Zakarya 13
13
1Gô ntyugu mèyoṉo ôgèy wi be kogwa gôre nagô yi David na gôr’alwaṉi wi Yerusalèm, gw’ibe na gw’isèkè. 2Gô ntyugu mèyoṉo, bulye Yeôva y’imbèli, mi be teṉ’ana m’ikaṉa avila gô ntye, ko ijônginya s’arô dwaṉe nyèṉè; mi be tômba kè ivogisi n’iṉiṉa ny’isèkè avila gô ntye. 3J’ôma e pe poga, gambèṉè reri yè ni ngi yè w’ayaṉi yè wi be bulinyè inè: W’alwaṉe bo, konde ô buly’inôka gw’ina nyi Yeôva! ni reri yè ni ngi yè w’ayaṉi yè wi be tumè pokoso j’apoga. 4Gô ntyugu mèyoṉo, ivogisi yi be jeṉe ntyoṉi ôm’edu n’ijeṉi sè gô be poga waô, ko w’awore du ngoy y’imya gô temiza. 5Ôm’edu e be bulya inè: Myè arang’ôvogisi, my’ômbilô wi ntye, my’aṉivyô avila gw’erumbè zam̃. 6Na ja e bambyô inè: Ṽôra yiṉo yi re gw’ago mo ande? gambèṉè e be fwiṉiza inè: Yiṉo y’abonjô myè gô nagô y’indegô sam̃.
7Ṉongwa, ôkwara w’iwora, gôr’ôvenjavenji wam̃ na gôr’ôma wi r’ôrangaṉô wam̃! bulye Yeôva y’imbèli. Wôl’ôvenjavenji, gambèṉ’adombè mi be pazangaṉa! gambèṉè mi be tô bag’ôgo wam̃ gôr’alèli. 8Gô ntye yôdu, bulye Yeôva, mbèy mbaṉi gô mô mi be teṉô, ayuwa, ndô yi ntyarô yi be tigaṉa. 9Mi be fwele mbèy yiṉo ntyarô g’ôgôṉi, ko mi mèpiza yô ga nte mèpizô sika ya pupu, ko mi kèṉiza yô ga nte kèṉizô sika ya teṉateṉa. E be fwey’ini nyam̃, ko mi pôganyô yè; mi be bulya inè: Nyiṉo iṉongo nyam̃! ko nyô bulya inè: Yeôva ne Anyambyè yam̃!
നിലവിൽ തിരഞ്ഞെടുത്തിരിക്കുന്നു:
Zakarya 13: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.