bele kènda gô kangaṉa mbôry’edu gô ntye. N’awulinyô sô ne yenjèl inè: Gèndagaṉi, ko kangaṉaṉi gô ntye! N’agangaṉagi sô mbôry’edu gô ntye. 8N’aweyi yè myè, awulinya myè inè: Yeṉa, siṉo si kènda gô ntye yi Nor si bagiz’eguṉu zam̃ gô ntye yi Nor.
9Igamba nyi Yeôva ny’aṽyeṉi gôre myè, awulya inè:
10Ô be pô mpagaga y’ikôte, Elday, Tôbiya ni Yedaeja, ko wè kènda awèmè ntyugu mèyoṉo gô nagô yi Yôzyas, y’ômwaṉa wi Sefanya, yi re waô kènda pa egômbe z’aṽyeṉi waô avila gô Babèl. 11Ko bonge sika ya pupu na ya teṉateṉa, avang’ikôrôṽa, kowè fwela sô gw’ewônjô zi Yôsua, y’ômwaṉa wi Yôzadak, yi miṉisè mpôlô. 12Ko bulinyè inè: Yeṉo kambe Yeôva y’imbèli inè: Vôna, ôma wi re n’ina inè, ivari, nyi be pôm̃a gô mbôra ya yô, ko yè nôge nagô y’Anyambyè yi Yeôva; 13e be bor’inkèmbo s’ivenda; e be dwaṉa baru avangiṉa gw’eki zè, e be twa miṉisè gw’eki zè, n’erungu z’am̃ènjè zi be dwaṉa ntyo waô aṽaṉi. 14Ikôrôṽa si be dwaṉa gôr’Elèm, Tôbija ni Yedaeja, na gôre Èn, y’ômwaṉa wi Zefanya, ijônginya gô nagô y’Anyambyè yi Yeôva. 15Waô wi dwaṉa bô wi be bya ko waô janja gô nôge nagô y’Anyambyè yi Yeôva, n’aṉwè be mya inè, Yeôva y’imbèli are tôm̃a pa myè gôre ṉwè. Isam̃u yiṉo yi be twa, j’aṉw’apôganyô inyôy nyi Yeôva, Anyambyè yaṉi.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.