Naum̃u 3
3
1Azile gô nkala yi ntyiṉa, ralye n’inôka, ralye ni mbaô, yi re kaô nkwèrag’im̃aṉô! ... 2E jogaṉô nyongolè y’ôziwô, ni nyongolè y’intyôṉe, n’ikènda s’ikavala, n’èguruguru w’intyôṉe. 3Mongi wi panda gw’ikavala wi dôgwa, ôkwara ôyombwi, n’igonga nya kèlakèla ... nkondo y’intum̃e! ... ni bende yenge! ... ni bende yi zele ni ntyay! ... aṉaga wi pôswa gô bende! ... 4Yi re g’ômwanja w’ibuṉa s’ôṽelaṉô w’evôvevôve, ralye n’itonda, ôganga w’imbwiri, w’akôlagi aṉongo n’ibelô sè n’aṉaga n’ipogi sè. 5Vôna, mi siro, bulye Yeôva y’imbèli, mi be bôm̃uny’ingoy so kwanga g’ôzô wo, mi be tum̃iny’ôtele wo gôr’aṉongo, ni ntyoṉi yo gw’ipangiṉa. 6Mi be fala gôre wè isèkè, mi be fwevizo, ko mi pango ezom̃a zi sèlyô. 7Waôdu wi be jeṉo wi be fanga bô avila gôre wè, awulya inè: Ninive ayilizô! Mande be deṉa yô? mi be buta mongi wi sindyo na gweṉi?
8Ô r’ômbya vyagaṉô ni Nô‐Amon, y’avegagi dwaṉa pa tu gw’itèmbo, kômbiṉô pa n’aṉingô, kômbiṉô pa ni ntyuṽa egolaṉi g’ôgômba ni ntyuṽa avegagi ôgômbi wè w’adô? 9Etyop na mongi Egipt w’avegagi ngulu yè mpôlô, Put na mongi Libya w’avegag’iṉunguṉi yè. 10Ndô vanga ṉoṉo akèndi gô tôra, akèndizy’ôkôte; awaṉi wè w’anyigyanyigyô gw’am̃èrakaṉô m’agala môdu; w’avung’ezôga gôr’aṉagi wè w’ôlubô, n’aṉagi wè avôlô waôdu w’aragyô n’azungakaṉô. 11Awè kè, ô be dwaṉ’eyonga, ô be sombuṉa; awè kè, ô be but’izombuṉô g’ômwanja w’ôlôvalôvi.
12Inagô so injoli sôdu si re rere y’ifigi n’ilônd’ilônga; gô sugyazugyô yô, yi pôswa g’ôgwaṉa w’ôma wi bele nya yô. 13Vôna, iṉongo nyo, nyi re ga antô gô garegare yo; aguge mi ntye yo m’aṉungwi zange gôr’ilôvalôvi yo; ôgôṉi wi pez’izape yo. 14Ver’aṉingô gôre mongi wi re kômbiṉa pa! zong’inagô so injoli! gènda gw’iwôṉô, aṽindya nyô! rô pange mbôra yi pikô ibiriki! 15Vovo ôgôṉi wi be pezo, ôkwara wi be jilizo, wi be nyo ga isakampazô. Wuṉiz’ôkuṽi wo ga isakampazô! wuṉiz’ôkuṽi wo ga isakampazô! 16Mongi yo wi kôla, awenge vyagaṉô n’igègèṉi y’ôrôṽa, wi re ga ôsakampazô wi sambuṉ’ampava alôgwa. 17Ivangiṉi yo yi re ga ôsakampazô, gogi yo yi re ga nkondo y’isakampazô, yi batam̃iṉa gw’ikômba s’arèndè gw’egômbe z’ifwe: je nkômbe y’atongwa, gambèṉè yi dôgwa, ko y’amyô nyèṉè mbôra y’avegagi yô. 18Ôga w’Asur, imiṉisè so si mèga, ṽèmbi yo yi jowa; iṉongo nyo ny’apazangaṉi gw’inômba, e zel’ôma wi datiza waô. 19E zele ñangô gw’evôri zo, evôri zo zi kèndya gw’ijuwa. Waôdu wi be jogo g’ômwanji wo wi be bôl’agoṽi gôre wè, konde mande ar’ibe so si pa data yè?
നിലവിൽ തിരഞ്ഞെടുത്തിരിക്കുന്നു:
Naum̃u 3: MYE
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.
Naum̃u 3
3
1Azile gô nkala yi ntyiṉa, ralye n’inôka, ralye ni mbaô, yi re kaô nkwèrag’im̃aṉô! ... 2E jogaṉô nyongolè y’ôziwô, ni nyongolè y’intyôṉe, n’ikènda s’ikavala, n’èguruguru w’intyôṉe. 3Mongi wi panda gw’ikavala wi dôgwa, ôkwara ôyombwi, n’igonga nya kèlakèla ... nkondo y’intum̃e! ... ni bende yenge! ... ni bende yi zele ni ntyay! ... aṉaga wi pôswa gô bende! ... 4Yi re g’ômwanja w’ibuṉa s’ôṽelaṉô w’evôvevôve, ralye n’itonda, ôganga w’imbwiri, w’akôlagi aṉongo n’ibelô sè n’aṉaga n’ipogi sè. 5Vôna, mi siro, bulye Yeôva y’imbèli, mi be bôm̃uny’ingoy so kwanga g’ôzô wo, mi be tum̃iny’ôtele wo gôr’aṉongo, ni ntyoṉi yo gw’ipangiṉa. 6Mi be fala gôre wè isèkè, mi be fwevizo, ko mi pango ezom̃a zi sèlyô. 7Waôdu wi be jeṉo wi be fanga bô avila gôre wè, awulya inè: Ninive ayilizô! Mande be deṉa yô? mi be buta mongi wi sindyo na gweṉi?
8Ô r’ômbya vyagaṉô ni Nô‐Amon, y’avegagi dwaṉa pa tu gw’itèmbo, kômbiṉô pa n’aṉingô, kômbiṉô pa ni ntyuṽa egolaṉi g’ôgômba ni ntyuṽa avegagi ôgômbi wè w’adô? 9Etyop na mongi Egipt w’avegagi ngulu yè mpôlô, Put na mongi Libya w’avegag’iṉunguṉi yè. 10Ndô vanga ṉoṉo akèndi gô tôra, akèndizy’ôkôte; awaṉi wè w’anyigyanyigyô gw’am̃èrakaṉô m’agala môdu; w’avung’ezôga gôr’aṉagi wè w’ôlubô, n’aṉagi wè avôlô waôdu w’aragyô n’azungakaṉô. 11Awè kè, ô be dwaṉ’eyonga, ô be sombuṉa; awè kè, ô be but’izombuṉô g’ômwanja w’ôlôvalôvi.
12Inagô so injoli sôdu si re rere y’ifigi n’ilônd’ilônga; gô sugyazugyô yô, yi pôswa g’ôgwaṉa w’ôma wi bele nya yô. 13Vôna, iṉongo nyo, nyi re ga antô gô garegare yo; aguge mi ntye yo m’aṉungwi zange gôr’ilôvalôvi yo; ôgôṉi wi pez’izape yo. 14Ver’aṉingô gôre mongi wi re kômbiṉa pa! zong’inagô so injoli! gènda gw’iwôṉô, aṽindya nyô! rô pange mbôra yi pikô ibiriki! 15Vovo ôgôṉi wi be pezo, ôkwara wi be jilizo, wi be nyo ga isakampazô. Wuṉiz’ôkuṽi wo ga isakampazô! wuṉiz’ôkuṽi wo ga isakampazô! 16Mongi yo wi kôla, awenge vyagaṉô n’igègèṉi y’ôrôṽa, wi re ga ôsakampazô wi sambuṉ’ampava alôgwa. 17Ivangiṉi yo yi re ga ôsakampazô, gogi yo yi re ga nkondo y’isakampazô, yi batam̃iṉa gw’ikômba s’arèndè gw’egômbe z’ifwe: je nkômbe y’atongwa, gambèṉè yi dôgwa, ko y’amyô nyèṉè mbôra y’avegagi yô. 18Ôga w’Asur, imiṉisè so si mèga, ṽèmbi yo yi jowa; iṉongo nyo ny’apazangaṉi gw’inômba, e zel’ôma wi datiza waô. 19E zele ñangô gw’evôri zo, evôri zo zi kèndya gw’ijuwa. Waôdu wi be jogo g’ômwanji wo wi be bôl’agoṽi gôre wè, konde mande ar’ibe so si pa data yè?
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
Published by the British and Foreign Bible Society in 1927.